Nathanhouse (已結業)

平安夜本來都開開心心，諗住食野，點知黎係食風真係坐係到食風食足兩個鐘先上菜🙂🙂唔係一早落左訂真係起身走🙂🙂好食都算，但個amuse巳經嚇親我雲吞硬過我條命，啲野勁難食勁油益味，一係就所謂脆片但係淋既叫佢俾濕紙巾我，佢拎隔離枱用剩嘅紙巾俾我仲要我望住疫情呀大佬，野食差都算衛生常識都冇

Nathanhouse地址: 大角咀海庭道18號奧海城二期1樓103號舖大食代R3號舖燒美國牛肉眼 🥩 $2783成熟嘅牛扒，有少少overcook，而且肉質口感較硬，有少少失望啦。香煎三文魚配忌廉汁 🐟 $98三文魚皮煎得很脆，而且魚肉也得嫩滑，但份量較為少咗啲。#nicefoodie大角咀 

諗唔到食乜嘢餐廳開OpenRice睇，偶然見到依間野好多好評所以就試吓，點知就馬上中伏！Order:$468 Dinner Set of Two + $78 美國黑安格斯肉眼扒由於成個流程太多地方值得批評所以要用Point Form總括一下：1. 餐廳服務質素令人失望入餐廳坐咗10分鐘，諗住叫個侍應落單都冇人望到，難得有個望到俾咗反應但係又唔記得咗。問是日餐湯同是日甜品係乜嘢又全部都記錯晒，明明話係椰菜花忌廉湯到上菜先話唔好意思原來係甘筍南瓜湯；又話是日甜品係石板街雪糕，到最後變咗朱古力慕絲……到臨走嘅時候想俾錢又係搵唔到人，又係有反應但係又唔理人走咗去做其他嘢，足足等咗15分鐘先埋到單，未見過服務可以咁差。2.上餐速度極慢及漏單食物準備嘅時間亦都好耐，食完第一個烤豬腩肉已經冇嘢上，等咗差唔多20分鐘先再上肉眼扒同虎蝦意大利飯，過咗一陣再提侍應佢哋先醒覺仲有個前菜嘅椰子雞湯燴海蜆未到，最後尾先食個前菜😑（用餐時間總長大概兩小時）3. 食物質素極差成個餐冇一樣野係好食，正常水準都達唔到。前菜烤豬腩肉配紫蘇葉及生菜一拎出黎已經係凍嘅，莫講話冇烤過嘅香味，連調味都唔知有冇。美國黑安格斯肉眼扒

.Nathan House 🍽睇完戲📽🎞都9點，近近地去戲院🎬門口嘅Nathan House食晚餐🍽😛本身都無咩期待🙈，因為要好rush咁完成dinner🥲但竟然有驚喜!!!🥸………叫左2個set 🍽 dinner仲加埋個甜品🥳……..環境都幾唔錯😙加上食物質素高，而且人均只係around $150😚，性價比非常高………味道👨🏻‍🍳：🍝🍝🍝🍝4/5服務🤵🏻：🍝🍝🍝🍝🍝5/5性價比💸：🍝🍝🍝🍝🍝5/5環境：🍝🍝🍝🍝🍝5/5衛生：🍝🍝🍝🍝🍝5/5

