ONE POKE ROCK

营业中

休息中

中秋節前已經食咗好多月餅🥮，做節又食多咗，今日就決定要食夏威夷波奇碗清一清腸胃！鋪頭係以rock & roll嘅風格為主，除咗有打卡用霓虹燈招牌，牆上仲掛咗好多暗黑搖滾嘅畫作，同夏威夷陽光海灘嘅形象既衝突也非常特別，型格十足！Everything 我全都要（$123）唔想諗嘅必點餐點，有齊三文魚、呑拿魚、蟹子、牛油果、香菇！紫洋蔥，配清新開胃山葵蛋黄醬，少少辣為壽司飯增添咗風味！所有poke bowl都可以揀全飯底、沙律菜底或者半飯半菜，想食特別啲仲可以加$3轉藍灣花梅子飯。Cali wave 加州熱浪（$88）主食有三文魚、青瓜、蟹柳、紫洋蔥，醬汁就用咗辣蛋黃醬，微辣醒胃，配料除咗有必備嘅紫菜絲、木魚絲同黑白芝麻，仲有椰子碎、辣椒碎同岩鹽，各具特色，任君選擇！牛油果果昔（$48）想健康飲品都要識得揀，牛油果含豐富維他命、蛋白質，口感比較濃稠，應該用咗熟度啱啱好嘅牛油果，唔會有草青味。芒果羽衣甘藍果昔（$50）羽衣甘藍同樣營養價值極高，加埋香甜芒果，味道清新更易入口！

位於大角咀的夏威夷蓋飯餐廳，店內簡約設計，灰色牆身，搶眼的招牌燈牌；開放式廚房，前面則是座位。小店供應的是營養豐富的Poke Bowl，賣相精緻，食物食材色彩繽紛，令人食慾大增。餐牌除了預設蓋飯的選擇外，還有供客人自選的食材，以及小食、飲品。自選風味碗主食：吞拿魚飯底／沙律：沙律菜配料：玉子絲、鷹嘴豆、車里茄、升級配料：牛油果醬汁：鰹魚昆布汁調味：紫菜絲、黑白芝麻、木魚絲自選風味可以按自己喜歡的食材及口味自由搭配，更有彈性。配料鋪得滿滿的，底下全部都是沙律菜，包括新鮮的羽衣甘藍，口感豐富。昆布汁相對其他沙律醬來說會較淡味、輕盈，整體相當清新。健康果昔：雜莓乳酪果昔跟餐點特色飲品會便宜一點，裡面集合了不同的莓果，再加冰粒打成的冰沙，甜度來自天然果糖，味道帶甜甜酸酸，解渴又消滯。自選風味碗主食：慢煮雞胸飯底／沙律：蝶豆花飯配料：枝豆、西蘭花、鷹嘴豆升級配料：牛油果醬汁：鰹魚昆布汁調味：紫菜絲、岩鹽、辣椒碎雞胸切成粒狀，慢煮的雞肉不會乾柴，肉質很軟嫩，加了調味鹽及辣椒碎，加添天然的調味也足夠。蝶豆花飯很特別，藍紫色的飯粒，嚐不出什麼味道，但是感覺更加健康。另外，配料還點了豆類，滿滿豐富的蛋白

去完奧海城行街街， 順便去附近行下。原來有間幾有型有格的餐廳，店員火辣，又型仔，一於就黎試下先。睇下餐牌先可以自選組合又或者選擇預設餐單經典員親切的介紹後，試了2個餐廳signatureEverything我全部要三文魚，吞拿魚超新鮮，牛油果滑溜，配上微辣的紫洋蔥 ，加上店員特製蛋黃醬。成件事好夾又好refresh！+3蚊轉 藍花梅子飯酸酸甜甜, 好啱配三文魚一齊食Dr Octopus七爪八腳八爪魚腳好煙韌又有咬口，泡菜夠辣，蟹肉仲係鮮蟹肉，唔係假蟹柳。平時都唔太鍾意青瓜陣草青味，但配上這個惹火甜辣醬，青瓜味提鮮左十倍。仲可以揀半飯半沙律菜，食得健康雜果乳酪果昔好清新，唔會太酸，透心涼。高蛋白可可香蕉奶昔香蕉味同朱古力味都好濃郁，補充足夠蛋白質

