Owl’s Stage (已結業)

行過太子附近經過見到一間餐廳見到入面好多貓頭鷹公仔就入去食個lunch，入到入邊見到牆身好多貓頭鷹公仔可以打卡同埋有啲壁畫都畫得幾靚，餐廳主題以貓頭鷹為主嘅設計，幾有特色👍🏻 Lunch Menu有意粉、鋸扒、漢堡包、仲有特色甜品，可以俾你選擇👍🏻我就揀咗蕃茄蛋黃醬車打芝士和牛漢堡配脆炸薯條、蝦蟹膏蟹肉車厘茄意粉🍝蕃茄蛋黃醬車打芝士和牛漢堡配脆炸薯條：$108呢個漢堡包賣相一般，但係快和牛漢堡扒好香食佢好好食仲好重牛味，芝士比較濃厚麵包都好食蝦蟹膏蟹肉車厘茄意粉：$108賣相OK ，意粉麵質彈牙濃厚嘅蕃茄汁同埋好多濃郁嘅蝦膏新鮮嘅蟹肉，每一口都有新鮮嘅蟹肉好有口感非常一流👍🏻📍地址：Owl’s Stage (太子)太子大南街27-31號富威閣地下3-4號舖

又到同老公久違既拍拖日，喺太子食個西餐。呢間餐廳係貓頭鷹主題。店內裝修好有特色，座位都算闊落會見到open 嘅酒水Bar。我哋order咗蝦蟹膏蟹肉帶子意粉再加一個一人套餐有餐湯，沙律，主食同飲品。一定要推薦大家去試吓蝦蟹膏蟹肉帶子意粉，好有驚喜。煎香左嘅帶子大隻又新鮮，意粉本身有濃郁嘅蝦蟹膏味，啱晒鍾意食海鮮嘅我地。餐湯係甘筍湯，鮮鮮甜甜好似南瓜湯嘅質地。沙律係青蘋果紅菜頭沙律，個人好鍾意食紅菜頭，因為紅菜頭有一股清甜味。佢係用沙律醋，所以食起嚟口感唔會太甜。主食我哋揀咗西冷牛扒，揀咗五成熟。牛扒本身都幾重牛味，份量一個人食都足夠。配菜我哋加咗錢轉五重芝士醬焗薯條，芝士味濃郁，焗完薯條都保留到有脆身嘅口感。餐飲我地點咗triple chocolate，朱古力味好濃，上面嘅忌廉唔會太甜，啱晒鍾意朱古力嘅我。而且餐廳位置離地鐵站好近，非常方便。

owl's stage位於太子大南街74號鄰近太子地鐵站行幾分鐘就到達門口仲有咪錶位，可以泊車餐廳以貓頭鷹做吉祥物放係門口，牆上掛畫，大型logo非常可愛餐廳主打西式餐點有漢堡包，西冷，意粉，等等今日係星期日，餐廳有Brunch供應價錢包括餐湯同飲品餐湯係椰菜花薯仔湯打得好滑沒有顆粒係濃湯味道非常好主菜蕃茄牛油果虎蝦蕃茄牛油果沙律菜配黑醋橄欖油蔬菜新鮮虎蝦到金黃色已經幫你切開殼方便以刀叉進食非常貼心虎蝦非常大隻肉質彈牙蝦膏蟹肉意粉蝦膏忌廉汁非常香濃蟹肉多意粉帶點彈牙餐廳地方大，座位唔多非常舒服

貓頭鷹真係好得意🦉曾經忽發奇想想養貓頭鷹做寵物，但原來貓頭鷹只適合做野生動物，喺天際間自由翱翔🦉🩵講返正題，店內有好多貓頭鷹裝飾同掛畫，座位舒適，叫咗兩份午市套餐同雞翼小食。✨蒜香牛油汁美國雞腿肉蘆筍意大利飯 $108淡淡蒜香牛油，較輕盈既口味，味道令人聯想起雞皇飯，但就冇咗個種厚重奶油感。美國雞腿肉份量多，蘆筍增添清新口感，意大利飯保留左適量硬度。✨燒牛肉焦糖洋蔥意大利軟包 $88意大利軟包鬆軟，口感較佳。焦糖洋蔥唔會帶有苦同澀味。牛肉味不算濃厚，正常發揮。✨蒜香牛油雞翼 $58冇想像中咁油膩，蒜香牛油作輕輕點綴，肉味較濃。