一早睇咗大量食評( ´▽｀)所以就唔覺得間餐廳難搵就真係喺正戲院隔離右邊係food court 左邊門口就係係餐廳所在啦雖然佢啡色嘅門上面有餐廳名但其實入面會係food court 行到入去發現佢有户外嘅座位不過香港嘅lunch即使秋冬天都仲係好好太陽所以都冇考慮過出面( ´▽｀)餐廳嘅室內比想像中細四四方方 係實用嘅間隔黎( ´▽｀)睇openrice 知道lunch比dinner嘅性價比高咁喺度食個lunch都好既呢個唔知係咪晚餐menu 但lunch都可以嗌嘅咁就叫一個set再一個散叫嘅main同小食啦落單後 首先黎嘅會係lunch set跟嘅湯椰子海鮮湯真係好濃椰子味本身望個樣覺得係忌廉湯 但其實冇乜忌廉嘅感覺反而係真係好濃好重椰子味 海鮮喺個湯嘅味係唔出嘅 甚至係飲唔出但飲到底會見到有少少蜆肉 同章魚類 嘅海鮮可能係分開處理而唔係一開始就一齊煲又可能係 真係個椰子味太重蓋過所有然後水果茶就到 賣相係靚嘅有薄荷葉放面 茶底有橙汁水果大概有蘋果粒 青蘋果粒 橙片水果浸過鹽水 所以如果就咁拎塊橙片出嚟食 係咸唔係酸我係覺得幾好飲( ´▽｀) 但朋友就唔中意 覺得個水果陣清清地嘅感覺

今晚是我兩老婆疫情以來第一次再入戲院睇戲🙂，真是難得，睇完戲當然搵地方醫肚，發現戲院同大食代之間，有間西餐廳，如果唔係睇戲的緣故，都未必發現到😅。店內座位都幾舒服，夠空間感，店員推薦生豪，而家價錢都幾吸引，首半打連一杯白酒之後，再order每隻生豪$9隻，真心抵食😆，真係可以食生豪食飽😆，雖然生豪屬於細size，但好鮮甜👍🏻。之後再order左黑松露薯條配溫泉蛋，第一次食薯條點溫泉蛋，都幾有創意，再來個蟹肉牛油果千層酥，賣相不錯，而且好蟹蟹肉😊，最後來個龍蝦汁海鮮意大利飯，滿足晒。

今次係第三次嚟Nathan House食飯每次waiter都好有禮貌餐廳環境裝修好靚、新正好適合傾偈、拍拖或朋友聚會今次食左$188/6隻生蠔Size唔算大 但好新鮮隨後加單每一隻都係$9 幾抵食豬手係最抵食又超好味$158一隻 但係等候時間要30分鐘建議一入去嘅時候就order嚟到嘅時候隻豬手熱辣辣個皮好脆裏面好Juicy全晚最正係呢個另外在order左一個漢堡包+松露薯條好味嘅但冇乜大驚喜Overall成餐飯都好滿意食物夠熱又好好食而家秋涼仲可以坐戶外日頭可以睇到船景都幾正

LUNCH HERE 好幾次平日/假日都有都只係大概HK$100/lunch set 抵食！餐廳位置隱蔽，位於奧海城二期經過戲院行入去嘅地方！未必個個會知，都係我朋友帶我食過，我先知有呢間！其實佢都係屬於Food Republic嘅group, 但係環境就舒適好多，係真係可以慶祝嘅地方！不過我就第一次喺度DINNER約咗朋友派帖朋友專程嚟奧海城我當然搵間出面少啲食到嘅餐廳即刻上OpenRice book位，有位就有得儲里數！只可惜呢一間冇參加商場積分，如果唔係呢一餐六百幾蚊可以儲到六點！我哋叫咗二人餐，可以揀嘅嘢食多種類啲！前菜有兩碟，呢一碟係蝦球，我覺得係全晚最好食！蝦肉非常之彈牙！另一碟前菜，係烤豬腩肉配紫蘇葉呢碟都係好出色，色香味俱全豬腩肉又唔會過肥，烤得好香另外有得配餐湯或者沙律，朋友叫餐湯我就食caesar salad! 前錯都咁豐富，睇落去成個主菜咁主菜我哋嗌左兩碟share～我揀咗煎比目魚，賣相非常好不過魚身我略嫌有啲鞋（係咪比目魚都冇咁嫩滑？）我哋加錢升級要令一個主菜係steak我lunch食過steak 好失望但係今次呢一餐又OK，真係撞手神爭啲唔記得咗有甜品，員工見

