NENE CHICKEN (朗豪坊)

营业中

休息中

三個老友，因為朗豪坊好多舖頭都冇位..見到呢度唔使排隊就入去試吓… 點知道…. 服務員全部都係冇服務冇禮貌…. 食物更加不值得一提…. 三個男人吃不完一碟炸雞…三個男人吃不完一碟炸雞… 三個男人吃不完一碟炸雞… 三個男人吃不完一碟炸雞… 睇到隔離枱兩個女仔，食淨¾… 真係不得了… 嗌咗一個Tower1664, 結果冇1664味… 真係搵笨… 大家自己諗吓，$200食一碟炸雞，三個麻甩佬吃不完一碟炸雞… 三個麻甩佬吃不完一碟炸雞…

每次放工去睇戲為左唔攪咁夜，都會快速食晚飯，亦都會係戲院附近揀好西食！朗豪坊搵到呢間，係亞洲都幾出名的！估唔到都真係好好食~雙重滋味炸雞我揀左無骨雞件，初雪即係芝士味，同埋韓式甜辣，好入味！自私講芝士味真係無得輸，熱辣辣食，甜甜地，芝士粉係晒面頭，每啖都有芝士味！！！韓式甜辣個樣係非常惹味，你食一啖又好想食下一啖，停唔到口囉~ 難怪咁多人點啦！玫瑰醬寬粉炒年糕係大熱門，枱枱都叫，我覺得年糕係好食的，唔會話好難消化的口感，但係寬粉真係太煙韌，好難咬得斷，有D失望~味道是很不錯的~明太子迷你雞蛋卷但我唔覺得迷你喎！問職員話係MENU的一半尺寸，但黎到係同MENU一樣闊~ 笑左！入面係洋蔥、明太子、芝士，都幾juicy水水的，我朋友喪食！哈哈！再黎兩杯飲品，士多啤梨乳酸正喎~ 唔會好甜又夠凍~

朗豪坊見到呢間好評多到呢~一試之下，點知係一個伏雙滋味炸雞＄178揀左甜辣同蒜香，大約幾分鐘就送到，皮不脆肉不嫩， 明顯不即炸而是反熱甜辣汁冇甜辣味，蒜香味無蒜香味，完全食緊沒有味道的雞韓式牛肉野菇鍋＄84牛肉無肉味湯底唔好飲，唔似韓式，似茶餐廳啲湯飯 總結：收咁貴的價錢比茶記的貨式， 唔會有下次

之前聽朋友講呢間炸雞明星效應所以都幾貴，味道麻麻，今次一試去引證吓係咪真先。突然之間好想食炸雞，喺朗豪坊嘅選擇又唔多，所以都係貿貿然入咗去試吓。餐單非常多選擇，樣樣都好似好吸引。嗯，啲staff忙到好cool 無咩心機咁🙈飲品方面叫咗Jeju Island Beach同士多啤梨沙冰兩杯嘢飲都非常IGable 打卡一流～前者望落透心涼，味道係酸甜酸甜咁用唔同layers隔住 味道清新 夏天飲一流！後者入口好creamy 甜度適中 唔會有陣人造糖嘅味。另外叫咗手抓飯同雙拼炸雞（初雪同韓式甜酸炸雞）🍗手抓飯採用嘅材料簡單，包括炸蛋、紫菜、青瓜、蟹籽同白飯。食嘅時候啲飯仲暖笠笠，好鍾意紫菜帶來微鹹嘅感覺令人食慾大增，食多到好多飯～

韓國大熱嘅Nene Chicken!不過其實我今次都係第一次喺香港食 哈哈〰️ 玫瑰醬寬粉炒年糕 $108呢款好似係前排新出嘅新口味!本身以為真係有玫瑰味 點知原來玫瑰係指個顏色似🤣其實係用相蕃茄同忌廉 所以唔會有玫瑰味~不過食落年糕同寬粉都好煙韌 口感一流加埋creamy嘅醬汁同脆皮腸係幾唔錯!〰️ 雙重滋味炸雞 $188< 初雪 x 避風糖 炸雞 >貪心嘅我當然係叫雙拼 可以試多款口味🤘🏿個人好推介初雪口味 果然係招牌!!炸雞上佈滿厚厚嘅芝士粉 芝士嘅鹹香好出好鍾意佢鹹鹹甜甜嘅調味 真係幾出色另外仲會有好幾塊薯片 炸得脆卜卜好刷嘴😛〰️ 勁量級明太子雞蛋卷 $151雞蛋捲分別有 勁量級 同埋 迷你size !勁量級真係名不虛傳 原來係兩條雞蛋卷合併為一份蛋卷中間加入左明太子同拉絲芝士 上面就有蟹籽呢個份量真係不得了 相信可以夠四至六人食所以一班人食的話叫呢個真係啱晒🤘🏿〰️ 明洞小食派對 $140呢款一次過可以食齊多款韓國嘅小食！一邊有炸紫菜粉絲卷 炸餃子 同炸紫菜蝦卷另一邊就有芝士年糕同魚糕 一次過滿足你所有願望！幾鍾意佢個芝士年糕嘅調味 辣度唔會太高唔食得辣嘅我都可以食

