MCL JP 銅鑼灣戲院小食部 (已結業)

OpenRice請睇神奇四俠，小肥就約埋honey去銅鑼灣翡翠明珠睇，貪廣場內有多間甜品餐廳，睇完戲可以去食宵夜 。MCL JP 銅鑼灣戲院o既小食部而家推廣緊「Combo X」超值套餐，一杯大汽水加桶大爆谷合共$62，真係好啱我地依啲小情侶食。既然我地兩個都嗜甜，爆谷當然係要甜味啦，汽水就揀返大路o既可樂。桶大爆谷食到一半都仍然夠暖，但可惜其甜味只係好似有層薄薄o既糖漿喺面咁 ，始終唔及之前喺其他戲院食過o既朱古力味爆谷咁香咁討好。