My Burger (東廣場)

营业中

休息中

食過四五次，每次都唔會失望。食過咁多款，最愛都係經典牛肉burger。好鐘意佢夾既酸瓜，真係為佢而嗌原味牛burger，酸瓜既酸度適中，好爽口，夾埋牛肉到好解膩。原味牛burger個汁又係酸酸甜甜，突顯到漢堡肉既味道。配餐除左一般薯條，仲有得揀蕃薯條，蕃薯條外脆內軟。隻隻味都唔伏，又多選擇，跟餐唔試炸物，仲可以揀沙律、雞翼。呢間係去觀廣都會考慮既餐廳，唯一唔好係靠牆既位置坐得唔係幾舒服，同埋試過叫網上外賣平台個類外賣，店家用盒同錫紙pack到份蕃薯條好實，焗到淋曬。burger都係堂食吧，好食。

🍔勁好味！🍟好好味！​麵包鬆軟，食落好juicy，超足料​成個包好有份量🤩​價錢唔貴，有質數，抵食​特別推介：炸軟殼蟹漢堡🍔​原隻🦀仲要超大隻！之前食過個d都無咁大隻呀！​​

好耐之前已經黎過食一次軟殼蟹，食過番尋味。今次再黎食牛牛～ 決定要食大隻佬同磨菇洋蔥牛！大隻佬又名Aussie Burger $68，係小店推介，果然用心製作。包好軟熟，相信加左好多分！除咗牛、芝士、沙律菜呢啲基本野，呢度加左精髓流心蛋、紅菜頭，煙肉。配埋蕃茄洋蔥，成個漢堡都好juicy，層次好豐富！已經分唔到係滿足啊？定係卡路里啊？蘑菇洋蔥牛肉漢堡$57，賣相普通，但性價比高。牛肉鮮味非常突出，塊牛唔係高質，但唔係hea，味道又唔錯喎。套餐加$20就有粗薯條/水牛城雞翼，連气水/熱飲。薯條都依舊又熱又脆，見到薯皮。水牛城雞翼有啲紅，得一隻係咁。

Menu上個個包都好吸引！選擇困難既我最後揀個最多料既包！大隻雞 $65好足料，有雞肉，煙肉，流心蛋，芝士，蕃茄，沙律菜，洋蔥及紅菜頭。個包軟硬適中，勁多料但唔會散開，有紅菜頭幾特別，口感同味道都豐富左，最後要讚個包好Juicy好多汁，不過紙袋包得好，唔會滴到週圍係。加$20配個沙律同罐裝汽水本身已經好圓滿，不過朋友另外加個鬼馬薯條 $28，連皮粗薯條同炸午餐肉條好吸引，但食落覺得個炸午餐肉條一般，口感乾硬而非香脆。不過整體感覺都算性價比高！

今日難得同另一半可以一齊食飯， 佢提議去apm行一個圈，之後去東廣場食嘢。我地 一路行街都未諗到食乜，去到東廣場見到呢間漢堡包店，看看門口餐牌啲已經好吸引，於是我地決定喺呢度食，入去坐低後，我見到餐牌有好多唔同款式嘅漢堡 ，有蝦，有魚，有豬，有牛，又有雞。我 地最後揀咗一個叫「大隻雞」嘅漢堡，同埋牛肉漢堡 ，亦加20元變餐，有薯條同飲品。畀完錢之後坐低等一陣，我就見到 大大個包同熱辣辣嘅薯條 送上嚟地枱上面，職員 態度友善 ，會主動問你需要，真的 非常好 。一邊食，一邊感受到肉質鮮甜，其他餡料也很新鮮，醬汁美味。用餐之後，我地見到出面好多人等位同埋等外賣呢!呢間啲包真係又大又好味又新鮮 ，下次都一定會嚟再食！

之前兩個人去食,因應疫情關係座位之間有膠板隔開👍🏻兩個女仔一人食一個burger lunch set, (+$20 鑽set 有沙律或者薯條加嘢飲),食呢啲好難唔買嘢飲,不過價錢唔算貴.我哋兩個都叫咗大隻佬漢堡,超級juicy,食嗰陣要小心包好攞實個burger先好大啖咬，如果會好似我朋友咁彈晒出嚟，小小狼狽咁😂入邊有流心蛋係好正嘅，但係真係要小心啲汁整到自己件衫😂薯條沙律同嘢飲就正正常常，都係burger比較出色.

#灰到觀塘🔻牙買加辣雞漢堡 $49 加薯條飲品 (+$20)雞肉有兩塊，份量頗多，醃得挺入味，而且煎得很香脆😋漢堡包外脆內軟，內裏塗上牛油，不過因為辣味太強蓋過牛油香🤣第一次點薯條，外層偏硬，好像不是新鮮炸的🤔-👅食後感：這裏漢堡的質素都相當不錯，而且價錢相宜，不過下次我應該不會再點薯條🤣-👀個人喜愛度：7.5/10-🚩My Burger觀塘成業街7號東廣場地下G12-13號舖-#美食#香港美食#hkfood#food#hk#hkfoodie#foodie

其實我係跟餐加$20連飲品同沙律。不過就算加埋$20都算唔錯。本身一個經典牛肉漢堡都係$49，牛肉大塊嘅。野飲我鐘意佢唔止soft drink，有茶、柚子蜜等，跟埋沙律減少我好多罪惡感。

