misocool (已結業)

諗住好耐無黎食, 又見佢新裝修過, 諗住會好D啦之前一路都好鐘意佢D拉麵 & 冷麵, 同埋佢有溫泉蛋, 價錢中間, 算不錯既選擇點知今次一食就LAI野了......因為6點幾就去到, 所以無嘜人本來安排去partition後既雙人位, 但其實好近隔離已經有人坐, 條走廊又窄, 仲要無冷氣到好焗, 即刻轉去面向出面位置其實佢應該有D時間清潔才開始晚市, 但眼見不少檯底都有唔少垃圾...一望餐牌, 發現轉左唔少, 拉麵烏冬得番好少, 無左以前常叫個d, 多左刺身飯或西餐類....見佢出面個牌sell緊, 就叫左「明洞海老帆立貝意大利飯」大家可以先睇睇, 餐牌賣相一流~一黎到.................(請注意: 食到一半覺得唔ok所以影相)狀況:- 無紫菜絲- 有水煮蛋, ok既- 帆立貝係細size, 煮到好老, 幾乎係乾瑤柱咁, 仲要加埋只有幾粒既mini size帆立貝- 說好的海老其實係蝦, 細蝦, 得2隻, 仲要有一隻送埋蝦尾殼- 最多係泡菜, 有7-8塊- 意大利飯唔係意大利飯, 普通炒飯only呢碟咁既野$88!!!完全唔ok!!!!唔會再黎!

平時經過見到好似成日都好多人食，睇起上泥好似幾吸引咁，心諗D野食應該都唔差，入到去打開個餐牌已經覺得唔對路，揀左個蕃茄湯底嘅拉面(已經唔記得叫咩名)，碗拉面泥到已經覺得中左伏，個蕃茄湯淨係得個酸字，而且個湯好稀，水咁嘅樣，拉面又無彈性，食緊一pat野咁，配料又唔係多，真心覺得好唔抵，重點仲要呢碗野唔係平。

以飯&"麵"做餐廳名，但地獄拉麵湯底完全唔辣，連唔食得辣嘅友人都話唔辣，一D都冇豚肉味，湯特別鹹，成個湯得泡菜味；豚肉冇肉味，唔鬆軟，唔入味，好難咬；溏心蛋外貌煮過頭，不過味道勉強ok。

很多個Happy friday都陪朋友們, 舊同事等出去。 這個特別Happy的Friday可以陪家人一起共進晚餐! 選擇權當然給一些有主見的人去做。他們揀了misocool我們的選擇如下:韓式國防部隊拉麵故明思議是韓式風味小辣的配菜, 配上大大粒的帶子加半隻流心蛋, 湯底鮮甜加黑木耳條, 果然沒有選擇錯誤!熊本番茄湯牛肉拉麵, 牛肉有水準配上香濃的蕃茄湯底是男人健康體魄的恩物! 芝士岩漿飯配韓燒雞扒, 香濃的芝士在火燒半溶的狀態下, 用韓燒汁把整個飯弄得香噴噴滑流流, 美味到呢!這是個特別Happy的Friday

My lunch .... 拉麵一碗 ~極上豚王拉麵豬骨湯底不夠濃稠 , 喝下湯的一刻, 只感到中規中矩 ~日式叉燒, 肉質太瘦, 有點嚡口而且過韌, 失水準了 ~微曲又略粗身的麵條, 沒鹼水味, 掛湯力一般, 質感有點偏軟而且欠缺彈性 ~可能是午飯時間比較忙碌, 侍應生有點應接不暇 ~本篇完 ~

早餐A餐：豬肉腸魚柳加蕃茄湯通粉，豬肉腸太多油要用紙巾吸完先食得，而魚柳都叫正常但炸嘢都係多咗啲油，而蕃茄通粉個湯底都叫濃，有小小蕃茄肉，但通粉可以煮多陣因為硬咗少少。

首先，等早餐外賣等左半個鐘以後都唔會再叫呢間外賣，好彩唔係趕時間番工。我叫了H餐蛋沙律三文治變左煙肉蛋我本身係唔食煙肉的，但叫外賣唔想行番落去換。因為放得太耐，火腿通已經冇哂水。炒蛋太油。唯一正常係杯奶茶。

今天與友人到鑽石山看BB用品,那兒有很多BB服飾,非常漂亮,但食店則沒什麼選擇,又不想吃FOODCOURT因此,便到開張不久的MISOCOOL吃晚飯吧,之前在尖沙咀吃過一次,味道還可以,但今天的有小小失準了我們點了一個豚肉拉麵,雖然不期望他們有灣仔區拉麵店的水準,但拉麵面底太淋亦不是我們期望預見的地方,豚肉則沒多大特別,湯底方面,相信亦不是什麼特制湯底,所以亦不會過份苛求了另外叫了一個爆珠芒果特飲,味道尚算不錯,甜味適中不過總恬而言,還是失望大過期望希望這次只是一個例外CASE罰了

