Nonsense

呢間嘅巴斯克蛋糕我一直都有留意，行過見到就走咗入去試。呢個巴斯克蛋糕係絕對嘅口感驚喜，一咬落去，啲層次感就即刻爆發。有啲蛋糕底層好濕潤，中間嘅cream好厚實。蛋糕嘅內裡都好軟滑綿密，每一口咬落去，都可以感受到啲蛋糕嘅濃郁奶香味。揀咗一個茶味同一個酒味，兩隻味都好出，絕對唔係hea你。佢哋嘅巴斯克蛋糕唔係好甜膩，啲甜味都係恰到好處，唔會過分，好適合唔鍾意太甜嘅人。你可以一次過食好幾塊，完全無壓力！

生日見餐廳可以寫碟就book咗，個姆明畫得超可愛！一開始以為會淨係畫姆明，點知店員有幫手畫埋其他角色💖有蠟燭吹，而且店員會幫手影相，好正🦦嘢食都幾好食夜晚比較多人，最好book咗臺先～

得知有生日畫碟服務，冒昧問店員可否改畫聖誕主題，店員回覆一人最少幫襯一個主菜便可以。然後本身要求畫一個公仔就得，店方最後畫多一個俾我仲話係俾個surprise我，好驚喜！值得支持

之前係網上睇到網民介紹呢間餐廳，見到有彩繪生日甜品碟，於是今晚專登訂位同朋友慶祝生日，員工下午打俾我確定訂枱時，我就向他們詢問是否可以代劃圖案，Forever Friend係我要求，但估唔到餐廳咁細心上網搵咗個咁靚嘅圖案，仲要畫到咁似，除咗細心外，餐廳嘅食物都好有質素，倘若大家要慶祝生日，不妨考慮一下。

📌 Nonsense - 土瓜灣北帝街143-155號順輝大廈地下4號舖🗓(19/11) 星期日 ⏰ 下午1點左右💈特式：開始入冬，另一半講左好耐想食煲「兒子」飯，上網見呢呢間近近地，仲要係未試過嘅日式煲「兒子」飯，所以見今日放假就中午同佢去試下。🥩🍔🌭🌮🥗🥯🥘🍲🍝🍣🥟🍤🍱食物：餐廳本身係主打日西式料理，當中最特別係佢地有幾款日式煲「兒子」飯，而且佢地嘅甜品都非常出名，款式同口味仲好多選擇，而家等我同大家講下🍲味道先。🐷🍲黑毛豬肋肉日式煲仔飯 $1️⃣7️⃣8️⃣ - 等候時間唔算耐，大約8~10分鐘就上菜，上枱時個煲非常熱，一打開會聞到微微焦香味。材料除左豬肋肉，仲有雜菇同蘆筍苗，面頭再放左一隻日本蛋黃。雖然佢哋唔係用瓦煲，但飯底都做到有飯焦，不過就無傳統瓦煲咁多。佢地跟埋個醬油唔似傳統煲仔飯豉油，反而味道近似日式甜醬油，令成件事日式感覺更加濃烈。🦐🦀🍲大蝦蟹肉蝦油日式煲仔飯 $1️⃣8️⃣8️⃣ - 呢個因為加左蝦油，所以聞落多左陣蝦香味，同埋唔需要再加醬油都已經夠味，大蝦就有5~6隻，size就普通尺寸，蟹肉份量就普通，都有配埋蘆筍苗，整體我會覺得好食過豬肋肉嗰個。🍰開心果巴斯克軟心芝士蛋糕 $5️⃣8️⃣ -

