OVO CAFE

营业中

休息中

已經吃過幾次OVO 的lunch set, 主要是意粉/飯、包、沙律, 用料新鮮，較少令人失望的時候。現在選擇較多元化和固定4種，多了一種便是焗pizzaToday special: 無花果、蕃茄、芝士薄餅嘩，用無花果做鹹食，真係要試下薄脆底，放滿蕃茄，無花果得4片，有d失望，但無花果既清甜同pizza有種不能形容既出奇化學反應，好正。但呢度有落蕃茄既菜色都有一個問題：太酸，酸到cover 左每道菜本身既特色。跟餐希臘沙律個汁又太酸，湯就通常穩定。只有一至五才有lunch set

不少香港人都開始注著健康，會把一天裡的其中一餐食全素，今天來了灣仔這家餐廳，像這一頓午餐，軟軟的香草包裡有沙律菜，茄子，脆藕片，果仁等材料，再加上一杯咖啡，已經好飽了！

今次嚟到Ovocafe搵食！晚上去會展睇show～嚟到難得渉足嘅灣仔～朋友們話想嚟呢間cafe～所以完全依賴佢哋搵路～小店離地鐡站都有一段距離～沿途仲會經過濕漉瀌嘅街市～而餐廳位置也不明顯～好在想回頭一刻見到咋！一入到店內就被花花草草吸引～不枉我哋特登搵佢～呢度彷彿喺石屎森林中嘅真．森林！而且樓底極高！即使大家喺度傾計都唔會太嘈～食物選擇不多～而且偏貴～不過都要試一試嘅～買完就拿個牌坐底等店員捧餐～黑松露流心蛋雜菌意大利飯 （$118）隻溫泉蛋不太流心～但朋友那碟就係好完美嘅溫泉蛋～係廚師不同定唔穩定呢？飯上有2片真嘅黑松露～但原來佢本身個味係唔好食的～！估唔到⋯另外呢度仲會落蕃茄落呢個意大利飯～係為咗減膩嗎？但有點格格不入⋯只能説飯嘅口感不錯～黑松露味亦夠香環境係令人滿意～但食物真係有待改進。

食素菜不一定食中式吧，試吓西式素菜也不錯。座落於灣仔舊街市這間OVO Cafe，可以讓各位一嘗西式素食既滋味。我和朋友二人點了一個Dinner set,押外再加多杯凍朱古力（味道唔夠香濃比較淡味），和黑松露野菇飯（好香黑松露醬味道，加上薄薄既芝士配合野菇既味道，一個字「正」！）至於個dinner set 包括：餐湯（南瓜湯），沙律（炸薯仔沙律），主菜（茄汁pizza），配熱飲（如果凍飲要加$6）這間餐廳味道和價錢都ok,但是食物種類選擇不多，環境（店內有兩張長枱，好似熟食店搭枱既感覺。兩座位和四座位既枱只有3張，所以如果要約三五知己談心的話記得要訂定枱先，否則妳們傾計既內容，分分鍾比坐你對面既客人聽到晒！)

近日Hoegaarden在翻新的利東街（昔日拆卸的囍帖街）舉行Creative Gourmet 創意花園，姊妹立刻約我結伴而行。一踏進利東街，發現面目全非，翻新後已被歐陸風的建築佔據，店舖全是高級品牌入駐。我們站在人造花園聽著live band music，拿著清的啤酒，掃去炎炎夏日，重拾我們二人exchange時的歐洲悠閒時光。深知附近有間Instagram打卡熱點餐廳 — OVOCAFE，特別之處是它是由灣仔舊街市活化而成，藏在鬧市中的小小珍貴森林。我便向友人提議到此用餐，延續剛剛的悠閒至這片綠土，一邊享受著素食菜餚，一邊暢談大家的前陣子的旅遊趣事。左邊是OVO Studio，右邊是OVOCAFE & OVO Garden，隔著玻璃已經感受到它綠色的生氣和活力！🌿🌿OVOCAFE 是一間健康素食餐廳，提供的菜式有salad, soup, pasta, risotto, homemade cake and waffle，款項不多，價錢偏貴，但環境、服務質素及做餐誠意搭救。嫩菠菜蘋果沙津伴燕麥脆脆乳酪我點的沙津，健康新鮮之首選嫩菠菜菜十分新鮮，加入青蘋果和車厘茄，酸酸甜甜，再勻伴好燕麥

呢間素食餐廳，食物材料非常新鮮天然！啱晒注重健康嘅你同我一入到餐廳，周圍都有好多植物，好似身處喺公園或者森林咁，枱櫈都係木製嘅，感覺好大自然、好舒服令一面有一個大書架，除咗有好靚嘅擺設之外，仲有好多書，包括旅遊書同時裝雜誌， 成件事好文偽，因為我都係主攻旅遊書叫咗個溫泉蛋黑松露意大利飯， 一上菜，黑松露香氣撲鼻，仲有多款唔同嘅菇菌類，每一啖都食到菇，好豐富！平時食菇好容易有一陣草青味，但呢個就冇嘅，調味非常好！加埋一片片嘅巴馬臣芝士，正Margarita pizza都非常好味，有四粒大大粒嘅車厘茄，超鮮甜！仲有d長扁身嘅車厘茄，仲係唔同顏色添，有黃色橙色同紅色，所有茄同火箭菜都食得出係非常新鮮雖然係薄派，但個Pizza唔脆嘅，如果係脆嘅就錦上添花啦飲品方面，叫咗蘋果水蜜桃沙冰！第一啖覺得好甜，好香水蜜桃味令我覺得好似沐浴露，要一路溝水飲先覺得冇咁甜！但係食到蘋果蓉，蘋果應該係新鮮窄嘅雖然食素，但係都非常飽，覺得自己又健康左啦

