Nara Thai Cuisine (港威商場)

营业中

休息中

十月生日之星一齊出來尋找美食，我們非常熱衷吃泰菜，尖沙咀有一間人氣美味的，心癮開始發作，我們打算到「Nara Thai Cuisine」，享受美食佳餚，同她盡興吃一餐。餐廳佈置充滿心思，精緻美觀，安排坐窗邊位置可欣賞海景，多個打卡位，即時想進入去餐廳。炸蝦片餐前小食是炸蝦片，即時食落去好脆口，美味可口。燒雞扒配青木瓜沙律呢個款式非常精美，雞肉嫩滑，青木瓜Q彈，沙律食落香滑。香脆蝦餅蝦餅叫了三件，見到都想食，大塊又脆口，仲好多蝦肉，真心很好味。菠蘿肉鬆海鮮炒飯每次食泰菜都叫菠蘿肉鬆海鮮炒飯，材料豐富，菠蘿、蝦、肉鬆、青口、雞肉、提子乾等，炒飯炒到金黃色，非常彈牙，令人吃得滿足。Nara Thai Cuisine（尖沙咀）地址：尖沙咀廣東道3-27號海港城港威商場3樓3303號舖

今晚同細妹去左尖沙咀買野，去左呢間泰國過江龍餐廳！之前係泰國食過好正，估唔到香港都開左好幾間分店！😋＊＊＊＊＊🌋🍖珍寶火山排骨 $238超級大盤嘅火山排骨😆啲排骨好唸好易咬，個湯都好入味😋佢有少少辣架，唔食得辣嘅朋友要留意啦🍍🍛菠蘿肉鬆海鮮雞肉炒飯 $158上面有隻燒大蝦🍤😍另外仲有菠蘿、肉鬆、魷魚、腰果等等😋🪻🍹凍蝶豆花茶 $45＊＊＊＊＊

同媽咪係海港城行街，佢話想食泰國菜，我就帶佢黎NaraThai，因我之前同朋友食過覺得唔錯，好開心啊，店員好好，安排我兩母女侳坐窗邊位置，媽咪好開心啊，可以一邊享用晚餐，一邊欣賞到維港海景😍💞個張檯已有一籃蝦片，每一塊都脆酥可口，又辣辣地，感覺幾CHILL，每籃收$15💞花膠海鮮冬陰功 $258湯底由泰國虎蝦蝦頭及蝦殼熬煮，酸、辣、鮮味層次分明，食材非常非常之足料，有大大塊厚肉彈牙花膠，多隻肥美虎蝦、青口、帶子、魚塊、魷魚、鮮菇等等，鮮味豐富，酸酸辣辣好惹味💞香脆蝦餅 （3件）$683大件較一般蝦餅厚身大份，外層炸至黃金色，超級甘香酥脆，內𥚃蝦肉彈牙有嚼勁💞泰式炒金邊粉 $148金黃色的蛋網下，包裹著鳳尾蝦、蛋、豆腐乾及泰國金邊粉，味道略微過酸📍Nara Thai Cuisine (港威商場)💒尖沙咀廣東道3-27號海港城港威商場3樓3303號舖

適逢週末，相約了朋友到尖沙咀閒逛，順道到海港城一間海景泰國過江龍餐廳「Nara Thai Cuisine」品嚐一頓滋味豐盛泰國菜作是日午餐❗餐廳裝修精美，坐享維港美麗景色，座位寬敞舒適！我們一行二人品嚐了以下菜式：1️⃣香脆蝦餅 (3件) $68這道香脆蝦餅是一個絕佳的開胃小吃。蝦餅外層煎得金黃酥脆，一咬下去，可以感受到蝦肉的鮮嫩和豐富的口感。蝦餅的香氣迷人，帶有一絲微辣的辛香味道，增添了食欲。搭配著泰式甜辣醬一起享用，更是美味無比。這道菜絕對是一個不容錯過的美味小吃。2️⃣泰式雜菜炒金邊粉 $128金邊粉是一種寬而薄的米粉，炒得剛好入味，有著彈牙的口感。菜餚中的雜菜包括青椒、胡蘿蔔、洋蔥和豆芽等，它們的鮮嫩脆爽與金邊粉的軟綿相輔相成。3️⃣芒果軟殼蟹米紙卷 $138米紙包裹著新鮮的芒果、軟殼蟹肉和蔬菜，每一口都充滿了新鮮和豐富的口感。芒果的甜味和軟殼蟹肉的鮮美相互融合，增添了這道菜的風味。4️⃣蟹肉炒飯 $118蟹肉的鮮甜和炒飯的香氣相互交融，令人垂涎欲滴。炒飯中加入了蔬菜和蛋，豐富了整道菜的營養價值和口感。