上星期三下午，在太子附近，泊咗車，踏進這家餐廳Owl's Stage, 店內擺放各式各樣的貓頭鷹飾物，吸引我入內吃午餐。一碗暖心的蘑菇湯，濃郁的蘑菇香氣充斥著整個空間，窩心。燒春雞扒配牛油汁炒雜菜。雞扒鮮嫩多汁，入口即化，牛油炒雜菜，炒製鮮嫩蔬菜，有肉有菜，感覺平衡。番茄牛油果沙律配燒原隻虎蝦的盤子上，新鮮的番茄和牛油果的絲絲細膩，搭配燒烤的虎蝦，簡直是一種美妙的組合。品嚐一杯即磨咖啡，濃郁的咖啡香氣充盈著我的味蕾。舒服！散漫享受一個午餐時光！

💙五重芝士火鍋（Classic Set）可以揀有酒或者無酒煮法，試左無酒～ 芝士味幾濃🧀🧀跟左意大利軟包、青瓜、蕃茄、露筍、雞胸肉、紐西蘭西冷，所有配料都好夾芝士火鍋，食材配得好，芝士味又唔會太出搶曬所有味，好食😆.💙燒澳洲特級羊西冷叫左五成熟，切開超粉嫩，岩岩好五成，肉汁超多～ 羊味好足😍 脂肪位唔會太多～ 比例剛好！跟一個配菜，揀左牛油汁西蘭花🥦 爽口香甜，不錯👍🏻😌下次再同朋友黎食😎

呢排好想鋸扒，所以上網搵咗好多間西餐廳，經過搜尋音量導航，發現原來太子有一間西餐廳可以鋸扒，所以同朋友放咗工嚟試吓，估唔到有驚喜，食咗一試就愛上，呢度嘅環境氣氛又舒服，好啱同朋友嚟傾偈嘅地方，所以我覺得呢間餐廳一定要推介俾朋友，首先呢一間餐廳響太子站附近，行5分鐘，就會好容易搵到，所以都幾方便呀，而且太子係中心點，都好啱啲朋友嚟聚會，我呢度好推介佢哋嘅肉眼扒，同埋佢哋嘅柚子雞翼，味道十足，而且佢哋嘅肉眼扒七成熟，啱啱好，味道濃郁，肉質鮮嫩，仲配有芝士肉醬薯條，真係好好食呀，而且佢哋嘅服務態度都好好呀，侍應們都好樂意服務，有賓至如歸的感覺，柚子雞翼都係好特別，一試愛上，擺盤好靚，仲配有沙律菜，真係好開胃，佢哋嘅柚子雞翼味道濃郁，唔到啊，而且呢度仲有甜品類，意大利飯，意粉類，選擇好多，所以我覺得一定啱大家胃口

話說聖誕節同左朋友嚟食，入到去一開始都感覺良好，慢慢發現間餐廳好多問題。1）餐牌寫到明任食火雞，結果埋單時候雞都唔見有一隻。講真我唔係要食火雞食到飽，我都唔預佢地可以真係做到無限量供應，但起碼，客人想要第一次叫火雞時，拎到碟火雞係基本，點信周圍枱枱想叫，侍應ok完從來冇拎過碟火難出嚟。直至有客鬧佢地，先有一兩碟比個枱，但其他人都仲係乜都冇。2）服務慢到冇人有。對於一間餐廳而言，沖杯野飲應該普通不過嘅事，但想要杯咖啡奶茶到呢度嚟講係原來好難。隔離枱嗌咖啡，結果又要三催四請先有，最要係人地食完差唔多走先送到。最慘係佢地有賣沙冰，呢啲工驟比較多嘅野飲，當然係比錢一刻先拎到比人飲啦。嗌龍蝦又係，有人厭太慢就cancel一張單，有人索性唔等甜品都唔食就走人。3）服務態度好差。事源係隔離枱唔好彩，隔離枱係對情侶，佢地嘅隔離係枱西客，當中有人係咁咳，打乞嗤，仲要唔揞住口鼻，我見佢地想話調位，聽到一開始侍應話ok，當有空枱就比佢地調，但當有空枱時，有個高級啲嘅負責人話唔比調，原因係因為出面等緊嘅客睇住，調位會趕客。都唔知係咩垃圾理由，之後個負責人知係有人係咁咳，先話比調位，但同時間佢又安排等緊嘅人入座

叫左個聖誕2人餐 份量不足2人 上菜速度極慢 嘢食上到黎係凍嘅又唔好食… 連2杯咖啡奶茶都要等左超過1個鐘先上到…真係好失望…錢就照收 成程就係聽到係咁講唔好意思最尾仲要發現嘢食去左第2檯…🙄🙄🙄

聖誕週去太子行街，預早訂了這太子區排名高的西餐廳食飯。星期二我們七點半到，已滿座！後有人想walk in 也無位，要在出面等，好誇張！叫了個set dinner 及加了點食物，先上鵝肝，煎得不錯，份量也足。帶子沙律、碎蛋沙律及餐湯也幾好。最欣賞係燒紐西蘭特級西蘭扒配牛油汁炒雜菜，塊肉大得嚟肉質及肉汁也很好，這價錢嚟講性價比很高。加埋塊朱古力brownie 甜品，份量係我預期中的兩倍，味道也不錯，甜度適中，性價比好高，怪不得座無虛席！