好耐冇番韓國啦，有冇人同小編一樣平時都幾鐘意食韓國嘢呢？最近就同朋友黎咗位於朗豪坊既NENE CHICKEN 食晚餐，除咗佢地既招牌炸雞之外，今次同朋友都試咗其他韓國料理，味道都唔錯幾有驚喜！🥘玫瑰醬寬粉炒年糕 $108所謂的『玫瑰醬』其實係番茄醬加奶油醬調製而成，食落去帶甜味和奶香，其他配料有香腸、煙肉、寬粉、年糕等等，小編特別喜愛寬粉！食既時候口感煙韌！值得一試🍗雙重滋味炸雞（無骨）$188可以選擇任何兩款口味！今次就揀咗蒜香醬油炸雞同白郡主炸雞，炸雞外皮香脆，食落口都唔會話太乾身，小編比較推介白郡主炸雞，因為有乳酪食落去酸酸地幾開胃！🍲鮑魚海鮮湯$128估唔倒幾多料係入面，有兩隻鮑魚、青口、蜆等等，飲落去湯頭都比較辣，平時鐘意飲海鮮湯既朋友仔可以試吓！🥩皇室豬肋骨(L)伴芝士火鍋及脆薯條 $275一上枱真係嘩一聲！份量都足夠三個人Share，食落去夠軟諗，配上芝士火鍋一齊食好滿足，芝士比較重奶香味🍑Cocktail Rita Peach $78🥥Lychee Blue Butterfly $48兩杯飲品飲落都非常清新，小編特別喜愛Cocktail Rita Peach，白桃沙冰配

撞啱呢個星期三有放題食，就約埋朋友試吓！$158 有得試晒咁多個味真係好爽，平時歌個人好難食好多味，今次可以試吓自己鍾意邊個味放題的雞比平時正常嗌一碟的雞瘦弱，太多雞皮～ 嗌咗四round, 每round嘅質素都唔同😂 有時好熱、有時唔熱；有時有肉、有時無肉。但今次當係試吓味都唔錯，百幾蚊無得要求咁多試咗好多隻味，最後覺得招牌、醬油同初雪最好味今次試完味，下次會散嗌呢幾隻味！因為散嗌的雞件好味啲（都明白嘅..）

這間韓式炸雞店推出90分鐘任食優惠，因應任食口味而有不同的價錢選擇，我們選兩款口味，原味和蒜香醬油味。原味炸雞沒什麼特別，蒜香味蒜味充足，沒有原味般寡。雖然任食優惠真系好正，但始終炸雞食多了會感到油膩，自問大食的可以挑戰一下自己。

在旺角朗豪坊11樓的Nene Chicken 的炸雞(無骨)有初雪和甜辣都十分好味，不用咬骨，可以直接用义放入口，十分方便！韓式牛肉石鍋拌飯，我覺得好平凡，質素不太差！石鍋不夠熱，太多油！比較不好味！芝士蛋伴泡菜炒飯，外貌十分吸引，味道唔錯，泡菜炒飯十分特別，略嫌辣了一點，但可以一試！Cocktail Rita Peach 是一個十分好飲的飲品，而且外貌十分吸引！很多人來這裡用餐，主要吃這裡的炸雞，說實話這的確是十分好味，但其他食品便十分普通！

NeNe Chicken喺韓式炸雞算係非常出名😋✨今次叫咗初雪炸雞同埋韓式甜辣醬炸雞🍗🇰🇷初雪炸雞灑左滿滿嘅芝士粉🧀配上酥脆嘅炸雞外皮韓式甜辣醬炸雞包裹住味道偏甜嘅韓式醬汁🌶味道經典 滿滿韓風🇰🇷✨

🌹玫瑰醬寬粉炒年糕 $108 🌭追加 芝士脆薯炸熱狗 $20 🍝香蒜橄欖油蝦炒年糕意粉 $118 🍜芝士炒年糕伴拉麵 $112 🍟金大人串燒拼盤(M) $182 🍑Cocktail Rita Peach $93 🏖JEJU ISLAND BEACH $58 呢餐雖然兩個人食不過叫多咗嘢食，唔知道原來每一碟都非常大份，佢嘅炒年糕同拉麵都有辣味，尤其係個拉麵都幾辣🌶，辣得好惹味。不過我自己就比較鍾意食佢嘅意粉，因為香蒜橄欖油好香，而寬粉有埋香腸都好正。呢餐好多澱粉質，有麵粉有年糕，其實一碟都已經飽飽地😂😂 雖然韓國嘢食出名就係炸雞，不過如果成碟都係炸雞，我覺得太過多所以冇叫，取而代之係叫咗串燒拼盤，好豐富，有流心芝士蘑菇釀雞翼/糯米釀雞翼/炸蝦餅/水牛城燒雞中翼/炸魷魚🦑/薯條🍟/炸雞🍗，有啲仲係冇骨，雞翼入面有滿滿的餡料🤩，當然唔少得超香濃嘅芝士喺農夫包裡面。而且佢用左新技術空氣免油炸，令食物油分可減少80%，大家就可享用健康美味的炸物🍤🍖 飲品要打卡就要叫Cocktail Rita🍹，佢係 Somersby Apple，有香濃嘅蜜桃味，另一杯彩虹🌈咁都好靚。 📍NeNe C