呢一兩年，我係好鐘意食夏威夷風既魚生飯，仲要現在喺屋企附近，不論係堂食定買外賣返屋企，起碼唔洗搭車就可以好快滿足到我喇！同老公平時食得多日本魚生飯，所以喺屋企附近發現呢個新大陸都幾有驚喜！我呢個魚生飯叫「全部都要」，因為跳完pole dance 既星期六真係餓到成間鋪既menu 既野食都想嗌晒！呢間小店有樣野好特別，加多$3 蚊喺我叫既全部都要人，個飯個顏值就可以升呢到變為蝶豆花浸出來而變為紫色既珍珠米。老公自己嗌既蝦飯都勁吸引，問佢可唔可以食佢一隻又光澤肥美既蝦，佢猶豫左好耐先比一細條尾我

成日火煱，韓燒，西餐真係會食滯，偶然會食下健康飲食，大角嘴新開這間以健康食材為主的餐廳， 一於試試，裝修格局以簡約工業風， 店員是幾個有heart的年輕人，在座其間有不少外國人幫襯可自選組合或者選擇招牌波奇飯，主食可選沙律菜，壽司飯，和比較特別的藍花梅子飯好友不吃生冷野，於是點了七爪八腳，話明八腳，當然唔少得八爪魚，另外還有香濃的泡菜，鮮味的蟹肉，爽口青瓜，這個名為惹火甜辣汁的醬汁是自家製的，辣中帶甜，配上沙律菜，開胃醒神我就點了Everything 我全都要，材料有切粒的三文魚，吞拿魚，大量卜卜脆的蟹子，健康新鮮牛油果，仲要不是帶腥味黑點的廉價貨，香菇，紫洋蔥，加上帶點辛辣的山葵蛋黃醬，整個組合很惹味，還配埋藍花梅子飯點了小食火爆墨魚仔，醬汁跟惹火甜辣汁味道一樣，但就比較濃郁，加上紫洋蔥乾蒜和芝麻、墨魚仔爽口彈牙，掛上濃厚的醬汁，真是食不停口

今日同朋友嚟大角咀，中午路經博文街，見到之前幫襯過嗰間拉麵店，對面新開咗間主打夏威夷蓋飯嘅餐廳。上網睇到啲 Poke Bowl 賣相好吸引，有人即刻心心眼話要試。餐廳走小清新路綫，店內裝潢簡約，以黑白兩色為主調，牆身上懸著霓虹燈店名和裝飾，設計精美，啱晒食飯前後打卡呃 like！ 細看餐牌，招牌夏威夷波奇碗共有 6 款可供選擇，全部都可以自選跟壽司飯、沙律菜、二合一或藍花梅子飯 (+$3)，另外客人亦可以按自己喜歡嘅口味，自由搭配。選了《Everything 我全都要》配藍花梅子飯 ($126) 同《Ebi Poke 蝦兵蟹將》配菜飯各半 ($103)，另外再加咗爆谷同飲品。我全都要用料好豐富，內有三文魚、吞拿魚、蟹子、牛油果、香菇、紫洋蔥和山葵蛋黃醬，材料堆得滿滿，色彩繽紛，惹人垂涎。三文魚油潤肥美，吞拿魚肉質滑溜，而牛油果嘅熟度亦啱啱好，撈埋啲醬汁一齊食，好醒神。墊底嘅藍花飯，以蝶豆花汁液製成，入口氣味芳香，帶梅子微酸，令人越食越開胃。至於蝦兵蟹將嘅材料就有鳳尾蝦、菠蘿、蟹肉、中華沙律同柑橘沙律汁。鳳尾蝦大隻肉厚，菠蘿甜美多汁，蟹肉雪白鮮甜，而中華沙律亦爽口冰涼。墊底嘅壽司飯&沙律

