OVO CAFE

营业中

休息中

己有三年沒有來過，店員竟然認得我，還跟我說下午茶餐都有沙律喎，我真的嚇了一跳，因為我每次來都是食沙律和咖啡套餐，咁貼心的服務，簡直值得讚賞。好喜歡呢到，周圍都是花花草草，有輕秒音樂，有鳥聲，好治癒。今日不是來食午餐，只點了一杯cappuccino ， 味道依舊，好懷念啊！苦中帶甘，口腔滿是咖啡的餘韻。飲了一半那心型圖案依然存在，可見奶泡的堅挺實在。這裡坐得好舒服，相比一些有名氣咖啡店的逼夾嘈吵，寧靜得多。

綠意盎然的CAFÉ ，供應素食早餐和午餐。CAFÉ明亮寬敞，有2至4人座位，亦有吧台和大檯，有不少綠化盆栽。由店員安排座位，再到CASHIER 點餐，點餐後在旁邊自助拿取需要的餐具，食物會由店員按號送上。每天會有3個套餐選擇，impossible burger 則是固定的。今天嘗試的正正是impossible burger，可選配沙拉或墨西哥脆片。沙拉的份量不少，有三款蔬菜和小蕃茄。impossible burger有蕃茄、菠蘿、impossible meat 和少許生菜。包皮包底塗有honey mustard 醬，很鬆軟；菠蘿有熱過不是冷冰冰的，酸甜多汁很開胃；主角impossible meat結實有咬口，口感和味道和真肉很相似，很有驚喜。食物資素和環境都很有質素，偶爾想吃清淡一點會是不錯的選擇。

朋友話最近腸胃唔係好舒服想食清淡d / 沙律食物就上網搵左依間ovocafe 試下🤣🤣一黎到就覺得環境好有田園風味🤣好舒服嫩菠菜蘋果沙律 伴燕麥脆片乳酪🌿本身都唔係好鐘意食依d沙律🥗 但一試依個真係幾唔錯！撈埋d乳酪 又有d乾果 唔會dry又好有健康feel🤪🤪今日款湯係雜菌湯🤤個人好鐘意食菇菌野 都覺得佢幾好飲😋香橙百香果沙冰😗依杯野我就覺得偏甜 都重橙同百香果味既不過佢就好唔沙冰 係液體🤣🤣同埋價錢都唔平😗另外就叫左芝士忌廉牛肝菌寬麵條 同埋瑪嘉烈特芝士薄餅🍕兩樣都好食!!薄餅好濃芝士 蕃茄都好fresh🍅而個寬麵條個汁好味😋入面個牛肝菌都好好食 麵既質感又幾好 所以依兩個主食都好推介大家試下🤪🤪

灣仔區搵到里間評價唔錯的素食cafe，專登坐車黎試下。但想唔到下午2點30入座都只可以點午餐牌上的套餐，單點都要3點後先可以點。餐牌上可選擇的唔多，無選擇下就點了推介既Burger ，$128唔包野飲。賣相吸入，起初以為個Burger 入面仿肉是大啡菇代替，咬了一口感覺好強烈既肉味，起初以為自己真係食緊舊肉🤮 心諗唔係甘大整蠱呀？! 無食肉已十幾年，里個 Burger 真心唔多like，如果要選仿肉既素食，甘同食肉又有何分別! 第一次試完，總結係...適合平時食肉的人，想試下食素，又唔想太乏味。

已經encore encore再encore，呢間餐廳我已經一食再食，每次嚟都依然係讃👍首先係餐廳環境，被綠色植物包圍著已經令人心情愉快😊格調又不會高到離晒地，整體就係好舒服然後就係食物，感覺很新鮮但味道又配搭得好好，唔會因爲佢只係齋而覺得好寡，食完會好想再食😆唯一稍為美中不足是自助式，但價錢不算貴，又唔使加一，這絕對是非常滿意嘅一餐

