NUTTEA (萬廸廣場) (已結業)

近排係新蒲崗番工…無意中知道有呢間，以堅果奶為重點，我一向無奶不歡，第一日試左伯爵朱古力堅果奶蓋茶，奶蓋唔太甜，好香堅果味朱古力同伯爵茶好夾今日試左繽紛火龍果奶蓋茶，火龍果係新鮮打，唔係得個香味，奶蓋都係好香堅果味匙羹仔好得意，又貼心，支環保米管用得放心又無負擔，好想試埋南瓜奶蓋新界區幾時開間？

NUTTEA主打嘅奶蓋飲品真係好飲到返唔到轉頭😍🥛奶蓋以榛果、核桃、杏仁、夏威夷果仁同腰果呢5種堅果🌰冷壓萃取後乳化而成店員會細心地比埋支剷仔你慢慢品嘗啲奶蓋🥄奶蓋厚度目測至少有一吋啊😳味道濃厚、充滿果仁香不在話下 口感仲好幼滑綿密🤪係真•奶蓋🥛　唔似平時一般個啲好稀身水質咁💦奶蓋底下搭配你喜愛嘅茶底☕️／水果🍊我地分別買咗「紅玉堅果奶蓋茶」($30 HKD)同「四季春堅果奶蓋茶」($30 HKD)兩杯嘅茶香味都好香濃🤤⚠️ 重點係店內所有飲品都冇加入任何牛奶同奶精‼️ 夠曬健康同充滿營養價值☺️無論係全素人士🌱、減肥人士🧘🏻定係支持環保飲食♻️嘅你都適合💓.🤩 總結：雖然佢每杯飲品整體價錢少貴 但係做出一杯純天然嘅堅果飲品成本都不便宜啊 所以是值得的🙈 NUTTEA完全打破咗手搖飲品唔健康嘅觀念🥰 一杯飲完唔會令你有罪疚感但又好飲嘅飲品非佢莫屬💦🤤

是日佛誕，想飲奶茶，但又唔想飲有牛奶的奶茶，幸好附近有nuttea。已經唔係第一次飲nuttea，之前飲過 烏龍堅果奶茶 及 香芋堅果奶，都覺得好滿意，今次就試吓最簡單的 台灣紅玉堅果奶茶。口感沒有 港式奶茶般厚身 (可能另一款 台灣紅玉堅果奶蓋茶 口感會厚身些🤔，下次要試一試)，但有堅果味，而且茶味及堅果奶味亦算平衡，不會 堅果奶味番番黎 紅茶味又唔爭氣。$29 大大杯，飲完不怕奶類敏感，而且還有很多口味選擇，又可以選擇少甜/少冰，以後不想/不能飲用奶製品的人，也可以飲奶茶了。

nuttea係我遇過最印象深刻嘅奶蓋，絕冇誇張🤓 有別於平時嘅芝士奶蓋，佢用上5種堅果而整成堅果奶蓋😌 5種堅果分別係Walnut核桃、almond杏仁、hazelnut榛子🌰、macadamia夏威夷果仁同cashew腰果😎 由於冇奶所以就算係lactose intolerance都啱飲😙/🍵 宇治抹茶堅果奶蓋茶 $34佢有鋪啲夏威夷果仁喺奶蓋面，堅果味超香超濃超特別😱好creamy好好味☺️☺️☺️ 抹茶味都濃，但我覺得同堅果味未係好夾，配佢招牌伯爵朱古力應該會更好味😎/飲到最尾我係好唔捨得，要慢慢飲🤡 同佢就係喺正享樂烘焙附近，可以一次過懲罰兩間my fav😙

呢間店同其他果汁店有咩唔同呢? 佢特別在唔用牛奶而使用五種堅果, 經過冷壓萃取而成既純堅果奶. 本人首推佢地既堅果奶蓋系列真係超級讚! 堅果奶蓋用榛果混和植物奶做成白奶蓋, 飲落好似食緊金莎咁, 有濃厚既榛果味!! 😋😋如果你叫奶蓋系列的話店員會俾個專用小鏟子你, 可以直接將奶蓋「鏟起來」一口一口品嘗 😆另外重有提供用米做既環保飲管呢！之前飲過幾款葡萄堅果奶蓋茶, 繽紛火龍果奶蓋茶, 宇治抺茶堅果奶蓋茶, 烏龍堅果奶蓋茶, 伯爵朱古力堅果奶蓋茶等等..(無錯全部都係奶蓋系列啦! 😆)今次去到見到佢有情人節限定草莓堅果奶蓋茶 ($42) 面層既奶蓋唔洗講忍唔住食唔停! 下層既草莓果汁好濃又新鮮! 情人節限定另外有款可可堅果奶蓋茶 ($42) 聽落好吸引, 係寫食評前忍唔住再去試咗啦! 朱古力奶蓋即場製作, 打到超企身, 入口除咗香濃既堅果之外重有濃濃既朱古力配合得天衣無縫!! 👍🏻👍🏻