同人食晏，一入去覺得好似去左郊外，不過係人多既郊外。我叫左薄餅，整得ok, 餅皮唔太硬，太略嫌茄醬較少，令整體啖左。螺絲粉-頂部有隻水煮蛋，整穿佢撈埋螺絲粉幾好咪。本身螺絲粉有芝士香，有埋帶點咸味既水煮蛋好吊味。多士唔太脆，放涼左，但蒜味濃。蘑菇湯唔太濃，有點淡。環境有點嘈，relax唔到。

星期天下午走進灣仔OVO Cafe，人潮較疏落，感覺自身喺花園當中。很高樓底，掛上大大吊燈！附近種滿植物盆景，心思可見，令人放鬆心情！坐上高一陣座位，視野可以廣闊D!粉綠色杯子同此環境很絶配！Cappuccino $36啖一口心型拉花的cappuccino，可以忘憂嗎？柔滑感覺可以系嘴內停留一會兒！Yuzu cheesecake $38柚子芝士蛋糕，柚子帶酸甜，清新而不膩口！獨處大半小時，心情像輕鬆了一點！環境同食物會影響心情的！

夏天己到沒有理由再延遲減肥計劃、我至愛的飯堂己由一星期一次變為一星期最少三至四次。初次到訪這餐廳的食客第一句都會話“好靚呀”、 周圍環境的確另人心花怒放、一邊係花店一邊係Ｃａｆｅ、太隨意太隨心、食物方面是素食者天堂、無論賣相和水準每次都另我讚不絕口。芒果、小米沙律、有營又健康。賣相己集齊五色原素、黄、紅、綠、白、紫、已達到均衡飲食所需。蔬菜鮮嫩清甜。 芒果醋汁恰到好處、不多也不少、有醒胃感覺。飲品每次都一樣的Ｃａｐｐｕｃｃｉｎｏ、喜歡那苦澀中帶甘的味、餘韻持久不散。

見證完好友女兒受洗，大家一齊去食餐好嘅慶祝，朋友介紹呢間，我之前來過食下午茶，午餐就未試過， 去到環境舒服，樓底好高，又放滿植物，唔會好熱，不過當時已滿座，好不容易在廚房對出搵到個吧枱位，吧枱唔係面壁，而係居高臨下望住大堂嘅枱，所以好開揚舒服！雖然爆場又唔會好嘈雜！ 食物選擇以西式為主，大家揀好要去收銀落單！比咗錢就攞番單據同一個號碼木座番座位等！ 店員會攞碟及餐具比我哋！ 瑪嘉烈特芝士薄餅（$105）薄批焗得香脆，餡料好簡單，芝士加蕃茄，蕃茄新鮮，好多汁，芝士香濃，連旁邊伴碟嘅一小串蕃茄都極好味，焗到剛好爆口，一放入口蕃茄汁就爆滿口內！正！ 黑松露流心蛋雜菌意大利飯（$118）賣相好靚，流心蛋鮮嫩，蛋味好濃，松露意大利飯索晒啲味，比較濕身，米心唔會太硬，食落有咬口，雜菌唔多不過煙韌！好好味！ 蘋果肉桂窩夫（半份$55）兩個心心窩夫，賣相好靚，窩夫外脆內軟，加上呍呢嗱雪榚好滑，雪榚充滿牛奶味，好味 青蘋果蘆薈梳打（$46）有柄玻璃樽裝，幾片青蘋果，加新鮮蘆薈粒，味道清爽唔假，味道冰凍好味！食物好味，店員有禮，上菜收碟都會好斯文問一聲！好舒服咁食一餐午餐！

晚上朋友相約食晚飯，呢度環境簡約舒服，可借2人位的檯互相緊貼，只有不足2厘米距離，失去私隱，根本不可能傾計。黑松露溫泉旦意大利飯，超難食，落order後不用5分鐘便上菜，即一早煮好，只是翻熱，最慘就係翻熱都無D誠意，飯最多只是微溫，飯粒末熟起生鋼，所以吾係飯粒係米粒，咬落啪啪聲! 米飯無熱力，自然磨菇汁失去磨菇香及磨菇味，吾知自己食緊乜，只知一嚿汁或醬之類的東西包住起生鋼的凍米飯，真係救命。上面溫泉旦反而算是合格，流心的，可惜無旦味! 由於碟飯無熱力，溫泉旦本身是室溫，故浪費了上面僅有一片的黑松露，散發不了原本應有的香味和味道，食左等如無食，整體而言，呢碟飯嚴重地不合格，我寧願去隔壁街市食個暫料飯!成$12O食個生鋼凍飯，激死人。杯cappuccino個拉花幾靚，可惜又係吾夠熱，迫吾出咖啡味，入口尚且夠滑，無回甘，吾澀喉，$35份量比星巴黑少，味道一般，吾值!朋友叫的矮瓜旦餅，份量只有一件芝士旦糕般大小，實在孤寒了小小，賣相幾吸引，味道一般，咬到有矮瓜及旦粒，入口清新，$8O也太貴吧!

