OVO CAFE

营业中

休息中

Cafe嘅門口擺滿蘭花同盆景等植物，感覺似花店多過cafe。點餐過程類似green common，首先揾位坐底，跟住出去點餐，之後返位等上菜。餐具同水需要自己出去攞。Set lunch ($82):餐湯 + 沙律 / 熱黑咖啡/ 檸檬茶/ 檸檬水 + 主食餐湯: 芋頭湯入口有芋頭味，但質感較稀，兼有少少芋頭碎。主食: B. 茄汁素肉醬伴飯 配 日式温泉蛋類似我之前係走肉蔬食研究所食過嘅温泉蛋鮮茄雜菜免治牛丼，但我覺得呢間好食D😋，因為佢嗰茄醬係冇咁濃、冇咁酸，伴有少少黑椒味。而且呢間嘅肉醬同配菜嘅份量較多，拌埋蛋汁黎食感覺好滿足☺️。最重要一點係呢間用上珍珠米，呢點絕對係加分位👍🏼👍🏼。"impossible" 素漢堡 配 墨西哥玉米片 ($128)原本我哋係想叫set lunch入面嘅burger黎食，點知落單時店員話set lunch嘅burger含有五辛，建議我哋點呢款素漢堡。素漢堡入面夾住"impossible" meat、菠蘿、蕃茄同生菜，成個感覺好清新。我之前未試過漢堡包入面夾住菠蘿，食落有鹹味有酸甜味，而且菠蘿好多汁😊，一路食一路滴落我隻手到。"impossible" me

間Cafe好靚好舒服 有好多花花草草 最啱影相打卡 而且環境好舒服 感覺好空曠好有一種遠離繁囂嘅感覺 間Cafe係以自助形式來購買 唔使+1日 而且係食齋嘅又唔怕肥膩但都好好食絕對比得上肉類食品特別係啲薄餅好脆 香口我哋仲叫咗個雲吞呢個就一般啦 但入邊好似係有啲什菌都幾特別 午餐先80幾蚊一個人 有餐湯同沙律 沙律好好食唔係普通生菜咁hea 如果想自己relax下又或者同朋友傾吓計都好適合

一個食素菜的朋友仔約食飯。提議左來OVOCAFÉ ，其實經過過好多次，但都無來食過，唔係因為對素食抗拒，而係因為呢度又花賣，門口行過真係會唔為意有間餐廳係度。😂😂無book 枱情況下，唔使等，直入。Lucky✌🏻✌🏻🤣🤣 呢度係採取買飛形式嘅，睇到餐牌，付錢，返埋位等食。直接方便。來開個餐牌，我乜都無睇，直接就話食pizza，其實原來都只係得一款，唔使揀。hahaha... 薄皮Margherita ，餅底拱得香脆，係幾好食，如果水牛芝士再多啲就perfect la。。(貪心mode。yo)🤣🤣🤣 朋友再叫左個和風咖喱飯，本身覺得會唔會好奇怪，但食落又okay wo，淡咖喱再加上個飯軟硬夾得幾好，食落好個risotto ，我覺得不錯喎。👍🏻👍🏻 最後就係南瓜千層麵，來嘅時候嚇左一嚇，成隻上，仲有皮咖喎，點食呀？同佢係細南瓜，好似會唔夠飽咁。但哥哥話成隻都食得，試下切下佢，好材，好易切，而且個千層麵好好食，調味幾好，3個女仔食係夠飽嘅，不過可能係因為漏。😂😂 因為越坐越凍嘅關係，所以我地都叫左熱飲，拉花幾靚，至於味首，就係Mocha咁嘅味囉(味蕾有問題的人😜😜)。。。唔想咁凍，真係要坐入

同一班朋友去咗呢間位於灣仔舊街市附近嘅素食餐廳☘🥗🥘價錢雖然偏貴少少，但勝在地區夠方便。😄呢間餐廳需要自己先到收銀位置點菜同付款😊，自行到餐具區拎餐具到自己座位，廚房預備好食物後侍應會捧食物去我哋嘅座位。要推介沙律同pizza。😄沙律分量多，啲沙律菜好新鮮，個素pizza 賣相好得，同埋好香脆🍕包類方面同埋湯嘅味道就冇咩特別😁

