NINETYs (形點 I) (已結業)

188$ +10% service charge 一個意粉得兩啖，真係痴線。唔係講笑，係真係用隻叉捲兩啖就冇曬。味道正常，不難食。但係好多油。基本上你喺屋企炒個意粉都係咁嘅味。附近咁多選擇，十萬分唔建議。仲要我食完個意粉，等多成半個鐘朋友叫既雞仲未上。隻燒春雞已經細隻，仲要係得半隻🤦🏻‍♀️ 重點係，唔好食既。燒春雞仲伴埋藜麥。啲藜麥喺啲水上浮游，再加隻凍嘅溫泉蛋，成件事稀調調，一pat pat。呢個燒春雞$198 + 10% service charge. 直頭俾人當水魚

好開心同屋企人去咗元朗YOHO商場的一間西餐廳，呢一間餐廳裝修好靚，好舒服，好高級，坐得好舒服，真係好啱一家大細或者朋友嚟聚會傾偈食飯嘅地方啊，而且呢度嘅食物都好精緻，好好食，好高水準，所以我食過一次，到之後會再嚟食，首先呢一間餐廳位置於元朗西鐵站附近，只要行兩至3分鐘，就會搵到呢一間餐廳，非常之方便，可達到好高，而且佢嘅餐牌雖然選擇唔係好多，但係佢每樣嘅親都係廚師精心設計，好有特色，真係嚇咗一跳呀，最有深刻印象嘅就係佢個黯然銷魂飯，佢嘅叉燒係好有特色，好好味，醬汁一流，而且配合埋個流心蛋加埋飯，真係好好食，唔係出面嘅一般茶餐廳食到，呢一度即係性價比好高，好抵食，所以如果嚟到嘅話一定要叫呢一個黯然銷魂飯，其他餐都好吸引，全部嘅裝飾擺設都好靚，真係好值得嚟呀

今晚放工之後同朋友途經元朗西鐵站落車，去到YOHO MALL搵嘢食。見到呢間裝修得好靚，又好有氣氛嘅西餐廳，就決定走入去嘆番個靚靚晚餐。呢度比人嘅感覺係有Cafe，酒吧同埋西餐廳集齊於一身嘅好地方。時間尚早，但我哋已經好肚餓啦！呢度嘅晚餐種類選擇多，而且仲有半價。好味又抵食。呢個就係我選擇嘅龍蝦意大利飯，龍蝦係用芝士焗嘅，好香芝士味，內裏同時保留龍蝦既鮮甜味。第一次食意大利飯，口感好特別。呢個就係我朋友點嘅香辣蟹肉意大利粉。兩個餐嘅顏值都好高，而且味道都好高質！

今日同朋友慶祝生日，朋友住元朗，所以就喺yoho mall 搵好野食，見到有間餐廳裝修好企理，就係呢間NINETYs , 所以就入去食。餐廳幾寬敞，侍應都好親切問我地有冇d 咩唔食/敏感， 之後推介我地食d 咩，於是我地叫左幾樣野去試下照燒醬雞堡雞扒好大塊，比麵包仲要大，都覆蓋唔晒！麵包焗到好像牛角酥一樣咁，食落好鬆脆好有層次，每一啖都脆卜卜添！😍😍中間塊菠蘿好新鮮，好甜，配合埋d雞肉咬，非常Juicy非常好食。香辣蟹肉意大利粉蟹肉肉質軟身，配合醬料，味道都幾鮮味，意粉煮得岩岩好，唔會overcook，好味！☺️FRUIT ROMANCE揀左呢杯Mocktail, 果味濃郁，唔會太甜，係個唔錯ge 選擇。