🍰生日就是尋找美食最好的理由這次來到收藏已久的餐廳🏠因為生日可以提供超可愛的畫碟服務，所以就選了這家小店❣️最後也沒有失望。☀️黑毛豬肋肉日式煲仔飯 $188它是混合日式炊飯和港式煲仔飯，可以稱得上是日式煲仔飯。飯粒飽滿，應該是日本米。上菜時店員很細心提醒鐵鍋很熱，要小心。煲仔飯料很足，飯上鋪滿了滿滿的菇類、黑毛豬肉，幾乎每一口都能吃到。豬肉很有肉香好吃，有咬口又有很香的油脂味。煲底有飯焦，很好香脆，整體味道十分之好！中間的生蛋黃令煲仔飯的顏色很豐富，但飯的味道很香，所以不太吃到有蛋味。☀️燒澳洲和牛封門柳 $298封門柳是牛橫隔膜肌肉，每隻牛只有一條，非常罕有，雖然份量不算多，但對得起這價錢。牛肉燒得剛好，中間有點粉嫩色。雖然封門柳脂肪較少但出奇地肉質細嫩，肉味香濃，很好吃。☀️咸蛋單骨雞翼 $68雞翼上枱時熱呼呼的，加上咸蛋黃，鹹香鹹香，是想像中的味道，沒有太驚艷。☀️甜品：蛋糕配焦糖布丁 $50開心果巴斯克軟心芝士蛋糕，很好吃啊！！！！這陣子巴斯克芝士蛋糕很熱門，很多餐廳都有，但這家真的做到軟心，蛋糕不太甜，有淡淡開心果味，如果開心果味來一點，就更好了，另外芝士味又不會太膩，真符合我胃口，

如果要推介土瓜灣的餐廳，我會毫不猶豫推介Nonsense❗️❗️❗️已經光顧了無數次，當中的煲仔飯及卷蛋是極力推介的🫶🉐️🍲黑毛豬肋肉日式煲仔飯($188)黑毛豬肋肉經過煮熟後，肉質鮮嫩多汁，搭配日式煲仔飯的米飯，口感香糯。店員會額外提供醬汁，但我認為不落醬汁已經很夠味，是必點的一款菜色🔥🦀️雙重芝士蟹肉焗大啡菇($63)大啡菇的口感鮮嫩，充滿了蟹肉的鮮甜味道，而雙重芝士令整道菜變得更邪惡🧀️😈🦑烤魷魚串($68)烤魷魚串經過烤制後，外層呈現金黃色誘人的色澤。口感嚼勁十足，搭配著微微的炭烤香味，非常美味。🍵日本小山園抹茶卷蛋($58)抹茶控拜託一定要點🙏抹茶味非常濃郁，而且不會過甜。不知道該選伯爵茶還是抹茶的話，建議兩款都點🫶(小孩子才做選擇🤣)🍃特濃伯爵茶日式卷蛋($58)伯爵茶的香氣與卷蛋的綿密口感完美結合，而且苦甜味道平衡得很好，整體口感順滑細膩👍

今日要出土瓜灣做嘢，於是同同事睇吓附近有咩好食，就喺OpenRice搵到呢一間有得食煲仔飯又有得食蛋糕嘅餐廳👍🏻好少見有Cafe會有得賣煲仔飯😂所以就嚟試試佢～我叫咗個黑毛豬肋肉日式煲仔飯（$178），個份量真係超級大‼️兩個女仔share食一定夠飽🤣個飯都好足料，好多豬肉，但我個人鍾意食多飯焦嘅煲仔飯多啲～嚟Cafe梗係要食甜品㗎啦！首先嗌咗個鮮雜果忌廉窩夫，軟熟嘅窩夫配上酸甜嘅生果，口感好豐富👍🏻甜品係女人嘅第二個位，所以我哋另外仲嗌多咗好幾件甜品🤣啲卷蛋大大份好多cream，個甜薯芝士蛋糕唔好睇佢細細舊，但食落真係好飽肚😂另外仲嗌咗個焦糖燉蛋，呢個就正常發揮啦～最後再嗌咗杯芒果milkshake, 真係糖分滿滿嘅一餐😋😋😋-結論：呢間餐廳嘅食物份量都好足料，甜品有好多選擇，但味道就略嫌普通🤔如果經過嚟試吓都可以嘅～

隔左一個月先得閒寫食評～～～返工真係辛苦為左慶祝朋友轉工，專登去佢推薦既fusion 菜餐廳第一次專登入土瓜灣，仲要係系cafe食煲仔飯入到去覺得環境唔錯，燈光光度適中，適合同frd一直吹水一路食好野黑毛豬肋肉日式煲仔飯最surprise 既一樣野!!! 第一次見日式煲仔飯系日式煲仔飯呀系日式煲仔飯呀系日式煲仔飯呀食物好大份&勁足料！ 豬肋肉口感唔錯配埋帶有焦香既飯底& 仲有蛋汁and菇~西班牙伊比利亞黑毛豬鞍架·焦糖蘋果肉真係好嫩滑 & 肉汁保留得好好焦糖蘋果好睇之餘仲要好食其他野食都唔錯~~~值得一試!

