Monster Kitchen

营业中

休息中

去完台灣同泰國，食咗一段時間台灣菜+泰菜就想食吓西餐，喺公司附近地一間樓上餐廳，都聽同事講咗一排，於是就同另一半嚟試吓。由於無訂位嘅原因，室內位置滿咗需要坐露天位置，好彩唔太熱之餘，露台位置仲佈置到好浪漫嘅環境。兩個人選擇咗嘅食物包括：慢煮八爪魚牛油果藜麥沙律金不換芒果香辣脆炸雞翼澳洲M5和牛板腱牛油慢煮大蒜青花椒阿根廷青醬配香草忌廉煮野菌再加咗杯開心果奶蓋烏龍茶慢煮八爪魚牛油果藜麥沙律嘅八爪魚入口嫩肉柔軟金不換芒果香辣脆炸雞翼入口不單止香脆，芒果配上金不換嘅味道令到食慾大增！香草忌廉煮野菌雖然係牛板腱嘅配菜，但份量十足，而且香草味突出，食到食唔到口。澳洲M5和牛板腱牛油慢煮大蒜青花椒阿根廷青醬三成熟，牛肉嫩滑牛味濃。開心果奶蓋烏龍茶係我飲過眾多開心果類飲品最濃開心果味，但又唔會搶咗烏龍茶嘅香味，必點！最驚喜嘅係有個靚靚職員（可能係老闆之一）嘅服務細心，而且仲好好笑容，喺香港好耐都無遇過咁好嘅服務。

晚餐想吃西餐，search到呢間好似唔錯！食完豐富嘅一餐後，感覺兩位服務員又靚又good service，食物份量好足又好味，飽到我同阿女抱著肚子走。阿女食紅酒燴牛麵肉意大利寬粉，佢清光咗成隻碟，應該就好好味喇！我就食龍蝦湯明太子蟹肉意粉配軟殼蟹，意粉個汁好creamy，軟殼蟹亦炸得香脆可口，唔錯唔錯！我哋仲叫咗和風紫菜明太子醬脆薯條同埋兩杯特飲，全部都色香味俱全！實在係好滿足嘅一餐！走嘅時候發現原來佢哋有露天茶座，環境不錯，有機會再來過先得！

終於有時間撐枱腳， 當然要搵間靚cafe食這間環境舒服，戶外空間十足，仲有靚靚燈飾佈置來都來了當然要試試今日特選菜式蒜香香辣檸檬汁蟹肉意粉$128賣相一流，滿口新鮮蟹肉，蒜香檸檬汁好清新，帶少少微辣，濃濃地掛在意粉上。蕃茄醬三尺蝦水牛芝士孖辮粉 $118原來孖辮粉可以吸收到更加多的醬汁！酸酸甜甜蕃茄醬，配上香煎大蝦及淡淡芝士法國開心果提拉米蘇$68店員特別提到為法國進口的開心果，難怪果味十足。層層芝士香，配上開心果碎。多重口感，多種享受。開心果奶蓋白桃烏龍$42 烏龍味清香， 可以中和油膩口感非常滿意的體驗！下次可以試下到會添

慢煮法式油封鴨惹菌燉飯($128.00) 鴨肉經過長時間的慢煮，肉質鮮嫩，油脂融入米飯中，帶來濃郁的香氣和口感。燉飯的米粒鬆軟，吸收了鴨油和菌類的風味，讓每一口都充滿驚喜。牛油煙肉小椰菜（Side Dish） ($58)煙肉的鹹香與椰菜的清新完美結合，增添了整體餐點的層次感，讓人食指大動。香煎海鱸魚蝦頭汁會煮蔬菜羅勒油蘆筍($158)海鱸魚煎得外脆內嫩，蝦頭汁的濃郁風味為魚肉增添了更多層次。搭配的蔬菜新鮮可口，讓整道菜更具口感。

