Nun Desserts Cafe (已結業)

兩個人夜晚9點去食一入去有個女店員塊面燶哂 另哂頭咁 之後另一個就叫我地搭檯 咁好啦 落左單等左一陣野食就黎 叫左幾次都冇人俾餐具我地😲講番啲野食 叫左個oreo冰 我自己吾係太好奶類 所以覺得佢個冰太重奶味 個雪糕就幾好食 個份量係比同區另一間韓式冰細 價錢都貴啲 都幾失望

新開既韓 冰 餐廳個名係一個韓文 真係好難記得佢個名佢出面放左唔同種類既冰比你睇隻隻都超吸引 最後選擇密瓜味無令人失望！　好香牛奶味　甜甜地咁超好食如果唔夠甜仲可以落奶一定會再黎！　佢會瘋狂播ＫＰＯＰ歌　

係一個月入面已經食左三次係元朗噤多選擇我返食噤多次因為真係好得呢個 tiramisu 牛奶雪糕睇佢細細杯，但個層次做得好好幾乎係每啖不落去都係唔同口感有cream , 有雪糕，有餅底，有蛋糕。。。呢個士多啤梨 waffle 係我每次泥都嗌嘅！Waffle 周圍都有得食但要做到夠熱，但又外脆內鬆真係要啲技術同心機！所以呢間嘅waffle 我真係百食不厭！上面仲有幾粒 cheese cake 噤，好味！夏日消暑必揀呢個哈密瓜牛奶冰配埋上面個哈密瓜雪糕好好味涼涼地又甜甜地好正夏日必食推介！！

之前都有食過隔離街間白色雪花之公主，但我就厭佢奶味唔夠，所以對呢間都冇咁大期望入到去環境唔錯，有韓國mv播住，岩曬後生仔然後我就點左個綠茶味同新岀既tiramisu味既雪花冰諗住試下好似只系過左十分鐘，啲野食就黎到！好有速度點知綠茶味岀乎我期望！原來好食過隔離果間好多，綠茶味濃，雪花冰重奶味唔淡！合格tiramisu味都好好味，不過就偏甜果到既服務態度都好好，見你冇曬煉奶，就會主動問你仲需唔需要以後系元朗想食雪花冰就會去翻呢間！真系好好多！

入左元朗探親戚, 食完飯唔係太飽, 呢度甜品宵夜店咁多, 一於搵間食下先.見呢間韓式甜品鋪都幾多人, 款式都好大路, 冰呀, 窩夫等等, 見仲有位就呢間啦.要左個韓式雪糕香蕉窩夫$58, 窩夫焗到外脆內鬆軟, 有蛋醬既味道夠熱, 配埋朱古力就咁食都好滿足. 香蕉有層蕉糖響面, 好脆口, 甜甜地配埋蕉食, 配搭新鮮. 雪糕係雲尼拿味, 都幾軟滑.整體份量都好大, 4舊窩夫食完都幾飽肚, 所以兩個人要一份剛剛好.

店內燈火通明，掛有很多吊燈，門口旁邊放置一個蛋糕櫃，放上了不同款式甜品的實物，顧客們清楚了解甜品的配料和大小。韓式特級香濃 Tiramisu 邪惡雪奶($68)，底部是Tiramisu味的雪花冰，表面放上一塊格仔餅，用作承托著軟雪糕，再配上一粒芝士蛋糕塊，造型不俗。味道方面，Tiramisu味的雪花冰實在得不錯，香濃的Tiramisu 一絲絲滲入味蕾，好像吃著意大利芝士蛋糕般。質感方面雪花冰入口即溶，冰凍的口感好像走進冰極一般。軟雪糕十分軟滑，帶有濃郁的雲呢拿味，大人和小朋友都很喜歡。最後芝士蛋糕塊也頗有水準，濃郁的芝士味，口感更有層次感，值得一試。店鋪評分:6.5/10甜品評分:7/10

