Monkey Cafe

营业中

休息中

二百蚊左右就食到大大塊既扒仲有沙律吧同甜品吧加埋餐湯同飲品 真係邊度都食唔到咁抵質素仲幾好！前菜有煙三文魚（特別推介😋）、沙津、意式牛肚、忌簾湯等叫左三個set三文魚扒唔會太熟 七成岩岩好羊扒有成三支骨 好足料而豬扒大大塊 唔會多肥膏 d汁又好夾件扒唯一美中不足係 伴碟太多蔬菜 本人不太好紅蘿蔔同蕃茄 但個洋蔥圈同薯波好好食而甜品就夠的骰 可以每款都試下😁Macaroni出乎意料地好食 我一向唔鍾意都覺得咖啡味果種好 仲有朱古力蛋糕 岩哂鍾意食朱古力但唔鍾意太甜既人

在灣仔，中午吃飯，想找一處舒心的地方可以唔好太迫太吵，真係唔太容易。這日又約左個灣仔朋友食Lunch，往日都係去Times square食，但朋友就話佢公司附近開左間新酒店，行過見到好靚，大家決定試下。餐廳就在Lobby對入，坐位闊落，人不是太多，對住一大幅green wall，果然好舒服relax。叫左兩個set lunch扒餐，價錢同Times square差唔多，烤加拿大豬扒配芝士蕃茄汁同埋肉眼扒配野菌汁。首先有個是日紅菜頭湯，少少甜甜地，好Creamy。主菜上場，真係有驚喜。個豬扒竟然係帶骨厚切，大大件，切開好JUICY帶少少粉紅。牛扒又係厚切，目測最少有8安士。六成，牛味當然無安格斯濃，不過就合乎澳牛的Balance，有牛味又嫩滑，而且煎得剛剛好，咬下去有一份焦香。最後還有甜品和咖啡。服務也不錯，經理好nice，見到食完好快就清理及上下一道菜。新張還有9折，好滿足的一餐。BTW，間酒店真係好新，經理話只係開左一個星期。雖然個Lobby唔大，但樓底好高，仲有個大大幅既GREEN WALL，好舒服。我地從此有多個開飯點了。