寫完龍城食記一共10篇"OK篇", 再下來根據自己訂下的進程是10篇"喊面"篇....老實講, 未開始已經唔想寫, 之前101起10篇'笑面篇'同111開始的'OK篇', 一邊寫一邊回味都寫得幾快幾享受, 要寫10篇喊面?真是整古自己攞嚟搞...唔得呀, 改為5篇, 寫住先, 快啲寫完唔駛再受難食回憶折磨!喊面篇首位 - Misocool (Hollywood Plaza)今晚約在荷里活, 時值一個星期五的晚上, 三大一小要找個地方食飯, 下次臨時臨急我會去麥記!  真o架!  經過今次教訓, 邊位約我星期五去那裡又訂唔到位我會提議麥記等啦, 因為至少有嘢放得入口!是這樣的...其實我們約了18:45, 都不算太晚, 但始終是Friday night, 這個場其實都無咩特別好想食, 但地鐵沿線確實有一定人流, 無論是元氣, 金滿庭, 日牛, 夏麵館, 越棧, 小王咁早都無晒位要等, 而且估計係剛入晒客, 等就有排等, 退而求其次, 以為拿拿臨上food court 啦, 哈哈, 更恐怖, 爆到七彩, 轉個身都難, 仲要有啲危險, 窄窄通道一盤二盤擦身而過, 走為上著...再搵唔到落腳地

以前都經常嚟「荷里活廣場」行街，但人和事已經改變。早前約咗弟弟去smartone出機。我們途經「Misocool」見人不多，於是就哩試下！環境舒適，座位也闊寬。我們叫咗：「九州天婦羅拉麵」$62，（竟然忘記影拉麵相😛）拉麵有半熟蛋、海帶、蔥、紫菜一塊。「湯底」雖然係豬骨湯，但味道比較淡；「麵」係屬於幼身，米白色質地感覺有D似上海幼麵。整體拉麵唔好食！「天婦羅」係另上，有：炸蝦2隻、茄子、青椒。夠熱夠脆，炸漿厚度可以，但比較油。「吉列豬扒咖哩飯」$58，吉列豬扒口感麻麻，豬扒偏乾、缺少肉汁、食落囗感比較嚡！咖哩汁係偏甜，味道一般。「脆炸雞軟骨粒」$12，普普通通，算脆口。「芒果雪冰」（跟餐半價）$15，上面有芒果肉，飲到感覺係用糖漿溝出來的味道，味道一般麻麻。反而，「士多啤梨荔枝雪冰」（跟餐半價）$15，賣相靚！味道也不錯！甜度調教得幾好！有果肉！唔錯！總括而言：個人認為「九州天婦羅拉麵」，天婦羅可以，但拉麵唔好食！碗麵整體麻麻😣！吉列豬扒塊豬扒亦不太好食！反而，個杯「士多啤梨荔枝雪冰」唔錯😜！其他未試過就不予置評了。

係鑽石山睇完戲，搵LUNCH食，見未試過呢間MISOCOOL，就試下，睇完餐牌，兩個人點左個蕃茄豚肉拉麵同咖哩豚肉飯，可能唔係好多人，所以等左10分鐘就有得食，個咖哩汁夠哂味夠哂濃，D豚肉幾有咬口，唔錯，不過個咖哩飯份量有D少，應該好多人會食唔飽，但鍾意食咖哩嘅都可以試一試。

豚肉溫泉蛋飯, 份量少價錢貴味道差, 豬肉沒有味道. 叉燒拉麵, 份量少價錢貴味道差, 叉燒質地很差.  豚肉九州拉麵, 份量少價錢貴味道差, 豬肉沒有味道. 滑蛋吉列豬扒飯, 豬扒硬味道淡, 醬汁太濃.餃子, 皮破肉少味道差. 蟹子沙律, 暖的味道一般. 服務一般, 除了地方舒服以外麼有可取的地方.

好耐無去，一入到去見到個menu，已經覺得比一開始的時候cheap左cheap唔係價錢，而係風格叉燒拉麵，好少分量，又無乜特別豬肉溫泉旦飯，又係好少分量，加無乜特別兩個食物都係味道遍咸，同埋覺得入面煮既人無乜heart，不過價錢又唔係平，已經唔叫餐，但賣單都百幾蚊，一上來先知咁多喊樣，所以我都要俾多個

過往都嘗過其他分店的Miso Cool, 中環與尖沙咀的服務和食品水準都不錯。午飯時間選擇了公司附近的此分店品嚐，卻令人失望。午飯時間約12:40分左右，遠望店內仍未滿座，更是"靜蠅蠅"…心裡有點驚訝，不過也想試試。同事點了辣肉醬拉麵，我點了豚肉九州拉麵。等候約15分鐘，終於可以有第一客拉麵 - 辣肉醬拉麵，看似不錯，但同事卻說鹹而不辣。望見豚肉九州拉麵，湯面的一層油，麵是上海麵…胃口已經減半。本想拍照留念，實在不想有污點。日本餐廳、以拉麵為主打，實際卻不是拉麵，是上海麵。日本拉麵、以湯底為先，卻油膩得很，令人失望。兩人用餐$135。值與否，嚐過便有答案。

我同友人來到是下午茶時間 價錢唔算貴MENU都有岩食既 諗好食咩..但叫左好耐waiter都無人理 最後叫左個雞排拉麵 同 壽司拼盤 同 嫲嫲餃子 + 兩杯凍奶茶 我食左個雞排拉麵 , 個湯低好淡/_\ 而奶茶係苦既 ( 應該唔記得落糖 ) 我同朋友食完拉麵同餃子,個壽司拼盤仲未黎 同左佢講兩次留左先黎到 但個壽司拼盤賣相仲差過百佳X_X 朋友食完都話唔好食食完呢餐好似無食過咁.唔飽 我一定唔會再幫親呢間野