Outback Steakhouse (屯門市廣場1期) (已結業)

第一次寫食評，但outback 好值得寫👍🏻外賣同堂食份量同質素一樣咁足咁好，依家好多堂食價錢偏中高或以上既餐廳，外賣都做得好差，份量好似減少左唔再講，連質素都差左，完全係唔會想再食，但outback 真係令我好滿意👍🏻👍🏻👍🏻如果網上外賣平台 or 網上外賣平台 可以送大興，我一定會成日訂，因為真心好過好多外送外賣好多喇。我依家係外賣自取，價錢平堂食一半又送湯同黑糖麵包，真心抵，雖然我對佢個包冇乜好感（個人中意食鹹包），但佢係每份餐都送原條喔！一直以來outback 算係我堂食都會覺得佢不論價錢，食物質同量都算成正比既餐廳。依家因爲疫情，餐飲業者都承受好大壓力，要應付既轉變奇多，但佢地都保持到質素實在唔易，值得捧場！😋😋😋

今日禮拜日😻男朋友放假~最鍾意捉佢同我食好西。一早叫佢預留今日嘅早餐同我食outback架，因為想試佢個黑糖包好耐啦。星期日車水馬龍，12點40分去到攞位，我哋兩位都要等10張。咁就企喺度等吓啦🙌🏻原來好多人攞咗位都走咗去，可能因為大家都覺得要等10張🤣我哋1:10左右就有位。一坐低佢勁快手上咗個黑糖包先，仲係有微微溫度嘅，旁邊嗰個牛油，係冇乜牛油味嘅，純粹係一pat牛油質感等你查落個麵包度冇咁乾😒呢個位有啲失望囉仲期望佢好香濃牛油奶味。包就真係好重黑糖味，整體偏甜，仲有少少嘅粒粒喺出邊，好食呀👍🏻沙律同餐湯都係一落完單之後5秒內有人送到，唔誇張。😹 可能星期日午市真係太忙，佢哋要做足準備 。我就冇影到，個沙律係勁大pat沙律醬，我唔食沙律醬嘅所以額外叫佢比一份走沙律醬嘅俾我，侍應好有禮貌👍🏻👍🏻👍🏻同埋效率都好快👍🏻👍🏻👍🏻湯嘅就普通周打湯，通常呢啲餐廳用忌廉同麵粉開出嚟嘅我都麻麻地，我男朋友就話好味👍🏻然後我就叫咗一個盲曹魚啦，個魚好滑要讚👍🏻然後魚皮都係煎到啱啱好，微脆，唔食魚皮嘅我都有食少少。個魚落左檸檬汁之後呢，完全成個鮮味出晒嚟，個底嘅米飯有少少辣味，加埋魚一齊食，有畫龍點

未食過outback 午餐，所以今日中午去試下，假日真係好多人，慶幸不用等太長時間，我們二人點了兩個lunch set，1份豬肋骨，另1份燒蝦辣炒飯。點完餐後職員會即刻為你送上黑糖麵包、餐湯及沙律，好鍾意食呢個麵包，軟綿綿亦有咬口感，配埋個cream一齊食，食完會再想食，但要留肚食主菜，餐湯係忌廉湯，好濃烈，沙律菜就普普通通，不夠新鮮，另外可以再加多少少沙律醬。等大約10-15分鐘主菜就到，燒豬肋骨好入味，我鍾意佢燒到有少少燶，夠惹味，薯條係厚薯條，好脆燒蝦辣炒飯有少少失望，不夠熱，而且不夠辣、味道好淡，要自行加返辣汁先食得到。不過午餐真係好抵食

為咗搵一個環境舒服嘅地方聚會，我哋揀咗連鎖式西餐Outback作為聚腳點，志在坐得舒服，環境乾淨。叫咗個前菜小食拼盤、海鮮拼盤、蟹肉忌廉意粉、咖喱薄餅。食物整體都冇乜大驚喜，水準一般。小食拼盤嘅炸物感覺唔似即叫即整，冇即炸嗰種脆嘅口感，薯條都係偏淋嘅質地。海鮮拼盤最令我驚喜嘅係特調嘅鮮蕃茄檸檬汁，少少酸酸辣辣，配埋蝦一齊食好夾好好味，但係拼盤入面嗰個蟹、帶子就普普通通，冇乜鮮甜味，反而與燒得恰到好處，皮脆肉嫩。蟹肉忌廉意粉嘅蟹肉份量正常，忌廉偏濃，會黏口，感覺幾好，意粉爽口，整體感覺良好。甜品係雲呢拿雪糕配Brownie，Brownie即叫即焗，皮脆而且內餡流心，而且甜度適中，味道唔錯。整體環境同埋服務都好好，想坐得同食得舒服嘅話，呢間餐廳係唔錯嘅選擇。