🥘 日本鰻魚日式煲仔飯 $188呢間餐廳嘅fusion煲仔飯好出名🤩鰻魚愛好者一定要試佢嘅鰻魚煲仔飯🥰糯米飯軟糯 帶有微微焦脆🍚有五舊鰻魚以呢個價錢嚟講少咗啲啲🤏🏻個人覺得味道同口感中規中矩啦🧐 不過欣賞佢冇細骨 唔驚哽親🙈 淋埋鮮甜嘅照燒汁一齊食一流🤤 配合木魚同蔥花令口感更豐富😋 雖然對比起傳統煲仔飯少咗種風味 以$188嘅價錢有少少貴🥹 不過fusion菜嚟講都幾值得一試 同埋佢真係好大煲😂 啱哂兩個人share🥳-🍮 焦糖布甸 $15跟甜品可以加$15就可以食到布甸😍 細細個幾得意 表面嘅焦糖燒到金黃薄脆🍯 布甸本身都好滑 又有微微嘅蛋香😋 個人覺得幾值得加😚 -🍦 開心果布甸燒配雪糕 $58一見到就覺得外觀造型已經加咗分😍 夠哂打卡able📸 質感動L動L咁又幾軟滑😽 不過味道偏甜 但開心果味道唔太濃郁🤔 而且層次比較單一 未到好有驚喜🙈 朱古力雪糕就正常水準啦🍫 希望下次可以試下佢嘅卷蛋🍰 -好味程度：🐽🐽🐽🐽餐廳環境：🐽🐽🐽回頭度：🐽🐽🐽價錢：🐽🐽🐽💰人均消費：$100-$200

喺呢間環境咁有格調嘅Cafe入面竟然有馳名嘅創意煲仔飯，一直都好好奇日式嘅食材再加埋港式口味嘅煲仔飯到底有幾夾？！今次終於有機會同朋友嚟食晚餐品嚐一下😋黑毛豬肋肉日式煲仔飯💰HK$188必點呢到最出名嘅日式煲仔飯，店員會教你點樣食，一邊撈再逐少逐少加入佢哋嘅秘製醬油，佢哋嘅秘制醬汁係一種比較淡嘅甜醬油，覺得夠味就可以停啦。豬肋肉肉質係軟得嚟偏爽口，仲有大量菇類加埋生雞蛋蛋汁，咁樣就成到成個煲仔飯都唔會乾，而且仲可以加強口感～食到最後仲會有啲脆脆嘅飯焦，成個飯會令人覺得非常之驚豔🤤紫菜炸單骨雞翼💰HK$68原本覺得紫菜味雞翼好似會怪怪地，點知食落去先知原來紫菜同炸咗嘅單骨雞翼係出乎意外地夾！重點係食蛋骨雞翼好方便，唔會太狼狽～參巴辣蝦醬。炒牛舌粒💰HK$82牛舌肉質煮到好軟好淋，唔會好橡筋咁咬唔開，配合埋食辣辣哋嘅蝦醬，成件事好開胃！雙重芝士。蟹肉。焗大啡菇💰HK$82芝士同大啡菇一向都係最佳拍檔，今次有埋絲絲蟹肉，成個組合更加鮮味～旁邊仲有薯蓉做配菜～(Hot)Rose Jasmine Tea 💰HK$32壺下面有火一直將啲茶慢慢煮熱！勁大壺，店員仲話可以叫佢地無限加水，好抵飲～

