noc (黃埔天地)

营业中

休息中

NOC Coffee Co. (紅磡)紅磡黃埔天地百合苑商場(第9期)地下G42號舖好多時經過NOC 都會入去飲返一杯咖啡， 但今日居然唔想飲，反而想搵野咬下。地點方唔方便就真係好見仁見智啦， 小編就定期會係個邊出現，不過環境就絕對有優勢。今次叫左個Blueberry Danish食， 欣賞左1分鐘，因為有d位整得好精緻。咬落好脆，仲有小小口感，好好好咬。$28 話貴唔貴，話平唔平，但最緊要係食得開心。 希望下次可以試下d 🍰 地點⭐️⭐️⭐️ ⭐味道⭐️⭐️⭐️⭐️環境⭐️⭐️⭐️ ⭐ ⭐服務態度⭐️⭐️⭐️ ⭐（5星為最高分）

✍︎︎🥗牛肉科布沙律 $138牛柳粒|水煮蛋|牛油果|南瓜|無花果|車厘茄|雜錦沙律菜|自家製蜜糖香草醬配上兩塊酸種包🥧蛋撻 $18💛必點之選☕️熱朱古力 $50❥黃埔分店可以對住個海慢慢嘆••••••••••••••••••••••••••••••🔎NOC Coffee Co. 紅磡黃埔天地百合苑商場(第9期)地下G42號舖••••••••••••••••••••••••••••••l

之前有朋友推介過我佢地既咖啡，今次黎到先知道原來除左咖啡之外，佢地仲有好多款輕食同埋甜品，而且感覺上呢度既餐單都係比較健康～除左主食咖啡甜品之外，佢地仲有自家烘焙既包點，每日新鮮出爐，可以睇下自己鍾意食啲咩就去嗌～推薦佢地既蛋撻！黎到要試下👍  1⃣️Pan-fried Beef Bowl（$148） 主角牛肉份量都多，食落有肉汁唔會好韌，有黑椒調味😚另外配料色彩豐富～有牛油果、南瓜、無花果、車厘茄、沙律菜同埋面頭既水波蛋。整體係清爽又飽肚既配搭，沙律菜有啲醋汁調味，感覺開胃而且一啲都唔heavy！沙律仲有配上sourdough bread，烘得好脆👍  2⃣️Seared Scallop Tagliolini（$148） 呢款扁意粉食落帶蛋香，質感有少少似伊麵🤔食落係有口感既～面頭既帶子煎香過，意粉係用蒜片、椒絲調味，感覺冇乜負擔😌  3⃣️Seared Salmon Couscous（$168） 三文魚好厚😳煎得幾嫩，配上酸忌廉伴碟～另外個底係古斯米，平時比較少見到，但係又係一樣好健康既食物～  4⃣️All Day Breakfast（$148） 有腸仔、煙肉、大啡菇、牛油果、無花果、蘆筍、炒蛋

鋪頭就係海旁，下午時間可以睇到晚霞。地理環境同鋪頭裝修都好好。服務態度同食物質素都ok。我係下午4:00左右既時間入到去，但係鋪頭入面真係非常嘈。希望個Barista哥哥以後做嘢可以溫柔D，唔好好似做緊木工咁，而且D機器都好嘈，完全好似裝修緊。睇得出鋪頭員工感情好好，大家都會圍埋傾計，我覺得冇乜問題，不過講野可以細聲啲。唔知係咪因為鋪頭本身太嘈，其他客人傾計都要大聲D，所以整件事就好似疊buff咁，嘈上加嘈。鋪頭本身播緊D輕快既歌，根本完全聽唔到，我原本係希望坐下chill下，但根本嘈到街市咁，無法理解

💬 NOC我諗好多人都唔陌生都有食過個人比較鍾意去黃埔嗰邊間比較近碼頭個感覺幾舒服同埋平日午餐時候佢通常都唔使等好耐落單買嘢食都係掃QR code自己去攞餐具都係比較自助🍝 第一次試佢嘅意粉都唔錯本身好驚嗰啲綠色嘅香料會唔會好濃味好彩食落去都唔係特別奇怪- 🥑 呢個就正正常常，如果牛油果更熟就仲好因為呢個有啲硬 但係牛肉，南瓜同埋其他菜都新鮮都好味🧀 另外都有買咗個cheese cake Takeaway💁🏻‍♀️ 非常chill嘅cafe 雖然有限時大概90分鐘但都絕對夠時間食嘢同埋嘆咖啡

