Outback Steakhouse (MOKO新世紀廣場)

营业中

休息中

就新年，又係一家人食飯既時候啦。去過幾次Ruby Tuesday ，今次就去成日都講同Ruby Tuesday差唔多既Outback。Book位時，感覺Outback比較多人去呢。因為Outback都冇乜時間可以揀，而且入到去真係全Full的。Ruby就Book枱時間自己揀到，去到又好少滿座，總有位比Walkin。我自己其實就鍾意Outback多D，佢既黑糖包同炸洋蔥花真係勁正；而牛扒又差唔多，價錢，Outback平過Ruby Tuesday正價少少，不過Ruby Tuesday近D又入左會，折左就應該都係Ruby Tuesday抵少少既。Outback都有得入會，重要唔駛錢，不過就得9折冇半價。因為我今日遲左少少到，屋企人叫緊餐我先到，所以都唔係好知佢地叫左乜，我就叫左牛柳配薯條同一個唔知乜雞油飯（仔話要），炸洋蔥花等。仔仔叫左勁大份既牛扒，婆婆話佢叫果個最貴喎，我就冇留意咁多啦。傻瓜仔仔想叫飲品唔睇清楚，叫左有酒精既沙冰；又奇怪侍應冇出聲...可能仔仔都高大，所以侍應唔知佢未成年啦。黎到我試飲就知有酒，叫仔仔試一啖，佢唔飲就比舅父啦。因為其實都唔重酒精既，只係好少，佢飲到我都會比佢

星期日既晏晝，邊到食野都好多人，我地兩位，旺角依間Outback等左10分鐘到就有位 ，都可以接受。首先不得不提既就係黑糖包，有時因為為左個包，而好想黎食Outback，如果多人黎一定無限追架。跟住叫左個芝士燒蝦白汁寬麵，每次都係必叫，有少少辣，蝦大約有六隻，而個伴碟既蒜容包都好脆！另外仲叫左一個Set Lunch，Baby Back Rips，依個價錢包埋沙津同湯，真係好抵，個Rips水準就正常，冇話特別好食/唔好食。最後加埋會員卡，個芝士燒蝦白汁寬麵就有9折，而因為係Set Lunch就冇另外仲有折，但計返整體，都算抵食！會Keep住黎

今晚去睇演唱會，沿火車站找到outback，4人晚餐再看演唱會。由於有會員卡送了1客牛扒（5成熟），牛扒味道好正。另外還order了和牛漢堡，但就過左5成熟和很雪味有點失色。其他還點了牛油果蟹餅好正，還有炸雞搥和送的黑糖麵包（我們必食）都好美味。4個人合共$400，好抵食又飽肚的一餐。

高質呀無諗過等位期間會有店員走出黎派野飲，等一陣就已經有枱重要係窗邊位！Order左無幾耐就有經典既暖笠笠黑糖麵包送上，加埋cream cheese，真係好好味！食完職員重好細心問要唔要多個，好窩心今次我點左個炸蘑菇，叫左個粉，sirloin steak同埋朱古力餅，兩個人食好飽🙈炸蘑菇ok啦，唔乾好juicy既，但咁多粒食到後來覺得好油，建議三四個人share會更好番茄湯我覺得好味！裡面重有一粒粒新鮮番茄添黎到重點勒！嗌左12oz 既sirloin steak無記錯好似二百幾蚊但可以簡兩個side dish同有湯或沙律送埋！抵食過散嗌幾樣野然後牛嗌左五成，岩岩好！juicy到唔駛點汁,我個人覺得呢個好食過上次食既eye rib添😆Side order我都幾推薦甜薯架，上次食完後悔今次無嗌🙈個粉無影相，都係咁，正路最後黎到甜品朱古力軟餅！嘩呢個不得了，實物比相大份而且好好食！朱古力軟餅底有nuts，有咬口唔會一味得個漏字中意食Brownie類甜品既應該都會中意呢個😆食完真係好滿足！呢度服務都好好，雖然好多客但見佢地做野好有效率而且職員夠多唔會嗌極無人睇到，keep住有人加水，上菜時間都

I've been there with a couple of colleagues for lunch so everyone had the lunch set. I really liked the various lunch sets offered there! As a vegetarian I personally really appreciate that they even have a vegetarian burger! Served with a drink, salad or soup and bread and of course a main, you will definitely not be hungry any more afterwards! The food arrived quite quickly, the service is very friendly and could speak proper English. The taste is really really good! My colleagues liked it ve

講起Outback，大家可能會一大伙人晚上去吃它的牛扒、醬燒豬肋骨、炸洋蔥圈，但Outback 的午餐，做得亦同樣出色，稱得上價廉物美。午餐選擇有十六款，價錢由八十八至一百七十八元不等，有飯、意大粉、漢堡包等選擇。每個餐都包餐包、沙律、餐湯、主菜和飲品，份量之大簡直可以供兩位細食人士食用。先講餐包，用上黑糖麵包，鬆軟可口，帶輕輕的甜味，十分滋味。餐湯是粟米忌廉湯，忌廉味香濃，湯身較杰，配上清新的沙律，是不錯的前菜。澳洲芝士漢堡－麵包鬆軟，芝士香濃，漢堡扒煎得恰到好處，能夠保持牛肉肉汁，配上新鮮熱辣的炸薯條，卡路里爆燈之選。