👯‍♀️朋友生日🎂去左朗豪坊食韓國🇰🇷炸雞慶祝🥘🍗🥳🎉🐽雙重滋味炸雞（有骨$178無骨$188）我地當然要無骨啦！試左韓式甜辣&蒜香醬油🍗韓式甜辣感覺一啲都唔辣，兩隻味嘅炸雞都好多汁唔係乾身嗰種，我自己比較鍾意蒜香醬油，濃味香口D😄🐽芝士炒年糕伴拉麵🍜$112🥢呢個就真係有D辣啦！上面有D魚腐之類嘅嘢幾好味😂年糕都唔錯，不過唔知係咪因為好多醬汁，食完呢碟野就飽左🐷🐽野飲方面，試左士多啤梨乳酪🍓同芒果乳酪🍹，清清甜甜咁。味道整體黎講就中規中矩，份量都幾大既，以呢個價錢黎講都算係咁🌈

🌹玫瑰醬寬粉炒年糕 ($108) 玫瑰醬以經典韓國辣炒年糕醬加入番茄醬同忌廉調配出Fusion過癮嘅味道，配搭煙韌軟糯嘅年糕同沾滿醬汁嘅寬粉真係一流🥢 🔥火辣炒年糕炸雞(無骨) ($128) 總共8件甜辣惹味嘅無骨啖啖肉炸雞，一旁仲有炒得外焦脆內軟嘅年糕，個種刺激味蕾嘅辣真係會食唔停口！🍳勁量級雞蛋卷(Kimchi）($141) 足30cm長嘅蛋卷認真吸睛，4人分享完全冇問題👍🏻 入面除左有拉絲芝士，彩椒之餘，仲有酸辣開胃泡菜！另外仲有明太子口味選擇~🧀芝士潘朵拉炸雞 ($202) 終極邪惡Boss級炸雞！一旁嘅原味炸雞表層已經鋪上芝士，另外中間仲有農夫包裝住嘅極濃芝士醬，雙重滋味，份量真係打大佬級！🦋Lychee Blue Butterfly ($48)🦈Shark Attack ($58) 杯飲品完全呈現返鯊魚攻擊後血染大海嘅景象，玩味十足🤣 鯊魚口裏面係士多啤梨糖漿，沙冰質感，整體過甜

係朗豪坊搵食，見到呢間Nene Chicken，當時5點幾，見出面都有人等，心諗應該都唔會太差，未試過咪諗住試吓。撳完飛，見入面有多張坐位都未畀得人入去，都唔知點解🤷🏻‍♀️NENE雙滋炸雞$188揀咗甜辣味同芝士味，order大概5分鐘就已經到，一食落去就知唔係即炸，感覺已唔好，最弊啲雞沒有外脆內軟呢種口感，又唔juicy，仲有甜辣汁完全唔得，一啲都唔好味，得過甜字🤮另外芝士味好啲啲，但都係唔跪唔Juicy。從來未食過咁難食嘅韓式炸雞🤮完全沒水準可言😒芝士炒年糕拉麵$112賣相好核突，見到隻烚蛋爆咗再煮熟，味道又好一般，覺得自己喺度食緊垃圾🤮另外叫咗兩杯嘢飲total加埋$380，又貴又唔好食，呢個價錢喺朗豪坊都搵到好多好味過佢，後悔揀咗呢一間，真係同Goobne炸雞有天淵之別😓唔明點解仲有人等位🥴永遠都唔會再幫襯🤧

中午到這間餐廳食飯，叫了部隊鍋，等左45分鐘不在話下，原來d 侍應上錯左比第二檯，但係放左15-20分鐘，隔離檯將個鍋翻個底朝天，而且d食客完全無戴口罩。然而，個侍應直接將隔離檯的部隊鍋轉到我地張檯。問侍應可否換一個，距答‘無架啦，我地最後一個，你要就要。’再問 ’叫邊個食物會快d？‘ 直頭人都走埋，完全唔知d侍應發生咩事。最後等左半個鐘，lunch time 都過埋，碟炒粉絲先到，但係係異常的鹹，食完重要肚疼⋯