今日與朋友在附近做開運動，想補充一下體力。於是選擇一間健康的餐廳，恰好經過這一間，一於入去試一試。餐廳環境舒服，打造成型格簡約風。位置空間闊落。職員態度友善和細心。Menu的選擇不多，但夠精緻。可以自選配搭自己喜歡的口味，亦可以有固定的SET。我們兩個懶人，當然揀佢地SET 好的款式。1.EBI Poke 蝦兵蟹將（$103 ）➰鳳尾蝦，菠蘿，蟹肉，中華沙律，柑橘沙律汁➰可以選壽司飯&沙律菜 ，仲可以一半一半沙律菜新鮮，爽脆，份量十足，飽肚，一定夠食！外貌色彩繽紛，非常吸引！配上中華沙律、蟹肉同菠蘿及柑橘沙律汁，非常清新和FRESH，夏日炎炎最岩食呢個，非常清涼的感覺。2.加州熱浪（$88）➰三文魚，青瓜，蟹柳，紫洋蔥，辣蛋黃醬➰藍花梅子飯（+$3）滑嫩大大粒份量多的三文魚，配上青瓜絲，蟹柳絲，紫洋蔥絲和辣蛋黃醬，非常惹味！另外揀左佢地由碟豆花製成的藍紫色藍花梅子飯，梅子味有微微的酸酸甜甜，夏天食非常開胃！3.雜莓乳酪果昔（ $50）好大杯，口感綿密，有少少粒粒的雜莓碎，面頭仲點椰子碎，健康又好飲，最重要是唔甜4.菠蘿乳酪果果昔（$50）淡淡清香的新鮮菠蘿乳酪，好FRESH好健康，飲完

又一間高質小店，推薦！！🙆🏻‍♀️ 夏天食Poke Bowl一流，低油、低鹽、低熱量，不愛吃魚生都可以吃光一整碗🤤 餐廳偏向簡約休閒風格，環境氣氛舒適，適合二人約會🥂 價錢中等，份量偏多，性價比高，食物好新鮮 質素高有驚喜，店員服務態度一流☺️ 擺盤非常精緻有心思，色彩繽紛💗 好適合打卡📸 又健康又好味，絕對值得一試👍🏻（絕對會再光顧💕二人消費：$287 （午餐 / 晚餐）溫馨提示：可以自選Poke Bowl，無論配料/飯底/醬汁都可以根據自己愛好調製，非常貼心🙆🏻‍♀️💖═ ═ ═ ═ ═ ═ ═ ═💖💖💖食評💖💖💖 𝑴𝒂𝒊𝒏 𝑪𝒐𝒖𝒓𝒔𝒆 🐠我全都要 Everything ($123 +$3 配藍花梅子飯)✨三文魚 • 吞拿魚 • 蟹子 • 牛油果 • 香菇 • 紫洋蔥 • 山葵蛋黃醬 配料非常豐富，必食！🤤🤤 梅子飯味道微酸，配上山葵蛋黃醬，酸酸甜甜的 非常開胃！😆 大大粒三文魚及吞拿魚 肉質新鮮嫩滑，大大片牛油果，配料份量多 口感豐富，非常豐富飽肚🥰🥰🐠海底奇兵 Tuna Sea ($88 配壽司飯)✨吞拿魚 • 蟹子 • 粟米 • 香菇 • 蜜糖芥末醋 低卡路里之選😋 大大粒吞拿魚

今日同我老公喺大角咀搵嘢食，本來想食拉麵，但係排長龍，見到斜對面開咗間新餐廳，係食Hawaiian Poke. 之前喺其他餐廳食過，覺得顏色靚又夠健康，不過一定唔夠飽。我哋見間呢間餐廳有位所以入去試吓，餐廳應該係新開，細細間都算唔舒服，本來都冇抱什麼特別期望，諗住都係嗰啲嘢。點知10分驚喜：材料十足，分量十足，但哂大碗，又靚又新鮮，又夠健康。今日兩個人食咗兩碗，一碗係全部都要,一碗係自選材料。另外只係嗌咗一杯菠蘿可樂。碗飯份量夠晒大，所以下次先試個奶昔。絕對值得一試👍🏻

