Panash

营业中

休息中

好鍾意呢間面包店!夠大間而且有好多款面包比你可以慢慢揀!!今日早咗少少尼到有美味棒賣想試好耐喇!!!即刻買咗先!!!本來賣$10宜家特價$8一條!!(但係又唔係聽日就到期架喎點解特價呢)不過點都好啦好抵啊!!!XD呢個啲包有啲似嘉頓忌廉賓既質地...但入面有啲CREAM係到滑LULU..r唔係好甜仲有少少牛奶味添!!!唔錯幾好食^^用尼做早餐加埋包朱古力奶都幾飽下次試埋其他先得;)

臨走前我又忍不住口想食個甜品經過此店都唔放過去買左個曲奇PUFF作飯後甜品.由於佢地放左係冷櫃內, 所以取時個PUFF仍然凍凍地這樣更令個PUFF更好味.選左曲奇PUFF即係外皮帶少少脆身, 內裡充滿滑流CREAM明知好肥但又真係好好味.由於個PUFF雪凍左咬落時CREAM時覺得有點似雪糕.

實在忙得太緊要,吃飯時間少了唯有急步走到Apita買件三明治,是日點了一份煙雞三明治,基本上已配上了青瓜蕃茄和生菜,有另幾種配料可以要求添加, 我就要求加一點黑橄欖,再加自選汁醬,麵包也可以從幾種點自己喜歡的,是日點了超軟的厚方包三明治用紙包裝好,再加上濕紙巾包才裝入紙袋一口咬下去雖然麵包皮邊有邊硬,不過倒是很好吃,汁醬也不會過多,說實在份量十足的,雞肉也下得很大方, 配菜咬下去吃得出是新鮮貨因為已太肚餓,所以只影了半份的份量,總算即做,味道也不錯,會再吃的!

由今天至30 nov, 有3款特價包:1. 合桃楓糖卷$9 -> $8麵包呈卷狀, 除了表面2-3 粒原粒香烤合桃...中間還有1, 2 粒...算足料..美中不足是楓糖醬則偏少, 不夠濃.., 剛出爐的關係, 麵包非常鬆軟...2. 蕃薯紅豆軟包 $9 -> $8白色的麵包混入紅豆碎, 可憎虛有其表...幸而麵包非常軟身餡是紅豆茸包著一小條連皮蕃薯, 兩者味濃, 略兼紅豆茸量偏少3. 忌兼筒 $9 -> $8 (沒試)這個是酥皮卷入白色忌兼...

呢果星期發芝士瘟, 突然好想吃芝士麵包..第1天, 試左 :1. dutch cheese 包 $7 - 外皮少少脆, 少少咸, 唔油膩..內裡的白色芝士很soft, 似kraft 隻 PHILADELPHIA 原味.., 故芝士味淡淡的,我還是比較喜歡 @$9 既cheddar 芝士包, 芝士味濃些..2. 紅豆donut 新鮮出爐 @$7.5, 紅豆餡滿滿的..很滿足..3. 見到poster 寫牛角包用比利時牛油..但找不到大size, 唯有買個mini-size 試下 @$2.5又唔覺好濃牛油味, 唔通配方不同?過多2天, 心有不甘...要吃cheddar cheese 包, 再訪:4. 一條新鮮出爐的 cheese loaf... 已經要 $26, 切開 8 件..表面的芝士一般, 純粹增加賣相與口感, 脆脆地...主角是內裡的cheddar cheese, 吃到最後都仍然有很多芝士..而且芝士味濃, 不會像美x 的乾兼硬...panash 這個帶點soft... 份量又足..以美x , 4片一袋都賣 $11, 芝士又差又少, 麵包又唔香, 又不是即場烘焙..比較下, 這裡

