Ocio オシオ (已結業)

今晚同朋友喺出名食窩夫既Ocio食晚餐😋鑽石山地鐵站環境寬敞，平日晚上都座無虛席，利害！1.波士頓龍蝦燴海鮮飯 $198有半隻波士頓龍蝦！肉質幾鮮嫩彈牙！燴飯軟硬適中，濃汁入味！唔錯！2.朱古力麻糬窩夫 $68非常之大份！窩夫算厚身，入面有麻糬煙煙韌韌，好足料！配合朱古力蛋糕一齊食，一流！但唔會好甜！👍🏻😋3.玫瑰荔枝梳打$48（跟餐+$15）好解渴！帶點玫瑰、荔枝味！👍🏻4.餐湯今晚係南瓜湯，較為淡味。

Ocio オシオ 鑽石山荷里活廣場2樓283-284號舖中秋節假期前夕，來到鑽石山荷里活廣場行街買衫。選左呢間新開既日式餐廳食晚飯。7點來到攞位，好多人啊，等了15分鐘。要用QR Code自助下單，但係我地個台只係收到一格，又冇wifi，唯有叫店員幫忙下單。終於有野食！餐湯：有點咸。炸魚薯條：都幾大份，有成4塊魚，薯條都好食！龍蝦燴飯：太重芝士味，有啲酥。到甜品蜜瓜雪山熱香餅：用來打卡好靚，但食落一般。個蜜瓜太硬，要出盡九牛二虎之力才能將它切開，所以雪糕/疏乎厘pancake同蜜瓜其實係分開食。餐飲：埋單$427。

呢間餐廳位於鑽石山廣場，座位闊落，主打日本裝修風格，牆上有好多可愛卡通圖案，木質系列為主，呢度係qr code自助落單，我地叫左一份石燒加拿大3A級肉眼牛扒套餐七成熟唔會好韌(每日限售12份)，仲有薯菜响底，加埋黑松露醬汁好惹味，包埋飲品蘑菇湯，另外，小篇推介叫左一款奧斯蜜瓜窩夫份量好多有四塊，仲有好味既香甜蜜瓜，同兩個雪糕球，外脆內軟既窩夫加埋雪糕一齊食真係好夾既組合，價錢好抵，甜品款式選擇好多。

之前去過坑口分店兩次，知道鑽石山開咗新分店，即刻走去試下先🥹太掛住佢哋個甜品啦🥲環境比坑口更加寛敞，坐得更加舒服，而且人流亦都多好多，感覺比較有氣氛🥰.🦞波士頓龍蝦燴海鮮飯 $198海鮮嘅份量都幾多，大大隻龍蝦、蝦仁同埋魷魚等等😆其實平時小編都好驚嗌海鮮飯，因為好多時都有種雪藏味，好彩今次冇體驗到😝.🍄野生牛肝菌燴飯 $128呢個飯係意外地高質，菇菇味好重好重，鍾意食菇嘅人一定要叫😋成個飯好creamy，飯粒軟硬度適中，仲有雲耳增添口感😎.🍫 朱古力麻糬窩夫 $68食呢間cafe最主要其實係俾啲甜品吸引住🤤甜品方面有勁多選擇，有心太軟、pancake同窩夫等等🥳窩夫面頭好多朱古力醬同朱古力雪糕，超邪惡啊🤪窩夫入面仲有麻糬，增添口感，出面其他地方真係比較少見😋.💰人均消費～$250.🍽味道：3/5🏙環境：3.5/5👨🏼‍🍳服務：3/5💧衛生：3/5💰價錢：3/5

難得見再呢區有間日系餐廳，加上見到咁多好評，就專登訂位試下。首先到個野菜花湯，微溫，偏咸，之後個大啡菇意大利飯，好咸，然後上左個蜜瓜窩夫（無得叫後上），窩夫無蛋味，好普通，等左好耐，帶子意粉到左，個意粉好似就咁淋左啲蔬菜茄汁撈埋咁，但叫做無勁咸。飲品叫左latte 同 cappuccino,價錢貴過外面專業既cafe，但味道….唔想多講，嗯！最後，望大家唔好中伏。🥲P.s 用左我咁多卡路里，裝左依啲食嘢落肚🥲