呢間野食素, 連d cream都係素，呢味菜叫紅菜頭意大利粉，有由紅菜頭汁煮成既意粉，配菜有筍，黃椒同香草，由於素既關係，紅菜頭cream味唔夠芝士味，汁都算多但偏稀而且唔夠紅菜頭味，整體好淡味，要靠d黃椒吊味先碟野叫有d味道，如果唔係，成碟有d似白恰咁淡碗湯激讚，磨菇味好香，唔會好漏，仲有d麵包槺大大粒送湯，硬骨骨，索埋d湯，入口好正，一濃一淡，味道好配合d湯

呢晚我地1930來到，唔使等位，但原來店子唔大嘅，估唔到上網睇相影到咁大啫，呢間半自助形式，先自己去Counter買野食、自助拎餐具倒水飲，買完野食有個數字牌，就等店員上餐喇。餐牌其實都唔多野揀，我地好快都揀好食乜喇，以下是晚點的：① 冰滴咖啡 Ice Drip Coffee ($32)② 朱古力咖啡 Caffe Mocha ($46)③ All day breakfast ($98)④ 白菌茄子菠菜法式蛋批 配自家製栗子蓉 eggplant & spinach muchroom quiche ($72)Total = $248講真呢，我地食完都覺得普普通通，雖然２碟野食擺放幾靚仔，不過食物味道一般，定價稍為較高。冰滴咖啡：感覺味道沒那麼濃，蠻清爽的，有微酸，但冇乜回甘，有少少失望。朱古力咖啡：睇落都幾大杯，不過就好多冰，味較啖，以呢個價錢來講就唔抵喇。 All day breakfast：呢個素材料順時針睇有：茄汁焗豆、半個蕃茄x2、烤菇x2、迷你牛角包x2、沙律菜車厘茄、炒蛋及少許菠菜；來到見到都第一個感覺係幾靚仔，用叉想拮野食時就覺得冇乜野食，其實睇落幾大碟，不過材料都唔會係飽肚

C+食の分享||置身於鬧市中既小花園 ，做半日偽文青 - OVOCAFE--遲黎既食の分享 都過左成半個用既既聖誕假期大家又點過呢？--ms.C襯住Boxing Day 同兩位友人做左半日偽文青--先去寶雲道拜姻緣石之後慢步落灣仔當然唔行開山既我行到腳仔軟當然要搵個地方抖陣搵間Cafe HEA下傾陣計--因為今晚仲有下場邊爐聚會所以主力都係飲杯野抖抖所以冇叫到Main Course--係灣仔都有唔少特色Cafe我地3個隨機挑選去左呢間置身於鬧市中既小花園 - OVOCAFE --位於灣仔舊街市內算係市區活化既一部份 --OVOCAFE係間素食店唔提供肉類食品其實間Cafe唔太大附帶係一間花店隔離所以四周都係好多花花草草 --3個女人仔叫左3杯飲品+Waffles Share 埋單都成$190有點兒貴--拎好號碼等野食送上門 --窩夫好鬆化配上焦糖脆脆甜甜地有D粒粒咬下後面果杯係友人S叫既青檸梳打--配合埋杯咖啡啱啱好例牌既Mocha冇走雞 不過我覺得杯咖啡唔太夠熱--3個女人仔傾傾下就一個下午 --整體黎講今日唔係好多人坐唔滿如果坐滿晒都幾迫下 --花花草草加上陽光射入黎既自然光線

話說今日落大雨, 費事行咁遠, 所以都係喺公司附近食啦咁日日諗食乜, 附近啲嘢又食到悶哂,相信都係每個打工仔的心聲突然叮一聲, 諗到不如去食OVO CAFE一來好耐冇去, 二來最近睇完王陽明個森林婚禮, 不期然會諗起呢間餐廳三來呢間的確係素食之選, 想清清哋又唔想食中式齋菜, 可以試吓呢度食嘢要食埋個環境是常識吧! XD呢間嘢其實係同花店CROSS-OVER所以置身其中又真係好舒服到唔想返公司而且任何一個角度影出去都係靚的啱哂鐘意影相的你咁啱今日仲要唔駛排隊, lucky!是日午餐, 山葵長通粉跟餐湯露荀蕃茄湯=$68 個長通粉味道略嫌偏淡，可能冇用汁料，係健康啲但係淡口。食材好新鮮，山葵味道好清新蕃茄湯係鮮煲的，飲得出唔係出面用茄膏煲嗰啲，通常嗰啲都會太酸(可跟咖啡, 佢哋啲咖啡亦都非常出色, 係我以前個咖啡老師主理的)