幾得以前在銅鑼灣返工的日子, 每次辛苦工作完, 都會特登走去太古城買一條芝士方包...那時胃口大, 可以一次過吃完她....沒有滯脤的感覺.表面的芝士, 加上內裡每一啖都是咸香的芝士粒/茸..好味得連做夢也記掛著她...現在消化能力減半, 再也吃不下整條麵包..但奈何每次必低不起心魔作祟...飽到吃不下, 還是把美味的麵包往嘴裡送..終於肚皮活受罪..所以嚴受紀律, 再也不買大量麵包回家..今回與c6 再訪...c6 嚷著肚子餓..又見到mini 版的芝士包新鮮出爐, 暖暖的@$9 for 1, @$17 for 2, @$25 for 3買了2個來分..c6 意猶未盡, 再買了一個日式咖哩牛肉包 $9 ...誰人要減肥呢?付錢的時候...赫然發現芝士方包已賣$26....價錢與歲數差不多同步增長..回到家, 慢慢的品嚐這個芝士包..咸香的芝士餡...真令人百吃不厭...論好味程度, 真的比山崎高很多班, 甚麼美x, 聖x娜的更加唔入流..曾吃過simplylife...又是另一回事..價錢也偏高..little mermaid 賣的唔夠香..出色的芝士包非 panash & donq

坊間除了超市, m&s 的來路貨stollen 外, 沒有太多地方有造 stollen or panettone 麵包..暫時知道有little mermaid $35, panash $22...今次試左 panash,...看成份有: wheat flour, egg, butter, sugar, salt, yeast, milk, mixed peel, raisin, rum, cherry, sliced almond, cinnamon都算健康, 沒有veg. oil, margine etc 等trans fat..., 平安夜晚上吃完意粉, 其實已經飽了..但老鼠唔留隔夜糧..心思思都係開埋來吃...細細一條, 大約7" 長, 似一條中size 既提子包..質感偏硬, 似Biscotti面頭洒滿糖霜, 整體味道偏甜..可惜橙皮數量只是丁點兒, 完全感受不到那份甘香, 提子又完全沒有rum 酒味..唉...很失望..明年要試別間了....購買當日還順道買了:1. 咖啡蔬芙里蛋糕 $9 - 紙杯裝, 咖啡味濃, 幾軟熟, 很細個2.豆沙炸donut $7 - 新鮮出爐,

現在收八達通又有印花可儲，又再捧場。這次買了１北海道牛乳丹麥酥($8.5)︰煉奶般甜，小小一個剛好；２藍莓芝士撻包($8.5)︰不是曲奇皮欠了一些鬆脆感，但濃厚芝士加底部的藍莓醬卻帶來豐滿不膩的滿足；３香軟芝士包($9)︰鹹香，惜未夠香軟，未能超越當年Simply bread的芝忌芝皮，試過就夠；４香草三文魚火腿牛角酥($9)︰不夠酥，三文魚帶腥味，頗鹹；５日式牛肉薯仔包($8.5)︰圓柱包釀入薯仔塊、三色雜菜和牛肉，分量由多至少排序，即是幾乎吃不出牛肉，整體尚可；６綠茶紅豆白忌廉包($7.5)︰綠茶麵包內有紅豆餡和忌廉，綠茶配紅豆理所當然，可能吃了之前五個麵包的關係，再加忌廉似乎太多了，大概第一個吃的話會更好。

去開APATI當然唔會錯過去PANASH太古總店啦!!好開心!有我最愛的朱古力包(好似只係得TST同TAI KOO店有得賣)第2日食…停唔到口!!!有朱古力味又唔太甜!果然係我的最愛!~不過10蚊1個又咁細個又唔係咁抵囉...