滿分嘅純白門面 忍唔住被吸引咗過嚟！佢開咗好多間分店 但我都係第一次嚟食嘢飲嘢店內環境都好大 好舒服 絕對係傾計好地方光線都好充足打卡真係一流建議大家平日過嚟 週末比較忙.食物方面其實咖啡店嚟講都比較多選擇Brunch出名 以健康為主 而且擺盤都好靚所以下次先試🤣今次試吓啲精選食物先-💛 香煎帶子手工扁帶意粉💛 ($148)-🍵 Matcha Latte 🍵 ($45)不得不讚拉花真係幾靚！Latte入口順滑 好濃郁嘅抹茶！💚💚唔會輸得過咖啡～

佔盡地利的咖啡店, 落地玻璃窗盡收海邊天色, 到訪當天是週末下午, 海旁坐著垂釣的街坊, 十分寫意咖啡店裡頭空間很大, 欣賞桌椅的安排沒有盡佔地方, 真正讓人可以享受空間brew cold + machi latte很不錯的 all day breakfast, 雖然價錢有點高, 不過每樣食物也有不錯質素, 意外之喜

📍NOC Coffee Co.地址: 紅磡黃埔天地百合苑商場距離地鐵站約10分鐘路程，週末較多人排隊，建議預留半小時輸候時間。食咗一款咸同幾樣甜品👇🏼〰️🌟NOC Benedict $128評分: 4/5酸種飽體夠煙靭，配菜有成三舊煙三文魚。🥰流心蛋岩哂打卡，又夠細食嘅女仔一齊share〰️🌚Ham & Cheese Croffle $28評分: 2/5近排大熱牛角麵窩夫，但呢個就有啲失望啦。味道可以但店員冇幫手加熱，令成個窩夫凍哂唔酥脆🥲〰️Basque Cheesecake $38 (3/5)Custard Croissant Cone $24 (3.5/5)Matcha Basque Cheesecake $48 (3/5)〰️總括黎講鹹食相對出色，份量都慷慨。甜品正常發揮，Basque cheesecake較細件又冇軟心，小失望

星期六2:00去到紅磡noc想睇吓使唔使等位前面只係需要等四張枱就到（10分鐘到）如果天氣唔熱，出邊都有四個位其實可以outdoor望景都唔錯因為嗰個位置就係俾人排隊如果有人排緊感覺唔係咁良好嗌咗烤牛肉沙律🥗個盤望落去真係好豐富底有啲沙律菜，有調味面係無花果（清甜解膩）南瓜粒（甜，份量多）烤牛肉粒（唔算好韌，食多幾舊開始口攰）牛油果（唔會過熟）溫泉蛋（整開有蛋汁）整體來講，係好食但下次會揀雞因為牛肉凍咗之後會難咬咗，同埋好睇唔同分店整都會有出入冇叫咖啡因為覺得$200食一餐太奢侈

全港最大間嘅noc分店✨陽光打落全白同玻璃外牆 每次經過都會有令人想行入去嘅衝動🤣 只不過佢真係幾受歡迎 平時lunch hour預咗要等位 但如果時間鬆動係值得等嘅~ 適合同同事放lunch或者嚟食個brunch傾吓計🤍做嘢嘅話暫時得幾個位有插頭 同埋要留意有入座時間限制😢 但濟講嘢食係100分!!!🥩🥑🥣 Beef Cobb Bowl一吉啲蛋汁就流落啲牛肉度🥺 健康多種類嘅食物又大份飽肚嘅選擇 沙律菜個汁加咗蜜糖甜甜哋 會想encore!!!

位置超好，紅碪碼頭海濱位置，環境好舒服休閒，而且好難得係香港有土地問題嘅地方，仲可以搵到一間環境咁大，座位寬敞舒服嘅咖啡店，灰白色工業風，清新舒服之餘裡面空間感十足，真係可以令你感覺忙裡偷閒。而且咖啡及食物都好味道，我絕對會返兜光顧。 香煎牛肉沙律碗$148唔好以為百幾蚊一個沙律好貴，其實佢真係十分大碗，而且材料好充足豐富，裡邊有香煎牛肉，水煮蛋，牛油果，南瓜，無花果，車厘茄及沙律菜，配上自家製蜂蜜香草醬，酸酸甜甜，好味又開胃而且好飽肚。仲有酸種麵包伴碟俾你，一啖沙律牛肉，一啖香煎美味，牛肉多汁且口感不會過老，南瓜切粒可口绵滑，而且哩個配搭飽肚得黎好有營養，十分健康。 香煎帶子手工扁意粉$148絕對喺惹味，扁粉煮得好爽口，少少辣味而且香濃䓤蒜味，會令你一啖又一啖停唔到口，幾粒帶子飽滿圓滑，放入口表面焦脆，內裡軟滑好好味。 Flat white 及cappucinno咖啡牛奶比例恰到好處，幾好飲，而且仲有大細杯俾你揀，加五蚊就可以要杯大杯。