今日去左元朗搵七妹吹水打麻雀，打完後就落左樓下食飯，食完路過呢間舖頭，見到有好多款賣相又靚又好食既甜品，終於都係忍唔住入左去食  坐低後，樣樣都好想食，所以諗左好耐最後揀左我一直都好想試下既棉花糖雪糕吐司&誘惑天使寶石雪奶 棉花糖雪糕吐司個吐司好脆，淨係夾棉花糖食既話會太甜，所以加埋綠茶雪糕就啱啱好！食落軟香甜蜜，很是好味，而且仲極具層次，好正呀～誘惑天使寶石雪奶雪奶當中既strawberry雪糕、藍莓醬同cheese cake真係好夾 微酸中帶點甜，開胃之餘又唔會膩，加上份量十足，感覺化算，阿女都話唔錯！食下又同阿七妹吹吹水下就好快過左一個輕鬆既夜晚，大滿足

一直對韓式冰品有一種欲試的衝動，可惜一直未有機會，剛好碰上悶熱的行山日，回程目的地點正是元朗，據我所知該區起碼有兩間冰品店進駐，這趟一定非試不可！以喜歡的胡椒豬肚麵作午餐，餐後慢慢向「Nun」的方向出發。於「Nun」面門擺放了幾個餐牌，看後產生點點疑問，不過為要省卻輪候時間，唯有先進店內再研究。下午茶時段幾乎爆滿，生意超好，幸好剛有客人離開，我們可立即入座。「Nun」呈長方形的空間，左邊全是橫向的四人座位，而左邊則是靠牆的沙發和圓凳，檯子倒也算排列得緊密，空間頗為狹窄。廚房前方的位置掛上電視，不斷地播放著韓星的 MTV，增添點點韓味！「Nun」以白色為主調，感覺明亮整潔！翻開餐牌，這頁全是韓式冰品。其實心裡有數，不過還在芒果和枺茶兩款口味中猶豫。最終仍是敵不過沫茶的誘惑。製作需時，在等候期間看到檯上的打咭優惠，成功者在下次惠顧時可獲送贈士多啤梨或咖啡軟雪糕一杯，優惠也頗吸引，但還是覺得先看看今次的體驗才決定吧！我要的韓式宇治金時紅豆雪奶千呼萬喚始出來，旁邊小杯的是煉奶。份量沒想像那般震撼，原來可以以 $18 轉變成大杯裝，沒關係，先嚐嚐正常的份量！倒入一點點煉奶看看效果。雪奶質感非常細

03-02-2016同朋友食完飯😌😌突然之間好想食甜品🙈🙈跟住去咗附近有咩食！點知我個妹話呢間好吸引！於是諗都吾諗入咗去！我地叫咗宇治金時紅豆雪奶$68同韓式士多啤梨芝士雪糕窩夫🍓🍓先介紹宇治金時紅豆雪奶🍧🍧面頭系綠茶雪糕同下面是冰就圍是杏仁同綠茶粉第一啖食綠茶雪糕好香綠茶味再食埋冰連埋綠茶同杏仁食入口即溶🙈🙈🙈😬不嬲吾鐘意食綠茶嘅我，我既然可以食咗一半🙈🙈跟住系韓式士多啤梨芝士雪糕窩夫$62中間士多啤梨雪糕，士多啤梨🍓🍓同少少芝士蛋糕🧀🧀🍰呢個窩夫真系好好味😋😋😋因為我叫咗少cream，所以系冇咁甜窩夫真系好香，再加埋士多啤梨雪糕一流👍🏻而且士多啤梨食落去吾酸😁😁甜甜地，我好鐘意呢個甜品👍🏻😌可以值得推介👍🏻👍🏻👍🏻