我本身好中意食飽如果要我每天午餐都食飽,基本上我會好開心昨天放學跟朋友去了panash買飽主要是因為吃過長腸包, 覺得好好味所以再過黎買長腸飽(****/5*): 本身第一次食覺得好好味,個包好有嚼勁但第一次食就冇第一次咁驚喜咖啡飽(***/5*): 系排隊時見到有得試, 於是試了一塊咖啡味好香..但買到返屋企食時又覺得一般鄉村軟法包(*****/5*): 系就快到收銀時見到這款飽我記得系OR睇過好多人話好食果然好軟好香, 上面有一層薄薄的糖食落唔太甜..食食下就唔覺意食晒不愧為人氣第2!!一定要encore~忍不住要讚下佢d飽呢於是,第一篇食評就咁比左panash

Panash 可以話係我同亞仔近期最愛嘅麵包店，由其係佢嘅朱古力 puff 同朱古力 donut, 更係亞仔每次嘅首選。 今朝因為要去 Apita 地庫超市選購星期日早市優惠貨品，經過 Panash, 便入嚟幫亞仔買啲甜點，不過可能時間尚早嘅關係，啲朱古力巴夫同冬甩都未見蹤影。喺店內行咗一圈之後，見到個提子scone ($5@) 樣子都唔錯，便買嚟試吓。 攞到番屋企同老公分吃其中一個，發覺牛油味重，外層由其是啲邊位脆脆的，提子份量頗多且味濃， 而內裏就鬆化可口， 雖則鬆化程度未及銅鑼灣人氣店 Crumbs 嘅出品，但已不失為一件可口美味嘅小點。

上次係九龍灣試過古法冬甩後...今次再試,不過今次唔係試古法,食普通的~但一樣都係有兩種味~原味同朱古力啦~價錢平過古法冬甩,朱古力賣$5.5,原味賣$5...但味道就一般啦~一咬落去....覺得好油...成個包好似油浸咁~一d都唔乾爽...朱古力就好小小,無咁油,但都係麻麻地~出面食到的冬甩好似唔係咁...失望~

Panash 呢, 應是本港日式麵包店的開山鼻祖了, 小的由豆釘時期, 學琴後跟著媽媽到百德新街元祖店買北海道包開始, 到如今都有近廿年之譜了。(可能我這把刁嘴就是那時練來的囉, 唉。) 而太古城這家分店, 數歷史, 它不認第二也沒人敢認第三的了。不算常來, 但這天午飯時間來了Apita 購物, 不知不覺已只剩下 15 分鐘吃飯; 不在 food court 吃了, 記得這家 Panash 有當店即製的三文治賣, 就快快買個咬著回公司去。 三文治可以自選麵包和配料, 麵包其實有幾款選擇的, 例如法包、意大利包、山形麵包等; 可是我又神推鬼擁地選了五穀全麥包去了。配料就要了煙火雞 ($24)。落好單後, 拿著單子到收銀處付款, 回頭三文治已做好了。這個三文治其實很簡單, 人人都會做 , 就是把兩三片煙火雞肉夾進麵包內, 再加蕃茄片和生菜便成了, 好像是連牛油也沒下的, 店子真的好鬼好賺 。當然新鮮即造的三文治也不會難吃到哪裡, 麵包鬆軟沒有滲水, 配料也尚算鮮嫩爽口, 只是如我不是趕時間的話, 自己買材料回家弄會吃得更開心呢。

呢排返PT成日都係UNY~本來食晏係2-3點~點知公司既安排同忽略之下我竟然要夜晚6點鐘先可以寫第一餐。我既FYP題目真係無定錯。咁唯有死死氣 叫人頂住 行去最近既麵包店買多次包啦。其實前晚已經頂唔順(因為返夜)買了一個黑糖提子包。味道不錯，可能我對黑糖包有偏好。同埋最緊要麵包係香同鬆軟，咁呢兩樣野佢都滿足到我呢。所以今日試下其他野都好有信心。咁就買左岩岩出黎既芝士包。(係可以CUT開既長型)熱熱的，而且阿姐幫我分開後，見到有很多芝士粒粒藏在裡面。哎也，好香呀。同埋唔會芝士有點咸咸地味，但本身麵包已經很香，所以加上黎，好滿足呢。下次可以再吃。對比美國，香港的麵包比較好。價錢也不算費，質數很好。19蚊聽聞已經係貴左...但真係值得一試。

30/4/2009昨天買了個無花果合桃粿麥包做今早早餐。合桃香脆, 無花果清甜, 雖隔夜但切片烘烤後超正!