位置方便次次經過都好吸引今次終於有機會試下😋😋😋座位方面有打卡cafe位同靠窗海景位供選擇🌊份量大大份味道唔錯 以海港城黎講性價比幾高 .🐔▪️黃薑雞肉沙嗲$98🥭▪️芒果軟殼蟹米紙卷$138🍜▪️泰式牛肉船麵$158🥥▪️椰香奶黃流心湯丸$78.船麵以豬骨、牛骨、雞腳、雜菜等熬製成濃郁湯底🥣伴上牛肉片、滷水牛腱、泰國手打牛肉丸、炸豬皮等材料好豐富🤩🤩🤩大大碗啱曬兩個人share食～.流心湯丸質感軟糯仲有鮮椰肉及香甜椰奶.˚⊹ ⁺‧( *´꒳`*)‧⁺ ⊹˚.味道好特別又鮮甜🫶🏻

泰國過江龍nara Thai cuisine 係香港銅鑼灣 尖沙嘴都有分店。尖沙嘴呢間仲有海景同打卡位添！一坐下來就有蝦片做前菜。又脆又大塊！香茅烤雞叫左要等30分鐘，即叫即烤，保證雞皮烤得酥脆。雞肉的口感非常滑嫩。相較於在泰國吃到的版本，這裡的醬汁不太辣，更適合港人的口味。 另外一道推薦的菜品是豬肉炒河粉。這道菜會有個檸檬、糖和辣椒，一起上，拌匀后味道豐富多樣。如果你喜歡甜點，他們的黑芝麻窩夫也是一個不錯的選擇。窩夫旁邊還配有Coco Paradise的芝麻脆脆果仁，增加了口感的層次。窩夫口感較結實，有濃郁的牛油味道，非常美味。再加上芝麻雪糕，真是美味可口。

好耐冇去Lady Nara, 今日約左舊同事去海港城食lunch，特登揀呢間有海景、地方夠大夠舒服嘅泰菜可以慢慢傾。平日lunch menu 包沙律、餐湯、主菜和飲品、價錢由$138 - $228不等、有泰式、西式、海南雞飯等。叫左馬莎文咖喱牛腱飯、沙律菜以木製容器盛上好可愛。忌廉湯有麵包粒。咖喱牛腱份量十足、較有咬口、灑上花生味道更香濃。泰式雞肉炒金邊粉有芽菜、韮菜、花生碎、青檸汁調味、口感味道豐富。現場都有不少少女風打卡位、好啱同朋友來影相chill chill

一直都on my list，想去試的過江龍泰菜，今次終於一嚐，星期六一個舒服的下午，過開來海港城打卡影相行街街，帶著小朋友一定要揀一間坐得舒服的！呢間絕對符合我們的需要！裝修好靚，坐喺窗邊位置可以望住個海，真係好舒服。行到入去見到餐廳真係幾大，每一part有不同嘅主題裝修，坐喺窗邊或特色藤椅位置，影相都一流！不過要坐喺窗邊位置就記得要預約喇！Top東北小食拼盤 $168食得辣嘅一定要挑戰一下！可以一次過試道幾款泰北小食。豬肉碎炒得惹味，配上兩款生菜包住食，刺激又清新。東北豬肉丸大大粒，咬入去充滿香料和辛辣的鹹香，非常刺激，味蕾爆炸，仲有泰式香腸油香十足！ 配埋杯凍啤酒就非常一流！菠蘿肉鬆海鮮炒飯 $158見到炒飯上面嗰隻香脆虎蝦炸到脆卜卜，仲要啖啖肉，已經流晒口水，加上時令嘅新鮮菠蘿，黃色嘅炒飯加上蝦仁、青口、雞肉、提子乾和菠蘿，上面鋪滿惹味肉鬆，飯粒分明又淡淡滲出香甜菠蘿香氣。泰式炒金邊粉 $148 non-spicy金黃色嘅蛋網，吸睛得來又引起食慾，有四隻爽脆中蝦，金邊粉吸晒酸酸甜甜嘅醬汁，加上蝦乾仔嘅鹹香非常惹味，再配上豆乾、爽口芽菜，又係另外一個層次嘅口感，仲可以按喜好加入花生

