影片
港铁天后站 A2 出口, 步行约2分钟
继续阅读
附加资料
欢迎包场: karaoke, party, live music
营业时间
星期一至二
12:00 - 23:00
星期三
全日休息
星期四至日
12:00 - 23:00
以上资料只供参考，请与餐厅确认详情
I was invited to a friend‘s birthday party at this small café few days ago. The food was quite impressive.Therefore, took some friends there for lunch today. Food quality remains pretty good, especially beef steak. Service was quite attentive, and the price more than reasonable. I particularly enjoyed the coffee latte.I highly recommend this restaurant .
继续阅读
屋企人之前食过觉得唔错，咁啱母亲节有4人套餐，价钱非常非常非常超值，仲要有<<Live Magic x Live Music x Open Mic>>。场虽然唔大但当晚气氛非常好，全场都 high爆，数最有心思系餐厅送保鲜花比每一位妈咪，妈咪们见到开心到飞起，餐厅真系好揼本，究竟当晚有无得赚架？！⚜️4人套餐 $1588⚜️================🍾西班牙汽酒一支<Starter>🍴蘑菇汤＋餐包⭐️⭐️⭐️⭐️蘑菇汤香浓顺滑，而餐包软熟牛油味重。🍴炙烧吞拿鱼沙律⭐️⭐️⭐️⭐️吞拿鱼刺身轻轻灸烧过口感同味道都唔错，沙律菜份量够多，拌蛋黄酱一齐食好清新。🍴小食拼盘 (迷你蟹饼伴杂莓酱、瑞士芝士猪面颊多士、蘑菇可乐饼伴意大利青酱)⭐️⭐️⭐️⭐️蟹饼里面有一丝丝蟹肉、多士芝味浓郁、可乐饼好creamy香脆，每款一件份量刚好。<Main>🍴煎焗三文鱼扒⭐️⭐️⭐️⭐️三个主菜最好味系三文鱼扒，焗得啱啱好，鱼肉香滑皮又够脆，蘸荷兰酱非常好味。🍴斧头猪扒⭐️⭐️⭐️猪扒我本人觉得逊色咗啲，肉质够腍但唔够松软，而肉味就一般般。🍴墨汁鱿鱼意大利饭⭐️⭐️⭐️⭐️意大利饭软硬适中，酱汁唔会太杰唔会太稀，淡淡墨汁香亦有忌廉香，鱿鱼够腍够软熟。🍴樱花忌廉千层蛋糕⭐️⭐️⭐️⭐️仲以为系一件cut cake，点知系whole cake，仲系想食好耐嘅熔岩蛋糕，较一般千层蛋糕湿润，每层皮都重牛奶忌廉味，超级好味！☕️咖啡/茶/汽水
继续阅读
3090 浏览
一众舞友为XO仔庆生狂欢，专登喺舞场附近拣咗间新打卡热店「On The Spot Cafe Bar Restaurant」。楼上餐厅开扬通爽，光线柔和。室内用咗好多玫瑰花装饰，难怪食客大多为女生，只有跳舞群组男生比例最多。店子右方为大型嘅七彩水吧，摆放出多枝酒品。细问下得知店子每日下午三点至七点都有做欢乐时光优惠，指定酒酒有特价之外，$98套餐可包两只生蚝或自选两款小食，似乎几抵玩。饮品项目共有四页可选。如贵客想自己带酒，开瓶费为$100/樽标准装红、白、汽酒，从酒牌上点选一枝即可免两枝嘅开瓶费，七人派对当然系开佢一枝去免两枝开瓶费最化算啦！中英对照嘅晚市餐牌同样有四页，店子欢迎大家叫黎分，但由于份量大多适合四人享用，靓仔AZ哥哥就建议小食头盘最好点两份，非常细心。每位席上都摆有齐备嘅自用餐具，每次啲杯杯饮都咁上吓，楼面二位外籍服务生都会自动斟添酒水，周到体贴得很！会飞的鸡翼（$68/四只）：胀卜卜嘅鸡翼炸得好够干身，皮层香脆，鸡肉软嫩且锁上肉汁，送酒一流！嘻嘻，唔知个𩠌名系咪想话俾啲客听好食到识飞呢？！蘑菇薯仔球配香蒜罗勒奶油酱（$48/四件）：热辣辣嘅蘑菇薯仔波波外脆心软熟，一口一件，芳香唔溜滞。