Outback Steakhouse (屯門市廣場1期) (已結業)

Outback都算係我成日幫襯既餐廳, 雖然價錢貴少少, 但服務, 環境同食物質素都值得一去再去。今晚又叫左份肉眼扒, 配菜照舊揀左焗薯同甜薯。另外再加一份炸雞搥。今日個湯係蕃茄湯, 第一啖會覺得有少少酸但之後就覺得好開胃, 同埋都食到蕃茄蓉。 肉眼扒上次叫3成熟最後都係熟左少少, 今次叫5成熟反而剛剛好。Outback個甜薯真係好好味, 係好甜但你又唔會覺得漏, 仲覺得蕃薯同個牛油真係好夾, 好想知佢除左落牛油去焗之外仲有冇落其他野調味。炸雞搥係乾身冇汁果種, 但已經好夠味, 肉質OK唔會老, $72有8件真係好抵食。

睇戲前要搵餐廳食晚飯, 又突然好想好想食牛扒, 見outback唔洗等位就入去喇。叫左肉眼medium rare, 12oz兩個女仔食岩岩好。一路食住招牌黑糖包等上菜。跟牛扒個湯好濃味質感好厚身, 但咸左少少。牛扒上枱一切開, 大約5成熟, 都ok唔會太熟, 如果再生少少就perfect。食完塊扒總算暫時止到我個牛扒癮。配菜選左焗薯仔同焗甜薯。朋友非常欣賞個焗薯仔, 表示d sour cream配埋煙肉好好味, 仲食到停唔到口。我自己就鐘意焗甜薯, 用牛油焗好惹味。overall呢間分店食物質素同服務都ok, 但座位比較擠迫, 如果坐卡位會好d。

今日和朋友食生日飯，由於大家都係住屯門，所以選了去屯門outback.平日去outback 人唔算多，而且不用等位，都係不個不錯既選擇。入到去先見到匯豐有特價二人餐，幾抵食！首先有我最愛既黑麥芽餐包，甜甜地、暖暖地，好軟熟。凱薩沙律🥗都新鮮爽脆。湯好杰身，應好足料。主菜牛扒點了四成熟，都juicy,但唔會好多血。另選了一個芝士雞肉意粉和芝士夾餅。最後仲有一件芝士餅，其實幾好食，係甜少少。不過已經食到好飽，所以食唔哂。

午餐諗住食牛，唔係叫最貴果果但都一百五十幾，但係點知塊扒好細，得漢堡扒既大小，又唔係厚，但好在d粗薯條食飽返，脆身，好食既。相反朋友叫左個意粉好好食，平一倍，但料好足,芝士味好濃。下次都係叫意粉啦。

所有餐具都用餐巾包住。餐廳送既招牌黑糖包，甜甜地，幾好味。餐湯係粟米湯，比預期中好飲。精選肉眼牛扒(12oz)($318)"友人"揀左肉眼扒，5成熟，但睇落似7-8成熟。肉眼好有牛肉味，幾有趙口，比西冷好食，但都係一般。配菜揀左特色雞味飯同薯條。雞味飯係普通炒飯，食完好飽，下次可以唔需要再叫。薯條就好食，必叫。(個人口味: 3.5/5)美國特色西冷牛扒(9oz)($198)之前食過雞肉意粉覺得雞肉好鞋，今次見餐牌既意粉都唔太吸引，就揀左最平既扒同"友人"一齊鋸扒。西冷扒叫左5成熟，但食落似接近全熟。肉質明顯同肉眼扒係唔同級數，比較鞋，口感偏粉。我個人就覺得一般，唔知係煮得太熟定西冷扒本身既質素麻麻既關係。但以尼個價錢而言，我覺得塊扒係唔合格。反而配菜比主菜好食。薯條作為配菜，份量比想像中多，食得出係新鮮炸，香脆軟熟；焗甜薯無炸薯條咁熱氣，甜甜地，好味。如果再有下次，我會揀焗甜薯同焗薯。（不過下次應該唔會再叫西冷）(個人口味: 3/5)整體而言，outback既環境同服務都屬於中上，但扒既質素就麻麻。最平既$198西冷麻麻我覺得合理，始終一分錢一分貨，但$318既肉眼都係一般就有d講唔過

是日幫阿仔慶祝生日，問佢想食咩！佢就講想食牛扒，因為無預早訂位，所以預早啲出嚟，6點幾嚟到屯門見到呢間Outback ，都已經有人在等位，不過等嘅人還不算多，舒舒服服全喺餐廳附設嘅梳化等10多分鐘已經可就坐，今次叫咗4樣嘢食每樣嘅份量都唔算少Caesar Side salad 🥗簡單嘅沙律呢個炸洋蔥每次嚟到都忍唔住要叫一客嚟食，外面炸等香脆洋蔥味濃厚主角牛柳配龍蝦尾，牛扒要求6成熟，煎得剛剛好，龍蝦夠新鮮雞肉拼燒蝦pasta雞肉唔嚡坐位座得舒服，食物質素唔錯，不過價錢略貴，難得阿仔一年一度生日🎂佢要求到就順下佢意啦

同朋友相約係屯門見面，但一直都諗唔到邊度食飯好，點知，見到outback竟然無人，仲有匯豐卡做7折，太吸引，所以去幫襯。兩個人，叫左sry finner，頂級肉眼牛扒。主食仲有好多野揀之餘，送餐湯、沙律、飲品同甜品，都係440，真係幾抵。一坐低就有好味黑糖麵包食，好滿足。好快就有熱辣辣既餐湯，所有菜都上得好快，沙律意粉。值得一提係waiter會提你個餐本身跟左沙律，主食係味都叫沙律，咁係窩心既！唯一無咁好係好快要收走你d野，係咁chur你走！不過正常既，都成8:30，peak season!!Highly recommend