🇹🇭Nara Thai Cuisine 📍尖沙咀廣東道3-27號海港城港威商場3樓3303號舖🍤蝦片（小食） hkd 15好香好惹味～ 香脆可口 正！😆🥢泰式豬肉炒河粉 hkd 98濕炒河好食😋 滑溜口感爽口好似食緊腸粉咁有辣粉/糖/青檸 點糖咁食甜甜地又係另一個口感幾特別🤣🥥鮮椰子沙冰 hkd 38.5椰香味幾重 有啲東南亞嘅啫喱條五顏六色好吸睛👀🥤凍泰式奶茶 hkd 26.6嗌左少冰 泰奶味即刻更加重左✌🏻份量岩岩好 唔會溝淡左🦐泰式生蝦 hkd 138最愛生蝦hehe都幾新鮮 份量有大概6隻兩個人分都好足夠點埋酸辣醬幾開胃 不過有啲偏辣唔食得辣嘅朋友要注意啦😼🥣泰式椰子雞湯 hkd 108滿滿嘅椰香味 入面有雞同菇🍄雞都幾爽口 唔會鞋身個啲成煲都係甜酸椰香味 好開胃嘅湯～有明火伴碟 保持住個溫度 熱住咁食👏🏻#沙田#narathaicuisine#泰國菜#泰好食#香港泰國藥#生蝦#泰奶

同朋友食飯見nara都有好多好評，食完都真係幾抵食而且環境好靚!馬沙文牛肉咖哩+印度薄餅牛肉炆得好淋而且冇筋，食落咖哩香料味好重但又唔會辣。咖哩醬係杰身少少所以加埋印度薄餅一齊食岩岩好平衡到，唔會搶左牛肉本身既味道又有煙韌口感!泰式炒金邊粉朋友唔食得辣特別備註走辣，但都估唔到炒得咁好食。少左辣味可以更加食到蝦肉同埋豆腐乾既味道，加埋金邊粉酸甜既醬汁，食落層次十足又夠鑊氣!東北小食拼盤呢個拼盤都好抵食，唔係平常會見到既炸蝦餅個D好普通既小食。個人比較鍾意佢既肉丸同埋腸仔，辣辣地而且新鮮整起，就算放左一陣仲係好熱，加埋佢既醬汁都好開胃。泰式奶茶朱古力布朗尼奶茶味濃但又唔會搶左布朗尼既朱古力味，食落互相平衡到又唔漏!

Nara Nara 夜晚在尖沙咀海港城搵食，見有間幾出名既泰國菜nara thai cuisine，就試下啦，入到餐廳，先會見到lady nara，再行入啲，就係nara thai cuisine，設計風格各有特色，不過nara thai cuisine有海景位，都幾靚架。除咗景色靚之外，食物都有水準。$15既前菜係蝦片，兩個人share食，都算幾多，蝦片夠脆👍🏻前菜梗係唔少得米紙卷，芒果軟殼蟹米紙卷（$138），十分足料，大大件，最欣賞係個芒果，芒果好甜，另外有啲配菜，再加埋個酸酸味味既醬，真係好值得叫。至於軟殼蟹都有唔少肉，整體來講抵食❤️主菜係泰式金邊粉（$148），賣相好有心思，蛋包住啲粉，金邊粉好濕潤，炒得幾好，有5-6隻中蝦，仲有啲芽菜配埋一齊食，真係出街先食到，自己在屋企都煮唔到😂去到甜品，☺️椰奶芒果糯米飯（$98），芒果都係個句，好甜😀，比較特別係糯米飯特別有咬口，又唔會黏牙👌🏻去到最後唔係好夠飽，就叫多個印度薄餅（$40），好酥脆，睇落好少，但食落都幾大件。最後都食唔晒要打包😅，另外呢度環境闊落，適合一家大細，甚至8人以上的親戚聚會也非常適合，總的來說是高質餐廳。下次有

