McSorley's Ale House (D'Deck) (已結業)

難得放假，終於可以入愉景灣探朋友。夜晚同朋友行下行下就入咗呢間餐廳，坐低咗見到有人唱live 同埋睇波 環境相當唔錯。😍😍打開menu無idea就將佢既signature食物試一試。 首先嗌咗個三文魚柑橘沙律， 三文魚煎到好香，同沙律好夾好好味 ，再加埋生果，略帶微酸相當開胃。跟住再嗌德州燒烤漢堡 ，漢堡塊牛肉無唔乾唔鞋，反而仲相當juicy口感極好，唯一缺點係個包唔夠熱。否則就100分。跟住試埋咖哩，我哋嗌左咖喱香汁雞柳，用左個印度薄餅同佢做搭配， 雖然咖哩冇其他兩個咁出色，但都相當唔錯值得一試。最後叫咗個甜品 焗蘋果餡餅，因為對於佢嘅signature相當滿意 。蘋果餅相當重蘋果香味道唔太甜，絕對可以再encore。最後原來入黎消費仲有野送攞埋隻usb手指走，仲可以搭免費船出中環，又慳唔少。

入開愉景灣探朋友當然食埋反先出九龍，行過廣場見周圍都有很多西餐廳，見其中一間門口有枱客好享受寫意用餐，門口服務員又好笑容介紹，原來係間愛爾蘭酒吧餐廳，每週還有精選，今天是自助餐不過我比較傳統菜，於是點左幾味，首先嘆左冰凍啤酒，德國華士坦和香港啤，透心涼又夠清涼，香氣清新，跟住道巨型BBQ漢堡好驚訝，面脆包軟，好有口感，薯條香脆美味，最正都係味三文魚沙律，十分鲜味可口，豐富營養配合酸醋汁份外醒胃，叫埋個意粉，麵條長長細滑，加上濃厚芝士味，正，滿足的一餐

熱愛行山嘅我就著呢排天氣咁好，又爽又有陽光，約左老友下午入大嶼山走轉，終點愉景灣順便食埋夜晚，輕輕鬆接近黃昏抵達廣場，好耐無入愉景灣，而家好多店舖，大部分係西式，可能外藉人士居多，經過其中一間，門口坐左幾個外國人好寫意聊天飲嘢，呢啲先至享受人生，門口服務員微笑向我们介紹特色食物，未試過愛爾蘭菜一於捧場，環境寬敞雅緻，感覺十分舒服和寫意服務十分殷勤向我们細心介紹餐牌内容，最後叫左三個特色推介餐，當然試埋靚啤酒行完山口乾乾飲啤特別爽，一支德國人氣品牌華士坦和香港土產啤，清新淡雅香氣，飲落透心涼，一路聽住輕音樂人生一樂也 坐左一陣有嘢食啦，呢個Texas BBQ Burger份量十足，賣相吸引，重熱熱，個包面脆内軟，牛肉質地黏口充滿肉汁，再配合雙層芝士，食落好有口感，粗身熱辣薯條炸得香脆跟住黎係度沙律seared salmon citrus sala,精緻吸引嘅三文魚十分新鮮，營養豐富有牛油果，西柚，橙，沙律鲜菜，配合酸醋汁份外開胃醒神最後個意粉linguini pesto,麵條細滑，面頭鋪滿一塊塊芝士，好有口感滑溜整體好滿足和享受，食環境和美味食物，值回，下次行山再黎，正正

難得放假入愉景灣玩 就當然要食埋個dinner先出黎😏😏揀呢間係因為懷念係澳洲嘅愛爾蘭pub house好chill好輕鬆嘅氛圍吧台已經有滿滿的聖誕氣氛坐低即叫左杯白酒😍😍香脆水牛芝士條 仲有紅莓🍓醬點😁😁拉絲感嘅芝士令人醉心整體尚算香脆咖哩雞配garlic naan😍咖哩香料足 點落naan度份外juicy😄咖哩羊 今日星期一 竟然有咖哩買一送一優惠 好抵食！比起雞就更香甜 有少少茄味 好開胃☺️肉丸長通粉 啲肉丸自家製 好有口感 長通粉雖然有啲乾身 但都無阻整體味道甜品Cheese cake 厚實😂味道不錯！朋友好欣賞 我已經飽到撐住但佢成個食哂