呢間成日都好多人排隊，又無位，今次好彩。無咩錢，食平啲啲，所以無叫到軟殼蟹漢堡。一人行：1. 烤雞漢堡1. 呢間算係食過咁多間包入面都數一數二，個包唔會好硬又唔會無淋，岩岩好。雞排好多汁，跟返生菜蕃茄好fresh，好有美國既感覺。不過個薯條就真係唔OK，千奇唔好加錢要呀！！！

接近下午茶前在觀塘附近結束工作，直接來東廣場吃飯，因為有很多選擇。上次在裡面選了間素食餐廳，今次嘗鮮試試午餐吃漢堡包。雖然來了個美式風格的漢堡包餐廳，但選了個頗有特色的漢堡包餐，咕嚕豬堡，另外加錢配個南瓜湯：（南瓜湯）有少少酸，夠蓉無渣，但以跟餐價來講太貴了 ($20)（咕嚕豬堡）－內有：蕃茄、一大片菠蘿、咕嚕汁＋炸豬排、大份沙律菜墊底。 ($48)菠蘿好鮮甜咕嚕汁酸酸甜甜夠醒胃炸豬排好脆口，肉算厚，好滿足沙律菜很多，不苦蕃茄可能被咕嚕汁搶味，不是太感受到份量來講不錯

食Lunch真係一件好頭痛既事，好彩觀塘區多左好多新既元素餐廳，唔使日日都剩得粥粉麵飯選擇。今日去呢間”My burger”價錢絕對係超值，今日同同事去，每人叫一款，我叫左個經典牛肉漢堡餐($49)，加薯條和飲品(+$20)；同事就叫左炸軟殼蟹漢堡餐($78)，又係加薯條和飲品($20)。D薯條係用粗薯仔打出黎，絕對好食過幼既合成薯條多多聲最仲要係即叫即炸新鮮至極。至於我個同事個炸軟殼蟹漢堡就勁囉打開比大家睇下，真係成隻蟹比個包夾住架，無呃人架。我個經典牛肉漢堡個包皮烘到有少少脆脆地，入面塊牛肉真係好juicy，咁既價錢有咁好既質素，性價比都相當高。後記: 環境其實都幾舒適，但張櫈我個人感覺就高左少少，坐得唔太穩陣，其他都唔錯呀

為左響影減少外出用膳，今日同同事嚟呢間外賣自取漢堡包。我地每人都叫左個有牛肉漢堡嘅burger, 總共叫了6個我地一路食，有4個同事都食到有碎骨（包括我）呢件事係不可接受的，好似食蒸蛋有蛋殼、食啫喱有魚膠粉未搞溶、飲涼茶有渣一樣...希望餐廳到此comment可改善下忡有一樣就係個包勁多汁（係好食嘅）不過外賣打開時要小心啲，我地全部同事都中伏

我超鐘意食burger這間 burger 小店真的要介紹一下款式有好多選擇，我今次食咗 經典牛肉味 、同煙肉漢堡又好味又抵食， 如果之前要食咁嘅質素起碼要一百至百五蚊價錢一個 漢堡， 兩個人 百鬆啲蚊 落樓 有咁嘅質素， 仲即叫即煮非常新鮮 食落去不停有啲牛肉汁漏出嚟非常juicy， 仲可以加20蚊跟餐有嘢飲 特飲呢如果跟餐就有半價， 我叫咗杯士多啤梨奶昔 有少許果肉不會有藥水味，唔錯係我想要的味道， $38蚊半價， 會繼續去试其他唔同款式！ 要支持多啲小店

中午食飯一來一回都十五分鐘路程，所以時間緊迫也要試下最出名burger。不用等位已經可以坐下，環境較窄，但仍有很多吃。不過等廿分鐘也未有得吃，而隔離枱奇怪地遲我們約15分到也可先吃薯條、雞翼及包，所以次序安排是很有問題。而且他們也是先安排即場外賣，所以處理上有很大問題。我也催過他們快少少，但竟然叫我唔好嘈！😡我點了牙買加辣雞漢堡餐，果真不錯，辣辣地好惹味，雞排煎很香很juicy，買相也相當不錯。怪不得咁多人幫襯，但食得很趕，未能有足夠時間好好享受。薯條剛炸很熱，很好味，但趕時間，只好用紙包住帶走。希望下次不用上班有足夠時間再食！

本身諗住去食烤肉點知摸門釘人地冇開門！行下行下見到有間Burger餐牌個樣同價錢都唔錯，就入去試下！Burger都有好多選擇除左牛肉，仲有雞，軟殼蟹，魚嘅Burger仲有小食，Pasta 之類不過我地都系揀左兩個牛嘅Burger我揀左蘑菇牛肉，啲蘑菇炒得好香！朋友系食肉獸，揀左個有蛋，煙肉同牛肉仲有走晒所有疏菜😂個包好食，肉都好香！跟餐雞翼比較細隻，唔推薦薯條新鮮炸起嘅感覺，又厚又脆朋友叫左杯香草奶昔，佢話好似食雪糕咁我自己揀咗杯柑橘梳打不過個味有啲似鹹檸七走七，都係好飲嘅埋單都係$200，好抵食