其實今次已經係第二次去One Poke Rock。超級推薦墨魚仔！必食。我去咗2次，叫咗3碟就知乜料。第一次同一個friend Lunch time 去，叫咗兩碗poke，兩個小食，兩杯shake。材料好新鮮，啲料仲好大粒。其實我住英國果時成日都食poke，果邊通常睇落好大碗，其實真係大部份都係飯。但OPR係好多料，我係會食晒啲飯都仲有幾舊魚剩低。我個friend食唔哂。咁多嘢食都係除開每人2百幾蚊。今次諗住五個人去，可以試多啲小食，一定食得哂同啱啱好啦，點知都係食到好飽好食同抵食已經講到口臭。我想讚讚服務先： 我唔知係因為7月猛料定我個friend大懵，有個bowl好似唔係我哋叫咁嘅，但的確係我哋落order（我哋係用app落，唔係驚老闆或任何店員手，所以一係撞鬼，一係就我哋落錯，所以應該都係我哋落錯）老闆二話不說就幫我哋換，仲好豪氣咁話，『唔驚！幫你換！呢碗我食。』仲好好服務咁親自幫我個朋友落單。呢下真係服務爆分，而且本身送嚟個碗嘢都已經好正，我個friend都話其實佢可以要嘅，不過我個friend想食三文魚instead of落錯嘅吞拿魚所以老闆就堅持幫佢換咗。我哋幫其中一個慶祝

💖TGIF🎉！星期五約左朋友見面，食返啲健康好嘢💚。大角咀呢嘅poke bowl店賣相靚，望落都幾足料。另外仲有小食、果昔🥤、養生茶🍵等，今日黎試下～1️⃣Build your own bowl🥣 $88🔸主食：吞拿魚🍣🔸飯底/沙律：半壽司飯🍙+半沙律菜🥗🔸配料：中華沙律🥗、蟹子🦀️、玉子絲🥚🔸醬汁：柑橘沙律汁🍊🔸調味：椰子碎🥥💖自選最開心🥳！Menu選擇幾多，但排版清晰，選擇困難症嘅我都睇得好舒服🤣，可以另外加錢💰加主食、配料等。💖要左半壽司飯配半沙律菜，但份量都幾飽肚🤰🏻，肯定夠食！吞拿魚口感軟腍，魚味香但唔會過濃。配上中華沙律、蟹子同玉子絲就好似食緊壽司咁，清新唔heavy！揀左好fresh嘅柑橘沙律汁，酸甜果香再配埋香甜脆口嘅椰子碎，令味道同口感都更豐富。2️⃣Build your own bowl🥣 $88🔸主食：三文魚🍣🔸飯底/沙律：藍花梅子飯💙 +$3🔸配料：泡菜🥬、枝豆🫘、蟹柳🦀️🔸醬汁：鰹魚昆布汁🖤🔸調味：木魚絲🐟💖另外一碗都要左自選，要左滑嫩嘅三文魚，配藍紫色靚靚嘅藍花梅子飯，梅子味微酸甜，夏天食更開胃！配菜要左泡菜、枝豆同蟹柳，全部都好足料。最後配上鹹香嘅鰹魚昆布汁同木魚絲，

ONE POKE ROCK 大角咀博文街19號地舖夏天有雪糕汽水冷氣, 陪我走過浩熱Summer Time。女朋友要為水上活動準備，開始減肥穿Swimming suit 影相selfie, 難為我天生得天獨厚擁有食唔肥架DＮＡ體質， 同佢出街食飯都要一齊減，我如果叫禁品係佢面前食， 減肥失敗會賴我的。Hawaii poke bowl 在游水渡假勝地Hawaii好流行架，女人都係著重身材， 要食得低卡健康小油清淡， 只不過又要兼顧賣相要五顏六色，當然是用poke bowl影相健康過一杯七彩milk shake$138 Poke All Day是all day breakfast健康版本，三文魚＋吞拿魚他他、牛油果、炒蛋、菇、豆腐、 黑麥包三文魚&吞拿魚味道鮮甜，口感軟滑，牛油果片到好薄玫瑰咁超靚，炒蛋嫩滑，豆腐同沙律淋日式芝麻醬甜酸開胃。黑麥包密度高纖維多， 吃一片填加飽足感。$123 everything 三文魚 吞拿魚 蟹籽 牛油果 菇 紫洋蔥。可選飯式沙律，更可半半一。半飯一半沙律。沙律菜是kale 高纖維，又低卡。飲品跟餐-$5 ，正價$20冷泡玫瑰花烏龍及正價$18 檸檬梳打