今日同男朋友去愉景灣行下，中午要食午餐，就黎到這間愛爾蘭餐廳。這間中環有分店的西式餐廳酒吧好有特色，好多捧場客哦！環境優美裝飾設計好獨特，更有聖誕節氣氛及擺設，大大寬敞的空間，有波枱、大大電視（戶外及室內也有），坐位舒適又軟熟，可以慢慢休閒傾談享受輕鬆音樂播放讓客人輕鬆自在！食物飲品都唔少選擇，飲品有好多不同手工啤酒、cocktails、beer、coffee、juices等等；食物就有印度美食（更有buffet)、沙律、小食、主菜、意粉、甜品等等，樣樣都想試喔！1. Cappuccino 咖啡好多泡泡，朱古力粉好香好夾咖啡；咖啡好香好正、濃郁香口 ☕️☕️☕️2. Mojito好新鮮好止渴，含：rum、lime juice、fresh lime、mint & soda water! 好好飲酸酸甜甜配上薄荷感覺 🌿🥂🍋3. 香煎三文魚柑橘沙律顏色好靚好豐富的食材，有牛油果、西柚、橙、新鮮蔬菜，沙律汁酸酸甜甜又美味，開胃之選！三文魚煎得好靚、外脆內軟，中間香滑，切開有魚油脂分泌出來 🐠🐟🐳我喜歡三文魚喔！4. 豬仔骨及特脆薯條好大大大份，好香呀！豬仔骨好多肉又香噴噴豬仔肉好多汁，好香又軟腍；燒

住係城市入面，感覺會好逼，有時想去少啲人嘅地方，本人覺得去愉景灣食晚餐會係幾舒服嘅一個選擇。食下西餐同朋友傾下計，飲下嘢。我地揀咗呢間愛爾蘭餐廳，因為我地係閒日嚟，所以餐廳冇咩人，好舒服。餐廳入面有張桌球枱。可以玩下桌球。唔玩桌球嘅，可以睇下波，人少少好舒服。飲下啤酒傾下計。豬手係必叫的。好脆，好好食，脂肪度剛剛好。德國腸一流，唔會太肥，皮好脆。西斤雞好好食，啲西斤好新鮮。漢堡必叫，牛味好重同芝士味好夾。

唔知有無人同我一樣，覺得愉景灣係好浪漫，我好中意去🤭今日去行完沙灘，feel free就入咗哩間餐廳，感覺又幾唔錯！難得撞正lady’s night!我同朋友兩個一人叫咗杯one of my favourite drink ——Cosmopolitan! 免費㗎！當然要飲翻杯chill下佢🥂  我地叫咗seared salmon & citrus salad ，三文魚好新鮮好香，仲要幾大件下，配上酸醉地嘅沙律菜好開胃。之後我地叫咗一份linguini pasta 🍝 份量超滿，而且意粉厚度適中，而且帶點爽口，味道正宗！有酒飲當然要叫翻兩份小食助興。哩份Mozzarella 勁正！真做到邪惡拉絲嘅效果，芝士濃濃香味，加上外面炸得爽脆，仲一啲都唔油，好正！仲有buffalo wings,味道勁香口，雞翼外面脆得黎入面仲鎖到有肉汁，用黎送酒一流。最後我地仲食埋cheese cake 作結尾~ 蛋糕朱古力味濃郁，仲要擺得好靚，心心眼😍！

今天來到愉景灣與朋友周圍逛逛，有朋友推介給我，這裡有間很抵吃的印度菜，所以我們決定一試。這裡有分露天或室內，而且環境上已佈滿了聖誕的裝飾和氣氛，很有感覺呢。而室內還有桌球和兒童天地呢。當然也不小得 Bar枱啦！這裡每天也有不同的優惠，例如咖哩buffet。而我們今天是星期一， 優惠是Buy 1get 1 free Curry。咖哩買一送一，很化算呢！肉醬長通粉（Rigatoni Bolognese Pasta） ＄148當中配了蒜蓉包和巴馬臣芝士。這個長通粉的份量一點也不少。它的長通粉彈牙，咬起來很有口感， 不會過份冧身或者太硬。而且它裏面有十分多的肉醬，番茄味很濃郁，加試它配上很多肉碎，所以很有肉的鮮甜味。香脆水牛芝士條 （Crispy Mozzararella Cheese Sticks） ＄98它是配香橙紅莓醬的。芝士條尖上香橙紅莓醬，味道甜中帶點酸，很開胃。而芝士條炸得很香脆，不會太油身。咬開的時候， 當中的芝士有很多，拉絲的效果很厲害，可以拉得很長。除了吃之餘，還可以與朋友比拼玩樂一翻。招牌咖啡香汁雞柳 （Signature Chicken Tikka Masala）＄148

