NUTTEA (海光街) (已結業)

好靚既鋪頭，上面有氣球裝飾，側邊有解釋五種堅果“五大堅果 缺一不可"分別係杏仁，核桃，夏威夷果仁，榛果，腰果，堅果。堅果奶同普通牛奶嘅分別係對奶敏感嘅人都可以飲！！同埋植物奶比鮮奶低卡，健康人生既我如果想飲奶蓋都一定嚟呢間！！我叫左芒芒堅果奶蓋茶 堅果奶蓋上面會有少少花生碎，奶蓋好香榛子味😍 水果茶佢建議揀微甜，入邊會有芒果肉，因為係用新鮮生果整嘅所以唔會係假甜 芒果完全唔酸，奶蓋好厚身，慢慢飲都唔會溶 最得意係佢會比個剷子你食奶蓋，好貼心！朋友叫咗伯爵朱古力堅果奶蓋茶奶蓋係朱古力奶蓋所以望落啡色微糖會好飲啲冇咁甜，茶底好有伯爵茶味 ，飲管仲要係環保飲管！！原本諗住叫草莓堅果奶蓋限定，好可惜賣晒 下次一定要試！

已經唔知係第幾次嚟幫襯Nuttea啦😛原因係呢到嘅飲品感覺比較健康，而且價錢都合理，所以每逢lunchtime都幾多人嚟買㗎🤓成間店舖嘅裝修都睇得出花咗唔少心思，俾人一種好舒服嘅感覺☺️今次揀咗一個超健康嘅選擇😚熱嘅藜麥燕麥堅果奶茶☕️飲落去有淡淡嘅堅果味😋飲完記食埋啲藜麥同燕麥！夠哂飽🤗對女仔嚟講，呢杯嘢飲絕對可以當一餐lunch👍🏼甜度我揀咗半糖，我覺得啱啱好🥰飲完唔會有罪疚感🤪如果揀奶蓋嘅話仲可以用呢個細細嘅剷仔嚟食添😍

港島一日遊當然唔少得嚟到鰂魚涌搵嘢食呢間啦nuttea 相當近地鐵站門面裝修得非常文青出邊仲有塊用粉筆畫嘅menu 板，十分精美舖頭入邊亦都裝修得十分之靚仲display咗出嚟佢舖頭用左邊五種堅果另外亦都有佢哋四種嘅招牌奶蓋堅果茶嘅模型非常得意😎加上舖頭入邊有好多資訊佢同消費者介紹返產品嘅成份同埋口味嘅調配，係我覺得做得幾出色嘅佢哋主打用堅果組成嘅奶所以啱晒對牛奶敏感嘅人士由於佢哋舖頭主打健康嘅關係亦都唔會見到一般台式飲品所提供嘅珍珠反而有燕麥同埋藜麥取代奶蓋有三種飲法第一種直接用匙羹潷個奶蓋嚟食第二種食法係45度加埋奶蓋同茶一齊飲第三就係將奶蓋同茶撈埋一齊飲朱古力伯爵堅果奶蓋茶賣相一流見到佢奶蓋嘅比例啱啱好上面仲左少少嘅可可粉朱古力奶蓋味非常之濃郁半糖味道啱啱好芒芒堅果奶蓋茶啲芒果肉多到嚇死人除咗茶底有芒果之外奶蓋亦都有少少嘅芒果做點綴飲落茶底非常之清新芒果肉好甜叫咗半糖得啱啱好奶蓋口感非常濃郁一定唔會再encore👅可以講係全香港最好飲嘅奶蓋茶

身為一個乳糖不耐症既人其實每次出街買野飲都好苦惱因為有奶既野飲完通常都會頂唔順好快都會肚痛只可以簡去飲茶類手搖其實每次放工經過見到都好想試下飲但成日覺得自己一個飲好自私所以終於拉埋個朋友一齊試見門口貼住2張大既推薦飲品就一於試下芒芒堅果奶蓋茶同埋伯爵朱古力堅果奶蓋茶啦其實兩杯我都想試所以我就同朋友一人試一杯 順便偷d朋友個杯試下啦其實仲有其他堅果奶蓋茶都好想試惟有留番下次啦甜度同冰度都可以選擇最鐘意都係有得去冰平時其他呢類最多只能少冰另外店內都好貼心 有recommendation㗎我自己要咗芒芒朋友要咗伯爵茶兩杯奶蓋都好出色芒芒係用堅果奶蓋食落d cream好厚實少鹹好正芒果茶亦都唔hea芒果粒好足伯爵朱古力奶蓋茶個朱古力奶蓋超好飲超濃朱古力味作為一個朱古力狂迷真係贊不絕口👍🏻👍🏻👍🏻👍🏻店員仲會俾個鏟子我哋飲奶蓋啱哂我呢d超級喜歡奶蓋既人先食完奶蓋再飲