由鑽石山行去九龍城上開飯睇有咩飲😃就睇中「Nuttea」離鑽石山車站5分鐘路程，幾方便「Nuttea」主打堅果製作嘅奶飲品、奶蓋、水果茶對小編嚟講好新鮮🤩撞啱當日星期一，有堅果奶蓋系列買一送一🥰開心呢～舖頭入面，近窗邊靠牆邊有凳坐，可以坐底慢慢嘆員工們全部都好有禮貌，好welcoming呀小編親耳聽到店員都會主動提醒顧客當日做緊買一送一，可以揀多杯😬唔會話客人唔知就慳返咁嘅心態呢樣大方好值得讚揚！走時，臨出門口之際，店員好細心，見我地搵唔到垃圾桶，提一提我地位置，不然就要拎住個杯遊街。🤣濃情可可堅果奶蓋($42)奶蓋好滑好厚身好濃榛果味，挺身到反地心吸力！🤣有可可粉灑面😇層次感豐富凍朱古力底就較水狀，小編expect係漿啲嘅，唔知關唔關走甜事🧐不過都ok，可以中和奶蓋嘅膩兩者溝勻仲好似milk shake咁㗎😛伯爵朱古力堅果奶蓋茶($42)友人話伯爵茶清香，同可可好夾喎

今天難得來到新蒲崗，必定要試一試這裏的堅果奶。女朋友說這裏的是植物奶，比較健康。我點了一杯香芋堅果奶，她點了一杯火龍果堅果奶。香芋堅果奶味道很濃郁，用粗飲管會吃到很多香芋，非常足料。杯蓋有兩個口，可以用飲管飲，直接飲也可以，非常環保和方便。吃完飯後學者杯飲料顯得非常飽肚。火龍果堅果奶用紅肉火龍果，營養價值更高，也不會太酸，與堅果奶的味道很夾。店舖環境方面，非常寬敞，同時提供四人沙發座椅和茶几，又有打卡位，完全滿足香港人打卡的習慣。

最初見到NUTTEA，第一個反應係怕怕，因為我好怕個陣假杏仁味，但詳細睇過Nuttea係以杏仁，核桃，榛果，夏威夷果仁 & 腰果冷壓萃取，快速運轉乳化成為純堅果奶，完全沒有牛奶成份，環保健康之餘，仲岩晒有乳糖不耐症既我，所以就膽粗粗入去買黎試下伯爵朱古力堅果奶蓋茶($46)點了微糖走冰，攞住已經聞到好香既堅果味，仲有一隻膠既鏟仔卑你筆d奶蓋食，一食真係不得之了！堅果味非常香濃，仲有朱古力粉，好綿好滑，好好食，伯爵茶底亦都好香，鍾意濃味既朋友岩晒，滿分💯堅果奶蓋四季春 ($34)堅果奶蓋一樣咁香濃，呢款無左朱古粉相對無咁膩，四季春茶底亦都好香，味道比伯爵茶清，所以鍾意清淡d既呢杯非常適合因為NUTTEA我認識左堅果奶，真係一試愛上，仲好有衝動想試晒佢menu上咁多款既奶蓋飲品😆

最早飲第一次nuttea，係佢係鰂魚涌店岩岩開幕嘅時候。其實台式飲品店有好多，茶品都有好多唔同選擇，但係唯一吸引我眼球嘅係佢用植物奶，意思即係用杏仁奶、燕麥奶等等嘅，而唔用牛奶。本人就唔係特別鍾意飲奶，尤其是係植物奶，覺得佢哋嘅味道怪怪地，冇咗牛奶嘅騷味，反而多左陣甜味同腥味。係朋友嘅慫恿之下，我就試左次，發現佢個奶泡唔流加埋茶飲，好清新。港女如我，即係多個借口，日飲夜飲。今次同朋友去新蒲崗再見到呢間店，發現飲品種類多左好多，唔止係奶泡加茶，仲有水果茶。下次再見到呢間，我想試飲佢個火龍果奶泡，用到紅火龍果，應該幾新鮮。