🧁食物質素：😍😍😍📸打卡指數：😍😍😍🧹衛生指數：😍😍😍💁🏻‍♂️店員表現：😍😍😍💵性價之比：😍😍😍地址: 鑽石山荷里活廣場2樓283-284號舖🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹鑽石山終於都有靚cafe😍呢間cafe係新開既我哋喺OpenRice book咗位星期六去到直接入得唔洗等位裝修好靚好光猛座位同枱都好闊好舒服佢哋星期六都有set lunch 同tea 真係幾抵食本身想叫埋佢哋個甜品但實在太飽 下次試完再同大家做review推薦大家黎試下🫶🏻🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹西班牙龍蝦汁海鮮手工意粉 $85 Rating: 7/10。佢既海鮮都幾多。又有蝦又有青口。個龍蝦汁幾香濃。食落幾惹味。意粉軟硬度都適中👌🏼香煎刺身帶子南瓜燴飯 $ 89 Rating: 7/10。有2粒大帶子。幾新鮮 煎得幾香。佢個risotto 仲會有大大小小既南瓜粒。食落幾有咬口。味道唔算好濃郁。正常發揮芝士瀑布安格斯牛肉漢堡配薯條 $98 Rating: 7/10。呢個真係無乜特別。個牛肉幾juicy同都有牛味既。但成個包得牛肉同一塊蕃茄同一塊生菜。個芝士醬冇乜味。食到尾仲幾漏🫣Fish an

店子之窩夫是即點即做，很吸引的，制法是西式窩夫傳統秘方～廚師的技巧很高～ 龍蝦汁海鮮手工 朋友點了個手工面，味道滿滿的龍蝦汁掛汁，面的口感也是很有咬口，棒。 野生牛肝菌 野生牛肝菌～製成的西式麵條，味道清甜，是素食者健康之選。網上發現，人工培養美味牛肝菌不易，以及市場上的美味牛肝菌基本上也是野生採摘。牛肝菌是一類蘑菇體肉質、吃。野義大利面的世界，加入牛肝菌種類也很多，牛肝菌和面一起搭配，用牛肝菌鮮香去帶出味精～棒牛肝菌這道美味跟奶油醬完美搭配，野生牛肝菌適料理，醬汁掛住寬面，非常好吃。 木色為主小店相當型格，設計帶有幾分少女風格，充滿格調。事實上，店子之甜品確實不能錯過喔

下午茶時間在荷里活廣場行逛，想找個坐得舒服的地方，見到餐牌甜點加飲品都幾吸引，便入內了。原來午市用餐時間只有一小時，我都係坐下，一個鐘夠晒。QR code落單都方便。叫了蜜瓜窩夫配雲呢拿雪糕，飲品就試吓凍的榛子咖啡。連加一盛惠$86。十分鐘左右，先來咖啡，看沒什麼，飲也沒什麼特別，味不濃。過咗一陣來了主角，蜜瓜窩夫。我本人非常喜愛窩夫。先嚐蜜瓜，甜，但不是什麼上貨。雲呢拿雪糕奶味重，味不會太甜，惟不滑。最失望是窩夫，份量是正常。但質感、味道卻不似預期。看食評是講到甚好，但我的體驗不是。窩夫外軟，但這種是烤不夠的軟，放入口反而硬。好味的窩夫一是外脆內軟，不然是軟熟而不硬。更不接受就是溫度，不暖而偏涼。收$58實在不值。或許下次再試其他，可能會改觀。

