Oliver's Super Sandwiches (已結業)

星期六放工.. 2點9先趕到黎沙田會合朋友..朋友仔一早巳經係呢到搵左個靚位等我.. 由於唔想食包既關係, 大家都叫左粉食..蜆肉白汁CREAM扁意粉 + 凍檸茶 $47 --> 蜆肉好多.. 意粉軟硬適中.. 好好食!肉醬意粉 + 凍檸茶 - $46 --> 無乜特別雖然下午茶用咁既價錢係貴左少少, 但完全係值得.. 野食好味, 環境唔錯坐係個OPEN AREA.. 感覺真係有D coffee shop O個D 感覺

本身諗住食少少野但見個至尊漢堡餐好似好豐富咁又想飲酥皮湯所以叫左酥皮湯-好好飲,夠味漢堡包- 可能唔太肚餓,覺得好大個, 食落都幾唔方面,好易跌晒入面D料出黎薯仔-OK,好多芝士係下面,攪到好滯其實算幾好味尤其個酥皮湯好好飲但以下午茶黎講要差唔多60蚊就比較貴喇

跟太座欲怱怱攪掂是日的午餐。人在沙田新城市廣場，照舊是茫無頭緒步行到底層的食肆群，太座忽地說很舊沒有吃過Oliver's的焗薯，自己反正沒有甚麼特別的用餐idea，也就找了個位置坐下....隨意地叫了份煙三文香草sandwich配cesear salad。那香草包吃進口是又乾又硬的，好不容易才吞得進喉嚨裏；煙三文味不算很鹹，但煙燻味卻不足，普通非常。伴吃的cesear salad只隨隨便便在一堆青菜上放上堆白色的沙律醬、炸麵包粒及碎火腿粒，跟正宗的水準及賣相差得太遠了這樣的一份三文治也要賣至五六十大洋，未免太貴了吧 ?太座的焗薯像吃烚薯多一點，吃進口毫無牛油香及那份焦香，味道温温吞吞的。就算上面放得更多sour cream、煙肉碎及葱碎，也絕對無補於事唉...都說過只是來個速食午餐而已，那麼認真幹甚麼 ?

沙田一向都係人山人海的, 想食晚飯, 七點前好排定隊了原本想食小籠包的, 但真係太多人了, 所以轉左去隔離的利華至尊漢堡餐 $59有一個酥皮湯, 一個漢堡, 加一杯飲品湯 : 酥皮超好味, 但個磨菇湯好稀漢堡包, 材料都好足, 有磨菇, 蓄茄, 生菜, 腸仔 等, 最估唔到係俾腸仔, 而唔係漢堡扒飲品 : 加$6轉了杯橙汁, 好新鮮的, 唔係果x先生個d焗薯蓉餐餐湯同上焗薯蓉好味, 但份量唔多, 女仔都應該夠飽, 但男士就一定唔得飲品 : 加$6 轉為latte, 個杯比較細, 鮮奶唔夠環境 : ok, 有迷你梳化坐, 好過橩仔但張台好細, 如果一次過叫兩個餐 例如意粉那些, 肯定係唔夠位放的所以, 如果唔趕時間的話, 最好先食一個, 食完再叫, 否則會好"論盡"的另外, 個焗薯蓉都等得好耐, 飲埋湯, 食埋個漢堡都仲未到, 所以呢餐都食左一個鐘

在沙田逛了一會,想舒舒服服食一個lite lunch,所以走左去Oliver.雖是星期日下午,我們等了五分鐘就有梳化座,好開心!落order後,服務員約五分鐘就送上熱食,更開心! 我地叫左三文魚蕃茄碎蛋沙律包配凱撒沙律,雜菜湯,紐約芝士蛋糕,可樂.d包軟熟過Delifrance,夾熱之後皮脆有口感,三文魚同菜好新鮮,蛋沙律清清淡淡,餡料份量剛好.凱撒沙律配上少許沙律醬,雖杰不膩,點綴清淡.芝士蛋糕,穩陣之作,芝士味適中,口感creamy.雜菜湯,中規中矩,水水地但有1/3雜菜補數.同中式茶餐廳比,當然係貴左少少.作為西式三文治店價錢ok.但可能會唔夠飽!