今日是朋友聚會，揀選嘅地點當然要就腳，朋友就揀咗這一間位於新世紀廣場嘅西餐廳！這個位置真好泊車地鐵小巴都方便，商場鋪有商場舖嘅好處，我都係鍾意去商場食飯泊車來都梗係唔使等位啦因為一星期前已經book定位，都知道假期一定人多，如果唔book位都係唔知等到幾時網上見到他們最出名這個黑糖包，的確幾好味份量都大份，每一啖包都有一絲絲甜，正叫咗兩份龍蝦及龍蝦牛扒set,龍蝦一定係雪藏，完全冇蝦味，又唔夠熱牛扒我哋叫5成，想到來差唔多變咗七成，太熟了，外皮又煎得太窿，真係又貴又唔好食呢個又係網友推介炸蘑菇，本身對呢個好友期望，點知都係失望，大部份蘑菇都太乾，只有幾隻真係住得好香滲出蘑菇香味，不過站我估呢個食法點上沙律醬的確幾新鮮，可惜

今日放假 熊大又特登請假陪熊妹，真係好窩心。放假當然係飲飲食食喇。 熊大前一晚睇one piece 睇到零晨4點既。。好遲起身，所以決定去食tea!熊妹記得outback 有做tea 仲要好抵食，所以千揀萬揀揀左呢度喇。outback tea 只限星期一至五， 下午3點開始，星期六，日無供應。$58 tea，有cheese burger ，bbq pork ribs ，肉醬意粉，雞肉芝士夾餅，燒蝦飯，烤雞三文治同燒蝦caesar salad。 $48 tea 有芝士蕃茄香蒜包，炸雞搥同芝士薯條。飲品另加$10有咖啡，茶或汽水， 仲可以無限添飲。加$25 有latte， cappuccino， smoothies，juices or spirit free cocktail。outback 出名黑糖麵包，不過 tea time就無麵包送喇，要加$10一條。 其實都好合理， 佢個tea 咁平。食tea 就唔會食粉麵飯喇，熊大同熊妹呢排想食burger 好耐，最後揀左cheese burger 同 ribs。burger 塊肉真係唔欺場，係大塊過塊包，煎到剛剛好，有鎖住肉汁， 入面仲有一塊蕃

偶爾都會嚟Outback食嘢，因為想食佢個黑糖包！一早未到餐廳前就要用app攞定飛，唔駛喺門口等太耐。午餐有沙律、餐湯、主菜同餐飲，選擇都唔少，價格合理。湯夠濃杰，忌廉味重，好飲。最好食係黑糖包，夠熱夠鬆軟，香甜但唔會過甜，雖然係任食，但四個人食一個都好足夠！意大利香草牛肉三文治餐$108 -夠大份，外皮夠脆口。燒肉醬味烤雞$118-雞肉好「嚡」，飯味又有啲怪。烤牛肉串白汁燴飯$108 - 只有一串烤牛肉，牛肉韌到冇一舊係食到，就算切到好細都係𡁻唔到，完全係浪費食材，極差！燒加拿大黑毛豬扒$118 - 烤得過燶，肉質粗「嚡」。主菜水準確實有待提高。

難得平日放假，可以試到Outback個下午茶，d野食同lunch set差不多，但價錢平一半，非常抵食汽水同tea仲可以unlimited refill 添! 避開lunch 嘅繁忙時間好適合chitchat!

今日黎到食扒 我本人都係食肉類既人 好鐘意食牛扒 今日就約埋朋友一齊去食 叫左個西冷扒 西冷係多肉 肉結實少少 好有口感 我叫左四成熟 因為我鐘意有少少血味個感覺 咁先似係食肉架麻 唔錯呀真係

依一間都算半個飯堂，以牛排水準來講真係唔差，同埋其他嘢食都好好食。今次點咗一件牛排但係切唔到同小朋友難消化。。驚你二話不說就好窩心咁幫我地換咗。。所以真係十全十美！

Outback最出名的是黑糖麵包，一黎到點完菜好快就有兩個麵包送到，麵包又香又軟又甜，食完又有得再refill ，真係食麵包都飽哂！聽講麵包係由嘉頓整架，當然鋪頭買唔到黑糖麵包所以係outback到食先至咁矜貴呀。因為我地一行有８個人，坐長桌，仲有個侍應係專serve我地架!佢最後仲送多左幾個黑糖麵包比我地拎走，我婆婆生日亦都好開心，比左封利是仔佢。仲有一次我經過outback，好想食佢既麵包但又唔想食扒，咪問佢可唔可以淨係買麵包，原來可以架，仲比我想像中要平，都係十蚊一個，呢個麵包咁好食，抵呀！

以往食outback都係食晚餐，雖然係好食，但都覺得價錢幾貴，今日行過先知原來係有Set lunch 既，最重要係weekend 都有Set lunch有包，餐湯，沙律，主菜同熱飲。主菜都有成十幾款選擇，基本上總有一樣岩食，我地就揀左蟹肉餅沙律同蕃茄海鮮長通粉蟹肉餅有水準唯一唔好係啲菜切得太碎有啲難夾，同埋淨係沙律都等左20分鐘之後就到蕃茄海鮮長通粉，係第一次食既，份量係幾足料既，但啲海鮮就無咩味，無咩特別但整體黎講，價錢，食物，同環境係ok既

星期三中午與朋友午飯，平平地又可以坐得舒服傾下計，不錯呀。通常包包是最好食又必食，黑糖麵包是也，熱辣辣端上來，微甜又超鬆軟，淨食麵包也是享受，以前是香草牛油，而家得淨牛油，吾要牛油淨食仲好味。周打湯，多薯蓉，卻欠味道。個沙律就不食也罷，沒有驚喜，只是很般的青瓜生菜。個主菜就好得多，烤三文魚，外微脆香，內軟剛熟，夠油份卻不油膩，非常嫩滑。米飯也夠味，軟身卻又有咬口。最得意反而系侍應走來叫我們先切開件三文魚，話睇下夠吾夠熟，真攪笑。