之前一想飲嘢都會率先選擇珍珠奶茶或者係果汁， 但係而家考慮到健康嘅角度 ，會比較想試下堅果奶 ！呢日喺鰂魚涌呢邊， 見到Nuttea呢一間嘢，於是就想試下啦！鋪面好優雅 ，design得好靚，令人哋好想入去！我真係好鍾意呢個環境，好elegant，喺度邊飲嘢邊望街景係一個十分之好嘅選擇！環境咁靚， 我忍唔住影多咗幾張相！我叫咗一杯伯爵朱古力堅果奶蓋茶， 係季節限定嘅， 走咗冰叫咗微糖 呢杯堅果奶蓋茶茶味香濃 ，散發著陣陣嘅堅果味， 飲落令人好精神，成個人都好舒服 ，佢個奶蓋真係勁好味， 好creamy， 而且有一定嘅厚度，會好飽好滿足！仲叫咗另外一杯，草莓堅果奶，酸酸甜甜，好開胃！ 我都係同朋友share， 咁就可以試曬兩種味啦！兩杯呢個大合照！

今日天氣炎熱🥵同朋友見到呢間好有文青feel嘅飲品店。我點左繽紛火龍果堅果奶蓋。賣相好靚，見到有三層。最上層係厚厚嘅奶蓋！平時飲開芝士，今次呢個係堅果味，好似食金莎朱古力咁，好香。眾所周知，堅果係健康食品，不易發胖，又有益，對比起芝士，飲多幾杯都得！呢間店舖就力推沒有牛奶沒有奶精，所以對吾洗驚吾知飲左咩化學成份嘅野落肚！講翻最底層火龍果汁，好清甜。未試過飲過呢種又有堅果味又有火龍果味嘅飲品！個感覺好特別！我揀左少冰，不過個人認為正常冰會好飲啲！朋友就叫左伯爵朱古力堅果奶蓋，個人認為吾想試新奇就叫火龍果個杯，想試翻正常味就叫呢杯。佢都有茶香味，不過朱古力較濃味！而且係季節限定，所以手快有手慢冇！！！吃奶蓋吾一定要用口啜，搞到成口都係污糟嘅！用個小鏟子來食，一小口一小口，斯文又乾淨！支持黃店嘅你要大大力支持！！

短短一條海光街有起碼四五間飲品店可能因為對面就係太古坊嘅關係飲品店開極都排長龍呢間開喺街頭有利位置而且佈置得幾夢幻所以好多OL排隊主要賣奶蓋茶但亦都有手沖咖啡飲品店定位都幾聰明本身呢條街最旺係水果茶同台式奶茶另外仲有間較貴價嘅咖啡佢餐牌就主攻堅果奶都幾differentiate到自己仲可以嗌埋網上外賣平台 朋友嗌咗四季春堅果奶蓋茶我就嗌伯爵朱古力堅果奶蓋茶個奶蓋好厚好滑亦好濃堅果味 冇俾朱古力味冚過 亦好在唔會過甜 唔會好易溜夾伯爵茶清香中帶微澀 balance得唔錯

今日約了朋友在鰂魚涌打算找間Cafe傾下計，意外地找到這間Nuttea，飲品多花款，有堅果奶蓋茶、堅果奶、水果茶、咖啡等等，環境裝修都令人很舒服的感覺，時間大約六點，店內不是太多客人。繽紛火龍果堅果奶蓋茶 - $38 單是飲品名稱都給人健康的感覺，面頭有接近一吋高的奶蓋，味道甜甜咸咸，非常新鮮美味，而且不會太甜，非常邪惡。芒芒堅果奶 $42 - 味道十分濃厚，點鰂少甜，果然不會太甜，帶出芒果的清香感，份量也足，一個人飲都非常足夠，不要只看賣相，內裡其實口感幼滑，不會有苦澀味，甘香四溢。