脆炸鱿鱼配泰式酱汁（$88）：炸鱿鱼外表就炸得好够金黄，个人只系略嫌层炸浆过厚，同个鱿鱼未为最爽弹。脆皮乳猪（$128/四件）：乳猪件当真如名般脆皮，肥膏唔多，但肉质松润爽嫩，超！连同下层件散发出松露香嘅春卷食，口感更觉有层次。北海道带子蘑菇意大利饭（$178）：意大利饭烟韧湿润，混入带子粒及蘑菇碎已够鲜香惹味，不过份量都几劲，一两个人如果食埋头盘同甜品真系未必食得哂。煎焗比目鱼&老虎虾（$248）：舞友大赞顶面只虎虾爽脆鲜香，旁边件比目鱼层鱼皮又薄又香脆，鱼肉都好柔润。澳洲安格斯西冷扒（$338）：跟牛扒同薯条嘅调味酱汁好有文化地分开碟另上，卫生非常。预先切成一片片嘅西冷质感都好软腍多汁，只系自己钟意食生少少。意外地，配角修长嘅薯条炸得都几松脆。舞友订座时早已道明晚餐系为XO仔庆祝生日，故所点嘅甜品全部都插哂蜡烛，上场时连主厨都出埋黎献唱生日歌，气氛尤其高涨！火焰雪山（$108）：即场火焰嘅雪山蛋糕劲有睇头，微甜轻盈，清香软润！泡泡烟熏提拉米苏（$88）：层次分明嘅提拉米苏杯醇滑甜美，简单味佳。天后西餐厅「On The Spot Cafe Bar Restaurant」环境优雅，年轻嘅服务生亲切好客，十分周到，带有少少潮派嘅菜式香口惹味，货真价实，有心食肆不妨一试。
继续阅读
当人系企系最高点既时侯，反而最担心总有一日跌落黎比后面既追上，从而感到焦虑，但反而由0开始，白纸一张，根本无野可以输，所以永远都要有两手准备，有机会就食住势上，自然on the spot啦！👇🏻📌S N A C K - ▪️ Suckling · Pig - $128▫️ 先黎个招牌小食「脆皮·乳猪」开下胃先，chef巧妙咁将脆皮乳猪放系松露春卷面头，一啖过食落口感层次相当丰富，乳猪个皮够脆口，春卷又松化，两种香味配搭埋一齐，完全无违和感，好食。📌A P P E T I Z E R -▪️ Moules · Marinière - $168▫️ 跟住再黎个「香蒜忌廉白酒·煮蓝青口伴法包」，一上枱比个份量惊艳到，作为青口控，2条友呢个价钱食到咁多青口，相当抵玩，而蓝青口食落新鲜爽甜，chef用左牛油、白酒、较左个汁，入口够哂creamy，再洒上洋葱、Parsley，配上即焗既法包，相当满足！📌M A I N - ▪️ Australia's 150+ days Grain-Fed · Black Angus Striploin - $368/14oz ▫️ 呢个主菜「澳洲安格斯·西冷扒」绝对可以用完美黎形容，首先14安士既西冷系用上超过150日既澳洲安格斯谷饲牛，所以肉质嫩滑无比之余仲好有咬口，但系完全韧，而且牛味浓郁，配上阿根廷青酱或者烧汁，一样咁惹味，旁边仲有即炸薯条，诚意十足。📌D E S S E R T S -▪️ Baked · Alaska - $108▫️ 甜品方面试左打卡恩物「火焰·雪山」，上枱果阵staff会帮我用火烧一烧，龙年旺一旺先啦，其实里面雪糕、蛋糕、忌廉、生果粒组成，面头会有d蛋白cream，同埋有d爆炸糖，入口反而甜而不腻，唔错。📌D R I N K S - ▪️ One the highball - $99 ▪️ Flower · Soda - $99▫️ Cocktail又系一定要嗌黎打下卡，第一杯「One the highball」用左蝶豆花infused Gin、利莱白苦艾酒、黄甜酒，soda沟成，卖相非常吸晴，再倒埋青柠汁，形式渐变layer，好靓；第二杯「Flower·Soda」一打开个盖，烟雾做到好似仙境咁，bartender用左皮斯可酒、柠檬、蔓越梅、热情果、蛋白沟成，入口够哂清爽，女仕们一秒爱上！
继续阅读
餐厅装修舒适，服务员亲切有礼，食物有水准，感受到用心制作。这么冷的天气，每一碟出品都是热辣辣的👍🏻 印象最深最有惊喜就是suckling pig，皮脆肉嫩，乳猪下面仲有小春卷。非常美味。
继续阅读