因為有朋友生日，諗住去食返餐生日飯，本身想食牛一，但實在太多人等😂😂所以我地放棄左呢個選擇，走左黎食outback🎉好鍾意呢間餐廳既燈光，夠柔和，感覺好舒服👍🏻👍🏻我地三個人點左三樣野食，分別係芝士薯條、肉眼扒拼豬肋骨、冰桶甜蝦😋😋佢一開始會免費上左個黑糖包先，熱辣辣、好好味👅薯條夠脆好正❤️扒餐仲有多兩個小食可以點，我地點左雞飯同沙律，個扒同飯不過不失，但沙律個味我唔太接受到🤣🤣最後我地加叫左個甜蝦，但呢個蝦真心麻麻地，無咩味，而個醬個味有啲怪😂

初初以為入面剩係得牛扒食，點知我見好多人都推薦個黑糖麵包。原來啲扒都唔係重點。而係啲黑糖麵包。啲黑糖麵包入面好似好有味咁樣，真係好有心機去整，值得推介。估唔到一間牛扒專門店都可以整到咁好味嘅麵包下次一定會再嚟試。

黑糖麵包係signature應該人人都知，四個人要食兩條先夠！去食嘅時候係母親節，嗌左兩碟扒加小食不得不提飲品，菠蘿沙冰同士多啤梨梳打同主菜好match，完全扺消左食肉同煎炸野嘅油膩感！

坦白講outback唔係第一次食，但真心個包係咁耐以黎都咁好食。今次見餐牌多左d新野食 叫左其中一樣“冰凍甜蝦”黎試，可能食慣日本果d，個人覺得唔夠甜炸磨菇同ribs一直都係個人飛佛，每次必食

上次想食outback點知勁多人 所以去左第間食 今次我就醒 預先book位 去到飲左杯lime soda就入得一坐底 首先就會黎一個最出名嘅黑糖麵包 相都影唔切就被人分左 的確做得唔錯 麵包夠鬆軟帶淡淡黑糖味HSBC卡有discount set 叫左個2人餐再搭其他野食餐湯係忌廉湯 好濃稠 比較重味 有少少heavycaesar salad 都係正常質素啦炸蘑菇好掂 外皮夠脆又juicy 加埋個醬好惹味蕃茄海鮮長通粉 味道唔錯 酸酸地幾開胃 可惜通粉一篤就爛 如果用藍青口亦都會比較好豬肋骨拼盤 個薯條真係好好笑 夠香脆 配搭埋芝士同bacon 100分 雞鎚亦都夠juicy夠脆 豬肋骨亦都夠入味牛油果蟹肉餅 呢個係地獄級 自問我好受到腥味但呢個完全唔得 搞唔掂到要同staff講 我都係第一次特級紐約牛扒 五成熟... 牛扒...都係叫返貴啲好...白汁鮮蝦意大利飯其實原本幾好 但可惜我地冇睇清楚佢係有青豆 仲要佢咁足料 我挑住食左幾啖 味道唔錯 蝦肉係夠彈牙食完之後 有啲冇話可說嘅感覺 真係比較一般 又未去到唔好食嘅 不過有得揀都唔到佢住

成日啲人都話呢間餐廳嘅野有幾好食，今次我就晏晝去食一食。由於唔駛等位嘅關係我哋好快就入到， 晏晝餐單有三個價錢選擇分別係$88、$108同埋$118。我今次食咗個醬味豬肋骨，朋友就食咗肉醬意粉同埋白汁雞肉雜菜闊條麵。唔知係咪晏晝嘅關係所以啲菜上到嚟都凍凍地，令人胃口唔係咁大而且兩個意粉都比較鹹要成日飲水先得。豬肋骨上面嘅薯條反而比較出色，熱辣辣搬到上枱。豬肋骨本身分量唔算多所以一個人都食得晒。講到重中之重，就一定要睇吓餐廳最出名嘅黑糖包啦，呢個黑糖包上枱嘅時候暖笠笠配埋凍冰冰嘅酸忌廉簡直係一流，我哋食完一個就encore左多一個。去到最後我仲嗌多咗一個外賣第二日上機heat返熱黎食，佢好好㗎會問你要整熱左定係凍嘅，仲有盒酸忌廉俾你拎走添，都只係$10咋，平日返工之前都可以買一個包上機既食好過食機上面啲餐啦🤤

愈做愈唔好味個洋蔥圈得個油字啲扒又un又無乜肉汁咁的價錢 又太多更好的質素同選擇最好食最色的野 得黑糖麵包 encore多2個算😅😅😅😅No next time

今日入咗屯門就試吓屯門市廣場嘅outback 啦！其實佢一個石平均都要$100包左湯，你個黑糖麵包，沙律，一個main course, 仲有一杯drink! 其實$100來講都算好抵啦只係午餐間唔中食下，都可以嘅！主菜order 咗兩個一個係芝士肉醬spaghetti, $88；另一個係燒烤醬烤雞配白飯$118！cheese肉醬意粉,比起平日嘅快餐,really多番好多牛肉嘅，其他就唔係太特別！另外個燒烤雞肉隻雞，有半隻咁多，仲會有好多菜，等你冇咁油膩，白飯唔係真係白飯，係加左source, 所以都好夠味道！唔錯有下次！