今日天氣唔錯，就同朋友去荔枝角嗰邊放狗狗，經朋友介紹呢#Monster Kitchen ，位置除左遠離繁囂。而店內環境裝潢簡約，亦有室外位置。而today special不時會更新，當中更有期間限定菜式架。值得來試下!!蜜糖芥末醬配薯角呢個炸薯角都唔錯，炸到脆脆卜上碟，食落唔油，口感外脆內軟。至於個蜜糖芥末醬略嫌唔夠多。香草忌廉煮野菌好香忌廉味，切碎粒粒野菌，除左口感好creamy外，野菌嘅份量都唔少，岩曬小朋友食。香煎海鱸魚蝦頭汁會煮蔬菜。羅勒油整得好靚呀呢個😍，煎得岩岩好，海鱸魚皮煎得香脆，魚肉滑身啖啖肉又冇骨 ，蘆筍同蕃茄作墊，食得出廚師用心烹調既成果。自製意式煙腩肉卡邦尼意粉卡邦尼醬汁濃郁幼滑，內有唔少帕巴馬臣火腿，白汁適中唔會太膩，意粉軟硬度適中，彈牙得黎唔會太淋。

六點幾去到冇乜人 同我哋講因為星期六 用餐時間90分鐘 未齊人都開始計時 講兩講先話齊人先開始計 有人等先要交枱 食物一般般 選擇唔多 份量少得可憐 真係專為少女們保持身形而設 牛板鍵同豬肋骨唔講以為係小食 仲要唔好食 豬肋骨個汁咸到一個點最ok係牛油果蟹肉明太子意粉 個汁幾好 其他嘢普通 環境服務衛生ok 啲位唔迫 唯一可以讚就係擺盤賣相幾靚 嚟打卡可以 整體冇咩特別 路過可以一試 我就冇下次最後想講又唔係咩人氣店 工廈都限用餐時間 真係祝君好運

開心果奶蓋非常驚喜，奶味香濃，非常幼滑，而且維持了1小時也沒有崩塌。香橙茉莉冰美式比例恰到好處，既有橙香亦能有咖啡味道。慢煮羊架，肉質嫩滑，脂肪比例非常好，約為三成脂肪七成肉，配上薄荷醬，可為點精之筆。慢煮白味噌豬鞍，可能是慢煮的關係，即使已全熟，肉質仍然能保持軟腍。手打牛肉漢堡，因有孕婦關係，牛肉必須全熟，但即使如此，肉質仍然能保持，沒有出現柴皮狀況。連個side dish菇子都好好味！蝦多士香脆，尤為喜歡芥末醬😋

之前晏晝放工揀選咗呢一間位於荔枝角工廠大廈入面嘅隱世西餐廳。即使有Google Maps嘅加持吓尋找呢個工廠大廈都用咗一定時間，而且呢個工廠大廈非常破舊，令到我以為係咪去錯地方。雖然個工廠大廈非常殘舊，但係呢間餐廳環境唔錯，光線充足坐得舒服，更加有戶外嘅位，形成咗一個好大嘅反比。我哋兩個人叫咗三樣嘢，包括烤蜜桃•風乾火腿•芝士沙律、自家製鹹鱈魚醬多士•醋醃洋蔥•三文魚籽以及海鱸魚。我比較推薦個鱈魚醬多士，味道好特別同清新，又唔會太飽肚，至於個海鱸魚同埋個沙律就係合乎水平同要求。我最後叫咗杯 matcha latte，味道都算唔錯。綜合環境、味道同埋性價比，呢間餐廳值得推薦。(利申我冇接受任何優惠)

工廈藏美食！係工廈發掘一間超有驚喜嘅樓上Café，主打創意西日fusion菜，食個靚lunch🔥 🌟 lunch必食系列🥩 「烤焗澳洲頂級封門柳•黑松露芫荽青醬」配脆炸蕃薯條封門柳烤得剛剛好，配上超濃郁黑松露芫荽青醬，味道層次爆燈～ 🍠外脆內軟，甜而不膩，仲帶微微蜜糖香，絕對係邪惡但停唔到口嘅小食！ 🥗 「是日餐湯·田園小沙律」每日新鮮熬製嘅餐湯，配上清爽沙律，平衡返主菜嘅濃郁感，perfect match！ 🍮 「黑芝麻鮮奶豆花配海鹽芝士蓋」超驚喜甜品！豆花滑溜，黑芝麻香濃，再配上鹹香海鹽芝士奶蓋，甜鹹交織超上癮～