第一次試全素西餐，感覺很特別。餐廳採半自助式，餐具、水等要自己拿，快餐店式點餐，但侍應又會送餐過來，服務也不錯。首試了午餐，湯不錯，沙律菜新鮮，意大利飯的飯軟硬適中，份量雖小，但也足夠吧。見隔離枱all day breakfast 及pizza 也不錯，下次想去試試。

最近腸胃不太好，於是同老公嚟呢間素食餐廳食個晚飯，第一次嚟到，覺得餐廳環境好舒適，有花花草草，樓底好高。我選了芝士忌廉牛肝菌寬條麵，老公選了墨西哥卷+椰菜花湯+沙律+熱朱古力。沙律菜好新鮮，好多不同嘅菜，配芝麻醬。芝士忌廉牛肝菌寬條麵，非常香的牛肝菌味道，寬條麵入晒味，超級喜歡椰菜花湯有驚喜，濃濃的椰菜花味道，帶點鮮菜甜味，越飲越健康，停不了。熱朱古力拉花拉了可愛小豬，好飲，唔太甜，令這健康一餐劃上甜美句號。餐廳佈置見到有王菲、千嬅提字嘅碟。

當人不再年輕，就開始注重養身健康近年素食餐廳亦不只局限於中菜，開始多了西式泰式的素食餐廳。今次到灣仔一試這家素食西餐Cafe。環境: 去得cafe 當然是想chill下！這家佈置都均用綠色植物，木為主。除了作為擺設，他們亦會出售多種少盆栽。食物:點了兩款食物並加了36元要個時日餐湯。栗米湯清甜，沒有濃烈的奶油味，而麵包亦非常鬆軟！All day green breakfast份量十足，牛角包雖少但就剛剛好。值得一讚是沙拉菜，少少鹽味沙拉味，不感肥膩。瑪嘉烈特芝士薄餅薄餅底夠薄，配上適量芝士及蕃茄，剛剛好。由於薄餅不是厚底，所以食多件塊不會過飽肚及膩。總結，想食得健康又chill 一點，不防可到此一試！唯一點是這家餐廳是自助形式，所以要飲水點餐取餐具就得自己估自己了！

比較free style的cafe, 一入去好舒服的感覺，地方幾闊落，裝修好靚。 睇完menu要去收銀度落單先，然後去自助區域拎餐具同水，之後好快d野食就會送上枱lu~~叫左個牛肝菌闊條麵，食得出d麵應該係自己整，好彈牙，好有口感！waffle都好有蛋香味，係個啡菇有d細粒，但味道都ok嘅~ 整體都還好，性格比唔算好高，兩人買單$3xx.食物款式唔算多，但都有啱唔同人嘅style. 呢度最啱俾人靜靜咁傾下計：)

第一次去ovo係朋友介紹，店內環境幾好。以舊灣仔街市改建，以原木風格，配上大量盆栽植物作裝飾。一個人的晚餐，唔想虧待自己。叫左最愛嘅雜菌意大利飯同沙冰。餐廳以自助形式服務，去收銀處落單同先付費後上餐。芝士忌廉牛肝菌意大利飯試過不少西式素食料理，Ovo用料的確很好。份量足，材料味道不俗。意大利飯送上枱時，已經聞到濃濃的牛肝菌味道。牛肝菌入口沒有草腥味，而意大利飯亦煮得剛剛好，不會太多汁亦不乾身，加上芝士，黏度剛剛好。蘋果蜜桃沙冰(唔記得影相)，味道清甜。入口清晰飲得出蘋果的香同蜜桃的甜。再次到訪，沒有令我失望。

每次同油友食也是揀這個地方....食極唔厭，款式近乎次次相同，仍然無損我們的聚餐。沙津菜超新鮮，配上自家制打的汁作醬汁，健康指數爆燈........百頁豆腐口感超好，咬開原整，不會碎，一口一口食.......原個蕃茄去皮，超新鮮、多汁，一試難忘。配菜也用紅菜頭打汁整而成，對食物有要求，即管一試。南瓜湯口感有creamy...但吃不出忌廉的味道，健康可加....全是值得一讚，以灣仔這個價錢真是超值。

我好鍾意呢個品牌嘅傢俬，非常有質素，見到灣仔呢間傢俬店嘅地下，好似一個綠色森林！ 原來係一間 cafe! 喺呢個灣仔鬧市，見到咁多綠色植物，人都放鬆啲我當然就叫我至愛嘅All day breakfast，賣相𣎴過不失啦，味道就好一般，個牛角包都唔脆嘅另外叫咗個紅菜頭意大利飯，好似好健康咁，味道又出奇地好食喎！嚟到cafe點可以唔叫返杯咖啡呢！望住啲綠色植物，嘆番杯cappuccino，咁先係一個relaxing weekend!

