NUTTEA (宏利金融中心) (已結業)

兩杯奶蓋真係好特別 堅果味濃 而且又有奶味 少少甜又唔太肥膩 少可飲哂都唔算飽到頂胃 而且火龍果個杯嘅奶蓋仲加左果肉 真係覺得飲落有果汁種fresh 四季春嘅茶味都濃 總體而言真係值得一試 尤其是係奶蓋狂迷 唔試唔得 一試就愛上 不過唯一相對冇咁開心嘅係啲分店大多係工廈區 方便附近嘅打工仔 想飲就要行遠啲啲

«1010»期待已久嘅堅果奶蓋茶ヽ(゜∇゜ヽ)﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣久仰大名觀塘分店太遠次次都唔願行過去，直到朋友生日先肯去買畀佢飲😂▷四季春堅果奶蓋茶 $34▶宇治抹茶堅果奶蓋茶 $38揀咗兩款都係招牌飲品，四季春奶蓋係好常見嘅款式，但用堅果奶蓋就真係第一次試奶蓋又厚又綿，專登畀你用個鏟仔食，好得意😙 奶蓋係濃濃嘅堅果味，我覺得個味道不輸芝士奶蓋，仲健康啲添！有啲堅果碎可以咬下，溝埋清新嘅四季春非常好飲～🧡然後抹茶溝埋奶蓋個味會再濃啲，抹茶飲落口感香滑，唔苦又唔澀，係出色嘅抹茶味！💚總結呢間非常高質，同埋而家開多咗分店周圍都可以買到，推薦畀鍾意奶蓋茶嘅朋友🤪﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣Nuttea觀塘偉業街223-231號宏利金融中心1樓9號舖九龍灣宏冠道6號鴻力工業中心A座地下B1B1號舖旺角彌敦道688號旺角中心1樓F52號舖新蒲崗大有街3號萬迪廣場1樓D號舖鰂魚涌海光街36號地下2號舖

以為係珍奶啲 gimmick 野，唔用牛奶用豆奶或者果仁奶，諗住同一般珍奶無咩分別，好似咖啡唔用牛奶用其他野取代一樣，所以佢啱啱登陸香港時完全無諗過要試。點知... 一試就出事...日。日。都。想。飲。茶底清香，堅果味唔會蓋過哂茶味，仲因為茶有少少澀，中和左奶蓋既厚重感同甜味。堅果奶蓋果然名不虛傳，打得好厚但唔係 foamy, 唔會入口就無左，而係實實在在既啖啖堅果香同營養。好滑，一啲「炸」都無，一口一口既滿足感！今次呢個紅肉火龍果+宁序啤梨奶都好勁，仲係期間限定添。不過如果你未試過佢既奶蓋，就試奶蓋先。 You will be impressed

一直唔知觀塘宏利有nuttea~一知就去幫襯啦～去到見到原來星期一有九折同埋星期六日唔開架伯爵茶榛子朱古力奶蓋係佢地皇牌，$46而且仲要限量，第一次飲堅果奶蓋好特別口感有d 一粒粒，好似有金莎既感覺，朱古力味又唔算好出，伯爵茶底唔算好濃，所以唔會搶左奶蓋味奶蓋仲比左個鏟可以筆黎食，筆左幾啖就又mix 下奶蓋茶入口好順滑，夾得好好之後再試另一杯火龍果奶蓋，見到有其他食評推介可以有走甜版～ 下面好勁既火龍果腥味，但無咩火龍果既甜味陣腥味有d 重，所以最好mix 埋個奶蓋中和一下就ok奶蓋今次係普通堅果奶蓋都係有d 金莎feel奶蓋真係好特別大讚～～～下次會想試下普通茶底～應該match 得更好

自從同事發現觀塘有呢間茶飲之後，基本上佢地每星期都會飲一次😂終於比佢地燒到啦～店舖個slogan寫住五大堅果，缺一不可，呢點要幫襯啦🥰芒芒堅果奶蓋茶（$44）茶底係茉莉花姐味，香得黎又不會搶左芒果既味～而且每一啖都飲到一絲絲既芒果，好多果肉😍夏天飲超消暑啊！個奶蓋都好出色！平時飲開芝士奶蓋，堅果奶蓋就第一次試～呢個奶蓋又香又滑仲要厚到不得了！多到佢會比佢剷仔你不黎食😋星期一green Monday會有9折，抵飲d😚

✨鍾意飲奶蓋既我，一直都好想試依間［Nuttea]以五種堅果打成做堅果奶蓋既飲品店，佢地既奶蓋屬於純素飲品，無奶成份，咁有噱頭⁉️我更加有興趣想試......🙈！.💬伯爵茶朱古力堅果奶蓋茶 💰$46奶蓋味道好似金莎，好滑，面頭有可可粉，唔算好甜，奶蓋口感較濃厚，份量都算多，佢地跟飲品附帶有一個好似個鏟又幾可愛既細匙羹比客人食奶蓋用（唔記得影🙈），都幾方便👍🏻，食完奶蓋再飲茶真係好夾，整體黎講，我真心好鍾意飲，好有驚喜💯💯💯，我下次會試下佢其他飲品‼️.....

