MX (秀茂坪商場) (已結業)

在附近探完朋友之後，自己一個在美心食左個咖喱牛腩飯. 其實好耐都冇咩去過美心，因為分舖都唔多。呢間美心的裝潢都幾warm , 係度食飯都幾舒服呀。佢好多嘢都係自助的，水呀，調味料呀⋯⋯都幾方便，也是現在的大趨勢. 呢個咖喱牛腩飯個賣相都算唔錯，佢成個煲拎上黎，都幾熱騰騰的感覺，好少會見到咁上。 加埋少少的紅辣椒青辣椒做伴碟，大大增加食慾呀。咖哩汁的顏色都好好.因為我真係好怕果啲螢光咖哩汁。而咖哩味好香，落重香料。而香料當中，佢既黃薑味特別重。不過我始終嫌佢果汁鹹咗少少, 同埋唔係幾夠辣. 我本身食嘢都唔食得太辣，但呢個咖喱我唔太感受到辣味。牛腩係幾有咬口，但又唔會韌，又冇起渣. 佢有四五條左右，切得唔太大舊，入口容易。呢牛腩係幾入味嘅，牛肉味好濃.不得不提的就是咖喱牛腩不可缺少嘅薯仔.佢雖然得一舊，但係都幾大舊.質感粉粉的，食到中間有甜味慢慢滲出黎。美中不足的就係完全沒有拌碟菜，可以係菠蘿，可以係西蘭花⋯因為清清地嘅伴碟菜係可以中和咖哩的濃味，refresh 一下條脷，食落會更正.

叉燒飯控嘅我永遠去到邊度如果要講求快靚正叉燒飯就係必要之選。所以今次我都揀咗去食叉燒飯，一個普通既叉燒飯要好食都唔容易架。好憎啲叉燒全部都係肥肉或者係半肥瘦但係集團式嘅叉燒都有返咁上下水準都唔容易，仲有啲飯嘅質素都唔錯，叉光唔會太咸用來做午餐真係快靚正仲送埋嘢飲。毒毒一個食都唔會尷尬叉燒飯控上。

官塘工業區是我較少出沒的地方，亦沒有心水食肆。故通常行到邊食到邊。但身邊人卻記得附近二樓處我們曾經在這𥚃用過餐應該屬於快、靚、正的餐廳 點了兩份餐，一芝士茄汁焗豬扒飯，出奇地好味，因為剛剛出爐，夠熱度應記一功！還有豬扒好淋，味道調和，飯㡳炒得不錯！ 鐵板西冷跟牛油栗米鐵板牛仔扒配蒜蓉汁一上檯渣渣聲！夠熱辣！比起幾百蚊一碟嘅牛扒，呢份更有人情味。香味向面上攻擊，個陣蒜香味令人更想快d食。牛扒當然係港式好淋身嘅牛扒，但牛味仲係度再加上有用黑椒醃過減去雪味。薯條好香脆粟米朋友一個人食得好滋味還有當然是湯和餐飲，及奉送充足冷氣哈哈！一百一十元竟然吃到一頓滿意的晚餐

小弟一向鍾意美心mx既公司三文治套餐，大件夾抵食，雖然由舊年$28.5加到今日$31，我覺得都食得過。平時喺旺角美心食開，今日就第一次去秀茂坪美心，裝修係靚，整齊衛生。但叫左個公司三文治真係嚇親，減肥餐黎架？份糧少過之前旺角美心咁多既，d餡少左1/3。最重要係平時食開既粗薯變左幾塊曾俊華牌薯片？！？！有冇搞錯！個盤係幾靚，食物擺得好優雅，但我黎呢d平民快餐店係希望食得飽，而唔係食裝修、食氣氛囉，扮到咁高級做咩呢？不過公道講一句，味道依舊，只係細份咗，有興趣減肥又想食公司三文治既朋友，小弟仍然作推介。

依間新開嘅美心MX嘅店面以Green為設計主題，感覺頗不錯。平時小妹都好鐘意食鐵板燒，偶爾竟然喺美心見到鐵板套餐只係30蚊左右，於是我就買左個黎試下。我點左鐵板豉椒雞球炒麵配紅豆冰。 平時喺街外食炒飯炒麵都會偏油，依個鐵板豉椒雞球炒麵嘅炒麵意外地不油膩，配料除左雞球，仲有青椒同埋紅椒；唯一美中不足嘅係……鐵板嘅熱力蒸乾左少量喺底嘅麵，我喺度唸如果唔係用鐵板裝會好D不過又係因為用左鐵板先會吸引到我依D貪得意嘅消費者買。我唸如果用雞肉放喺底可能會好D。

香港的此區域，我是甚少到此一遊的，今曰，剛好要到此區域做事的。據朋友說，此間的＂美心快餐＂店岀爐的＂叉燒飯＂几Ok的👍，也就順路之余，也是好想到那一樂的我，來了褒＂叉燒褒仔飯＂，果然不岀所料的，此叉燒，肉貭較香，味道濃郁的，肉貭也有是多汁的，我想，要是叉燒肉能再松軟些的，或，再可帶上点肥猪肉的，那吃上更為更可口及有点儿油滋滋的，那口感應更為美妙的呀！👏👏👏米飯同是香香噴噴的👍👍👍做得真的是恰到好處的！👍😀