一個人食DINNER, 想食得健康又不怕長胖, 最好的選擇自然係食素食餐一直都有留意呢間分別在門口和室內都怖滿十分多綠色植物的西餐廳,今晚一個人就決定入內食個健康晚餐.呢間西餐廳係半自助形式, 出去CASHIER 點餐, 餐具和清水都是自己去拎, 食物店員就會送上.我選擇了COMBO SET ($168)- 包一個湯, 一個沙律, 一個主菜和一杯飲品不要以為食素就一定不夠飽,呢個餐多蔬菜兼有九款主菜供選擇,其中包括有PIZZA, 意大利飯, 闊條麵不等......南瓜湯，較為稀，不夠濃杰經典尼斯蓮藕沙律-坊間少見，蓮藕薄薄一片兼是軟身的，碗內更有著很多不同種類的沙律菜，非常豐富瑪嘉烈特芝士薄餅-色彩豐富，薄餅鬆脆，一個人竟然不知不覺加上芝士香濃，慢慢吃完整個PIZZA ，真係有滿足感

難得喺灣仔返工，今日我去咗搵個朋友食飯，佢就推薦咗呢一間cafe. 一去到門口已經覺得好靚，好有田園氣息，因為佢都係用木製嘅傢俬為主同埋綠色既deco去裝飾成間cafe.一入到去先有一種好fresh嘅感覺。佢分開咗兩層，行上去上面先喺order嘅下面就係堂食。我order咗個素食嘅烏冬，咁佢前菜有沙律，同埋藜麥湯，第一次飲用藜麥做嘅湯估唔到個味道都幾好，沙律就都係正常嘢。佢素食嗰個麵都有唔少配菜，主要係豆腐整既。但係佢個湯底濃味，所以食落去都幾夾。 水係要自己斟嘅，仲畀我喺同一個地方搵到有幾本旅遊嘅書，啱曬我喺等緊朋友，呢段時間又未有嘢做可以睇下去歐洲嘅書。

有一點時間沒去過，所以去了食午餐，結果換來是失望，可以close file了。先是選擇只餘下三個set lunch及all day breakfast，其他餐牌的選擇都沒有。Set lunch點了西蘭花芝士批加啡菇及薯蓉，唯一覺得可以是磨菇湯，那個批我以為從starbucks取來的，很油然後看不到西蘭花。人手不少，也不需要提供什麼服務，但出現漏單情況。跟進態度也沒有很差，但待應感覺沒睡好。灣仔有這麼多高質選擇，這家可以不用來了。

放假嘅時候總係想有一啲 me time 然後食一個豐富嘅 brunch 獎勵自己今次去到灣仔諗住睇吓傢俬行行吓見到 OVO 就入去逛吓佢可以話喺一個現代感較強嘅品牌成幢大廈前身係街市活化左之後就分開左兩部分一邊係傢俬店另一邊就係OVO Cafe + Garden Cafe 入面最吸引我嘅食物係 green all day breakfast！雖然落單之後都要等15至20分鐘期間睇吓免費俾客人睇嘅設計 / 家居雜誌去添下暖水時間又幾快過呢侍應一拎成碟 breakfast 過嚟我即刻變咗心心眼個emoji樣😍材料好新鮮又擺得靚認真講素食都可以好好味！！！

本身諗住入去OVO傢俬舖避雨，行行吓有啲肚餓，就喺Cafe坐低左。餐廳環境好靚，俾好多植物圍住，好有大自然嘅感覺。主菜叫咗芝士忌廉牛肝菌意大利飯，返唔會太濕，有好多牛肝菌，意大利飯質地唔會太淋，口感好好。之後叫咗甜品，要問侍應生當日剩返邊款，呢日有Apple Crumble Cheesecake。面頭好似Apple Cumble咁一層脆脆地嘅餅，下面係蘋果味嘅芝士蛋糕。好值得推介！另外仲叫咗支1664 Blanc 啤酒。

唔知第幾次黎 我還是十分超級欣賞ovo 的質素！不過今次去到 覺得cashier 哥哥臉特別黑..😂唔知是咪心情唔好但食物就上得快 略厭pizza 有點不夠熱我們點了兩個set dinner 加一個combo set 水牛芝士沙律好有驚喜呢 作為set 的沙律好抵食這個沙律有提子同橙肉 配起黎又甜甜酸酸幾好食芝士pizza 熱辣辣食好好食 凍左芝士就唔拉絲了素意大利雲吞 內裡包著菌類 面頭的綠色汁我也不知道是什麼 有點忌廉味道我個人覺得一黎 同行朋友們就覺得好好食略為不夠濕潤 但菇risotto 好好食啊～第一次點ovo 的waffle 我覺得味道都好不錯這是honey and nuts 的口味好飲的冰茶！rose and lyChee 是晚晚餐好滿足！

