Outback Steakhouse (MOKO新世紀廣場)

营业中

休息中

睇牌入去坐低，諗住飲杯嘢消磨吓，叫個 set A，埋單$68 加一。我話唔係$48咩，佢指一指行細字 Dine-in price $68.對面另一檯客兩個人，埋單又遇到同樣疑惑，不過我相信個侍應應該熟練晒點解釋。

The worst customer services we have ever had ! After we sat down , we simply ask the staff (could be the manager) the come over to take our orders. However, his attitude was terrible, as if he is unwilling to help us or felt bothered by our request. Later on, we have been trying to ask for the bill multiple times, but no one has come , we are not sure if the staff didn’t hear us or just ignored us ! The food are okay , not excellent but not bad.

一向去Outback 大家都非常推薦佢哋嘅黑糖麵包，去呢度食午市都可以品嚐到佢哋嘅黑糖麵包，正。👍👍👍其實覺得佢哋嘅set都幾抵，雖然就一定唔係低消費嘅午餐，但係以百零蚊+1嚟講，可以有湯、又有高質素嘅麵包，嘢飲同埋良好嘅用餐體驗，都係非常之唔錯。🤩🤩我叫咗呢度比較平嘅選擇，雞肉芝士烤餅，份量十足，如果唔想食薯條咁Heavy嘅話，可以轉做烤蔬菜一樣得。我覺得呢個芝士烤餅比較適合多啲人share，一個人食晒四件真係好Heavy下。當然佢嘅味道係無容置疑咁好食。👍👍💕

朋友邀約食飯，話好想食呢間餐廳黑糖面包。 聽過餐廳名好多次，今日第一次嚟幫襯。 餐廳地方都算大，不過好似唔係好夠冷氣。 被偏配較入位置，初頭風扇直吹，移開後又熱到出汗😅😅餐牌唔算太多選擇，原本諗住選dinner set但係又唔太吸引，而且又唔特別平。 最終選擇散叫， order左吞拿魚沙律， 蟹肉焗磨菇（呢個我幾鍾意，啖啖蟹肉）， 墨西哥牛肉脆脆（份量多，不過唔太夠脆）， 芝士蝦肉扁意粉（蝦肉同意粉算彈牙。味道，環境都只係一般啦，不過佢唔限時，約埋朋友食下飯，傾下計都係一個好地方。

放假帶屋企人嚟 MOKO 嘅 Outback 食晚餐，環境闊落，唔迫好適合一家大細。叫咗牛排、芝士焗薯皮、洋蔥圈同招牌麵包。
牛排 medium 做得剛剛好，肉質 juicy；芝士薯皮熱辣辣，啱啱出爐咁樣，唔太鹹；炸洋蔥圈脆口唔油。麵包加牛油簡直係必食，長輩都話滿意。
職員服務得好，主動加水收碟，笑容又親切。加上係旺角上蓋，食完仲可以順便行街。性價比唔錯，適合家庭 dinner outing。🥔🍖🧅

叫咗個貴嘅美國頂級肉眼牛扒，叫咗要三成，嚟到變咗係五成甚至七成然後朋友叫咗個精選西冷，都係叫三成。嚟到就係生得制，得一成到。雖然都好食嘅，唔會話唔好食，但係嚟steakhouse比幾舊水都係想食到一塊直正三成好味嘅牛扒吧~（如果專登嚟扒房都食唔到三成牛扒咁仲可以係邊到食到？）