呢度嘅裝修採用木系擺設@帶有日式嘅感覺平日晏晝同朋友嚟食分別去咗一個lunch set 同一份甜品 開心share ✌🏻帆立貝龍蝦汁意粉 $89 包是日餐湯同埋$33以下飲品一杯是日餐湯係羅宋湯，正常發揮味道偏向酸少少🙌🏻意粉方面就採用左比較粗身既意粉，口感幾彈牙🤪 配菜有香煎帆立貝同海鮮🦞 非常入味！最欣賞當然係佢嘅龍蝦汁同埋蕃茄蓉做打底嘅醬汁💛 意粉面上加入大量木魚片 食落更有層次感😋焦糖香蕉朱古力窩夫 $68原來窩夫已經包咗一球朱古力雪糕 我同朋友仲以為雪糕要另外加錢 所以加多左一球雪糕🫣 朱古力窩夫好香濃，窩夫口感偏向淋身 有啲似朱古力蛋糕🍰 等雪糕溶溶地時再連同窩夫一齊食好正🤭🤭 絕對係可以靠食窩夫填飽個肚🤪

一句講晒：Hollywood廣場必試Cafe鑽石山荷里活商場食肆選擇雖多但係近年都唔多新餐廳OCIO就算係當中比較出色環境唔錯之餘食物都多選擇是日MVP係呢一個南瓜帶子Risotto食落既有南瓜嘅粒粒口感 亦有Risotto嘅綿密加左南瓜亦都令佢冇平常咁膩 又有應有嘅質感而且帶子煎得啱啱好 總體嚟講好好味黑松露薯條一嚟到睇落有啲Heavy 好大堆黑松露醬加埋芝士都好正當你唔知食咩又想食多啲Protein 唔係食燒春雞就要食All day breakfastOcio特別在有佢地嘅Waffle Protien類都多 總括嚟講都係一個中上嘅All day breakfast

🍽 Ocio オシオ📍地址: 鑽石山荷里活廣場2樓283-284號舖💰只供參考💰人均$100-$200😋 👉🏻 是日餐湯 (跟餐$0)香甜暖笠笠嘅南瓜湯作為今餐開場既序幕👉🏻龍蝦燴海鮮飯 ($198)龍蝦肉好結實一食就知道佢用既係新鮮嘅龍蝦 入邊仲有好多蝦膏 超正呀燴飯都好好味 啲汁包圍每一粒飯 唔好睇落佢好似好多汁咁呀但其實佢一啲都唔鹹㗎 味道啱啱好忍唔住食到唔停口👉🏻香煎法式羊扒伴薯菜($178)羊扒嘅蘇味唔算好勁 怕蘇嘅人都可以一試 煎嘅時間啱啱好 識落夠晒軟熟 而表皮又夠香脆不得不提佢嘅薯菜 粒薯仔超好味加埋佢個擺盤打卡一流👉🏻水牛城單骨雞翼 (跟餐+58)超級出色必叫👍🏻👍🏻👍🏻單骨雞翼一舊啪入口 條骨可以原條攞返出嚟 夠晒貼心 一啲肉都唔會嘥 當然我咀仔細細梗係分幾啖嚟咬啦 炸粉勁香脆加埋個水牛城汁真係不得了 個汁有少少辣夠晒開胃我以為加$58會係得4隻雞 估唔到佢竟然會有一炸薯條墊響底 出符意料之外👉🏻熱香草洋甘菊 (跟餐$0)比較特別嘅味道 抗氧化養生之選👉🏻熱蜜桃紅茶 (跟餐$0)隻杯淨係放響前面 都已經聞到超香蜜桃味 飲落蜜桃香響個口到朗下朗下 都幾特別好味指數:

新開日式西餐當然要去試下,上openrice預約食午餐,不用等好耐 我們2人選了2份餐：i) 炸魚薯條$89(跟午餐加配)~超抵食推介~有3大塊炸魚,不過要快食.熱食魚肉仍是滑溜溜的.凍了變成全熟就有些"鞋". 薯條配塔塔醬超夾.ii) 8oz肉眼扒$135~另一抵食之選,愛食肉的朋友可以選,我們選擇7成熟但是都比較熟.不過口感仍可以有肉汁.飲品~朋友選了白桃冷泡茶~枝裝茶(朋友話樽靚)兼有白桃茶香味我選了巨峰乳酸沙冰~夏天飲這個超消暑透心涼,巨峰香味濃配乳酸不太甜,好好飲原本想食甜品,但是已經很飽.下次食完,再報告同分享

