Mi2cool (已結業)

叫左個吉烈豬扒丼，承為 38 蚊先講賣相先，除左筷子 其他都係即棄連匙羹都係膠 已經扣左 200 分d 蛋分量唔多，直接 d 講可以話係少唔滑但好咸豬扒冇醃 得粉 冇任何味雖然係厚切 但唔嫩 肉汁都冇咁厚都可以炸到咁老負評，唔怪得 lunch hour 咁忙呢間都仲可以咁得閒

話說去九龍塘FOOD COURT獨自食飯。見間間都排哂長龍，唯獨mi2cool冇咩人，咁就去排隊買野食。佢平均消費大約50蚊左右，可以用八達通黎買野食。 個日唔太餓就叫左個雞肉拉麵。見到個碗個時，我真係忍唔住講左句:「咁大碗?」可惜只係得個碗係大，而個拉麵份量係普通SIZE。 首先，個雞肉拉麵既配菜有少量粟米、芽菜，而個雞扒就一塊切開左4-5件。 個麵身就比較淋，唔夠彈牙，咬落冇D口感，令人失望。只係好普通既港式拉麵。至於湯底就有D似羅宋湯，不過略嫌太油，湯面有一層油。 而塊雞扒肉質好"鞋"，唔入味之餘，仲要成碗麵都好淡，冇咩香味。 D店員落單快手，D餐都上得快。 環境黎講，就好多人，又嘈，不過Food court就係咁，冇得要求多。 整體黎講，只係好一般，或者只係依個雞肉拉麵既問題。

係又一城food court…好好味，本身我唔食辣，但d咖哩竟然唔太辣,好甜好易入口,甜中帶微辣,perfect至於豬排其實因為炸過,比較硬,仲吉親哈哈,不過飯唔係太夠,可能因為果日太肚餓,我諗一個女仔食就夠,但如果男仔就唔太飽。。。有埋汽水先41蚊,相比隔離幾間其實已經好抵夾好食架喇!!!

Lunch hour既又一城基本上間間餐廳都排長龍所以去左food court 但真係想搵個位都難叫左個吉列豬扒拉麵（$48）加芒果沙冰（$15）其實個相賣中規中矩 個麫面頭既配料同普通拉麵差唔多 有流心蛋 木耳 紫菜 價錢合理可惜食落就唔多掂 事關主角 吉列豬扒粉多得濟 啲肉可能炸得耐又冇哂肉汁成碗麫個份量唔多 一個女仔就可能啱啱夠食驚喜反而喺嘢飲度飲落好香芒果味 好清新 唔會過甜 沙冰打得好幻細 飲落口感有少少似奶昔Overall嚟講都麻麻地 下次寧願去隔離吉野家了

平時M2cool永遠見到長長既人龍，想試都難但今日係又一城food court難得見到呢間餐廳當然心思思想試下啦吉列豬扒玉子飯$36一大塊脆炸吉列豬扒再幫你剪細 係幾體貼既豬扒都唔算肥 咬落的確係好脆口 亦有陣陣鬆化感不過炸粉就嫌多左少少如果少返口感會更平衡玉子好嫩 甜而滑溜蛋醬中混上香口的洋蔥自然成為這碗飯的主角

舊日同窗Joey約我去又一城Food Court食晚飯。談談佢本人籌備緍禮事宜。因Joey早到，我不用等位。我去咗一間日式買下一個雞肉玉子井飯加可樂。埋單要$39。個價錢好學生feel。碗飯有雞肉同洋蔥。最重要係個抄蛋。個飯同雞肉加抄蛋比例恰恰好。個抄蛋抄到好濕身。混合飯同雞肉易入口。我個人食量要減少。因要參加全馬。但如果正成男人會好唔夠食。但場星期一晚都有好多師生。個環境好乾淨。

misocool 在k11 地庫開之時, 我就去幫襯過, 食物ok, 最深刻係間餐廳好有活力, 顏色好有朝氣, 係時代感的例子!之但係呢間走food court路線的mi2cool 就... 真係失望了咖喱魚柳飯跟可樂, 唯一加獎係罐可樂點降呢? 首先係咖喱汁好淡, 唔香, 送飯時令我悶悶不樂之後係魚柳, 成件只係炸粉, 有魚咩?我唔識做生意, 但如果food court要賣平野所以要用下價料, 不如唔好做, 呢間mi2cool 也令我對misocool留下不好的印象了p.s. 佢地用上殘疾人士做員工是值得鼓勵的, 不過希望此店真係改善食物