今天與朋友係元朗行街，行行下有d口痕，途經呢間甜品店，於是就走左入去休息下同食下野~原來呢間係韓式甜品舖黎，款式有好多，有雪奶類、吐司類、窩夫類等！睇得我眼花撩亂，係我左揀右揀之下，終於都揀左幾款^^鋒芒芝士雪奶 $72 我揀左鋒芒芝士雪奶！主要原因都係我太鍾意食芒果~呢款雪奶賣相非常吸引，有d似隻鴨仔咁，好大杯，食落好綿好滑又清涼，唔會好似食刨冰咁凍，加埋煉奶一齊食就仲好味，而芒果都好鮮甜，整體層次豐富，又有口感，加上唔會太甜，真係堅好食！韓式特級香濃Tiamisu雪奶 $68 而我朋友就叫左個韓式特級香濃Tiamisu雪奶！一見到個樣已覺好好食，入口即溶之餘，咖啡粉、蛋糕及呍呢拿雪糕更是與雪奶極之相配，口感幼滑中帶有濃郁的咖啡香，都係唔會太甜，愈食愈滋味，完全滿足到我朋友的嘴饞口味，讚！ 係一輪又食又影相下就攪左成個鍾，呢度都坐得好舒適，有機會都會再黎試下其他甜品☺

店名：Nun地址 : 元朗康景街裕景地坊31號金倫大廈4號地舖好味指數：7.5／10價錢：$68宇治金時紅豆雪奶份量夠大大碗🍨，可以兩個人👭share都得。冰冰夠曬棉滑，綠茶味香濃不淡。綠茶雪糕唔易溶，慷慨地將綠茶粉鋪滿冰上，片片果仁砌成一碗人見人愛既刨冰。配有一小杯煉奶，唔夠味時可隨時添加。店名：Nun地址 : 元朗康景街裕景地坊31號金倫大廈4號地舖好味指數：7.3／10價錢：$72鋒芒畢露芝士雪奶索價$72既冰冰其實幾貴，好彩勝在份量夠大，可以兩個人👭share都得。[[]]聽個名已經夠曬氣勢，冰冰夠曬棉滑，芒果味幾濃，芒果清甜。芝士粒香濃，不過略嫌少左d😔配有一小杯煉奶，唔夠味時可隨時添加。 

過話咁快就到平安夜，係咁開心既時候就梗係要慶祝吓~今年就去左元朗朋友屋企燒野食，燒完後仲未想走，仲想吹多陣水，於是又走左去食糖水 入左呢間餐廳後就叫左幾樣野，第1樣就係我鍾意食既冰 呢款韓式雪米糍粉天使雪奶個樣爆靚，食落甜絲絲，完全唔覺凍到牙痛，草莓鮮甜多汁又JUICE，雪米糍又好有嚼感，配上煉奶來食，每啖都好清新又甜蜜，加上如雪花的薄冰下，就更可消除熱氣，正呀~~朋友U就叫左呢款韓式朱古力奶油雪糕吐司，來到時吐司熱騰騰，雪糕又凍冰冰，加埋一齊食，口感層次感十足，加上忌廉的相伴下，完全就是又滑又甜又滋味~~~另外朋友O就叫左一樣勁靚既幻彩Macaron韓式牛奶軟雪糕，未食之前當然要影相先 淺嚐一口，雪糕清新微甜中極之幼滑，完全入口即溶，加上微甜的草莓醬汁下，尤是美味，而Macaron更是脆口，完全不會過甜，確是有水準之作！雖然呢個宵夜係有少少貴，但真係又睇得又食得，食得我同朋友都好開心