▪️ 伯爵朱古力堅果奶蓋茶 💲46呢間既賣點必定係個奶蓋層，用堅果取代左牛奶或者奶精，好適合對奶敏感既朋友仔☺️有個好得意既盆栽型鏟仔可以方便進食奶蓋層，質感依然同平時既奶蓋層一樣稠身得黎綿密creamy，榛子味濃郁，底下係清少少既伯爵茶底，不過飲曬成杯飽肚少膩🙈個人都係鍾意之前飲過奶蓋同士多啤梨同埋火龍果等水果既配搭，感覺會比較清新🤫見佢最近係旺角都開左店，終於係比較方便我既地點😍🔎 整體評分（7/10）

之前未試過呢類奶，原來都幾厚滑幾香濃架啵！飲過佢嘅香蕉燕麥堅果奶，啖啖香蕉嘅清新味，而燕麥同堅果都係有少少自然嘅香味，都幾夾，飲完之後仲好飽肚添，用嚟做兩餐之間嘅小BREAK頂下肚都唔錯。另一款試過嘅就係朱古力榛果堅果奶，呢款真係好厚身，每一啖都好似有一粒榛子朱古力溶喺口咁，味道非常香濃，而且唔會太甜，鍾意食朱古力或者飲特濃朱古力奶嘅話一定鍾意，絕對係邪惡之選，不過係正嘅～久唔久都會掛住，又要返嚟幫襯！

終於比我搵到香港有堅果奶手搖杯啦! 呢度既堅果主要由杏仁、核桃、夏威夷果仁、榛果同埋腰果製成，今日一試就知，果然真係好特別好香濃。伯爵朱古力堅果奶蓋茶2019年台灣奶茶節嘅金獎得主，果然名不虛傳。估唔到伯爵茶同朱古力味道咁夾，各自都好突出，而最出色既係佢既奶蓋! 唔會好似出面其他手搖杯咁有動物脂肪既肥膩感覺，反而香滑得黎很健康，帶有少許榛子味，口感豐富。我哋有叫到凍嘅和熱嘅，兩款都唔錯，各有特色香芋堅果奶口感十足，咬到一粒粒芋頭，甜而不膩，啱哂ol飲!茉莉綠鑽堅果奶蓋開頭仲以為有奶蓋會好肥膩，但原來夾住幽香既茉莉居然咁啱中和左奶蓋既膩，有奶蓋之餘亦唔會太濃味。

第一次飲呢間飲品店，實在有驚喜，所以要寫食評推薦比大家！!芒芒堅果奶蓋茶 ($44)開放式廚房可以睇到佢一路點製作。用磅量芒果粒(夠standard )，之後倒茶，最後放奶蓋。佢比左個鏟仔你用嚟食個奶蓋,幾得意，杯蓋上面都有寫tips話你知點飲。一食個奶蓋，超濃堅果味!又打得夠smooth,好似食緊軟雪糕咁😜至於茶，因為叫左無糖，所以味道會比較淡，但更飲得出個茶底嘅甘甜。同埋啲芒果都好甜，連芒果粒一齊飲，甜度剛剛好。👍👍最like個奶蓋！另外朋友飲嘅草莓堅果奶 ($45)試左一啖，都係好濃嘅堅果味加士多啤梨山味!同奶蓋茶個分別在於堅果奶成杯都係堅果味(真係超正！)、唔係茶底，同埋冇左奶蓋嘅smoothie feel但各有各好，建議大家2款都試下😋

前日，我同班同事決定去呢間Nuttea 歎返個afternoon tea。 呢間Nuttea 就係正我地公司樓下既retail area，平日行過都聞到好大陣香濃既堅果味，仲要標榜無牛奶無奶精，真係啱曬我地呢班返工既OL姐妹，落黎飲返杯堅果飲，抖抖氣回回神。伯爵朱古力堅果奶蓋茶呢杯奶蓋茶攞咗2019年台灣奶茶節嘅金獎，而且每日限量100杯，睇落非常吸引，於是我就試一試。伯爵茶味道清新，朱古力香濃，奶蓋非常之厚，就好似一層厚厚嘅布丁，正!茉莉綠鑽堅果奶蓋我試飲左同事A叫既呢杯茉莉綠鑽堅果奶蓋，真係非常清新，因為有淡淡嘅茉莉香，連埋奶蓋一齊飲好有層次感。香芋堅果奶至於同事B叫既香芋堅果奶，口感非常順滑厚實，十分足料。堅果奶除左有濃濃既堅果香之餘，居然仲食到綿滑而細膩既既芋頭，感覺少少似食緊精緻既甜品咁，果然有驚喜！

