Ocio (東港城) (已結業)

Ocio原來開咗一間係將軍澳坑口嘅東港城，地點超級方便，喺坑口地鐵站一出，上東港城商場行幾分鐘就到而且呢度嘅環境好乾淨闊落，嘢食仲要好好味😋 餐單種類好豐富，有好多西餐食，意粉、飯想食乜都有😍封煎龍脷魚柳配香草忌廉配意粉 呢個餐仲有一個蘑菇忌廉湯，材料超級豐富，湯好濃郁，裏面仲有好多蘑菇！特別推介係龍利魚柳忌廉意粉，魚柳超級好味，勁滑，而且意粉整到好彈牙，仲有我平時好驚啲意粉乾爭爭，但係依度一定唔會，意粉超多汁😚精選蛋糕一件蛋糕係我最愛嘅芝士蛋糕，勁香芝士味，超級香口，香濃香滑，要來打卡同埋食都一流🤩熱咖啡最後個餐仲免費配熱咖啡，一路食飯，一路飲，啱啱好，豐富嘅一餐🥰總括嚟講呢一間嘅餐廳體驗一流，嘢食好多種類又多元化，推介大家嚟食！

行過見到，諗住見新開試下新野，點知中大伏！！！叫左個all day breakfast, 個餐跟餐湯同咖啡，價錢唔算平加埋一要$130左右首先個湯都算正常，然後重點係食物一送到黎已經係凍，塊雞扒係硬到石頭咁， 食左兩啖，淨係食到香草味，煙三文魚有黑色一撻野，食落淡到爆仲要有腥味....以為炒蛋都好難會唔好食，點知真係可以難食到咁，d蛋係淨係得奶味，完全無蛋味.....薯條同waffle無出事...但係點解成碟野都已經唔洗技能煮 點解可以難食到咁..........？！🤮🤮🤮🤮🤮🤮

住附近又新開張，梗係要試下！啲裝修都幾靚，又唔係太嘈，環境幾好！啲野食都幾後生食，而且食完仲可以食甜品Lunch set送餐湯同熱飲，我就揀咗咖啡餐湯係粟米湯，幾夠熱！咖啡就有驚喜！奶另上外之餘仲要打埋泡俾你！食到一半先記得影，我就叫咗軟殼蟹黑松露飯，夠熱，都好食，但最驚喜係個蟹！差唔多係成隻蟹炸俾你，仲食到有蟹膏！仲叫咗依個蜂蜜蛋糕食，最後幾興。不過89蚊嚟計就少少貴，無話好特別，但都係好食嘅，疏乎里咁。