早排在團購網見到有 Nun 的優惠 coupon，而且可以在香港三間分店使用，我話二不說便把團購 coupon 搶購了。今次我選擇去元朗 Nun，舖仔細細地但位置都算方便。星期日大概下午一點多，已經有一些人坐在裡面，但仍然有空位，實在太好了。店舖裡的甜品花款相當多，實在有點目不暇給，而我選了一個名字很特別的甜品 - 韓式魔鬼意大利粉雪糕。上碟的時候，碟是凍冰冰的，令雪糕無咁快就溶，真係細心！而且呢碟雪糕份量相當豐富啊！牛奶雪糕外面一條一條的，很像意大利粉！此外，亦灑上一條一條的朱古力漿，以及粒粒朱古力加杏仁碎，還有被香蕉切片圍著，再在上面插了一塊好脆的格仔餅乾，吸睛度滿分！我叫的時候，還以為這是意大利粉加雪糕... 當然咬了一下，終於知道自己被魔鬼的名字欺騙了！她穿上意大利粉的外衣，裡面原來是百折不扣的牛奶雪糕！雖然無得食真的意粉，但係呢件牛奶雪糕質感都幾軟滑，沾了濃甜的朱古力漿，就把天使與魔鬼的味道成功融入起來。和朱古力一向好 friend 的香蕉片，水準同樣都不錯。呢碟意大利粉雪糕原價 $68，我用了 $50 的團購 coupon，只需補多 $18，不設最低消費，呢餐甜品變得抵食左

最近韓國美食開到成街成市，今日黎到元朗都唔例外！係朋友B的熱情推薦下，就走左入呢間甜品舖，食下甜品吹下水~~這裏的甜點有特色之餘又美味，因為餐牌上的甜品外形全部都很吸引，好不容易才決定選了三款美食，有韓式芒果意大利雪糕($68)、棉花糖雪糕吐司($48)和韓式特級香濃Tisamisu邪惡雪奶($68)。韓式芒果意大利雪糕是把雪糕的形狀做成意大利粉一樣，乍眼一看，真的像一堆意粉。雪糕是雲尼拿味，芒果新鮮清甜，份量也不少。棉花糖雪糕吐司最適合情侶吃，甜甜蜜蜜。脆卜卜的特厚吐司上鋪了大塊棉花糖，上軟下脆。這款甜品伴有士多啤梨味雪糕，雪糕中有細細粒的士多啤梨粒粒，口感獨特，值得一試。韓式特級香濃Tisamisu邪惡雪奶是新上市的產品，它一點也不邪惡。甜點的設計很有層次，上面有Tisamisu蛋糕、雲尼拿雪糕、朱古力粉沫，中間是像木康布甸上面的餅乾碎，下面是牛奶味的雪奶。雪奶是如椰子粉般的雪奶粉，它本身沒有味道，但伴着雪糕和朱古力粉沫及餅乾碎一起吃，就能互補。

韓國小吃創意無限，發現有家主打雪奶名叫 Nun 的甜品店，不知道韓冰跟雪奶有何分別，於是登門嚐嚐。店內甜點三大類別，Korean Sherbet 雪奶丶Korean Toast 雪糕吐司及雪糕。原來雪奶即是以奶做冰沙，因為喜歡奶，於是充滿期望。抹茶紅豆雪奶整個冰山份量不少，全身滿鋪綠茶粉，亦附上不少杏仁薄片；頭頂一粒杏仁，接著是綠茶雪糕，被淋上紅豆汁，雪糕下有很多煮至腍爛的紅豆，基層就是大規模的雪奶冰沙；配以煉奶一小杯，可倍增甜度。雪糕幼滑，抹茶味香，紅豆蓉甜美不過份，冰沙幼細但本身無味，整體餡料及雪奶份量均衡，味道不俗。Tiramisu 雪奶 是新產品這座冰山，換上牛奶軟雪糕及咖啡粉及一小件意大利芝士蛋糕，牛奶雪糕貌似忌廉而且溶得較快，第一印象不及抹茶雪糕好，奶味沒有特別濃郁；芝士蛋糕口感一般，芝士不夠滑，最令我失望是咖啡粉的廿苦味，非我杯茶！韓芒果奶油雪糕吐司厚身吐司做得不錯，多士皮硬硬地有咬口，吐司就厚而軟熟，吸汁力強，吸取了芒果奶油汁的味道，酸甜討好，配以對辦的芒果雪糕，但是，附上的芒果粒味道似桃，唔夠貨麼？半自助形式，客人要到櫃檯下單及付款，甜點做去會送上，我們二人本來要求吐