小妹loop 咗呢間好多次，真心係唔錯同埋係咁嘅位置下都比較係化算之選！如果幸運，仲會坐到海景位😌🌱大蝦柚子沙律：果然係大蝦，隻隻都有返咁上下，肉質爽彈新鮮，一d雪藏味都冇。柚子肉大大舊，酸甜又多汁。整體味道辣辣哋又甜甜酸酸，食落幾過癮同開胃🌱香脆蝦餅：可以揀3件或6件，小妹次次都會叫🙈因爲炸到外脆而咬落中間嘅蝦肉好彈口👍🏻🌱泰式炒金邊粉：外層以一塊薄薄嘅金黃色蛋皮包裹住，內面有鳳尾蝦，豆乾，芽菜。個粉炒得乾爽，味道有少少甜味，拌以花生碎一齊食，十足有口感🌱紅咖喱牛肋肉：個咖喱味道濃郁，唔算太辣，反而帶少少甜味。牛肋肉都有好多件，而且炆得好軟腍，又冇筋👍🏻🌱鮮菠蘿薑沙冰，鮮芒果沙冰：食完咁多濃味嘢當然要叫返杯新鮮嘅飲品解吓膩🤣👉🏻溫馨提示：用膳時間為90 分鐘，入座時會有一兜蝦片，呢個並唔係免費㗎，而係需要收取$15！

今日同閨蜜又去尖沙咀逛街下午茶時間當然又係去我地嘅飯堂Nara Thai 始終係海港城入面最高性價比嘅餐廳有環境有服務有美食仲有海景～下午茶時段不用等就可以直入窗邊位望住粼光閃閃嘅維多利亞港afternoon tea特別chill今日我地食Nara Thai 嘅泰式三層下午茶將泰式元素混入西餐造成精緻又美味嘅鹹甜美點頂層係下午茶最signature 嘅鬆餅分別有班蘭口味同原味班蘭味道偏輕巧唔會太濃鬆餅超鬆化拎上手都差點碎開～配厚忌廉食，正！中層有四款甜點泰式咖啡奶凍，咖啡味香濃，中和甜點甜膩感濃抹茶卷蛋，糕體濕潤同忌廉比例特好泰式芝士餅，芝士濃滑同紅莓白朱古力馬卡龍最低層係鹹點有泰式炸雞肉丸棒，入面有雞軟骨增加口感青咖哩雞酥盒，酥盒超酥化軟芝士青瓜反卷，呢個我超欣賞青瓜將芝士嘅油膩感大大降低入口先清新嘅青瓜爽甜再到綿密芝味蕃茄芝士三文治成個套餐已經好飽肚仲可以揀兩個特飲蝶荳花奶茶勁ig-able雪頂下係淡淡嘅藍色😍😍味道唔似泰茶咁甜好味士多啤梨梳打係漸變紅色嘅味道唔係假藥水味飲到鮮士多啤梨甜味解渴清新

係文化中心睇完演奏音樂會，到附近覓食。唔知係咪早黎，walk in 直接入座。一心想食泰國菜，但失望而回。多個菜式都不是泰國口味，只有入座放枱上的價值$15的蝦片算得上好食。咖哩一丁丁辣都無，又無香料味。無層次，無文味，最差。補充，蝦無蝦味我預左。Roti 太油又太淋。雖然叫左一份2件3人分，都只係勉強每人食少少，清大半就算，不合格。菠蘿炒飯賣相好靚，但係米太濕，燴飯質地。真係好難做到咁唔好食。軟殼蟹米紙卷同蝦餅只係一般般，隨便都食到嘅水準。埋單$680，貴又唔好食，感覺餐廳更適合打卡。

今日去咗一間海港城嘅泰式餐廳，輕輕鬆鬆食個晚飯！馬莎文咖哩牛腱呢個係我最鍾意嘅一款，牛腱燉得軟爛入味，咖哩汁香濃滑溜，有少少辣度同椰奶香，仲有馬鈴薯同洋蔥作配料，好適合配飯食。印度薄餅呢個係一款印度風味嘅小吃，專登叫黎配個咖哩！薄餅烘得香脆，有少少油光，點咖哩食一流！泰式炒金邊粉呢個係一款經典嘅泰式炒麵，金邊粉炒得乾爽彈牙，唔會太軟或太硬，有好多配料，醬汁甜鹹適中，仲有花生碎同青檸汁增加風味。東北小食拼盤：呢個係一款多款小食組合嘅拼盤，有兩款唔同嘅泰式腸、生菜包、肉丸等等，每款都做得香口彈牙，有唔同嘅香料同調味，好開胃。泰式奶茶朱古力布朗尼最後梗係要食甜品！呢個係一款創意嘅甜品，將泰式奶茶同朱古力布朗尼結合起來，布朗尼濕潤綿密，朱古力味道濃郁，泰式奶茶則作為醬汁淋在上面，增加清爽感同層次感。整體黎講，呢間餐廳嘅食物質素唔錯，份量足夠，價錢合理。環境舒適乾淨，地點方便易找。我覺得值得推介比想食泰式菜嘅人。