為咗影又一城加菲show, 晨早9點幾出動, 好想試食加菲pancake餐, 可惜星期六開10:30. 只好去foodcourt食. 見大家樂排長龍. 去個冷清Mi2cool.食個菠菜雜菌炒蛋+蕃茄粟米+多士+熱奶茶菠菜雜菌炒蛋 - 味道尚可 (淡口味), 份量不大蕃茄粟米 - 蕃茄冇特別, 粟米出奇地清甜熱奶茶 - ok多士 - 最差, 表面好似烤過, 但係食落覺得係冇烤過麵包少食量女士都可以, 雖然有+$有米粉或其他選擇, 男士還是去平平地的大家樂.

已經好一段時間沒去過又一城的amc看電影，amc的一號院是我去過的影院之中最領人滿意的。 在敞大的影院裡和其他觀眾分享好電影，感覺不俗呢。 看完早場已快11時半了，去到food court發現原來還有早餐，大喜！作為一個草根階層的市民，深明早餐和下午茶的份量其實和午餐是差不多的，而價錢卻又便宜很多，所以發現在接近中午時段還能吃早餐時的確很有驚喜。專賣拉麵的Mi2cool早上出售的原來是較西化的茶餐廳早餐，烘多士是不能少的。 微暖的多士應該不是即叫即做的，幸好還能維持脆身沒有變硬。 炒蛋的配料用上磨菇和菠菜，比平時吃慣的火腿炒蛋多了一份清新氣息，而且也比較健康。 伴碟的蕃茄和甜粟米為這個偏淡的早餐加添多一份味道，重口味的人士就不太適合試這個早餐了。

TEA TIME去左又一城個FOODCOURT 見MI2COOL曼少人排隊就響佢度叫左個TEA SET食雞肉拉麵個雞肉拉麵嘰配菜有D粟米啦, 有D牙菜,雞扒就一塊切開左4件但重點係個麵唔夠熱, 食麵食梗係要熱辣辣先好食架啦, 佢只係比暖好少少>< 麵身山就比較"林", 一D都唔彈牙而且塊雞扒勁"鞋" 仲要成碗野都無咩味, 淡某某真係唔會再番食呢個麵LOR >M<

和貓媽在又一城血拼了兩小時便開始覺得肚餓，於是便到FOOD COURT隨便找些東西吃啦～　才不過五點半，可是FOOD COURT已有九成滿＠＠其實FOOD COURT也沒有太多選擇，最後選了有FROYO的MI2COOL,因為貓媽想吃FROYO XDMENU有蠻多選擇的，我們心大心細，又怕沒位子坐，貼心的店員給了我們一張餐單，讓我們坐下慢慢選～　它的主菜介乎＄４２－＄６６，加＄１５便可轉套餐，配有一份小食和飲品（要注意凍飲要加＄２哦）。忌廉貓要了特選蕃茄牛肉湯拉麵－蕃茄湯底（＄４２，可轉烏冬），追加糖心蛋（加＄１０），而貓媽要了帆立貝煙肉菠菜鮮白菌意粉（＄４５）。我們沒有要套餐因我們都不太喝飲料的，所以套餐對我們來說不划算ＸＰ至於FROYO，我們選了大的150g (包一款topping)原價是＄２８，但跟餐只需＄１８。Topping方面我們選了藍莓,。店員告訴忌廉貓FROYO可以選擇在飯後才去拿，又一貼心的服務呢：Ｐ味道方面特選蕃茄牛肉湯拉麵－蕃茄湯底（加糖心蛋）：貓媽一看到便忍不住說「咁大碗既！？！？」　哈哈，碗是真的大啦不過拉麵份量是普通SIZE，女生也能吃的完的～嗯這個麵我會用「真

大家都比較常吃這裡的午餐，那就由我來介紹早餐吧早上光顧，吃點好的繼續旅程一客汁燒牛肉野菜奄列配厚多士配熱檸茶，26元正奄列很大的一份，一刀切開，蛋汁緩緩流出，伴著牛肉的香味，即時令人食慾大增佐以一點蔬菜及栗米粒，平衡一下比較濃的奄列味道吃完一個豐富的早餐，又要努力工作了！