芝士奶蓋經常都找得到，堅果奶蓋還挺有新意的，可能亦是因為比較特別，所以相對價錢亦較貴。細看簡介才知道原來是台灣過江龍，而受歡迎的其中一個賣點是品質保證，既然好評如潮，當然要一試⠀【伯爵朱古力堅果奶蓋茶$46】 🍫🌰⠀⠀標榜每日只買100杯，售完即止，所謂堅果奶蓋用腰果、核桃、杏仁、榛子、夏威夷果仁製成，乍看之下有幾吋厚，果仁濃郁的味道與伯爵茶香不謀而合，確實有點新意😏⠀不過建議兩個人分享一杯，不然會太飽

奶蓋平時就飲得多啦，但係有果仁味嘅奶蓋你又飲過未？我就真係未飲過啦，今次係第一次試呢個Nuttea嘅奶蓋茶～平時好少食果仁嘅我，都覺得個那個非常之香果仁味，而且個奶蓋係厚到好似雪糕咁樣，可以用個剷仔刮起嚟食。之後連埋茶飲，真係好正！不過價錢方面係有少少貴～只可久唔久飲一次～希望有買多送啲優惠啦！

飲完nuttea既奶蓋應該唔想飲其他，呢度既奶蓋混合左堅果奶，厚身但輕盈，飲落冇出面果啲咁膩，帶點果仁香。紅火龍果加茶底幾清新，微糖岩岩好，清甜。#test_taikoo______________________________🏠 Nuttea 💛📍鰂魚涌海光街36號地下2號舖💸 $34‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾#黃色經濟圈 #太古美食 #香港美食 #hongkong #黃店

最初見到NUTTEA，第一個反應係怕怕，因為我好怕個陣假杏仁味，但詳細睇過NUTTEA係以杏仁，核桃，榛果，夏威夷果仁 & 腰果冷壓萃取，快速運轉乳化成為純堅果奶，完全沒有牛奶成份，環保健康之餘，仲岩晒有乳糖不耐症既我，所以就膽粗粗入去買黎試下伯爵朱古力堅果奶蓋茶($46)點了微糖走冰，攞住已經聞到好香既堅果味，仲有一隻膠既鏟仔卑你筆d奶蓋食，一食真係不得之了！堅果味非常香濃，仲有朱古力粉，好綿好滑，好好食，伯爵茶底亦都好香，鍾意濃味既朋友岩晒，滿分💯堅果奶蓋四季春 ($34)堅果奶蓋一樣咁香濃，呢款無左朱古粉相對無咁膩，四季春茶底亦都好香，味道比伯爵茶清，所以鍾意清淡d既呢杯非常適合因為NUTTEA我認識左堅果奶，真係一試愛上，仲好有衝動想試晒佢menu上咁多款既奶蓋飲品😆

堅果奶蓋真係好好味，好香好濃。 我鍾意嘅茶底係四季香。 不過飲完係飽肚嘅， 佢哋仲會配一個可愛小膠「鏟」去食個奶蓋， 我個人覺得唔需要用， 可以環保啲， 淨係用紙飲筒都得， 新蒲崗嗰間用另一個米質飲筒，個人試過佢嘅堅果奶咖啡， 唔係我個杯茶。

鰂魚涌呢間飲品店Nuttea，以堅果奶茶為主打，上網一搵，原來佢係來自台灣，用堅果奶取代牛奶嚟沖飲品，冇牛奶同奶精，更加健康。佢哋嘅堅果奶同堅果奶蓋，用上腰果，夏威夷果仁，榛果，核桃同埋杏仁製成。除咗堅果奶，堅果奶茶，佢哋都有茶，水果茶同咖啡選擇。外賣咗杯季節限定嘅南瓜堅果奶返公司飲，呢個款式只限熱飲，攞到返公司時已經係微暖，飲落去堅果味好出，相對嚟講，南瓜味就較淡，雖然同我預期有少許出入，但都ok嘅，不過要$42一杯，有點貴，所以試過就算。

台式飲品入面，奶蓋茶係我嘅至愛，不過，飲得太多，真係會怕肥，所以平時都會就住間唔中先飲一杯。見鰂魚涌有間叫Nuttea嘅台式飲品店，係用堅果嚟做奶蓋，就叫咗杯台灣紅玉堅果奶蓋茶。佢附送咗一個迷你鏟仔俾你，有咩用途？就係俾你直接用嚟食面頭嘅奶蓋，好特別嘅方式。奶蓋茶飲落口最初會覺得鹹鹹哋，之後就有種堅果嘅味道，同平時飲開嘅奶蓋茶有少少分別，而奶蓋都算厚身，綿綿的，同茶底好夾，飲完成杯，會覺得好飽肚。