趁着假期，想去遠少少，嚟咗元朗，發掘到原來元朗有好多美食，今日為大家想介紹一下一間好有格調嘅咖啡店 🤩Bakery 4 Sides 好鍾意佢可以俾我哋自由配搭，大食啲嘅朋友可以揀六款嘢食，細食啲嘅朋友就可以揀四款嘢食。仲要食物嘅種類都有好多㗎。首先可以揀咗麵包定係rice bowl. 仲可以揀肉類，海鮮，蘭王蛋，沙律，等等。我哋首先就揀咗朱古力丹麥麵包，幾好食，有少少朱古力嘅味道，再襯返之後嘅鹹點，真係唔錯。酸種麵包，好有咬口，好好食。柑橘春雞半隻，肉質好嫩滑，燒得夠香。😋😋😋想食返啲健康啲嘅中和一下就就揀咗個穀麥希臘乳酪。👍👍👍櫻花蝦蟹肉炒蛋炒得超香，真係必叫。炸玉米餅都唔錯咁呢個餐仲可以叫埋咖啡，我哋嗌咗個mocha。好IG-able😍😍😍🤩手撕豬肉班尼迪豬肉醃得好香，有時怕食手撕豬肉會好痴牙，但佢唔會！啲肉汁仲要比塊麵包索晒，撈埋一齊食好好食。個班尼迪整得好流心，食得又睇得。🤩 Filtered coffee我哋揀咗個nutty 口味，首先入口有少少酸，但係隔咗一陣再飲就會有啲甜杏仁，同埋black tea 味道。

係元朗食完個好飽既午餐後就四圍行下打算消化下，我哋最後一站係yoho，朋友話行到好攰想坐下，加上我哋book左餐廳食晚餐又未夠鐘，本身想食雪糕/乳酪之類既輕食，但係搵哂成間商場好似都唔多見有，最後真係太攰就是但入左間cafe食個甜品休息下.Double chocolate muffin$38朱古力味重，焗到表面微脆，好食.牛油果🥑西檸軟芝士蛋糕 $98蛋糕好creamy，好重牛油果同西檸味，好似食緊牛油果甘😂芝士同牛油果都係好溜既食物，雖然加左西檸中和返，但食左少少已經好濟.見到佢既主菜都好吸引，可惜book左其他餐廳食晚餐，下次有機會再試下其他

今日同朋友提早慶祝聖誕！約左去NINETYs 度食😝聖誕梗係食西餐啦！估唔到呢度轉左新menu, d 主菜同之前食個d 唔同晒！照燒醬雞堡塊雞扒勁大塊，大塊到連個麵包都覆蓋唔晒！佢個麵包整到好似牛角酥咁，食落好有層次，仲脆卜卜添！😍😍中間仲夾住咗一大片菠蘿，連埋雞肉咬，非常Juicy!雞扒肉質都好嫩滑，又厚身，啱晒中意食肉嘅朋友😂燴澳洲和牛面頰配醉醺肉汁和牛面頰烹調到肉質比較軟身，配埋底部滑溜嘅薯蓉，再加啲醬汁，食落層次豐富，好味！☺️Double Chocolate Muffin朱古力味幾重，外面微脆😍有少少似心太軟嘅感覺！！FRUIT ROMANCEMocktail 黎講又幾好飲！果味幾香濃，但又唔會太甜！

今晚入左元朗同朋友傾project, 我地係Yoho mall搵左間比較寧靜既餐廳，邊食邊傾。係餐牌上睇岩食物名就用電話掃code 落單，我哋叫左麵豉燒春雞配炒蛋、黑松露雜菌意粉、一壺Berry Lemonade share，之後就一邊傾，一邊等。餐廳環境都幾乾淨，無咩廚房既難聞油煙味傳出，我地傾得好暢快，食物系不知不覺巳到。麵豉燒春雞，外皮燒到金黃色，味道唔算好濃裂，雞切件上，份量有半隻咁上下，肉質幾嫩滑，配搭雞之子滑蛋一齊食，口感更嫩滑，雞下面仲有羽衣甘藍作配菜，唔洗淨食肉甘孤寡。黑松露雜菌意粉，排列得整齊，Share食份量唔算太多，黑松露味道出眾，食完都覺得唔夠喉。最後飲啖茶中和返口腔濃裂既味道就最岩不過。