伯爵朱古力堅果奶蓋茶🥰由5種nut整成全素堅果奶蓋，融合咗杏仁、榛子、腰果、合桃同夏威夷果仁既精華鍾意食堅果嘅朋友一定一定唔可以錯過！杯面仲灑滿可可粉tim 附送迷你小剷for你可以輕鬆剷起d奶蓋黎食想知點解？因為呢度既奶蓋特別厚實奶蓋係無芝士成分，所以味道唔會太甜！但我想講既係朱古力奶蓋同伯爵茶底出奇地咁夾！！先入口就係味道濃郁既Nutella，再之後就係清新既茶味🤘🏼飲完真係飽哂😂個奶蓋真係唔講得笑😂超級厚實

近年興起素食，這間飲品店是少有主打純素飲品的，使用堅果奶來代替傳統牛奶來製作飲品。店內選擇不少，提供各款味道的堅果奶蓋茶、堅果奶、堅果奶茶、水果茶等等。今天是週日，店內有不少客人，不過等候時間不太久。今次選了其中一款推薦飲品：繽紛火龍果奶蓋茶。堅果奶蓋非常濃厚，有堅果的味道，不會覺得太甜。個人甚至覺得比普通奶蓋更加美味。杯蓋上有指示教客人如何吃奶蓋。火龍果汁混合了綠茶是很不錯的配合，茶底不太甜，喜歡紅肉火龍果的絕不能錯過這款飲品！

🌺台灣紅玉堅果奶蓋茶 $30🍃烏龍堅果奶蓋茶 $30🍫伯爵朱古力堅果奶蓋茶 $42.濃厚嘅堅果奶蓋 打發到非常細緻挺身朱古力奶蓋真係將重口味發揮到極致😘九成似金莎朱古力味 油香更細膩豐富.厚度超誇張 點樣撈都撈唔匀個茶底🤩啲朱古力奶會浮喺表面 超級邪惡飽🌰相反原味奶蓋就比較大眾化 兩者都好.揀咗微糖少杯 三種茶底都好清澈甘甜唔係嗰種單靠沖泡濃度先有味嘅茶葉台灣紅玉同伯爵茶 略帶一層果香味🍃減輕奶蓋帶嚟嘅味覺疲勞 輕鬆飲晒！.烏龍嘅烘焙香都好正 唔會俾奶味遮蓋整體推薦度：伯爵茶👉烏龍茶👉紅玉紅玉反而茶底嘅獨特性太強 有啲太嗆😂

向大家推薦不使用任何奶品的Nuttea，這家店的堅果奶蓋向來獲得不少好評，味道甚至超越平常的奶蓋⁉️我不愛喝奶，平常喝咖啡都只會加豆奶，所以一直都想試試堅果奶蓋的風味，這次終於能喝到了✨這次我點了Nuttea的王牌－伯爵朱古力堅果奶蓋茶🍫100%純朱古力和堅果奶打成的奶蓋非常綿密，而且充滿朱古力的香氣，面層加上朱古力粉，就像在吃Tiramisu一樣😋堅果奶蓋綿密的程度是隨著時間都不會大量沉到茶裏，可以用附送的小泥鏟大口大口吃哦～伯爵茶味道鮮香，就是有點過甜（我已經點了微甜，愛喝純茶的話建議點無糖）🙊喝到差不多一半，就可以將整杯搖勻，變成chocolate earl grey latte，甜甜的超好喝，很像星X克的味道☕️

Got the milk foam green tea for my first order. The staff is very nice to show me the menu and give me some recommendations. Anyways, the green tea base is nicely brewed with a very fresh aroma which is so rare these days for most chained bubble tea shops. The milk foam is made by a variety of nuts and it’s so thick and smooth (who would have thought about that for a vegan milk foam!) . And the flavours of hazelnuts and macadamia are really prominent which I enjoy very much. Totally worth coming

今日特地到SPK試試堅果飲品，選了宇治綠茶奶蓋茶($34)，店員問我是否需要少甜少冰，於是選了少甜少冰。飲品是即叫即製，等了約五分鐘後便可到櫃枱自取。第一眼看到奶蓋茶便被豐富的奶蓋深深吸引，直接不用飲管，呷一口，感覺不太甜，味道不錯。奶蓋厚度至少一吋左右，帶有杏仁微甜，口感幼滑豐富，奶蓋表面還配有研磨的粗粒杏仁、果仁等，十分有嚼頭，一杯飲品，三重口感。隨飲品還附送小鏟子，可當作匙羹一小口地把奶泡送進嘴裏，甚有特色。(註：水果類的奶蓋茶表面沒有磨碎的果仁粗粒，卻帶有少量水果粒，喜歡果仁口感建議購買前問店員飲品含有甚麼配料)店舖提供傳統膠飲管(粗、幼)及環保米製飲管，後者可食用，米製飲管沾冷飲後兩三小時變軟，切記及早飲用。飲品價錢略貴，但一試難忘，十分有特式，完勝珍珠奶茶，SPK必試之選！