荔枝角有吾少工廈，今次就同朋友搵到一間西餐廳，面積睇落吾大，但木系裝潢比人感覺十分舒適🪵菜式亦有別於一般西餐廳😮感覺新穎～✿ 黃金鹹蛋黃蝦多士 • 蒜香沙律醬西餐廳都食到蝦多士🤭蝦多士蝦膠打得結實🦐鹹蛋黃味道頗濃郁，沾滿每一件蝦多士💛配以蒜香沙律醬更滋味🤍✿ 牛油果蟹肉明太子意粉牛油果好多人都中意🥑清新又健康💪🏼蟹肉味道鮮美🦀明太子鹹香十足，廚師仲落咗吾少木魚，變咗日式風味亦頗有創意。數款材料混合意粉做到掛汁🍝✿ 澳洲M5和牛板腱 • 牛油配慢煮大蒜 • 青花椒阿根廷青醬M5和牛板腱肉質軟稔得黎恰到好處，肉味香濃🐮慢煮大蒜🧄令牛肉錦上添花👍🏼青花椒阿根廷青醬成個醬汁都設計得好有心思💚✿ 開心果奶蓋烏龍開心果控不能錯過🤤滿滿開心果味，加埋開心果粒相當令人滿意！奶蓋烏龍茶底香醇。

走進這家餐廳，迎面而來的是濃郁的香氣與溫暖的燈光，營造出舒適而精緻的氛圍。首先， 草莓雞尾酒清新酸甜，草莓的果香濃郁，帶來活潑而爽口的感受。而 自家製檸檬水則展現了極致的純粹，清新的檸檬香氣搭配適度的甜酸平衡，冰涼的口感令人瞬間舒爽，特別適合搭配較為濃厚的主菜。 主菜方面， 金不換芒果香辣脆炸雞翼，炸至金黃酥脆的雞翼包裹著微辣醬汁，金不換（羅勒）的香氣與芒果的果甜相融合，帶來熱帶風味的碰撞。外皮酥脆，肉質多汁，每一口都帶有濃郁層次，刺激味蕾的感官享受。 而 紅酒燴牛面肉義大利寬粉則展現了經典法式料理的精髓。牛面肉燉煮得軟嫩入味，紅酒醬汁的濃厚香氣襯托出肉質的豐富油脂，與寬粉的滑順口感完美結合。每一口都散發出紅酒與肉汁交融的醇厚風味，讓人回味無窮。 最後， 香煎加拿大豬肉眼蓋佐牛油味噌燒肉醬與蔬菜幼滑薯蓉，豬肉眼蓋肉質鮮嫩，表層煎至微焦，帶出迷人的焦香，而牛油味噌燒肉醬則為整體增添了濃郁的風味，鹹甜交錯，與細膩的薯蓉形成完美對比。擺盤精緻，搭配色彩鮮明的蔬菜，視覺上充滿層次感，讓人不禁食指大動。

📍 Monster Kitchen荔枝角青山道嘉名工廠大廈H座7樓———🍚 牛肉野菌燉飯｜4/5燉飯唔會太硬米芯保持al dente口感佢有種香蒜呀洋蔥味 都幾正因為當日無曬油封鴨腿 所以就比左牛肉我地不過牛肉都幾好 有陣燒既香味 唔會太油膩🍟 牛肝菌風味脆薯條）4.5/5個薯條份量好多 松露醬唔係分開點 係一齊吱埋上碟 但係個薯條都仲係好脆減緊肥都忍唔住食完一條又一條🐔 慢煮雞胸沙律配乳酪碗 3.5/5雞胸唔算好鞋但唔係特別出色Yoghurt Bowl 既乳酪唔會太酸 但感覺唔算特別健康因為佢應該唔少糖唔食carbs 同肉既人可以考慮 ———⚠️ 工廈電梯要搭H座，第一次去可能要找路～不過員工超好 唔識路打去問佢地都勁耐心