其實平時食poke bowl 都要有個心理準備就係食下午茶，因為又細又唔夠飽所以為食同大食既我，poke bowl 唔係我第一選擇。最近見到公司附近開左新既poke bowl….意外地食到愛上左，已經食左好幾次，所以收集好相片就打食評。外在裝潢既風格係rock 同簡約風有大大個自家設計既logo 燈第一次同朋友點左自選poke bowl ( build your own bowl )朋友點左西蘭花，粟米，泡菜，香菇，吞拿魚要左沙律菜底，同埋柑橘沙律汁（可以揀少汁同埋汁另上）佢地有免費既調味： 椰子碎/紫菜碎/芝麻/辣椒（大推椰子碎，正）作為牛油果愛好者，一定要有，點左三文魚，鳳尾蝦，香菇，青瓜，蟹肉，紫洋蔥，都係柑橘沙律汁要左半飯半菜少飯，汁另上，要左二份木魚碎再配左芒果羽衣甘藍果昔，佢地係用冰左既生果，再溝左nuts 同埋赤藻醣醇代替白糖，減少身體負擔同埋有咬口，而且芒果味濃仲無乜青味（好大杯，勁滿足）今次點「我全都要」有三文魚同吞拿魚都比得好大方，加埋超過左100g(又準備再爆protein )第二次點左夏威夷玉子燒同「我全都要」玉子燒既量好大，上面有滿滿木魚碎同紫菜絲，有半個牛油

夏天熱辣辣最適合食Poke Bowl, 在大角咀都開了這間One Poke Rock, 餐廳細細，座位不多，星期六/日多數要排隊等位的。這裡有六款已設定好的Poke bowl, 但又可以自己任意配搭。有選擇困難症的我最適合揀"Everthing 我全都要", 份量大碗，賣相精美，有三文魚及吞拿魚刺身粒，蟹子，牛油果，香菇，紫洋蔥，配上山葵蛋黃醬，又可選飯底/沙律底 ,或者每一樣一半都可以，配搭多樣化。牛油果有半份之多，生熟程度剛好。整個bowl 的配搭都是清新健康。男士們及健身人士揀 Protein Beast 健身の鬼就最適合，有慢煮雞胸，玉子絲，枝豆，車里茄配鰹魚昆布汁，是個高蛋白質又低卡的bowl. 慢煮過的雞胸仍然嫩滑，不乾柴，簡單調過味已足夠。這個bowl 相對汁醬會比較少，更健康。餐廳還有提供小食飲品。焦糖肉桂爆谷可以再多些肉桂粉會更好。飲品有飽肚的果昔，大大杯靚靚紫色雜莓乳酪果昔，使用零卡天然赤蘚糖醇，更健康。

食材同醬料嘅選擇都好多，餐廳有幾款預設好嘅招牌風味碗，我哋就鍾意自己逐樣揀自選風味碗 $88 (三文魚/壽司飯/鷹嘴豆、枝豆、豆腐/辣蛋黃醬)調味可以任揀，連椰子碎都有，我揀咗全部都要曬😆三文魚份量大方，切咗粒食落依然係肥美鮮甜；鷹嘴豆同枝豆粒粒都脆卜卜，所有材料撈埋一齊唔單止colourful，味道重好夾好清新！辣蛋黃醬味道酸酸辣辣咁，令成個魚生飯更添惹味。自選風味碗 $88 (吞拿魚/半壽司飯+半沙律菜/豆腐、蟹籽、醃黃瓜、牛油果+$12、三文魚籽+$15/辣蛋黃醬）原來加錢升級配料係照可以揀3款免費配料，再on top咁加升級配料，所以我哋呢個飯一共有5款配料，抵食！吞拿魚脂肪較少，魚味濃郁；牛油果口感綿密、三文魚籽飽滿鹹鮮、醃黃瓜非常爽脆👍🏻沙律菜有我好鍾意嘅羽衣甘藍，成個飯勁豐富勁足料，食到最後一啖都重有料一齊食😆牛油果果昔 $52 (跟餐減$10)個smoothie打到好滑，牛油果味好香好清新👍🏻雜莓乳酪果昔 $55 (跟餐減$10)入面有啲穀物同提子乾，莓味好重，唔會太酸，係好適合夏天飲嘅清爽美味！