依間Cafe一向最出名係佢嘅巴斯克蛋糕，之前我有外賣食過芋泥巴斯克芝士蛋糕及開心果味，芋泥我覺得一般，開心果味最令人驚喜！連65歲長者都喜歡吃開心果味！今次堂食叫了最多人推薦的兩款煮食及抹茶巴斯克蛋糕及咖啡。平日晚上都算多人，廁所好乾淨。如果你想確保晚上有你指定的巴斯克蛋糕味道，可以在下午兩至三時whatsapp 叫店舖預留指定味道，順便可以講埋蛋糕碟上面寫「什麼名字」慶祝朋友生日，值得一讚他們畫的設計每次不同，很有心思！個人覺得抹茶味巴斯克味道芝士過於抹茶，而焦糖布丁非常出色，焦糖脆口而布丁味道很好！很有口感！有酒店及水準！咖喱不辣似日本咖喱的味道，薄餅鬆軟好吃，個人下次會試另一款,豚肉煲仔飯很有口感，比較爽脆可口、而且數量勁多、喜愛有飯焦的人會喜歡！

ig成日見佢賣廣告，就買咗兩件切餅試下.✨芋泥巴斯克軟心芝士蛋糕🍰原來佢底係有層芋泥，混合芝士食中和甜度，不過可以再多少少芋泥會開心啲🤣🤣唔會覺膩，唔錯👍🏻.✨鐵觀音巴斯克軟心芝士蛋糕🍰平時通常食到係西式earl grey，今次用中式茶好特別呀👍🏻可以再encore食落真係有茶味🍵不過食到尾會有少少回甘，但唔膩如果怕苦既未必好鍾意兩款都好軟滑cheese打得好好而且$40唔使就有一件！

首先想講吓依個西班牙伊比利亞黑毛豬鞍架·焦糖蘋果，我要話下個肉嘅質感。啊，真係無話可講，嗰肉嘅質地真係係咁嫩滑，你用刀切嘅時候，啲肉好似係自己分開咁。啲肉纖維好細嫩，啲油花均勻分佈，啲肉汁都保留得非常好。一啖入口，你可以感受到啲肉汁嘅爆發，滋味嚟嘅時候真係有啲驚艷，另外個焦糖蘋果嘅外觀真係好吸引，不過應該係我個人口味問題啦，我就麻麻地。另外叫左個超級好食嘅黑毛豬肋肉日式煲仔飯，當佢哋端上嚟嗰刻，我就已經被啲香氣勾起咗。啲煲仔係香噴噴嘅，啲米飯頂部有啲金黃色嘅鍋巴，真係好吸引。而啲黑毛豬肋肉就鋪咗係上面，咁樣就即刻可以睇到啲多汁嘅肉。 然後，我用湯匙混合咗啲米飯同埋豬肉，呢個過程啲香氣就更加嚟咗，我真係忍唔住開始流口水。啲米飯係煮得啱啱好，每粒飯都好軟好滑，而且吸收咗啲黑毛豬肉嘅精華，有啲微微嘅肉味，好美味。啲豬肉係黑毛豬嘅，好嫩滑，而且滲透咗啲醬汁，入口即化。

冇諗過喺cafe可以食到高水準煲仔飯！首先，講下呢個「黑毛豬肋肉．日式煲仔飯」。佢哋嘅煲仔飯真係獨特！黑毛豬肋肉好嫩好多汁，用料新鮮。配上菇同埋醬汁，味道層次分明。而且煲仔飯底部有啲焦香，增添嘅風味令味道更加豐富。每一口飯都帶有濃郁的香氣，相當美味。然後，講下佢哋嘅「卡邦尼意粉」。呢個卡邦尼意粉真係一絕！醬汁濃稠而滑順，與意粉完美結合。意粉本身彈牙有嚼勁，配上煙肉同蘑菇，增添了口感的豐富度。整體而言，味道十分平衡，絕對是一道讓人回味的美食。總括而言，呢間咖啡廳嘅「黑毛豬肋肉．日式煲仔飯」同「卡邦尼意粉」真係值得一試！食物的味道不僅美味，而且口感豐富。如果你喜歡品嚐不同口味的料理，這個地方絕對值得一個造訪。快點去試試吧，我相信你一定會愛上這裡的「黑毛豬肋肉．日式煲仔飯」和「卡邦尼意粉」！