影片
更多
2010-10-03
55 浏览
上次幫襯維德中心分店，店員俾咗一份 coupon ，只限上環兩間分店。趁9月30日有效日期之前用！吞拿魚焗薯 $29 + $15 ：凱撒沙律 + 湯 ( - $5 coupon )就算用咗 coupon，都唔覺得好抵食！凱撒沙律份量適中！以生菜、煙肉碎、拌上沙律醬；灑上蒜茸麵包粒及芝士碎條做成。沙律看似簡單，各種材料嘅配搭，加入材料嘅先後次序，都有技巧。可能係平日 lunch 時間關係，顯得零零落落、求求其其。還有，生菜一定要新鮮，醬汁更是關鍵！可惜生菜不太新鮮，從相中可見到帶點黑邊！ 有部分還算爽身！生菜切段，容易入口！拌上沙律醬，能帶出生菜青脆口感；亦食出田園風味！灑上少許蒜茸麵包粒脆卜卜，咸咸地嘅煙肉碎，食落更惹味！令人開胃！亦不失口感！吞拿魚焗薯吞拿魚份量唔少，混合了沙律醬，唔會口寡寡！焗薯面頭有蔥粒同煙肉碎；煙肉碎除了作點綴之餘，咸咸地可以當調味。味道配合起嚟都唔錯！薯仔焗得夠哂腍，美國薯仔係比較甜之餘，亦比較透身，薯皮滿佈小圓圈嘅紋！而街市買到嘅薯仔，熟咗依然感覺好實色！薯皮嘅紋係一點點架。 Size 大個西柚些少，算係大焗薯。令我滿心歡喜！ 雖然薯仔夠飽肚，又係相等於飯嘅
上次幫襯維德中心分店，店員俾咗一份 coupon ，只限上環兩間分店。趁9月30日有效日期之前用！
吞拿魚焗薯 $29 + $15 ：凱撒沙律 + 湯 ( - $5 coupon )
就算用咗 coupon，都唔覺得好抵食！
凱撒沙律
份量適中！以生菜、煙肉碎、拌上沙律醬；灑上蒜茸麵包粒及芝士碎條做成。沙律看似簡單，各種材料嘅配搭，加入材料嘅先後次序，都有技巧。可能係平日 lunch 時間關係，顯得零零落落、求求其其。還有，生菜一定要新鮮，醬汁更是關鍵！可惜生菜不太新鮮，從相中可見到帶點黑邊！ 有部分還算爽身！生菜切段，容易入口！拌上沙律醬，能帶出生菜青脆口感；亦食出田園風味！灑上少許蒜茸麵包粒脆卜卜，咸咸地嘅煙肉碎，食落更惹味！令人開胃！亦不失口感！
吞拿魚焗薯
吞拿魚份量唔少，混合了沙律醬，唔會口寡寡！焗薯面頭有蔥粒同煙肉碎；煙肉碎除了作點綴之餘，咸咸地可以當調味。味道配合起嚟都唔錯！薯仔焗得夠哂腍，美國薯仔係比較甜之餘，亦比較透身，薯皮滿佈小圓圈嘅紋！而街市買到嘅薯仔，熟咗依然感覺好實色！薯皮嘅紋係一點點架。 Size 大個西柚些少，算係大焗薯。令我滿心歡喜！ 雖然薯仔夠飽肚，又係相等於飯嘅糖份三份之一；但係食得薯仔多會引起胃脹，都係唔好食太多！
忌廉蘑菇湯
主要以蘑菇茸及蘑菇粒、忌廉及麵粉，加入雞湯或雞粉煮成。呢度並不是用上一塊塊蘑菇片，欠缺口感！坊間有餐廳加上雞粒及洋蔥，除咗調味之外，同時豐富咗視覺，刺激食慾！無可厚非蘑菇味好濃郁！最怕飲到忌廉湯淡而無味！但係，湯杰到似糊狀，飲到尾才會稀一點！此外，用大杯盛住，好處係飲到尾仲係熱熱地； 如果，用碟嘅話，已經一早被冷氣吹凍哂，到時仲杰呀！我記得之前幫襯 D 字頭果間係用碟載湯，話咁快就吹凍，冬天更加唔使諗！
呢度另設有外賣部，方便外賣食客，亦節省堂食食客時間！尤其係 Lunch time ，實在時間緊迫！
张贴
