Oliver's Super Sandwiches (太古城中心)

营业中

休息中

辛苦工作完一個星期，終於都等到週末來臨，可惜今個星期天氣不似預期，去到星期六先來打風唯有個有瓦遮頭嘅地方食個早午餐，再去個大型超市補給11點幾去到太古城中心，好多食肆都有開，行咗一個圈，最終決定去Super sandwiches食過簡簡單單嘅午餐兩個人叫咗兩個餐蜆肉意粉份量好足夠，仲有三文魚碎，食完唔會漏，熱辣辣好好味。雞翼味道正常，但係略嫌已經凍咗餐湯要咗意大利菜湯，香濃好味蛋沙律煙三文魚焗薯配凱撒沙律，另加多一份凱撒沙律，我真係好鍾意食沙律🤣焗薯一如以往好味，熱辣辣。沙律菜新鮮清新。食完個靚早午餐，又係美好嘅一日☺️

其實太古城真係無咩好食。又貴。所以係夜晚做運動之前既選擇唔多。左行右行。好多年無食過super sandwich.叫左個牛油果多士。夠足料。加埋野飲$76。當然份量其實唔係好多。如果係大食男士。真係環要食2份。如果慳小小既。唔加野飲就hk$6x如果想食light 小小。又唔想過$100我覺得佢已經好底玩。係太古城晚餐來講。性價比算好高如果講環境。佢其實好乾淨。不過services 就咁上下行去落完單。會有人幫你送過來。

車打芝士牛肉焗薯牛肉不老，車打芝士醬比較膩，整體味道不過不失。焗薯份量較少，加了套餐配了沙律和粟米湯但後還是不飽。不過在太古城來說，這種價錢算是不錯。是上班一族light meal的一個不錯選擇吧。

夜晚去到太古搵埋也米媽👩🏻食dinner，再次去食意大利粉🤣，唔通今日係意粉日🍝。依間餐廳係自行搵位，食客可以選擇係座位QR code落單，或者去counter買。我哋用咗QR code，買完之後店員會親自將餐點送到枱上。-🍴香草燒雞凱撒沙律🐓🥗($49) - 個沙律有燒雞、生菜、煙肉碎、芝士碎、麵包粒，份量唔算少，特別係雞肉有好多，味道幾唔錯😆！-🍴挪威三文魚、蜆肉扁意粉配刁草忌廉汁🍝($53) - 扁意粉係偏硬身，三文魚同蜆肉都唔少，仲有蘑菇粒🍄添，好足料！唔會話好乾嘅意粉，店內有芝士粉🧀提供，加埋落去都幾好食。-🍴酥皮蘑菇忌廉湯🍄($36) - 見到有唔少人都叫咗依個，忍唔住都叫翻碗😚。送到過嚟嘅時候熱辣辣🔥。唔知大家會點食塊酥皮呢？也米😍就鐘意放入湯整淋先食，而也米媽👩🏻就鐘意食脆身嘅。-🍴蜜糖雞翼🐓(2隻)(+$12) - 雞翼都比較細隻，雖然蜜糖味幾香，不過整體比較乾身，所以一般🤭。-🍴即磨咖啡☕️(跟餐)(+$12)

太古城間super sandwich最近終於裝修完。依家有兩部自助落單機唔一定要排隊，點餐過程快好多，而且擺低個傳呼器喺枱面等咗三分鐘都冇就已經有人送埋過嚟我張枱，超級快。我叫嘅呢碟挪威煙三文魚蜆肉扁意粉配刁草忌廉汁，單點就$53，都可以加飲品同湯，但就要六七十蚊。雖然個名聽落好豐富好高級，但原來實際上都冇乜料。啲三文魚得幾粒（甚至唔算「塊」/「片」），而且啲汁有啲少，唔係好夠撈勻循啲麵。唯一比較好嘅係啲蜆肉，不過其實都冇乜味（海鮮？），只係知道咬緊啲係蜆之類嘅嘢。overall味道真係唔係好掂（尤其價錢唔平，不過我都明嘅，我食嘅係鋪租），至於環境就都算唔錯，啱啱裝修完幾靚。

以前覺得 Oliver's Super Sandwiches 淨係得焗薯食，估唔到現在越來越跟得上時代，繼推出單品豆手沖咖啡之後，太古城中心分店更率先引入新豬肉扒，並推出幾款素菜款式，全部都幾好食喎，以後又多個選擇！太古城中心最近重新將修，環境更靚更追得上時代，並設有精品咖啡櫃台，難怪更受歡迎。暫時只有太古城中心獨家推出的 Green is COOL 餐牌，包括兩款素食主菜、一個小食和一款咖啡飲品，價錢都算合理。烤杏仁片燕麥奶咖啡(凍) HK$45香醇的咖啡配燕麥奶味道又幾夾，上面的忌廉溶得蠻快，有烤杏仁片咬下幾香口又開心。植物脆雞寶 HK$32這個植物炸雞塊其實就係 Green Common 好紅的樂樂雞，現在又多個地方可以食到。有茄汁可以點來食，素雞塊都炸得唔錯。植物魚柳長通粉配南瓜忌廉汁 HK$88長通粉上面係我最鐘意的素魚柳，食開肉的朋友試完話有魚味，真係神奇。南瓜汁吃起來都幾足料，味道有清甜的感覺，唔會太膩口輕爽好味。新豬肉扒牛油果莎莎漢堡 HK$88最後係萬眾期待的新豬肉扒漢堡，上面仲有半溶芝士和牛油果醬，看起來豐富又澎湃，漢堡包仲係同麵包烘焙大師 Gregoire Mic

下午二時許，想搵下午茶食比較難，因為太古城附近的餐廳普遍三點才開始有Tea set，剛巧路經新開張Olive’s Super Sandwiches 見到有下午茶餐，而食物都合我心意，所以和朋友毫不猶豫便入了餐廳光顧。之前喺太古都有食Super Sandwiches 的，最近搬咗舖頭，試吓新店水準。我認為始終是大型連鎖的食肆，所以味道也不會怎樣失準吧！經典公司三文治這個公司三文治始終是餐廳的Signature ，光看賣相已經覺得好健康，因為除了用全麥方包外，餡料有火腿、雞蛋、生菜🥬、蕃茄！是低卡之選 👍🏻脆炸雞扒漢堡配芥末蜜糖汁·薯條雞扒炸得趣卜卜，好香口，與芥末蜜糖醬幾match。薯條同樣地香脆，如果份量可以多啲就好了😆兩個Tea Set 不用$60，一個字：抵！