大角咀都算係一個較少出現嘅地方，今日過嚟奧運站附近開會在逛逛奧海城商場。大大間muji都幾好行，從muji上一層再行去戲院方向，見到旁邊有間不太顯眼嘅西餐廳，水牌隔離喺food republic food court。餐廳叫nathanhouse 座位幾有空間感，如果五至六個人仲有sofa seat。入嚟見到Menu上嘅生蠔已經心心眼，order半打有white wine 送。如果追加以$9一隻，好抵食。唔需要考慮嘅情況下已經order左一打，配上自家製茄汁， 2分鐘內已經食晒。appetiser有蟹肉沙律配牛油果酥皮，感覺幾清新，同白酒咁配。海鮮蟹肉risotto少少濕口，海鮮有沙白蜆同蝦。食飽捧住個肚，要搵個地方散吓步。

同朋友去奧海城睇戲，睇完出黎見到哩間西餐廳，朋友話想食埋飯先返屋企，我一於奉陪，一起入去睇下有咩岩食。餐廳雖然隱藏在一角，但內佈面置都幾Grand,坐位全部採用皮製椅，光線鮮明，充滿華麗感，望下Meau, 佢哋有Dinner Set for one同Dinner Set for two, 待應推薦我地食生蠔，但我同朋友都好少食生冷食物，最後同朋友商量後覺得食set抵D, 於是Order左兩份Set for one。兩碗餐湯和熱檸水先送上。是日餐湯：牛肝菌忌廉湯，牛肝菌打到變哂蓉狀，飲落啖啖粒粒口感。主菜：鮮海蜆香辣蕃茄汁扁意粉，蕃茄汁包圍住扁意粉，食落微辣煙韌兼Juicy。美國牛肉漢堡配黑松露薯條，伴隨一些沙律菜可讓客人自行選擇配搭，迷你酸青瓜插在漢堡包上蓋，咬落爽脆酸甜開胃，打開漢堡包裡面塊厚身既牛肉、半溶狀態既芝士加青瓜片和蕃茄片，牛肉咬落啖啖蒜香，肉汁豐富實正。嘆埋個甜品芒果熱情果蛋糕，為哩餐晚餐劃上句號。

係奧海城買完野諗住係foodcourt食d野, 行下行下見到依間位於foodcourt同戲院之間餐廳, 之前都唔覺眼, 應該係新開~ 係門口比佢個蠔出沒注意餐牌吸引左, 見到就好想食生蠔, 188蚊有半打蠔再有指定白酒, 追加上去都係9蚊隻, 計落好抵食! 再望下入面環境好似不錯, 有d氣氛,就走左入去~餐廳除左做緊生蠔餐之外, 仲有一人同二人餐, 選擇都多。叫左total一打蠔, 估唔到依個價錢都有番咁上下size, 唔會勁細隻, 最重要係夠新鮮, 海水味偏淡, 但蠔味鮮甜。西京燒比目魚柳 $138先來一客creamy濃湯。比目魚好大份, 表面煎到金黃色, 食落微微脆皮加上嫩滑魚肉, 口感好好。味道方面無需太多調味, 魚油香已足夠。伴碟既菇同埋薯仔都落左牛油煎香, 毫不馬虎。以商場餐廳黎講價錢算係好相宜, 環境同食物都有質素, 而服務亦周到, 讚

-服務質素差 尤其係女侍應 好冇禮貌-嘢食上到嚟嘅時候 是但放係一邊就算 -叫2個二人餐 食物份量可接受-但味道真係唔好 食物唔好味 好似所有食物都唔記得咗落鹽-牛扒叫7成熟 最後變左十成 仲要燶咗

