Paper & Coffee

营业中

休息中

Perfect coffee & food in CUHK☕️💛Paper and Coffee 確係中大人嘅小確幸雖然我唔係咖啡精，但係黎親都會飲返杯🥰今次飲Piccolo ☕️個人最喜歡炸雞同台式蛋餅～超級脆口and juicy ，炸粉唔會好厚，啖啖肉～加埋獨有醬汁真係一流，最鍾意食蜜糖芥茉👍🏻今次Tea Time試埋件cheese cake~ 好滿足的下午🥰不過由於長期都好受歡迎，真係要預啲時間等位同埋等食物啊🤭

話明大學食府，一定令人聯想到平呀、頹飯呀、螢光汁呀、求其有肉有菜有飯溝埋上等等呢啲睇完都唔想食嘅劣評。之但係，凡事唔係絕對嘅！呢間餐廳走小清新cafe路線，食正好多文青胃口，午餐時段經常排晒長龍，你就知佢咩料啦！但本人今次只係光顧佢嘅下午茶，因為人少！佢嘅下午茶無set menu, 食物同飲品要分開嗌。小食款式唔算好多，而我就order左呢到最出名嘅炸雞。炸雞係即叫即炸，所以好易焫親咀，但炸嘢夠脆就係皇道！雞肉唔算好juicy但亦唔乾，肉質仲幾滑添，配埋蜜糖芥末醬（另有黑醋及千島醬揀），好味😋。份量黎講，以下午茶黎講唔算少，整體食物質素唔錯。

放假黎到中大行吓～ 而家嘅中大有唔少新餐廳，幾乎想食咩菜式都有～😍 呢間日系無印風餐廳環境唔錯，木系嘅佈置感覺好舒服，亦有幾個tatami座位～ 午餐嘅選擇係蔬菜飯+自由選配菜～ 今次食咗 咖哩+溫泉蛋+吉列蝦 蔬菜飯～ 蔬菜同飯嘅proportion 係半半🥦🥕🥬🍆，感覺好健康🤩 吉列蝦大大隻、炸得很鬆脆！🍤跟餐加咗杯flat white☕️，拉花唔求其仲幾靚添！🥰不過價錢喺學校飯堂黎講比較高、呢個價錢可以喺隔離cc can食到幾個頹飯呢😝

今日終於試到係中大好受歡迎既Paper & coffee cafe啦。 Paper cafe 係行無印風格既，最出名既係炸雞而唔係咖啡，不過其實佢d咖啡都ok既！今次中午時間去，撞正左好多人考完試去食飯，同埋疫情限制人數既關係，都等左好耐下，等堂食同外賣既人數都幾多。Cafe 除左行無印風格外，重有幾張塌塌米既枱，不過今次我坐既係四人枱！拎到位就好出去排隊點餐，點左炸雞+炸魚+咖哩飯+是日咖啡+cake，炸物要再揀汁，我揀左黑醋同honey mustard 醬，重有得叫多飯多菜等等，跟住你只需要等你既取餐提示器響就再自行取餐，全部野都好自助！餐到時即試佢既炸雞，係幾驚艷，比魚塊出色！個咖哩汁都好好味；加錢要既咖啡會拉埋花俾你，其實幾抵飲；個cake就好似冇人地講到咁誇張，正正常常； 是次體驗唔錯，係等位等得耐。

好多時cafe啲咖啡有水準的話，食物都可能係普通，但係呢間就兩樣都咁得。lunch time嘅炸雞加黑醋好正，純素咖哩汁香得來唔頸渴。Yea time就大推egg roll同埋台式蛋餅。