係灣仔都幾鐘意黎呢間餐廳～佢主打素食～環境主要用木同綠色植物為主～叫了一個set連飲品同埋漢堡～甘筍湯(是日餐湯)甘筍好濃～但我覺得清清地幾好～如果唔鐘意甘筍一定唔會飲～嫩菠菜蘋果沙律伴燕麥脆片乳酪睇名都好豐富～蘋果加燕麥乳酪～好配～加上啲提子乾甜甜地～芝士忌廉牛肝菌意大利飯牛肝菌好香～食意大利飯我最愛點呢樣～漢堡配雜菜沙律塊肉有得比你選擇素食定肉食～因為友人係食肉獸所以選了肉～漢堡加了菠蘿真係好多汁～但今次食無上次咁香～肉質都算可以～但有啲凍～P.S.我覺得今次一般～因爲比上次食有啲失色～(漢堡)上次真係好好食～希望下次再食會keep返水準啦☺️

與素食朋友一起吃晚餐。在openrice看到這間cafe看似環境很好，又有全素食，就決定吃這間。Cafe裝飾超級綠化，在門口一進來我猶豫很久這是不是cafe。因為門口進來都是綠色植物，又擺放盆栽售賣。急著入內，沒有拍下門口進來的畫面。補上一張餐廳內部照片樓底很高 裝飾精緻 給人無拘束的感覺嫩菠菜蘋果沙律 伴燕麥脆片乳酪有樣不愉快經歷，在沙律內看到有蟲子，職員給我們再做一個新的，但感覺不太好。紅菜頭茸燴意大利飯 配法邊豆、雞心豆、珍珠筍、鮮菌這個樣貌很奇怪的risotto有給我們驚喜，紅菜頭汁令整個飯很creamy，夾雜一些配料，吃起來充滿口感，也很清爽可口的感覺。impossible burger漢堡夾了菠蘿蕃茄，開胃清新肉的質感仿真感很高，咬起來是有肉汁和口感。但這款麵包吃起來有點乾MenuCafe裝修像個綠洲，令人放鬆舒服，是個可以與朋友聊天的好地方。

己有三年沒有來過，店員竟然認得我，還跟我說下午茶餐都有沙律喎，我真的嚇了一跳，因為我每次來都是食沙律和咖啡套餐，咁貼心的服務，簡直值得讚賞。好喜歡呢到，周圍都是花花草草，有輕秒音樂，有鳥聲，好治癒。今日不是來食午餐，只點了一杯cappuccino ， 味道依舊，好懷念啊！苦中帶甘，口腔滿是咖啡的餘韻。飲了一半那心型圖案依然存在，可見奶泡的堅挺實在。這裡坐得好舒服，相比一些有名氣咖啡店的逼夾嘈吵，寧靜得多。

綠意盎然的CAFÉ ，供應素食早餐和午餐。CAFÉ明亮寬敞，有2至4人座位，亦有吧台和大檯，有不少綠化盆栽。由店員安排座位，再到CASHIER 點餐，點餐後在旁邊自助拿取需要的餐具，食物會由店員按號送上。每天會有3個套餐選擇，impossible burger 則是固定的。今天嘗試的正正是impossible burger，可選配沙拉或墨西哥脆片。沙拉的份量不少，有三款蔬菜和小蕃茄。impossible burger有蕃茄、菠蘿、impossible meat 和少許生菜。包皮包底塗有honey mustard 醬，很鬆軟；菠蘿有熱過不是冷冰冰的，酸甜多汁很開胃；主角impossible meat結實有咬口，口感和味道和真肉很相似，很有驚喜。食物資素和環境都很有質素，偶爾想吃清淡一點會是不錯的選擇。

朋友話最近腸胃唔係好舒服想食清淡d / 沙律食物就上網搵左依間ovocafe 試下🤣🤣一黎到就覺得環境好有田園風味🤣好舒服嫩菠菜蘋果沙律 伴燕麥脆片乳酪🌿本身都唔係好鐘意食依d沙律🥗 但一試依個真係幾唔錯！撈埋d乳酪 又有d乾果 唔會dry又好有健康feel🤪🤪今日款湯係雜菌湯🤤個人好鐘意食菇菌野 都覺得佢幾好飲😋香橙百香果沙冰😗依杯野我就覺得偏甜 都重橙同百香果味既不過佢就好唔沙冰 係液體🤣🤣同埋價錢都唔平😗另外就叫左芝士忌廉牛肝菌寬麵條 同埋瑪嘉烈特芝士薄餅🍕兩樣都好食!!薄餅好濃芝士 蕃茄都好fresh🍅而個寬麵條個汁好味😋入面個牛肝菌都好好食 麵既質感又幾好 所以依兩個主食都好推介大家試下🤪🤪