因為自己係會員，有一張coupon佢會送一份牛扒～～～～兩個人都叫左一份豬，一份牛，一個pasta，仲要食埋個甜品～～～超級無敵飽啊真係～～～因為每一份扒都會跟2個配菜，我通常都會叫一個係薯條，一個係蕃薯！個蕃薯係會切開一半，然後會加cream 係面，不得了，呢個真係超級好食同埋超級肥！哈哈哈～豬就係本身配飯既～所以就冇配菜既～～～～～叫左個雞肉蝦pasta～～佢係闊條麵黎既～次次都會叫既一個pasta！係因為自己比較中意呢個pasta，其他食過都忘記左個味～～哈哈！

趁住放假入左屯門拜祭先人, 之後去左隔離的屯門市中心行街食LUNCH, 搵左幾間, 都係揀左Outback Back, 屯門市中心的分店好大, 我一個人入去, 探熱後都竟然肯比我坐4人卡位, 太好了。因為好多食肆唔會比一個人坐卡位, 十分欣賞的服務。坐彽後職員比了水及黑糖面包(正呀), 我就揀左$98 澳坊芝士漢堡餐, 價錢包括:餐湯, 黑糖麵包, 沙律, 主菜芝士漢堡配薯條及飲品。芝士漢堡配薯條真係好入味, 芝士漢堡充滿肉汁, 芝士溶溶地好夾。餐湯: 餐湯十分豐富, 啖啖有材料黑糖麵包真係每次可以食2條, 仲要一上枱就要食啦 !!食左一餐開心LUNCH, 除左食物質素好, 服務亦要讚賞。

Outback最吸引我嘅地方就係佢個黑糖麵包，熱辣辣香噴噴，再配合軟牛油，十年如一日都好好食😋原本想叫慢煮安格斯牛扒，點知只有星期五六日先至有，好失望😔唯有叫美國牛柳配龍蝦尾，自選咗兩個甜薯加蘑菇汁，本身呢個扒跟是日餐湯，但我想飲周打蜆湯就可以加$20轉，再order咗蟹肉釀磨菇做小食。先嚟咗個周打蜆湯，一飲「酸嘅」？經理即刻話換過，之後嚟咗個新，好香濃！入面有好多蜆肉同薯仔，再配埋黑糖麵包去食，勁正👍🏻美國牛柳配龍蝦尾煮到啱啱好五成熟，牛柳唔羶，又夠牛味，容易切開，好食！龍蝦尾都算多肉，夠彈牙！焗甜薯亦都係我至愛之一，上面鋪滿香軟牛油，牛油上面灑咗肉桂粉，好香好甜，完美！蟹肉釀蘑菇相比下味道比較淡，但食多幾口又覺得幾清新，不錯！最終我喺呢一餐食咗兩條黑糖麵包，大滿足😻😻

婆婆生日飯，新潮的她說想吃牛扒。在世界杯舉行的檔兒，咱們特意從婆家附近挑選餐廳，彼可吃飽後回家大伙兒一起欣賞賽事，共聚天倫。與老伴南轅北轍，小的特別鐘情擁地方特式之小店餐廳，在別有一番風味之餘亦可感受一下地道的人情味。儘管每次嚐新都有機會失望而回，然而冒險探索卻是典型人馬座專享的性情。當人生的負慮愈多，放肆流浪變得不太可能的時候，搜尋隱世美食便成為了安全版、聊以自慰的稍稍追求。地膽屯門高經介紹了藍地的一家意大利菜，可是當咱們訂檯的時候卻發現餐廳進行內部裝修，要兩個月後始恢愎營業。於是小的主動從網路搜尋，選定了位於置樂龍成花園的西餐廳。只是人微言輕，最終還是順老伴的意思到屯市的Outback去。選用匯豐信用卡之至紅獎賞，可以折扣價享斧頭扒套餐。咱們預先訂購，七時半入席。一行五人坐於半圓沙發的位置，除了毗鄰之另一座便別無其他，私隱度甚佳。餐廳之職員非常醒目，不用查詢已知咱們是吃斧頭扒餐。只留下一套餐牌與飲品牌，便趕緊預備出菜了。Outback提供之餐包著實非常美味，烏黑的外皮，出場總是熱騰騰、軟綿綿的。令不好麵包的小的也忍不住品嚐。放肆地塗上厚厚的魔鬼忌簾，愈邪惡愈誘惑。然後侍應以長碟端來