　中大地方大，𝑐𝑎𝑛𝑡𝑒𝑒𝑛都多，當中都有高質𝑐𝑎𝑓𝑒。呢家價位唔算貴，環境又唔錯，仲有塌塌米位㖭。　好多同學們都會嚟呢度買杯咖啡☕，做吓𝑎𝑠𝑠𝑖𝑔𝑛𝑚𝑒𝑛𝑡；又或者落堂之後嚟呢度食碗野菜飯🍛，為努力嘅自己叉一叉電💪🏻。.◇ 旬之野菜飯+炸雞+溫泉蛋◇$45超多唔同種類嘅蔬菜🥗，好啱養生人士☺️有椰菜、紅蘿蔔🥕、冬菇、西蘭花、茄子、雞髀菇...🐔炸雞食落有肉汁，但略嫌炸粉有啲厚🙈同埋有溫泉蛋🥚撈飯真係好正💛.◇𝑻𝒐𝒅𝒂𝒚'𝒔 𝑹𝒐𝒍𝒍 𝑪𝒂𝒌𝒆 (𝑴𝒂𝒕𝒄𝒉𝒂)◇$45呢個性價比唔錯👍🏻大舊過外面啲𝐶𝑎𝑓𝑒，仲要唔算貴。🍵抹茶味香濃，口感濕潤，超級推薦❣️.◇𝑭𝒍𝒂𝒕 𝑾𝒉𝒊𝒕𝒆◇$16有跟餐價，好佛心😚拉花幾靚💕係口味平衡嘅咖啡，幾好飲✨.呢間嘢真係冇咩伏位，唯一要提嘅係佢實在太受大家歡迎，如果係𝑙𝑢𝑛𝑐ℎ ℎ𝑜𝑢𝑟嚟都100%係要等位🥲，條龍仲會長得幾恐怖㖭。如果想試，記得早少少嚟啦😉.𑁍☼︎𑁍☼︎𑁍☼︎𑁍☼︎𑁍☼︎𑁍☼︎𑁍☼︎𑁍☼︎𑁍.⭐ 推薦程度: 8.5/10⇨味道: 8.5/10⇨環境: 8.5/10⇨性價比: 8.5/10

臨grad之前開咗依間coffee shop，大大提高咗中大餐廳平均質素😍佢地有好特色嘅咖啡，今次tea time黎試咗個卷蛋，茶味好濃，配上佢哋嘅matcha latte，好夾。依度環境都好舒服，有唔同區域，坐得好舒服。

今日返到中大做project難得返黎一次 就搵間好味嘅canteen食下🙈哩間canteen好受歡迎 就算係疫情期間都照有人排隊😛不過只係等左一陣就有得食我揀左照燒雞扒溫泉蛋飯雞扒好大塊 而且仲好嫩滑哩個飯有好多蔬菜 係中大難得比較健康嘅canteen🙈

hello its kaikai@cuhk againthis is my favourite canteen no jokealthough without any toppings, only the rice itself costs $28, the long queue can still be found almost every single school day!so just go there before 12 to guarantee yourself a seat!! fried chicken is my personal favourite and i’ll always have it on my plateadded $7 for extra mushrooms to make myself less guilty haha 😆 if no one stops me i can actually order $70.. cause all sides actually taste great and you would like to have all

呢間一定係我喺中大最愛嘅canteen💕雖然個價錢喺大學嚟講係貴啲 等位又耐 但係野食真心高質 環境又舒服😌所以難得番嚟食lunch 等到兩點都照食🙌🏻.旬之野菜飯+自家製咖喱汁+日式炸雞肉🍗 $28(+6 +14)喺大學要食得健康真係好難 但係呢到完全可以‼️飯會跟一大堆雜菜 每次都好似有啲唔同🤣味道好淡 似就咁加油烚熟 我自己覺得清清地都唔錯😆好多人都話呢度嘅炸雞係必食 有兩大舊😍佢個雞皮真係炸到好脆 食落唔會好油 炸皮都唔算太厚 雞肉都幾滑😋原本以為就咁食炸雞會好dry 所以加咗咖喱汁🍛不過原來佢個炸雞會跟sauce~我同朋友都覺得個咖喱汁麻麻地 味道都係好淡帶少少鹹味 冇乜咖喱味🙈咖喱入面都有啲雜菜 同埋佢係純素嘅 適合純素食者🌱個人唔建議大家加錢嗌 佢個蘋果洋蔥汁正好多🧅.旬之野菜飯+韓式泡菜豬軟骨🐷 $28(+18)好似未見有人叫呢個餸 所以就嗌嚟試下😝原本expect佢會有好多泡菜同埋好辣🌶但係睇相都見到...冇泡菜嘅 有啲伏🤣不過食落係有少少辣嘅🤏🏻但係個豬軟骨係幾好食🥰同炸雞一樣都係有兩舊😌炆得好腍 啲軟骨好有咬口 肉質唔會鞋口幾嫩滑🤩但係個人覺得食完唔算太飽 如果肚餓