好多時放假都係陪屋企人, 朋友都一樣咁重要. 今日就約咗個老友記聚下舊. 記得佢鍾意食 pizza.有各式嘅酒類飲品, 最啱三五知己傾下計.晚餐都有好多選擇.蟹肉布拉塔芝士薄餅配料夠多： 蟹肉、蟹子, 車厘茄, 主角芝士. 爆開嘅蟹子好 juicy, 一絲絲嘅芝士, 又香又靭, 加上薄又脆嘅餅底, 好有口感, 難怪個 friend 咁鍾意食pizza.新西蘭鰈魚柳意大利粉香煎鰈魚柳、爽口意粉, 香濃醬汁, 非常好味.牛油果西檸軟芝士蛋糕焦燶嘅面層, 裏面係牛油果芝士蛋糕加上西檸, 味道酸酸地, 都幾特別.仲有各款 scone咖啡豆都有得賣.

NINETYs (元朗)📍地址：元朗元龍街9號形點1期1樓1025號舖💰人均消費：$200內=================今日在形點行街, 見到NINETYs 竟然做緊晚市半價, 雖然飲品除外,但已經超級抵!! 現場都幾多人堂食, 好彩我7點黎到,仲有位坐! 😳蟹肉芝士薄餅個邊好脆, 加上材料好多,食落口感豐富!係個唔錯ge choice. Piggy Piggy塊豬扒真係不得了, 厚身得黎一D都唔韌! 仲有啖啖的醬油味,正!蟹皇薯蓉碗 $98 (折後$49)薯蓉整得好入味,而且蟹肉份量都唔少, 食完佢已經飽左一半燒春雞配炒蛋 $168 (折後$84)燒春雞醃得超入味，仲好多肉，肉質嫩滑!滑蛋奶味則偏重，而且滑溜整體黎講, 呢度坐得舒服, 環境又chill, 重點係依家做緊晚市半價,真心抵食! 我同朋友食到勁飽! 多D 朋友一齊黎就可以share 食,試多幾款!

夜晚係YOHO行街揀咗嚟呢間NINETYs食真係貴夾唔飽嘅一餐先講個$198 Pork Belly Polenta差唔多兩舊水價錢但超級細碟 當前菜食都唔夠五花腩得兩塊 下面墊咗D粟米蓉食落冇乜味$298 Boston Lobster Pasta咁細一碟龍蝦意粉收我三舊水真係過份咗龍蝦細Size仲要得半邊，頭大肉少，肉質一般意粉同樣少得可憐，一個女仔食都覺得唔夠，而且冇汁絕對不值呢個價錢$52 Grapefruit Buddy藥水味！！$32 Taro Mochi Muffin最後買咗個餅諗住攝下個胃，冇乜驚喜，好在入面都夠煙un，算係成餐飯最好嘅一樣埋單５００幾蚊都唔知自己食咗D乜

今日同朋友踩完單車，出左成身汗又無晒力，一定要搵返啲美食補充返體力先得今次終點係元朗，就黎左yoho搵左呢間NINETYs入面環境好靚，坐得好舒服，岩岩踩車踩到腳仔軟唔搵返啲靚櫈坐點得最估唔到係原來而家Night menu全部都做緊半價本身都已經唔係貴，算係正常西餐價錢，而家仲要做埋半價，咁咪即係差唔多用茶記既價錢食到高質西餐既質素見咁抵我地兩個一叫左4個dishesSigniture叉燒，佢叫得做signiture無理由唔試下，蜜汁叉燒雖然唔係好肥，但一啲都唔硬，全部都勁軟身好勁咬，撈埋溫泉蛋一齊食勁好味手撕豬肉配烤餅，平時手撕雞就食得多，原來豬都一樣咁好食，連埋啲鬆脆烤餅一齊食勁正蟹肉芝士薄餅，個餅底勁脆身，即叫即整熱辣辣，上面又勁足料，好滿足波士頓龍蝦意粉，龍蝦夠大隻，啖啖肉，不過意粉我覺得有少少酸，但意粉好入味又夠彈牙