McSorley's 愉景灣店環境情調係英式感覺。由於是平日，人客多是居於附近的外籍居民，故此座位充足，坐得舒服。一邊享用食物，一聽著餐廳播放的英文歌，其實頗有置身英倫的感覺。餐廳還配有大電視螢幕，不斷播放各地球賽，睇波好去處。 2人共點了1個前菜，2 個主菜及2款薄餅，約共$600，還贈送2張船票返回中環。 Seared Atlantic Salmon & Citrus Salad with Sherry Vinaigrette香煎三文魚柑橘沙律配些利醋汁三文魚煎得香口，柑橘沙律配上醋汁，酸酸甜甜，餐前開胃之選Rogan Josh咖哩羊肉咖哩既顧及保存了印度咖喱的正宗的味道，但又可迎合了如我這般的港人對咖喱的口味。羊肉配上咖喱完全沒羊羶。可一次KO整份。 Butter Naan VS Lachha Paratha原味千層餅 VS牛油烤餅食咖喱怎可沒薄餅相伴？McSorley's fish n’ chips招牌炸魚薯條炸魚薯條炸得剛剛好，香脆可口，不油膩。

去愉景灣沙灘行下、食下野，除左可以係中環搭船之外，仲可以選擇係東涌搭巴士入去，都幾方便。餐廳既可以坐出邊食，亦可以坐裏面。而餐牌上有好多唔同小食、主菜揀，眼花撩亂。傾下計當然要叫支啤酒啦，平均一支啤酒$40左右，都值得一叫。我地口痕就叫左蒜蓉薄餅，蒜蓉味非常香，而且整得好煙韌，幾好食。另外，酥炸魷魚圈好值得叫，因為d魷魚好新鮮，炸得好軟熟，配埋d醬汁一齊食好好食。主食我地就叫左健力士牛肉批，用酥皮包住煮熟嘅牛肉，熱辣辣好正。d酥皮可以脆食，亦可以浸落d牛肉汁連埋牛肉一齊食。薯泥整得好creamy。德州燒烤漢堡亦都推介俾大家食，因為舊肉好有肉味，整得好正，而且仲有煙肉、芝士等配料，好好味。甜品我地就叫左蘋果餡餅，一個字「正」

今日突然興起想去離島行下，research 下發現愉景灣近呢幾年develop 咗好多，有酒店，又有indoor playhouse. 同埋其實唔係好遠，由central 搭船or 地鐵到欣澳轉巴士。入到去環境非常優美，完全唔似香港，係嗰度D人都會放慢腳步，令我都覺得輕鬆好多。行完一輪就搵嘢食，都有唔少餐廳揀，我地最後㨂咗呢間食西餐。可以坐室內or室外，原來星期一有印度咖哩promo, 買一送一，但我地冇揀到，因為一心想食西餐。我叫咗杯pina colada, 鍾意佢係因為菠蘿味嘅背後有coconut milk 嘅香😋，朋友就要咗Crown Lager。我地首先叫咗個party platter, 所有嘢都非常吸引，buffalo wings, fish stick, mozzarella cheese stick....全部新鮮炸，送嘢飲一流👍之後仲叫咗Beef and Guinness Pie, 初頭以為個pie 會好細，但原來同想像差好遠，佢一D都唔似我地食開嘅pie, 佢好似酥皮焗湯咁，D牛肉唔係minced ，而係一粒粒嘅，酥皮好香脆，Dip 落D sauce 到一流😊薯蓉唔係