之前已經聽過朋友說過這間的餐包無得輸，只是為了吃餐包都會到這間店吃午餐，當時自己感覺朋友說得太誇張，怎知一試難忘。餐前包：黑糖包外貌平凡，好像一個黑炭頭，但味道絕對驚喜，口感很軟熟，一點都不覺得甜，再配上牛油，很棒！燒雞肉芝士夾餅其實份量不算多，但澱粉質很重，又有燒餅和炸薯條，非常非常有飽滯感。如果可以將薯條改為沙律，應該會更好，因為芝士有點過膩。燒雞肉的燒味很濃，肉質有少少粗糙，內裏有少量芝士，各樣食材味道很配合，再點少少的芝士汁，更提升芝士香。

疫情關係， 好多食肆都早收或唔開， 出街食飯都好有難度。 無得去旅行既我思鄉病（澳洲）發作。😂皇上為左滿足我， 就帶左我去食outbrack 食下野， 止下痕。 兩個人， 食二人餐 = 超飽😅😋推介😋燒肉醬豬肋骨拼燒雞， 肋骨同燒雞都整得好林， 不過肋骨唔知係唔係整得太林， 就欠左少少肉鮮味。 燒雞都可以接受。 相返， 燒肉醬配薯條就好。 一定要食🤴皇上推介： 1. 蟹肉釀菇蘑菇可能疫情， 相對每量食物， 做番出優質既水準，雖然份量少少， 但蘑菇有番好重蘑菇鮮味， 爽口。 唔太咸， 味道岩岩好。 2. 帶子薈意大利飯芝士薈入意大利飯中， 加埋三粒煙肉帶子， 真係好飽。 既視覺上好滿足， 口味滿足芝輕迷既我食， 所以如果有單點， 不防都叫份試試。

我自問係一個好鍾意食肉嘅港女，所以要滿足我呢當然要去一個又靚，啲肉又好食嘅地方啦。所以今次就嚟咗呢間outback，真係好唔錯呀，佢嘅扒好出名，嚟到又真係好好食。佢嘅牛扒超級厚切，我冇淋汁，但係牛味已經好香，放入口令我特別滿足。配埋執鞭嘅蘆筍同埋蒜頭嚟食，更加好味。我嗌嘅呢個係新年套餐，所以有半隻龍蝦配埋，隻龍蝦都燒得好好食，啲肉好易拆出嚟，加少少檸檬汁上去，更加係完美。呢個帶子繪飯都好好味架，佢有少少辣味，但係個辣味唔會搶咗啲帶子味，反而咁樣撞埋一齊，別有一番風味。而且佢個繪飯都做得好好，非常之正宗，真係好好食。其實本來我都想讚下佢個黑糖麵包，但係唔記得咗影相。總之成餐都真係好好食啦

星期六的午餐，雖然肺炎肆虐，不過就算兩點鐘依然好多人，非常噪，枱與枱之間距離算近，有大枱方便大班人一齊食飯。午餐有好幾款選擇，試了煎魚和素漢堡，份量好夠，有歺湯（粟米湯，有點過甜），有穩定質素的黑糖麵包和餐飲呢！素漢堡和肉漢堡的味道與質感真的好像，賣相味道也不錯，當中有夾上番茄和炸洋蔥，薯條也不少，附上的酸洋蔥出奇的好味，能夠清新一下味蕾，午餐價錢大約百幾蚊到二百幾一個餐，執枱和送餐速度快，員工服務態度也不錯。

今日難得放假，相約好友去Outback 午膳。lunch set 由$98-$128，包餐湯、沙律、主菜同飲品，都算抵食，選擇亦多。黑糖麵包包充滿黑糖味，外脆內軟，加上牛油，好味！仲可無限免費追加沙律和餐湯先說餐湯係西蘭花磨菇湯，味道濃郁，沙律菜好新鮮，不錯。主菜(一)燒肉醬味烤雞烤雞感覺一般，但足半隻雞，底層配米飯。主菜（二)芝士白汁燒雞肉雜菜寬麵賣相吸引，香而不膩，寬麵入口彈牙，烤雞肉肉質比想像中嫩

女朋友生日竟然唔記得要book位 去到門口要等十二張好彩前面有幾張都走左等左十幾分鐘就入得啦叫左炸蘑菇、芝士白汁蝦意粉同埋肉眼首先上枱既係黑糖包，一貫水準 Encore左多一個之後其他野都陸續上枱炸蘑菇正常芝士白汁蝦意粉 偏乾同埋淡左啲肉眼叫左五成 口感就正常 但冇乜牛味整體味道中規中矩，價錢小貴

Outback應該好多人都會鍾意食佢嘅餐前免費黑糖包☺☺加上邪惡嘅忌廉真係非常之好味，喺Facebook見人介紹原來有得外賣，即刻買你明天做早餐🥣＄10 大大條包住錫紙跟埋忌廉，明天焗返熱就真係好好味呀😬