MOS Cafe

营业中

休息中

呢個和牛漢堡可以選擇加幾蚊增量50%牛肉個人認為抵加因為個口感真係多肉好多不過之前食過增量 今次就試吓冇增量！個包面烘脆 和牛香濃好味我覺得好好味見到新嘅野飲 揀咗個桃味梳打試吓佢🍑啲糖漿聚晒喺底好難攪勻 個面啲冰超多塞實哂支飲管基本上唔係好郁到 飲極都得啲糖漿飲到底得啲梳打水😂😂不過味道係好飲嘅薯條就好似圖中咁樣 望落青青黑黑好似瘀左咁食落啲薯仔味都唔係幾新鮮不過勝在夠熱 偏林微脆 其實係門口未入嚟之前已經睇到有個男人走去櫃檯投訴話啲薯條點解會咁林 之後要換過俾佢😹比起初開張啲嘢好似冇咁好食同埋最恐怖嘅事入面蟲患都幾勁一路食一路周圍好多野飛來飛去甚至有隻史前怪物級嘅烏蠅喺度飛係超級大隻超恐怖 隔離枱果兩個男人都瞪大隻眼好驚😂😂 一路食一路超驚佢飛埋黎

今日lunch time的時間搵唔到腳一齊食飯，一個人就唯有吃吃快餐啦！！當然選擇食快餐不代表沒有要求呢！Mos burger 是我其中一個喜歡的選擇呢！😀😀蕃茄漢堡配薯條🍟及coke zero~去mos burger 最期待的就是它們的粗薯條！每次吃也能保持質素，熱辣辣的！不會炸得太耐變成燶的！加上灑上小小的鹽花，很是邪惡的選擇！除左薯條外，它們的漢堡也是即叫即製，雖然要等一會兒，但卻是有保證的！厚厚的蕃茄中和油脂感！牛肉煎得很juicy，充滿牛香！雖然它不是最平的選擇，但有時都要對自己好一點呢！🤣

因為好趕時間 又想快快手食埋個午餐咁就去左呢到食 呢到個漢堡都會以健康為主 叫左個芝士孖寶 好多芝士呀 我好鐘意食芝士架 真係好正 之後薯仔係大條同埋夠熱辣新辣架 好鮮 好少食到岩岩烤炸起既薯條

黃大仙分店環境都好舒服最近 MOS Burger 出咗兩款新包啊!分別係"辛味蟹醬吉列蝦漢堡"跟"辛味蟹醬吉列蝦珍珠堡" 漢堡麵包鬆軟而珍珠堡口感帶點煙韌，中間塊吉列蝦真係好Q彈，入面仲有大大粒蝦肉，配埋個甜中帶微微辣嘅蟹醬，同塊吉列蝦好夾仲好鮮味!!我一直都好鍾意Mos嘅薯條，厚身得嚟外微脆內軟另外杯抹茶鮮奶特飲好香濃奶滑!果日我試哂2款新包都好正，好難選擇啊!!新包係期間限定喔，賣哂就無，要試就快啲去喇!!!

一向都知道, mos burger既質素好過麥當勞個啲好多，無論係食物，服務同環境都係。但係我食過幾間mos burger嘅分店當中，黃大仙呢間嘅感覺永遠都係最舒服嘅人少啲，唔使同人搭枱，環境好安靜舒服呢度嘅服務好好，greetings同笑容都有架咁多款包當中，最愛摩斯芝士，十次有八次都叫呢個，番茄十分新鮮，個汁係成個包既精髓十分開胃惹味，如果有叫薯條會點呢個汁食架！偶爾都會黎呢度，度過一段悠閒既下午茶時光～

其實一直都好鐘意食Mos burger既海鮮珍珠堡，今次見到有燒三文魚，又引唔住去試下！其實真係圖片與事實不符架佢張相真係呃左我舊三文魚唔算大塊，不過又唔係好細啦，係幾香既，仲有陣三文魚味，只係覺得又唔算十分特別咁囉食到最後得番d飯下次都係食番海鮮珍珠堡！

好開心屋企附近開咗Mos burger)))))水準果然係高一點，個包包係熱的而且幾鬆軟，漢堡扒幾香牛肉味，而且煎得幾好，剛剛鎖住了扒的肉汁又不會太老，菜同蕃茄都好新鮮，醬汁甜甜地幾濃郁但係我覺得可以落多啲。夾住漢堡包張紙下面係封口的令到啲汁唔使必晒出嚟，好細心的設計！

住在附近的人都知道黃大仙中心真係無乜野食🙄乜野都無，連鎖快餐店就最多繼Burger King結業之後，終於有間比較像樣的快餐店—MOS Burger🙈如果要係Mc Donald，Burger King，KFC等漢堡包連鎖快餐店揀一間，我會揀MOS Burger😆因為話晒都來自日本，品質絕對有保證極品特選和牛漢堡（$31）標榜採用澳洲和牛造的手打牛肉餅，鮮甜肉汁飽滿，加上煎蛋、生菜、蕃茄等配料，最重要是秘製醬汁，酸酸甜甜的非常開胃，不錯！其實和牛漢堡以這個價錢來說算是相當抵食！😏轉Combo A（加$18）配細厚切薯條🍟薯條剛剛新鮮炸好，熱辣辣厚切的口感比一般Mc Donald薯條更有口感～額外加$3轉配野菜生活的提子汁，提子味濃郁，是個不錯的選擇，比汽水健康吧🙈😂

黃大仙中心進行大執位, 一間漢堡店結業後, 就換上MOS BURGER新裝修固然乾淨, 但裝修既格局同員工既服裝同行為都俾到人一種舒服既感覺, 好難得食快餐可以咁舒適我點左個蝦堡同凍檸茶, 女朋友就MOS CHEESE 同抺茶點單後可以拎個牌仔搵位坐低等佢送黎抺茶我無飲, 廢事溝埋檸茶, 但女朋友話幾好飲就是不錯的一杯凍檸茶, 食快餐解油膩最好漢堡用半開放式既包裝紙包上, 排得好整齊, 醬汁亦無亂飛, 蝦餅入面好多原隻蝦, 十分足料,  好食!茄汁仲可以用一個器皿裝住, 基於環保理由, 下次我都係唔用了