呢間餐廳喺工廈入面，有室內同室外位置，環境舒服！價錢嚟講算係合理，性價比高，適合同朋友放鬆聚餐✅芝士牛肝菌風味黑松露脆薯條一上桌就聞到芝士同黑松露嘅香味，勁岩嗅覺控！薯條炸得金黃酥脆，外面脆卜卜，入面鬆化，咬落去好滿足，完全停唔到口！黑松露嘅香氣唔會太over，啱啱好補充咗芝士嘅濃郁感😆✅安格斯牛粒泡菜水牛芝士意大利飯** 牛粒煎得啱啱好，外層微焦香，入面軟嫩juicy，每粒飯都吸晒醬汁，仲透住陣陣牛肉香🥹泡菜加咗少少酸辣味，幫手解膩，又幾特別；水牛芝士就係嗰種一拌落去即刻滑溜溜嘅感覺，好邪惡😜整體味道層次感超豐富，食落真係有啲停唔到口嘅感覺✅香煎加拿大豬肉眼蓋牛油味噌燒肉醬蔬菜幼滑薯蓉主菜賣相已經勁吸引，豬肉眼蓋煎到金黃色，肉香四溢！切開入面係靚靚粉紅色，肉質非常嫩滑，每一啖都有濃厚嘅肉汁滲出嚟，真係超級滿足。牛油味噌燒肉醬鹹香適中，仲帶少少堅果香，好match豬肉嘅味道；薯蓉滑到似絲綢咁，入口即化，奶香勁濃！旁邊嘅蔬菜夠爽口，保留住天然甜味，食完會感覺平衡得嚟又超飽肚！

荔枝角多國菜上周末，我和朋友們在荔枝角的一家多國菜餐廳享受了一頓美好的晚餐。 這家餐廳的環境非常舒適，燈光柔和，讓人感到放鬆。 🫠我點了牛油果蟹肉明太子意粉，奶油醇厚，搭配新鮮的蟹肉，讓人欲罷不能！ 😋💕接著，我品嚐了澳洲和牛西冷扒，煎得恰到好處，配上香脆的薯條，每一口都是享受。 ♥️最後，我們分享了鹹蛋黃蝦多士，外脆內嫩，鹹蛋的濃郁味道讓人意猶未盡。 這頓晚餐真是一次難忘的美食體驗！ 🌟♥️💕🍖🍝😋

荔枝角工廈 Monster Kitchen ✨ 餐廳設有戶外用餐區，環境舒適，適合打卡！Cold Chocoholic $55老實講係比上網嘅相吸引到(澎湃嘅朱古力)，上到嚟個樣唔同咗係有少少失望🫣 不過味道係唔錯，黑朱古力味較強，唔會好甜，亦都好濃郁〜自家製鹹鱈魚醬多士配以醋醃洋蔥和三文魚籽 $78 4件每件多士都餡料十足😋👍🏻 鹹鱈魚醬酸酸鹹鹹十分開胃，非常適合做前菜✨ 多土脆口，口感豐富🙂‍↕️澳洲M5和牛板鍵牛油慢煮大蒜青花椒阿根廷青醬 $198牛板腱肉質整體嚟講都軟嫩(不過少量略有筋)，調味不錯，配菜好入味，全部清晒👍🏻牛油果蟹肉明太子意粉 $108濃郁嘅忌廉香配搭明太子鹹香，但同時唔會過鹹，蟹肉唔算好，牛油果亦都唔算同啲意粉好夾，正正常常唔會特別推介〜📍 荔枝角青山道688-690號嘉名工廠大廈H座7樓