Mellow Brown Coffee by UCC (已結業)

見到雜誌介紹又黎食下先，上網見食評又好多話中伏，仲試唔試好？攞左飛啦，咁啱又叫到，就試下啦，by UCC都唔會好難食啫。等左半個鐘，唔算好耐，都係限時入座，個半鐘。門口張地氈好可愛！連cafe都有bar枱，可以見到不同咖啡的機器和barista 用心為客人沖咖啡。Menu是甚有學術性的咖啡報紙，好有味道！睇到牆上的poster得知店員在2015和16比賽中得到champion 的訊息，就更有興趣試手調咖啡。2.30至6pm下午茶時間，weekend都有。凍冷泡咖啡哥斯達黎加（$54），雖然不是一個很懂coffee的人，喝下去第一口很酸，口中又帶點苦苦的，回甘有些果香味，正好適合配waffle pancake吃，喝咖啡喜歡偏酸的可以嚐試一下。下午茶餐飲cappuccino，花拉得都幾靚，可惜奶味太重，蓋過了咖啡香味，差少少。合桃窩夫熱香餅伴vanilla ice-cream($62)，waffle pancake 的製法特別，係Mellow Brown Coffee 自創的，先將一面用waffle機，然後蓋下蒸，做到餅面脆餅底軟的效果，配上walnut和雪糕食，好香，口感又豐富。唔想食s

早餐價錢唔算太貴，咖啡有水準，但多士硬過石頭，食物多數亦ready meal, 又凍又乾，比日本UCC差很遠，但未算難食，侍應態度麻麻，收野唔問聲，收menu語氣有D惡。

看見這間食店比同一商場其他的相對少人等候，而且是新店，所以就決定在這裡吃晚飯！結果，還是等了二十多分鐘，更什是侍應帶位時才得知限時個半小時SET MENU有8款　頭盤我點了沙律（沙律或餐湯二選一）正如其他食評所講，個沙律真係少得離譜，一口便吃完main course點了Ｄ餐，香煎魚柳炸蝦配蒜蓉多士無錯，是配蒜蓉多士，其實可配飯或蒜蓉多士，我怕飯太濟，又無意粉選擇，所以唯有揀蒜蓉多士但見到個main course上枱，真係癿得好無誠意。份量少到呢，相信食量少的人都可以吃下一個餐還有，menu明明說是配飯或蒜蓉多士，但現在個dish有意粉?!?!?! 再細心想想，如果連意粉也夾走，只淨下魚柳和炸蝦，整個碟真係好dry！就咁魚柳和炸蝦，連加一收約$150，非常不值得而且炸蝦只得一隻，細隻，是日式天婦羅那種，完全無味道可言。煎魚柳預了多油，但沒有香味還是第一次。究竟是煮好太遲上菜？還是魚柳未解凍就拿去煎而影響食物品質？真係不得而知了。飲品點了凍檸茶，檸跟茶是分開上的。圖中的檸檬是二人分量。這個安排幾好，食客可就自己喜歡而加不同數目的檸檬，不錯！最後甜品是一小球雪糕，毫無特別。連加一大約$150

今日(28-10-2016 Fri)去醫院,女友人VL同我食晏,由佢決定o黎呢間同埋佢先攞位.我大約1:30pm到唔係好多人.坐低後睇睇,我o地要有是日沙律同餐飲o既set lunch,我要$86.00 o既炸蝦奄列飯(燒汁),飲鮮橙汁,VL要$79.00o既咖哩雞柳椰菜仔意粉要熱咖啡.落完單,等成10分鐘,兩杯餐飲同是日沙律到o黎,我杯鮮橙汁大大杯,但原來有冰,同埋個杯o既玻璃幾厚,所以杯橙汁其實唔多.尤幸佢唔係橙粉開o既果汁先生.是日沙律以黃色食物為主,最多o既係粟米粒同菠蘿,有少量o既桃,菜就得一塊,呢啲沙律冇乜難度,味道正常唔酸.o係食o緊沙律時,兩個主菜都到o黎,我冇影VL o個份,我o個份都算幾大份,炸蝦粉有少少厚,隻蝦其實唔大隻,外面正常o既脆,蝦肉爽.奄列全熟冇乜蛋味,飯就係紅色o既,有番茄o既味道但較乾身.而燒汁,我就覺得酒味重o左啲,冚o左佢o既甜味.VL o既我冇問,佢應該係滿意.冇為意有冇加一,因為VL爭住請.

叫兩個下午茶餐，圖片跟實物相差甚遠。價錢不算實惠，平均每人$80。咖啡其實有幾款可以選擇，但冇問你!整體好一般，枱很密，很嘈! 唔似cafe ，似快餐店多啲!應該唔會有下次!