有時會想離開下鬧市，去離島散下心，我覺得愉景灣都係一個好的選擇，安安靜靜，散心拍拖都可以，而且路程又必算遠，坐船都係得半個鐘頭，今日有機會入嚟行下，就試下呢間愛爾蘭餐廳。餐廳有分室外室內區，大部分人都坐室外，但我同朋友則喜歡室內，位置好闊落，燈光昏暗，俾人好relax。煙雞肉有機牛油果沙律牛油果健康又養顏，質地潤滑，配上有機新鮮香甜沙律菜，加上雞肉絲，超級健康之選水牛城雞翼雞翼帶點辣味，肉質嫩滑，配上醬汁，又幾惹味。新鮮的西芹剛好中口中濃郁的味道。牛肉漢堡包我地請店員切成4份，方便我地一人一塊，包好厚身，芝士同牛肉好夾，不過真的好邪惡脆皮德國鹹豬手皮香脆的豬皮，配上咸咸的豬手，肉質咸香，又唔會干干的，好味道

最近同朋友去左愉景灣，試左間愛爾蘭菜［McSorley's Ale House] 🍽 餐廳有戶外座位，天氣清涼坐出面飲杯野都幾chill 室內環境都幾大，仲有桌球玩添 見到不少外籍人士都有玩，餐廳播放英文歌氣氛幾好餐廳食品選擇都幾多種類，有Fish n chips, salad, burger, pasta, curry, indian bread...etc. 真係多元化～最特別係餐廳每日都有不同promotion咁岩當天係星期四，店裡的招牌漢堡買一送一 當然要試試啦～Premium hand-crafted angus beef burger $158 朋友點了麥時利招牌漢堡🍔麵包size大份，薯條粗身脆口，仲有大大片蕃茄、洋蔥、青瓜。麵包食時仲係微暖，咬落去牛肉腍身，充滿肉汁，絕不是石頭板硬冰冰，加上雙層車打芝士，口感好豐富！Seared chicken & smoked bacon sandwich 另一個係烤雞肉煙肉芝士三文治， 食下雞肉感覺冇咁heavy, 份量依然巨大，不過我地都可以自行用刀切開兩份。 半溶既芝士掛係麵包側邊好吸引 雞肉味道較淡，如果肉質嫩滑點會更好！s

今晚我和朋友收工後，約左去愉景灣行下沙灘同食晚餐。我們最後選了這間可吃愛爾蘭菜的餐廳。這裡其實也是一間酒吧，裝修挺不錯，食客大多是外國人，侍應則全都是外國人，所以點餐時大家要說英文啦，不過餐牌有中文的，挺方便。印度燒烤鐵板（燒三文魚）:燒得很香，非常惹味，醬汁很濃，三文魚大大塊，肉質鮮嫩，幾好食，還有3款醬汁供選擇，各有特色又清新。豬仔骨及特脆薯條:豬仔骨燒得很香，份量好大份，2個人吃都夠飽，豬仔骨好易切開，唔會韌，味道好濃烈，不需要特別再點醬汁已經好夠味，非常好吃。 薯條就更是一大驚喜，非常非常脆!即使放耐左都唔會變到好淋。真的超正!農村風味焗蘋果餡餅: 蘋果批焗得很脆，蘋果味好香甜好濃郁，配上雲尼拿雪糕和水果一起吃，口感更豐富。飲品點了洋甘菊和Earl grey,挺清新的。埋單2個人吃那麼多都是$599，價錢合理。

極少入愉景灣 係愉景灣食dinner都係第一次！ 以為餐廳價錢會好貴 點知都好高質 性價比都好高！揀左坐室外 同朋友傾計一流！ 想睇波既 室內外都有得睇架印度燒烤鐵板(雜錦) $218可能比較少食印度菜 未食過呢隻味！ 好好食😋 有雞同魚 魚比雞更好食！ 比較嫩滑！ 下面仲有一堆既配菜！ 勁入味！蒜蓉薄餅 $30薄餅一定配印度燒烤鐵板 不過不失！ Baby Back Ribs & Chips $192真係超級大份！ 兩個人食係綽綽有餘！ 薯條真係無得輸！ 薯條真係會食唔停 如果有多啲醬就更好🤤Fish & Chips $170本身好期待Fish&Chips 睇落好大份 薯條都好脆好好食 係粗既薯條！ 不過舊魚就無咁出色 炸得比較乾身 食落唔算太滑