周末晚唔知有咩好食，是是旦旦來左呢度食0的野返屋企訓覺點左個蕃茄火腿芝士三文治，麵包兩面夾得脆口香身，入面你地都睇到，火腿成三四層十分足料，芝士岩岩溶化，咬落滿口芝士香，好味呢﹗最搞笑係佢整到好似個心型咁，有心定無意架呢？吞拿魚焗薯味道亦好，最鍾意佢0的醬汁夠哂多，食到最後一口都仲可以有醬跟住食，吞拿魚醬好creamy，酸酸甜甜為熱辣辣的焗薯加左唔少分呢﹗埋單亦不是太貴，兩份野加杯野飲都係70蚊左右，OK﹗

10月6號，放大假，但又係一早起身．有張三蚊coupon，加上平日時時都好多人，食唔到，今日去，果然大把空位．要了個M2早餐，有烘麥包多士 - 有口感加好香小麥味茄汁豆 - 一般鮮番茄 - 都夠鮮炒蛋，腸仔 - 幾好食另要加錢要了個Capuccino今日既一切，從呢個美味既午餐開始．減左三蚊，都要港幣二十九元正．

今晚同龜食食左G2. 德國腸蕃茄意粉+酥皮湯呢個餐係龜的!我飲左1啖湯明明d酥皮好香牛油味但加埋d湯食落口 好似冇咩味咁意粉都係食左1啖d腸咸 但蕃茄汁d味唔出 3文治 唔記得叫咩 料有:香蕉 花生醬 雞肉 蕃茄 生菜其實基本上 香蕉同雞肉係唔夾因為1甜1咸...原本想食碎蛋果隻但因為唔食3文魚既原因所以冇食食家們都話呢到3文治好味..我諗我揀錯野下次再食過第款服務要讚1讚waitress拎到個3文治過黎我先記得我要成份叫佢換1換比我佢即刻就話ok真係唔該你!下次再戰SUPER3文治先得!

好多年前super sandwiches 都已經係貴價快餐店，雖然之前水準回落，還好現在重拾佳態，佢比起另一間D字頭快餐店好d 早餐食牛角包，估唔到都真係烘返熱辣辣。雖然包本身冇咩特別，不過有得熱辣辣又香脆已經算唔錯。餡料都幾好 加錢轉的latte。即磨的就普普通通，反而加錢的很有驚喜。首先奶泡打得滑，仲要有拉花圖案，而拎上手隻杯係熱的，做足晒野，杯latte點會唔好飲呢，一定好過對面間星仔先啦，正~早餐星期一至日供應，不過原來下午茶只係星期一至五先有...

在新城市未大裝修時,已有間Oliver's Super Sandwich,而且質素唔錯昨天下午在此叫左份火腿芝士牛角包,加杯熱咖啡,$24有人送餐,不用自取~火腿芝士牛角包,以下午茶來說份量剛剛好,火腿和芝士份量也很多,個包外脆內軟,入口有芝士的香濃味,而火腿也有質感,煙薰味,唔錯的...下次試下其他

今日約2個朋友食lunch有1個話想食super sandwich就黎啦~佢自己叫左casear salad另1個fd叫左焗薯我叫左德國腸西蘭花偏意~($44)全部都好快到我果個好熱西蘭花得3舊腸仔得5,6片料好少蕃茄汁就好多,食到好多蕃茄粒同埋洋蔥味道,係ok的但係一碟意粉+一杯汽水竟然要$44我覺得有點貴,.....(肉痛中)

上星期四約左朋友o係屋企樓下既UA睇Sex and the City, 咁又肚餓wor, 就諗住求其買份sandwiches醫肚. 點知.... 好好食wor!!! honestly, I seldom dine at Oliver's Super Sandwiches... and know NOTHING about their food and drinks... The sandwiches I ordered were the deluxe one with a very creamy mushroom soup. Both are very good!!! Super yummy and the serving is actually big enuf for TWO. 下次唔想成日食Triple O's, 就可以食下Oliver's Super Sandwiches啦!

只叫了一個三文治-煙三文魚蕃茄碎蛋沙律蕃茄包很大份,包烘得脆口,油份不高,乾身,有少少蕃茄乾在包內,煙三文魚有兩大片,蕃茄不太厚,但新鮮,碎蛋分量足,還有生菜底!

Dinner 食o左個白汁三文魚蜆肉意粉, 味道唔錯喎!仲有酥皮龍蝦湯, 絕對值得一讚呀! 鮮、濃、酥皮好脆, 撈埋落湯度, 好好味呀!最後的朱古力蛋糕, 朱古力味好 rich!!但係又唔漏喎, 正呀!

今日lunch黎食我個fd要左燒雞casar salad我要藍莓cheesecake我果個好快到見到已經好失望因為見到個cake入面有2層清蛋糕!!第一次食cheesecake係咁囉mit開張紙食,藍莓醬算係做得好(我食過ok多,呢間算唔錯)不過d蛋糕真係唔掂!!!我唔覺得佢係芝士蛋糕,而係mousse囉只係mousse加2層清蛋糕!!咁就係cheesecake?!太差!試左同學個salad既燒雞比想像中乾.