一早plan好係度食晚飯之後就係奧海城睇戲, 因為餐廳就係正戲院隔離, 唔洗趕頭趕命~ 而且餐廳環境同氣氛都有格調, 座位又寬敞, 感覺舒適。見到餐廳有Oyster Set, 188蚊半打蠔再加杯housewine, on top加蠔只係9蚊一隻, 梗係要加多幾隻湊夠一打同朋友一人半打先爽!成盤蠔都好新鮮, 雖然蠔肉唔算大隻, 但勝在蠔鮮味濃, 口感滑溜。配上白酒, 一樂也。美國牛肉漢堡配黑松露薯條 $118頭盤係煙鴨胸沙律, 擺盤精美有心思, 用上紅提, 青提仲有哈蜜瓜, 色彩繽紛之餘又清新好味。麵包烘烤過, 食既時候仍然微脆帶焦香, 漢堡肉非常厚身,食落啖啖肉好滿足! 漢堡肉唔會煎到乾爭爭, 肉味亦香濃。薯條新鮮炸起好香脆, 粗身薯特別好味~ 黑松露味道唔算好出, 但本身薯條都炸得好香口搭救跟餐加32蚊食埋甜品, 三重朱古力蛋糕, 口感軟滑朱古力味濃郁, 而且都幾大件, 同朋友share岩岩好

經常去奧海城睇戲，原來側邊有間西餐廳，就近住大食代嗰邊，真係唔專登行過都唔覺就一於睇戲前試試入面氣氛微暗 極有情調 有個人空間服務員都好熱心介紹menu 當日見到呢個蠔出沒是吸引的但我同朋友都麻麻地海鮮就算了叫咗個二人套餐因為睇落好似真係幾抵呢個前菜極好食 睇落有生果有瓜同海鮮九唔搭八但食落開胃同好夾因為肥婆愛脂肪所以見到薯條就點咗佢跟一隻溫泉蛋 我地就薯條點蛋漿食唔會話好重味 而且蛋漿難啲撩起但薯條炸得金黃香脆 不俗主菜點咗豬架肉質冧軟 調汁開胃配有紫蘇葉香同少許配菜而且份量都幾大件值得一點！香煎比目魚呢個真係今日vip 魚肉煎香 撒上好似麵包糠嘅野汁酸酸甜甜 超級好食 魚皮薄脆有油甘味必點！！椰奶凍 真心說的話 個人口味偏向純奶凍多啲lol仲有是日精選果茶 亦是少甜健康之選食完就趕去睇戲了如果話會唔會翻啅 這是必須的西餐黎講仲要算幾平 食氣氛都值！

好耐冇食生蠔啦！生蠔控頂唔順要食到夠！不過又怕求其去一間D質素會唔好，始終食生野都係要揾間可靠嘅黎食先食得安心，呢間係奧海城入面嘅感覺貨源可靠同埋清潔工作會做足，所以就黎試試佢呢度食蠔真係好抵，set係$188 6隻再配一杯白酒，之後就用9蚊一隻無限追加，真係食到飽都唔會好貴！我地就追加左6隻可以每人食半打，勁爽白酒味道唔係偏甜個種，酒味比較出同埋口感係Dry D嘅生蠔隻隻都幾大隻，雖然未去到好肥美但呢個size算唔錯，色澤唔錯，睇落夠新鮮，海水味夠，配上餐廳特調嘅紅酒醋，朋友話覺得幾夾，而我就比較鐘意最原始嘅配搭，檸檬加tabasco就已經係perfect match唔太鐘意飲酒嘅我加配左杯pink blossom，strawberry grapefruit呢個配搭夠晒fresh，不過怕酸嘅人可能會覺得有D刺激！香蒜炒蜆配香蒜多士，蜆嘅份量算幾多，味道都鮮甜，不過整體以一個main黎講覺得細份左D當小食就ok~美國牛肉洋蔥漢堡，呢個價錢係奧海城黎講算係好平，當然份量都唔算太大，但女仔嘅話都絕對夠食。不過唔知點解個脆薯變左做薯條最後以tiramisu作結