清明節假期同朋友共6人去食，由於係紅日生日冇任何會員優惠，6點半入座準時90分鐘後交枱。一入座先上黑糖包，大家都食開味道冇特別，但我記得以前係其他分店食會叮返熱？今次兩份包都只係室溫，感覺味道香味都差少少。前菜叫左四樣：- 周打蜆湯：非常濃郁，根本成碗都係湯料，陪黑糖包食十分好味又飽肚- 煎吞拿魚：黑椒味到好重，改過曬吞拿魚既腥味，個汁酸尾尾都幾夾，推薦一試- Chicken cobb salad：份量巨大，6人每人分到一碟，我冇加汁去撈但係材料本身既汁水已經夠曬，雞肉唔老同埋幾好味。雖然價錢好似好貴，但呢個份量黎講我覺得好抵食- blooming onion：呢個應該係outback既名菜，不過我本人都係第一次係呢道食。唯一感想就係：好油啊！成個碟底都係油，頭五分鐘食落都仲覺得脆，後來我淨係食到花瓣既末端，底部沾滿油既部分真係頂唔順。個醬我相信係千島醬，由於個洋蔥冇乜調味，配千島醬或者茄汁會惹味好多輪到主菜啦，我地叫左個porterhouse五成熟，但成品應該有八成熟，而且人人把刀都好鈍，認真使盡了九牛二虎之力先拆到舊骨出黎肉質唔使講，煮到咁熟好極有限，但尚算有肉味。份量黎講6人每人

很多人喜歡去Outback的原因也是因為他最有代表性的黑糖麵包，我們也不例外每次來到這間餐廳，最想吃的就是這個黑糖麵包。每次吃到這個熱辣辣的黑糖麵包也不會令人失望，不過其他的食物我就覺得意粉就一般而已。不過有部份食物也不錯的。今次我們點選了以下兩種食物都是跟餐的，有餐廳和飲品。🌟雞肉芝士夾餅我很喜歡這個雞肉芝士夾餅，因為外面非常香脆，內有拉絲芝士和雞肉，這個配搭非常美味，不過薯條就略嫌乾一點，每次我們也不會吃完。🌟黑椒火炙吞拿魚沙律這個黑椒吞拿魚生果本身很難不好吃的，因為只是沙律醬和沙律汁配搭新鮮蔬菜牛油果等等加上火炙吞拿魚，味道確是不錯，不過略嫌188的價格有點兒貴。餐湯方面，我試過這個蘑菇粟米湯不錯，不過上次的蕃茄湯就真的很難飲。

燒蝦凱撒沙律$178份量好大，燒蝦都多，蝦味道正常沙律撈好上菜，沙律醬足夠cover每塊菜菜好爽甜 好食美國精選肉眼牛扒 $378（配：焗甜薯，特色雞味飯）叫左5成，牛扒係正常發揮 無乜特別驚喜甜薯香甜芝士白汁燒蝦寬麵$178一向都會叫呢個意粉芝士白汁好creamy,仲帶帶辣味 食落無咁heavy 蝦爽脆 呢碟清得最快

第一次食outback，老實講，一定唔會回頭期待已久嘅黑糖麥包，中規中矩，冇咩驚喜，未好食到想無限添食似提子包湯已經係最好飲，夠濃味，多菇睇食評多人講牛扒一般，於是揀左「豪華海陸拼盤」，係一個二人套餐。可惜十分失望，因為基本上得比目魚係有溫度其餘食物都只係超級微暖，肉質係有，但唔夠熱既食物擺落肚感覺好差，有咩可能連薯條都唔熱要求唔算高，覺得完全對唔住呢個價錢($680未加一)冇野補充希望只係分店問題，但多數唔會再去其他分店

早3星期前，就已透過電話方式book左位，要求座近窗口卡位，並說明當天是食生日飯的。9/12(星期一)晚，去到旺角新世紀廣埸，入左去坐近窗口卡位，安排上滿意，可能係晚上6點鐘，唔算太多人，環境昏暗，幾有情調。做緊優惠套餐牌:揀左D.美國頂級牛扒拼龍蝦尾(二位用)原價$980信用卡優惠(一至四)$686套餐包括:黑糖麥包>唔錯餐湯>都彼濃沙律菜>清新芝士白汁燒蝦寬麵>比夠96分，啲燒蝦中型size及有約8隻美國肉眼/紐約牛扒>揀左紐約牛扒7成熟用鐵板上，所以唔好叫全熟叫左個炸洋葱$98，炸得鬆脆，因只有2人食，食唔晒要打包我都係第一次食到有成約10cm大嘅朱古力馬卡龍+雲厘拿雪糕球+生日牌仔，太出乎意外，好鐘意吖