香港賣既台式蛋餅多數定價都要三十幾蚊但中大呢度二十幾蚊就食到而且味道一d都唔係大學canteen質素令我成日都忍唔住再去食蛋餅佢最好味係個醬汁好特別！而且餐廳環境亦有別於一般canteen比人一種好悠閒既感覺係大學入面有個可以抖氣既地方真係好難得仲叫左一杯matcha latte拉左花好靚但就冇蛋餅咁驚喜不過要黎打卡同坐係度發下呆都係唔錯既選擇不過如果想坐耐少少就唔好簡午飯同晚飯時間去人流好多令人食完就要走😢

中大多餐廳選擇 不過多為茶餐廳 食雙餸飯多 感覺少少頹今日決定對自己好啲 鬆一鬆食依間cafe入去已經好文青feel 有日式Tatami坐我就揀高枱坐 都坐得好舒服😌自己去order 除咗小食 有飯 蛋餅 烏冬 蛋糕 咖啡叫咗個旬之野菜飯+溫泉蛋 ($28)望落都覺得自己好健康😂不過因為其他餸多數炸物 唔想咁熱氣 所以叫溫泉蛋 原先以為要加$3 點知可以免費加?? 可能係素食餐?真係好多菜 仲要勁多款式青瓜 冬瓜 茄子 紅蘿蔔 菇 薯仔 椰菜 旺菜🥬🥒🥕🍆🥔🍚飯份量啱啱好一碗 夠食 而且飯質感幾好少少似日本米 黏身 硬度適中🥚溫泉蛋勁流心 爆槳 蛋黃比蛋白大 雖然冇加調味 但係食得出蛋黃香味質感亦唔太水汪汪 撈飯一流-簡單而健康嘅一餐🥰環境超好 好舒壓 打卡都靚服務就差咗少少...尤其落單...CP值起cafe入面算好高 $28一個Tea/lunch👍🏻抵大家壓力大可以黎食 當休息同獎勵下自己

啡·嚐 @ Paper & Coffee (CU)炸物比咖啡更有名氣 🍤難得去中大搵朋友，當然要去下BN系列嘅paper & coffee啦，去之前專登問左有咩要試，得出黎嘅答覆竟然唔係咖啡，係炸物！去到一試，終於明點解啦，唔係咖啡唔好食，係炸物太低食，又好食😋😋 比好多日式餐廳重做得更好！外脆內軟，難得係粉唔多，款式又多，而且價錢非常合理，真係成日食都唔厭呀😆😆食物：⭐️⭐️⭐️⭐️⭐️咖啡：⭐️⭐️⭐️⭐️互動：⭐️⭐️⭐️⭐️環境：⭐️⭐️⭐️⭐⭐番叮：⭐️⭐️⭐️⭐⭐#aus_cafe

係中大想又歎咖啡又可以食到個好味嘅午餐，就肯定係黎呢間paper n coffee。佢店內嘅設計其實唔錯，但個問題就係lunch得一個鐘，排得隊黎已經過左一大半時間。所以我今次同朋友同事決定分頭行事。一啲排定外賣隊，一個出去搵個湖邊位坐低食。見到我地三個都一樣就知佢嘅炸雞係必食嘅選項。當然我會叫大家堂食，因為炸雞要即食先最正架嘛！佢個炸雞可以配唔同醬嘅。我就鐘意黑醋，同事揀左沙律醬，好似仲有芥末個啲。其實外賣都正嘅，因為佢樓下有個湖，不過天氣涼先好出去坐，唔係就真係會熱溶！

某閑日在中大温書，下午時分感到肚子餓，便決定一嘗中大新營業的咖啡館Paper&Coffee店內裝橫以木為主，走文青路線，燈光採用了暖黃色的光，給人放鬆和舒適的感覺。下午時段只有下午茶餐可供選擇，我們點了一份茶漬飯、台灣蛋餅、芝士蛋糕和一杯Cappuccino。茶漬飯以素食為主，食材有不少菇菌，飯是涼的，較適合夏天吃。台灣蛋餅有咬口，餡料足，內裹是煙肉芝士夾心，味道方面配搭得不錯。蛋餅亦不油膩。芝士蛋糕很好吃，口感像凍餅，芝士味適中，不太濃，正好不膩，值得一試！Cappuccino不過不失，咖啡味濃，拉花很精緻，很大杯，打卡一流。以下午茶來說，食物份量算少，價格略嫌少貴。但若想在中大體驗文青氣息，這間可以一值。這間也很適合温書，點一杯咖啡便可以放鬆地坐一個下午！