一直好想試Ninety’s 嘅brunch board set ,今日就叫咗個朋友同我一齊去元朗呢一間branch試！咁就過左一個好chill 嘅星期一🤭🤭個brunch board 種類都好多,我同朋友揀咗唔同嘅去share ，大滿足😙😙我哋都揀咗brunch with 4 sides配sourdough 同chocolate danish ,啲麵包係任叫嘅，真係好正，每round 可以試吾同嘅口味，佢哋個sourdough 好好食，上嚟嘅時候係熱架Main side 我地揀左黑松露炒蛋, 蛋嘅份量好多，配埋黑松露食好嘢味😋，仲有試佢哋嘅炙燒油甘魚torched hamachi ,有三個好厚切嘅油甘魚，好正！Mushroom salad 同cauliflower 就不過不失，食落好健康，吾會用油去做salad dressing 我朋友叫左dressed kale 同poached egg with yogurt , 依兩樣都好有驚喜，kale 加埋佢個蘋果汁dressing意外地好夾, poached egg 加乳酪嘅配搭都係第一次食😍飲品方便我哋都叫咗nutty latte 同fl

今日嚟元朗睇imax，睇完出嚟見到NINETYs嘅晚餐都幾吸引，就入咗去醫肚。野食我地叫左波士頓龍蝦意大利粉，賣相都幾靚。龍蝦開邊大大隻，肉質細膩Q彈，仲有唔少膏添！蟹鉗都食到淡淡的海水鹹味，好新鮮。意粉就比較粗身，食落都好有口感。另外仲叫左個蟹肉芝士薄餅，都幾大塊。Pizza嘅配料有好多，有蟹肉、三文魚籽、蕃茄仔、蘆筍、burrata cheese同mozzarella cheese。Pizza底薄脆，味道層次唔同口感都非常豐富，幾有驚喜。好所賞自家製叉燒配溫泉蛋，叉燒燒得好靚，肥瘦適中，食落都好juicy。再將啲叉燒沾落去啲日本温泉蘭王蛋到，叉燒嘅甜味再混合埋蛋嘅香味，令人好想叫搵返嚟送飯，真係一級棒！95 Fruity Coffee Cake賣相都幾靚，咖啡蛋糕厚實得來帶點creamy，入口口感好滑同好綿密，味道偏果香味。Choco blend 嘅Mocha 咖啡味同朱古力味配合得啱啱好，咖啡嘅香味好濃郁，入口唔會太甜。用竹炭整嘅black latte都幾特別，朋友話入口口感香滑。所賞佢個黑白拉花！晚餐menu做半價真係好抵食，已經約實下次再encore!

#ftf_元朗再三到訪Ninetys brunch board 今日放早，就同媽咪去咗YOHO Ninetys 嘆brunch~ 兩個人叫左bakery 6 sides $198，份量已經好驚人，包控表示每一次都試飯，但係都唔成功，因為佢啲包真係烘得好好味，脆薄又香口！sourdough 有韌度，好好咬，就咁食已經好好味！如果side dish 叫左蛋，連買蛋食仲正！或者點龍蝦配嘅鹹蛋黃醬，味道一支棒！去過灣仔嗰間，私心推薦元朗呢一間，食物質素更優質!🤫Salty egg yolk Boston lobster (+$78)⭐️⭐️⭐️⭐️呢個基本上係我每一次去Ninetys 都會必要嘅，但今次龍蝦唔給第一次喺元朗食咁新鮮，今次稍為有少少乾身，第一次就彈牙啲，不過冇對比就冇傷害，之後都係值得再繼續叫，反正佢個鹹蛋黃醬先係重中之重，哈哈！Half Spring Chicken(+$48)⭐️⭐️⭐️⭐️⭐️呢個超級出色！雞肉有鮮味，肉質嫩滑，下底仲有羽衣甘藍，配上煙肉同芝士，惹味又juicy! 加$48勁大份，好抵食！必食之選！(元朗分店嘅燒春雞出色過灣仔嗰間🤫)Sous Vide Cha Siu (+$