朋友選擇沙田約會 最就腳沙田多食肆又多人 揀左而間試試佢幾期待唔洗點等位環境幾舒適 夠空間carbonara半熟旦唔夠醬 。唔太特出夠新鮮 似即落單即焗甘薄脆批邊 醬汁唔錯 但我唔食3文魚架海鮮飯唔似白汁 唔似忌廉 我唔想因為食佢而卡器里增加所以我唔食朋友高呼 無味道全餐最似樣 認真有質素就係佢mix berries pancake可以食到差唔到叫佢上甜品店員說 製作時間20分鐘左右認真新鮮 口感軟綿綿 味道都唔錯有水準水果鮮甜同pancake配合得幾好店員態度都主動親切但主食唔太吸引我地再來或者下次試埋其他甜品同飲品

終於明白點解咁多人給劣評！今日原本同媽媽慶祝生日，見沙田開左新餐廳，諗住試下！點知就真係中招，好激氣😠😤我地6個人，大約6:35去到（拎C029)，當時嗌到C024, 但等候期間就開始發生不愉快事情。第一：等候票寫雖過半數方可入座，但事實並不是，一個人去拎位，不用過半數都可以入座。 （第一次我忍）第二：明明嗌緊大檯，但嗌左兩張無人就即刻拆檯入2-4人（等候期間已發生這事情三次，都算，我忍）第三：我等左成粒鐘，你竟然問我有張四人檯，介唔介意坐逼啲放兩張櫈。今次真係忍無可忍，如果係咁，當初有四人檯點解又唔問下我地，等到無四人等先黎問我地，會唔會有啲過份。最嬲係你同我地講大檯係得兩張，等九個字唔耐，人地3-4人檯都等左成個半鐘。我企左係度成粒鐘，眼見遲我拎飛既人（拎4人以下），都早過我地入去，你竟然話佢地已等左成個半鐘😡 ，我話要見你地經理，你唔理我，我講左三次你先搵個職位高既人出黎同我講。我第一時間問呢位高級既員工：「你係咪經理？」佢竟然答，經理唔係度。⋯⋯ 假期繁忙時間，經理會唔係公司囉。算..唔同佢爭論呢個point!我直接同呢位高級職員講返以上提及第一、第二點。呢位職員竟然答我，因為

I thought I'd give this new restaurant a try. Service was not bad, but the food was really bland and not exciting. The best thing was the coffee and that was not great.

同以前ucc 差天共地，個salad少到一啖食晒，價錢又唔係平左，仲要salad／湯二揀一。好失望，野唔係好食左，縮晒水又收番咁既價，仲要無得自己加錢轉set,選擇極少。做唔掂就摺左佢啦：（

好耐都冇寫過負評!以前都幾鐘意UCC,坐得舒服,前菜意粉焗飯各類選擇多,價錢合理.途經呢間”新”UCC,叫佢”新”因為環境裝修比以前靚,水吧比以前更開揚,直頭好似去左CAFÉ咁,而價錢就每樣貴左十幾廿蚊不等,因為UCC呢個品牌都會一試.六點前幾分鐘到,仲趕得切ORDER下午茶餐,當然仲有主餐牌作選擇.超多人,除左BAR檯其他座位都滿晒,以旁邊幾間食肆仲大把位黎講好受歡迎.打開主餐牌,係有沙律意粉焗飯BURGER薄餅等主菜選擇,但SIDE ORDER選擇超少有D失望…最後揀左一個煙三文魚薄餅多士下午茶餐,同埋主餐牌既白酒煮蜆,芝士肉醬焗海鮮飯.下午茶餐先黎齊,杯橙汁…我唔識分咩開粉開餅沖,肯定唔係即榨同埋我唔鐘意飲,兩個人SHARE都飲唔晒…芝士煙三文魚薄餅多士,其實即係薄餅定多士???…原來用法包做底…又芝士又煙三文魚咪以為好重口味,其實乜味都冇…補充番,三件薄餅多士加杯橙汁收七十幾蚊未計加一.白酒煮蜆,湯底好濃,蜆肉冇沙都算唔錯,但蜆肉明顯煮過龍,浸住湯都FEEL到好乾好鞋…BTW,我用三文魚薄餅多士點蜆肉湯效果不錯!!!芝士肉醬焗海鮮飯,賣相,我意思係個盤同碗好靚,但如圖見到隻焗到