推薦吓呢間木系Cafe😋 之前試過將軍澳分店，最近經過鑽石山荷里活廣場發現呢度都開咗一間！😋店內一如既往都係木系裝修，簡潔舒適。除咗有多款主打甜品之外，呢度嘅熱食都好高水準💜🍽晚市套餐：是日餐湯+主菜+飲品，可以以優惠價加配小食😋波士頓龍蝦燴海鮮飯 $198（每日限量12份）⭐️推薦👍🏻 好濃郁好多芝士嘅燴海鮮飯🤩 除咗有半隻新鮮彈牙嘅龍蝦之外，仲有好多其他海鮮例如魷魚圈、蝦、蜆肉等等。韓式單骨雞翼 $58（跟餐優惠價）雖然係跟餐優惠價，但係份量都唔少😮 ，單骨雞翼食得方便，粗薯條香脆滋味😋 隨餐有個咸咸辣辣嘅醬汁，都幾惹味～鑊仔伯爵茶雪山熱香餅 $78⭐️推薦👍🏻兩個人叫一個晚餐就係為咗食埋佢個甜品😋呢個熱香餅真係超正🤩🤩🤩 首先個賣相已經好靚～ 一定要震震震震佢打卡先😂 熱香餅勁鬆軟，加埋香濃嘅熱伯爵茶，同埋上面凍冰冰嘅雲呢拿雪糕😋 係冰火兩重天啊🧊🔥🤣 好好味～👍🏻🤤☕️焦糖咖啡拉花靚🌸 🍹百香果檸檬梳打清新好飲😌😌呢間一定會再encore～

Today my late lunch …… 晏左出門口，本來約左朋友去食個lunch 行個街。點知攪到雨點先到，到咗之後嗱嗱臨搵間餐廳醫肚仔。呢家餐廳環境不錯，等了一下便有座位。裝修簡約得嚟又花心意，牆身白色，以簡單線條劃了不少得意公仔，掛上球形燈泡及圓鏡，幾鍾意呢間餐廳嘅裝飾。如果朋友仔用心搵都有打卡位。午餐包了南瓜餐湯，主菜選了《香煎帆立貝龍蝦汁意粉》（$79），採用空心意粉，意粉更能充分沾滿龍蝦汁，味道香濃口感得意。配上煎香帆立貝，龍蝦汁混和蕃茄蓉好夾，再鋪上大量木魚片，味道更豐富。朋友點了《炸虎蝦拉麵伴63度日本溫泉蛋》（$89），拉麵湯底濃厚海帶鮮味，將滑滑溫泉蛋加入與拉麵混和，味道更濃郁。炸虎蝦配有少量淹菜更開胃。午餐包有$33以下餐牌飲品，可補差價選特飲。我揀左密桃紅茶，茶味香濃不錯。午餐呢個價錢包湯連飲品，性價比頗高。另外，各款不同特色窩夫都係餐廳主打之一。下次一定要嚟試下。

鑽石山荷里活廣場新開咗間日式cafe叫Ocio オシオ，無論食物選擇同埋品質都好好，所以專程嚟試下。🥰依度地方寬敞而且裝修特別，令人有一種好舒服嘅感覺，我哋點左芝士焗龍蝦全日早餐、帶子龍蝦汁手工麵，同埋朱古力布朗尼窩夫。🥰芝士焗龍蝦全日早餐有牛油果沙律、燒蘑菇、粟米、茄汁焗豆、德國芝士腸、巴拿馬火腿、炒滑蛋、薯條、蕃茄仔，及主角芝士焗龍蝦半隻，真係好豐富而且每樣野都極新鮮。😋帶子龍蝦汁手工麵有2隻超厚身，煎過之後特別香口，龍蝦汁味濃且鮮，撈埋彈牙手工麵食一流。😋甜品朱古力布朗尼窩夫份量好足，窩夫暖暖加上布朗尼蛋糕真係好夾，仲有朱古力味雪糕球添，食到停吾到口。😋