今日我地黎左九龍塘又一城食野，揀左呢間拉麵店o既海鮮拉麵，原本拉麵係$66，店員話可以加$15轉套餐，套餐會多杯飲品一客前菜，前菜有幾款選擇，包括麵豉湯，豆腐同沙律，我揀左配沙律   沙律特別在於有好多粒櫻花蝦係面，蔬菜新鮮爽口，配合日式芝麻醬，不過醬汁份量少 , 唔係幾夠味 ~拉麵上枱時好夠熱，先講湯底 , 好香好濃郁 , 仲帶有海鮮味麵身比較粗直，唔會煮到過淋過硬，都幾彈牙 , 但好似油面 整碗拉麵都算足料，跟門外o既拉麵模型大致一樣，海鮮包括兩粒帶子，三隻蝦，兩隻蜆，三條魷魚，另外配料有荀片，粟米同半隻溫泉蛋，美中不足就係無葱粒   溫泉蛋蛋白熟透彈牙，蛋黃半生熟狀態，口感嫩滑入口即溶，令人回味   帶子略嫌過熟，味道較淡缺乏鮮味，反而雪藏味較重   蝦隻不過不失，size適中唔算太細隻，口感尚算彈牙   魷魚係呢碗麵之中我最欣賞o既食物，魷魚鮮味十足，爽口彈牙有嚼勁，一個個圓圈排列得好整齊   蜆隻唔算太細隻，而且味道鮮甜唔會有沙   荀片只有兩小片，如果要追加荀片，銀芽，糖心蛋等就要加$10，粟米份量比例上較多 , 不過無乜甜味   ## 整體黎講呢碗麵份量十足，價錢可算合理

晌九龍塘出席完朋友囡囡的洗禮活動，而晚上又約咗班朋友上小弟屋企開派對，需要預備食物，又要回家打點，所以，就過番嚟又一城嘅美食廣場，貪唔使等位可以食快啲。依度嘅美食廣場有大家樂、有吉野家，亦有其他特色少少嘅店舖。mi2cool係misocool嘅分支，之前晌K11嘅misocool食過，感覺良好，食物有水準，所以面對住mi2cool，都頗有信心。而老婆係韓國泡菜迷，佢不其然就揀咗另一檔「韓國屋」（「韓國屋」嘅食評當然另文再講）。mi2cool除散叫，仲有午餐供應，價錢唔貴，都係$38-$40，以又一城嚟計算係咁。午餐有拉麵、湯飯、烏冬……等等，未試過佢啲湯飯係點，就膽粗粗挑咗豚肉野菌味噌湯飯（$38）配餐飲即磨咖啡。豚肉野菌味噌湯飯兩個字形容晒：「失望」，豚肉少到你唔信，就係飯面得嗰4條，無味兼「嚡烚烚」；野菌又點？又係極之少，兩片冬菇絲搭兩小撮金菇咁大把，唉！唯一多嘅係日本大蔥，係勁多，可惜係唔好食，又生又老又韌，問你死未？仲未，因為連核心嘅味噌，都竟然係無味，唔怪之得店名都唔用miso（味噌咁解）依個字啦。早知咁差，食返大家樂就算！

行經九龍塘要消除餓意，來到美食廣場，表面看來，散點食物最昂貴的是這家，其他的在他區普遍也有分店，好奇的試了此店。走到餐牌前，店員介紹原來有幾款價格較相宜的套餐。看過後也合口味，選了豚肉野菌味噌湯飯($38)，另加$15配藍莓沙冰。店員順序弄餐，約5至10分鐘，我的套餐已準備好了，味噌濃度中等，配珍珠米，挺易入口，也好吃；豚肉稍難咬，但味道達標；配料洋葱夠薄但有少許「渣」，野菌味香亦煮得柔軟；嚐了幾口藍莓沙冰，有梳打汽水的味道，有感像巨峰沙冰查，再次查詢，的確是藍莓沙冰，可能提子和藍莓在某程度上不易分辨，其實在我嚐過的沙冰中，冰凍度恰當，質素屬中上水準。