星期日出了沙田行完ikea後, 在新城市廣場食晚飯, 男友要嘆咖啡, 所以揀左呢間日式餐廳.這裡的咖啡很特別, 有3個步驟自選的, 夠玩味又滿足到自己咖啡自己沖.step 1 先選好喜歡咖啡豆, 有9款不同地方/種類的咖啡豆.step 2 再選沖製方法, 有手沖濾泡式/法式濾壓壺/虹吸式.step 3 最後選擇自己喜愛的咖啡杯來享用咖啡, 有黃色/綠色/紅色/黑色.costa rica the rios jaguar reserve 男友擇了哥斯達黎加  特雷斯里奧斯區  捷豹  $54 的咖啡豆, 用法式濾壓壺沖泡咖啡, 最後用型格的黑色咖啡杯比較襯男仕. 沖泡時間都很講究, 當漏斗計時完, 就可以沖來飲用.用法式濾壓壺好處是不用金屬濾網, 這樣就不會影響咖啡豆油脂, 令咖啡更加芳香.講返咖啡的味道, 濃郁芬芳的香氣,  咖啡味幾重, 但易入口, 加入奶後更顯順滑. 芝士肉醬焗海鮮飯 $102, 焗得熱辣辣, 特別多芝士, 奶香味道很濃郁, 有蝦, 青口, 魷魚等等, 雖然唔算好新鮮, 但都彈牙爽口, 味道幾好. 食到最後也仍然溫熱.汁煮漢堡扒配蒜蓉多士 $102, 幾健康的菜式,

收工約好友食晚飯！我揀咗呢間，去到要等位，店員問咗我哋唔介意搭枱，安排我們同另一對客人分坐四人枱兩邊，我哋叫咗食物後！店員會提醒要等得耐嘅食物！店內開揚，花布梳化配淺木！加色彩繽紛家居感覺！食物以西式為主！晚餐我們唔啱食，所以散叫一個意粉加甜品！店員會提醒我哋要等！意大利奶泡濃咖啡（$44）夠熱奶泡挺身，我唔落糖都飲到，咖啡味香唔澀！鮮果紅茶（$50）朋友飲，玻璃透明茶壺配色彩繽紛水果，賣相好靚！香草鮮蝦意粉（$92）意粉有咬口，蝦肉爽口彈牙，加上香草醬好滑，唔會搶過蝦肉嘅味道！好味！合桃窩夫熱香餅拌呍呢嗱雪榚（$62）比想像中大份，呍呢嗱雪榚正常，熱香餅鬆軟，朱古力醬多，好香甜，合桃鬆脆！整體好味！店員有禮，不過有啲位唔細心，好像每個人一隻碟，食完意粉上甜品，又無比新碟！要問店員攞！我哋傾好耐都無趕客（閒日都無人等位！）

餐廳環境舒適，有坐枱位置，有吧枱位置。坐枱位置相適合家庭朋友敍會，慢慢坐，慢慢傾！吧枱位置似食快餐😅點了個晚餐，有湯，主菜，飲品及甜品。扇貝意大利食（墨魚汁），真係墨魚汁撈白飯，從來未食過意大利飯係咁甜品係雪糕餐湯⋯ 無味道的另外點了招牌搖搖沙律，包裝得好特別，用玻璃樽裝住啲菜，另上芝麻醬。食前將芝麻醬倒入樽，再搖混生果茶，好香，似橙汁，如果可以一路熱住來慢慢飲，可能會好啲

看見報紙上介紹這間餐廳.甜品的圖片看起來幾吸引,今晚經過新城市廣場便來試試.看見晚餐的主菜並不吸引,便決定散叫.先點了BMC Salad, Beef Rice Casserole (curry sauce) and 白酒煮蜆; 預算食完後再加甜品.起初沒有想過寫食評所以並沒有拍照.部份照片是由餐牌拍攝.BMC Salad: 40%以上都是豆類.我個人不太喜歡食豆,但其實味道可以因為未都來自芝麻沙律汁.蔬菜只得很幾條.Beef rice: 味道偏淡,面頭有像焗cream cheese 的問題.牛肉好乾,口感麻麻.白酒煮蜆: 味道算是較好的一味,不過每一粒蜆都有沙.因為份量不是很大,所以決定叫埋甜品 waffle pancake with ice-cream and walnut. 等待期間,走上openrice睇睇食評.點知發現劣評如潮.其中很多我們都同意.仲發現對於甜品的comments都非常差.心想不妙!甜品賣相都幾討好.香氣撲鼻.今次仲記得影相.食落就知道出事,上面香脆好味,裏面D粉未熟,個底淋pat pat.叫過waitress 埋嚟,佢話正常嘅.但係pancake sashim

行行下街想去食d野，tea time 去但唔洗等，被安排坐靠牆嘅2人枱，裝飾好靚，好少女心😍 侍應好好禮貌，第一印象不錯。睇完menu，因為樣樣野都太吸引，所以揀左好耐，決定叫 waffle pancake (一面係窩夫一面係日式鬆軟pancake)加楓糖，同埋pan上嘅French toast with ice cream，賣相100分，個人比較鍾意 waffle pancake 因為真係好綿😍