太子以貓頭鷹為主題的情調西餐廳✨✨店舖內外都有很多貓頭鷹的飾物，餐廳的燈光亦很有情調，餐牌上有各式各樣的西餐菜式，連海鮮也有！👍🏻晚市的套餐也性價比高，包頭盤吞拿魚碎蛋沙律及餐湯，都是餐廳用心思去烹製的！餐湯是濃濃的南瓜湯，很好味！《燒紐西蘭特級西冷扒 8 Oz》$218紐西蘭特級西冷扒較有嚼勁，肉味較濃郁，油花不算多，但分佈平均，而且有彈性，啖啖肉的感覺真的很滿足呀！配菜升級配自家製鮮忌廉薯蓉，自家製夠新鮮又健康！《蒜香牛油汁鮮魷魚青口車里茄意粉》$188牛油香味完完全全與意粉融為一體，意粉口感有點彈牙又煙韌，而魷魚青口也煮得很軟淋，蒜香的香氣也陣陣飄入鼻，賣相味道也很好，惹味開胃！套餐配有咖啡或茶，飲品可Upgrade，加$15-$48。《凍朱古力》《Salted Strawberry》飲品的賣相也很吸引！味道也很好味！

呢間下午茶店嘅蝦蟹膏蟹肉車里茄意粉真係超出預期！意粉煮得彈牙有嚼勁，加上豐富嘅蝦蟹膏同鮮美嘅蟹肉，每一口都好鮮甜美味。蟹肉鮮嫩多汁，蝦蟹膏濃郁香濃，令人欲罷不能。feel 到店主嘅用心自家製梳乎厘班戟都係呢度嘅招牌之一！特別推介嘅雲呢拿味梳乎厘班戟，香氣撲鼻，口感綿密軟滑。每一口都帶來濃郁嘅雲呢拿香甜，令人陶醉其中。如果你鍾意芝士，就揀原味芝士奶蓋啦。芝士奶蓋嘅濃郁奶香同梳乎厘班戟嘅鬆軟融合，簡直係天衣無縫。呢間下午茶店嘅食物新鮮美味，款式多樣化。唔論你想食意粉、甜品定者三文治，佢哋都有好多選擇。

呢間下午茶店真係好正！我試咗佢哋嘅蝦蟹膏蟹肉車里茄意粉，啖啖鮮美，真係令人回味無窮。意粉煮得恰到好處，配上豐富嘅蝦蟹膏同鮮甜嘅蟹肉，每一口都好滿足。仲有佢哋嘅特製燒汁焦糖洋蔥牛肉三文治，真係讓人驚艷！牛肉煮得軟嫩多汁，配上濃郁嘅燒汁同香甜嘅焦糖洋蔥，口感豐富又美味。三文治夾得好滿，每一口都好滿足。最後，我試咗佢哋嘅自家製梳乎厘班戟, 帶有香氣濃郁嘅雲呢拿味。而原味芝士奶蓋則帶有濃郁嘅奶香同微微嘅芝士風味，給予梳乎厘班戟更加豐富嘅層次感同口感。

太子Owl‘s Stage.味道：8/10🌟抵食：8/10🌟環境：8/10🌟.️太子站附近嘅小店🤤叫咗烤雞配牛油雜菜同埋巴馬火腿意粉🍝烤雞做得好出色😍小編作為雞胸愛好者覺得好好味😋雞肉香口得黎唔會太鹹👍🏻無論點唔點醬汁都好食🍽️再黎嘅話會encore🫣意粉醬汁比較濃郁，整體好惹味🤤配上鹹香嘅巴馬火腿，唔錯🥰今餐飲咗杯草莓奶昔🍓都幾驚喜，估唔到加$20就有一輩都好有質素🥤環境上，店內唔算多人，坐得幾舒服😌仲黐滿可愛嘅貓頭鷹佈置🦉.#香港 #食評 #foodie #食好西 #instagram #香港好去處 #香港美食 #拍拖好去處 #打卡 #太子 #旺角 #太子好去處 #太子cafe #旺角cafe #owlsstage

今日與朋友去太子大南街食西餐，餐廳環境舒適，坐位寬敞，有貓頭鷹的裝飾，非常特別。我們點左個set lunch，先送上來南瓜湯，好好味！主菜食燒紐西蘭特級肉眼扒配脆炸薯條，肉眼扒的牛肉味香濃，肉汁豊富。餐飲的咖啡味道不錯。