前言：話說上星期突然想起ovo，咩都無check 就憑記憶去左中環鋪。點知已經無左，變成Green Commons 嘅kind kitchen😨，實在覺得又貴又唔好食。同朋友食完，一致認為*OVO 先至好*，二話不說，上星期即刻訂定今日嘅枱。仲係心目中好食，夠熱嘅OVO。唯獨份量有愈來愈少嘅趨勢。兩個人叫左一杯飲品，一碗湯同兩個主菜。埋單$295。價錢ok 芝士忌廉牛肝菌意大利飯 $118可以闊麵或飯，因為另一碟只有麵，哩碟我哋揀左飯，多個口感。好食。夠熱。菌煮完仲有咬口，唔會「林」晒。調味適中。椰奶煮冬陰刀削麵配雜菌及豆腐乾 $95差唔多次次嚟都叫，因為香而不辣，朋友都食到。（我好辣，朋友唔好，哩碟香口，啱晒兩個人嘅口味。）蘋果蜜桃沙冰 $46朋友一直心掛掛住哩杯沙冰，一定要點。佢覺得好飲，因為飲得岀係用新鮮水果打成。個我覺得如果沙冰嘅冰，都有啲果味會更好飲，而家好明顯係「水味」。🥣 仲有一碗是日餐湯「南瓜湯」$36湯係清香嘅，隨湯附送嘅一小片蕃茄包先係亮點，可惜好心急飲，無影到。下次都係會再黎㗎！

是晚約左迪迪仔同肥仙happy Friday, 揀左呢間充滿鮮氣既OVOGarden, 既係花舖又係cafe，而且食物同咖啡都有一定水準，美味子嚟過幾次都係飲咖啡同食甜品為主，今次就試下晚餐啦門口既植物牆同成間cafe好襯店內環境唔算太大但樓底高，坐得舒服，點餐要自己去收銀處落單; 想要刀义、匙羹、紙巾或要杯水就可以係自助區度自己搞掂。由於肥仙仲未到，迪迪仔同我就叫香橙熱情果冰沙 orange passion fruit smoothie解下渴先。等齊人之後我地先嚟個瑪加烈芝士薄餅 Margherita tortilla pizza 🍕 ，芝士忌廉牛肝菌闊條麵Porcini lover，個tortilla 又薄又脆熱辣辣好正，迅間被我地清晒👅。Porcini 雖然有我唔鍾意既火箭菜，但闊條麵係好味既，軟硬適中。大家都好肚餓，雖然得三條女，但我地食量驚人，食完個pizza同闊條麵都仲未飽，於是再拎過份menu叫過睇完一輪大家都有興趣試下個Impossible 素漢堡，因為仲可以配埋Nachos 食下吹下水嘛。個素burger又整得幾好味，推介👍🏻今晚真係大🈵️足。

想坐得好.環境好, 灣仔依間OVO 就最ARM平時只有WALK IN. 有自坐飲水位大自然環境, 約人傾下計, RELAX 下就最ARMSET LUNCH (SOUP AND MAIN COURSE). TEA/COFFEE 要另下加錢地方闊闊, 內設TOILET.我兩點後先去到. 所以只有2張台既客人...平時到1點鐘超多人1) SET LUNCH 叫左個意粉. 味度吾錯誤 上面既菜有D青草味, 撈埋D意太利粉係吾錯!!!依度D COFFEE 有簡單既圖案架. 上次就有個心心拉花 (前前後後我黎左3次). 可以下次叫黎試下...