坊間好多飲品店售賣奶蓋飲品， 但能照顧素食者或戒牛奶者需求的大概只有Nuttea這一家。奶蓋以堅果製造， 是我第一次見。 今天點了一杯台灣紅玉堅果奶蓋茶。 選擇了微糖少冰，美味之餘更加健康。當刻挺旺場的，但不用等太久，飲品已經做好。最特別的是隨著飲品的不是一支飲管，而是一個小膠鏟， 用來剷起堅果奶蓋享用。 堅果奶蓋口感豐盈， 非常細滑濃密 ，味道比之前在其他茶飲店所飲過的奶蓋咸，炎炎夏日特別醒神。 底層的是清香的紅茶， 和濃郁的堅果奶蓋有很強烈的對比，飲過令人豁然開朗。 奶蓋拌勻在紅茶之中，兩者味道非常搭調。除了堅果奶蓋茶，還有堅果奶 ，和其他各款茶飲， 下次要再來試試其他。

近排流行堅果奶，不含動物元素，今次經過見到呢間堅果奶店，忍唔住要試試🤤估唔到堅果都包含咗咁多款☺️好似幾吸引😳台灣紅玉堅果奶蓋茶~睇咗一陣，都係想試吓佢哋嘅奶蓋，揀咗台灣紅玉茶，因為坊間好似比較少見😌順帶一提，原來鋪頭有個打卡位，等我都影返張文青相先😈好得意，俾咗鏟子來食奶蓋，幾貼心，因為平時用飲管好難feel到奶蓋嘅質感，今次用鏟子可以嚐到奶蓋嘅creamy 質感，估唔到幾綿密，加入少量堅果，令味道層次更為豐富，而非坊間普遍吃到比較鬆散的奶泡🤤而台灣紅玉茶茶味亦十分香濃，配合奶蓋有另一番風味，味道帶有少少鹹甜，亦有少少回甘~夏日炎炎幾消暑🤤

而家天氣熱辣辣，出去行街都一身汗，果日約左朋友去觀塘海旁影相，一身汗就想飲杯野涼爽一下。堅果奶係外國非常之流行，因為有好多人對牛奶敏感就可以以堅果奶代替，而且堅果奶健康又唔肥，岩哂我地啲又想飲又怕肥嘅女仔。今次係第一次飲堅果奶，企左係到好耐都唔知飲咩好，於是員工就推介左兩杯店內招牌口味比我地，就係【芒芒堅果奶】同【伯爵朱古力堅果奶蓋茶】，而且仲好貼心咁問我地會唔會揀微糖，好有愛~【伯爵朱古力堅果奶蓋茶】呢杯堅果奶拎左2019年台灣奶茶廊─金獎，每日限定推出100杯(好彩我地好早黎姐!)。入面除左加左堅果奶之外，仲有100%純朱古力配上伯爵紅茶底，黎到會有一個迷你鏟仔附加左比我，可以鏟奶蓋黎試食，同埋可以將奶蓋同茶溝埋一齊飲。先講奶蓋，口感好滑好細緻，仲有好香朱古力味。成杯堅果奶一飲落去就有好濃郁嘅朱古力味，唔會好甜好膩，打破左我初初幻想以為會好滯嘅感覺，岩哂啲朱古力迷，先有濃郁嘅朱古力味後有爵紅茶嘅茶香，絕對有佢獨特嘅吸引力。【芒芒堅果奶】入口有少少沙冰綿密嘅口感，有好香甜嘅芒果香氣，再帶有堅果奶香滑嘅質感，非常之消暑解渴，由於我地揀左微甜，更能帶出新鮮芒果嘅味道，估唔到芒芒同堅果奶一

最近聽同事講話公司附近開咗間特別嘅茶飲，都係台式嘅，但係就同平時飲開嘅好唔同，今日就跟佢去試吓。去到就黎完lunch time 但都仲有人排緊隊！店員雖然忙，亦不忘介紹佢地signature 百爵朱古力堅果奶蓋俾第一次試嘅我，但係剛食飽飯想飲d酸酸地既野醒下神，都係揀士多啤梨堅果奶開心d! 店員好細心話怕我覺酸，建議要微甜，咁我當然take你專業advice 啦！唔駛等好耐已經可以攞飲品。見好多人買完嘢飲之後都係側邊display位打卡，我又打埋一份！放喺佈置好嘅corner上面，影出嚟真係特別靚，店家果然幾有心思！講返飲品，打開蓋香甜嘅士多啤梨味撲鼻，飲品顏色悅目，見到心情都靚晒！飲落去微酸，帶有士多啤梨嘅清新，感覺唔錯，仲會食到堅果粉末，令飲品更加香口，估唔到堅果同生果夾埋既特飲又幾match喎！見呢個品牌幾特別就上網睇咗少少資料，店家由台灣引入呢個品牌，除咗希望係眾多台式飲品中突圍而出之外，仲可以令食素人士都可以飲埋一份！Good Idea! 希望佢越開越多，咁我就隨時隨地可以飲到！