✨ Beef Cobb Bowl ✨$138碗入面除左有沙律菜同牛柳粒 仲有蛋 、牛油果、南瓜等材料組成牛柳粒煮得啱啱好👍🏻 雖然食材都好健康 但醬汁調味提升沙律既味道 絕對唔會差大大碗勁多料 好飽肚 食完亦唔會有罪惡感✨ Smocked Salmon Toast✨$52多士除左煙三文魚仲有牛油果醬🥑、菠菜、洋蔥、酸種麵包組成 煙三文魚分量足夠 牛油果醬加上菠菜同煙三文魚可以講係不敗既配搭 十分滿足🥰 由於麵包係較硬身 同朋友切開分享比較困難✨ Egg Tart✨$18蛋撻係杯型 奶香夠蛋味都算濃但味道不值$18依個價錢✨ Cranberry and Almond Scone✨$24鬆餅唔乾 奶味好重 不過不失◦✣◦✣◦✣◦✣◦✣◦✣◦✣◦💰人均消費 $50-130🍴抵食指數 6/10😻回頭率 5/10🤰飽肚指數 8/10🧹整潔度 5/5◦✣◦✣◦✣◦✣◦✣◦✣◦✣◦⁎✼⁎✼⁎✼⁎✼⁎✼⁎✼⁎✼⁎💁🏻‍♀️服務 手機QR code落單 ⁎✼⁎✼⁎✼⁎✼⁎✼⁎✼⁎✼⁎海旁純白cafe☕️ 環境舒適 適合打卡📸食物健康之餘好食😋 但有時間限制 所以唔可以同朋友坐低飲杯咖啡 慢慢傾計⤌

chicken quesadilla with mini yoghurt parfait 🍨原本諗住搵個寧靜嘅環境補習，上網見到呢間cafe有wifi就決定試一試😋quesadilla 味道唔算出眾，啲雞肉都算嫩🐓🐓不過唔係好食到啲芝士味反而mini yoghurt parfait令我喜出望外，藍莓同香蕉都好甜好好食😛啲乳酪唔算甜，但未到greek yoghurt咁算 同啲oats都幾夾原本以為咁少會唔夠食不過食埋個麥皮都好飽😌Dinner嘅time limit係1.5鍾但去到8:00到就已經冇乜人，所以店員都冇趕我走👀

Back again for brunch!.🥑Smoke salmon toast HKD 138 💭A brunch classic, along with guacamole, dill, pickled red onion and baby spinach! .🍝Tomato & sausage pappardelle HKD 138💭A great alternative for those that prefer proper main causes instead of brunch food. They nailed that creamy tomato sauce and the pappardelle was a perfect al dente texture!

NOC EMPIRE CENTRE STORE- 尖沙咀今日去到尖東一間cafe，裝修主要以白色為主調，簡約風格的coffee shop。環境清新寬敞闊落。坐低後店員會給一個QR code自行落單，非常方便。煙三文魚多士 配黑醋沙律 $138煙三文魚多士 內有煙三文魚、牛油果醬嫩菠菜、醃紅洋蔥、酸種麵包及刁草，三塊滿滿的煙三文魚，非常飽滿新鮮，配上牛油果醬及新鮮嘅嫩菠菜味道非常清新，麵包屬於硬身的麵包但係配合埋其他配料一齊進食效果非常飽滿很滿足。黑醋沙律，味道正常一般但新鮮。Flat white (+25$) Large size另外加$25叫了一杯大的Flat white，大大杯的咖啡來說，非常抵飲。咖啡味道，不是非常濃郁，奶味都不是很重一般般。雖然在備注寫了後上，但係用餐中途已經送上咖啡，令咖啡有點失色，可惜。