黑糖包曾經為咗Outback無限任添嘅黑糖包而幫襯，相隔一排再嚟，黑糖包已經冇當初咁好食了，覺得偏甜。不過，熱辣辣黑糖包配上自家製牛油這個經典配搭仍然好正🥖澳洲和牛紐約牛扒牛扒竟然比沙律早到。牛扒上碟時，好似出面啲扒房咁連餐碟都係熱㗎，確實抵讚。伴碟嘅薯條都夠熱，但係唔夠脆，麥當勞薯條仲好食。塊扒嗌咗五成熟，好明顯Overcooked。塊扒有筋，所以食落好韌😮‍💨炸蘑菇成餐最滿意就係炸蘑菇！炸粉唔厚，炸完仍然保持蘑菇嘅水份，感覺清新不油膩🍄香煎黑椒日式黃鯨吞拿魚沙律沙律菜品種好多，不過切得有啲碎，啲菜有點霉，感覺不太新鮮。不過，牛油果生熟程度剛剛好！至於主角吞拿魚，份量非常多，不過黑椒味太重，食落有點辣。沙律配有兩個醬汁（千島醬和酸酸的汁），兩個都麻麻哋。其實簡簡單單落橄欖油和黑醋， 效果可能會更好🥗食食吓，經理行過嚟問我哋覺得食物如何，我哋反映返塊扒唔係我哋嗌嘅5成熟，經理主動話幫重新整過一份🫢 聽到經理咁樣回應，覺得好surprise，因為出面好多餐廳聽完意見通常答你：「哦，會幫你同廚房反映吓」，之後不了了之。所以，今時今日遇到呢種服務態度確實難得👏🏻第二次上碟嘅牛扒終於係五成熟啦

OUTBACK STEAKHOUSE是澳洲菜，所以餐廳內牆上有袋鼠燈，環境舒適。這是在平日太子moko店，不限時對我們目的邊食飯邊聚舊的人來說是十分重要，其他店都限時限刻90分鐘要離場，這點加分位👍。👍黑糖麵包: 黑糖麵包是OUTBACK招牌，每人最少食了半條，暖笠笠上台，又香黑糖味又鬆軟的，單食好好味，配它的淡牛油更加一流。。👍炸洋蔥花球: 外脆內軟，洋蔥夠熟，食到洋蔥的香甜。👌公司沙律及雞肉凱撒沙律均是蔬菜新鮮，正常發揮。👌燒肉醬味豬肋骨併燒半雞:豬助骨是招牌菜，入味夠軟，肉好軟淋，輕輕一叉就會鬆開，味道唔錯，肉唔乾，但覺得無咗肉嘅肉汁及彈牙感，可惜燒雞d肉就柴了一些。👌燒帶子煙肉白汁燴飯: 帶子燒得剛好，白汁燴飯汁醬偏濃，多食易膩。👌闊條面，都正常發揮，好味無投訴。

服務員服務態度極差，從未試過差到咁，moko喼間一入執帶眼鏡肥妹帶帶下位唔知走咗去邊，bar位金毛果班男仔句句帶粗口，大佬，有小朋友架，全程成班圍埋吹水，仲差過大排檔

雖然假日有好多人北上消費，原本以為walk in都會有位，結果outback依然係要排隊。一坐低就會有黑糖麵包，而且可以refill嘅，但感覺麵包冇以前咁好食，冇咁鬆軟。嗌左牛扒，可以揀2個side dish，揀左焗薯同蔬菜。個焗薯超級好食而且份量都好足，用左芝士同煙肉粒去焗，味道又唔會過鹹。牛扒揀左7成熟，建議可以揀5成，因為7成感覺有d韌。仲嗌左海鮮意粉，配果兩塊蒜蓉包好脆好好食😋。意粉份量足，海鮮都算新鮮，兩個人分都可以食到好飽。另外服務態度真係好好，主動refill水同會問你覺得呢餐點樣。每位員工都好有禮貌。唯一美中不足就係甜品唔可以寫碟，如果想慶祝生日或者特別節日可能要另覓地方。