McCafe (星光行)

营业中

休息中

到McCafe 是因為有半價coupon. 超值的享受, 咖啡味道絕對不比Starbucks, 正價價錢也比Starbucks 便宜. 第一次要了一杯大Cappuccino, 買相很好, 咖啡面以朱古力粉酒上M 字, 很吸引. 咖啡味道也很醇, 色香味俱全, 很滿足。雖然coupon 只能用至12月5號, 但我會繼續到McCafe 飲咖啡, 雖然環境就不及starbucks 般舒服,優雅..

同老友行街作個中場休息，本來想去starbucks，冇位座又要等位。我就提議去mc caf，因為未去過想試下，而老友亦讚成。比起starbucks仲多款式選擇，蛋榚起碼有五、六款。芒果芝士餅好香芒果味外，芝士味亦濃郁，還有混了芒果肉及夏威夷果仁碎，好有口感，而且有芒果味道清香，中和了芝士的溜。Cappuccino cheesecake這個不及芒果芝士餅，芝士味過濃，咖啡味唔太突出，而且蛋榚外有層朱古力，所以味道較甜及較溜。香蕉合桃muffin，唔夠香，亦唔夠鬆軟，口感好鬆散。Mocha味道亦不比starbucks遜色，中size只是18蚊，起碼比starbucks平一半。第一次食mc caf，估唔到印象不錯，可以再試。

Having a cup of hot cappuccino here is much cheaper than those in other chain cafes. With a delicious espresso topped with frothy milk and cinnamon on, I very much enjoy the place.

昨天早上在此店order了cappuccino，個foam打得相當有水準，smooth而且很creamy。但不是每間McCafe都可做到，如Pacific Place內的那間就好像沒有做得這樣出色。

有張coupon 可以$22買一件$12既餅加一杯$18既中咖啡, 我揀左blueberry muffin同cappuccino!個sales 問我需唔需要返熱個muffin, 我話要, 暖暖既muffin裡面有好細粒既藍莓粒, 份量ok, 而食到muffin既中間, 仲有d藍莓醬, 味道唔係好甜, 唔油亦唔膩, 質感幾鬆, 但比較散, 不過比我預料中好味!Cappuccino既咖啡味幾濃, 覺得有d苦, 可能因為我冇加糖掛! 不過, 我去starbucks飲cappuccino都唔加糖, 都唔會覺得苦喎! 雖然苦苦地, 但都飲晒!

之前試過starbucks的藍莓鬆餅,好好食,今日見佢地有muffin,就試0左個香蕉鬆餅~同樣地12蚊,mc cafe呢個就差人地好多....雖然佢size大過starbucks個好多,但就難食好多....成個muffin,好乾..乾得好緊要...根本好難食哂..仲要咁大個...香蕉味唔夠濃,好在有d 合桃粒,但太乾真係好難入口...而且佢個muffin好油,唔明點解咁油都可以咁乾..

試過佢地一件chocolate brownie,12蚊一件,但只覺唔抵加難食...件brownie好甜...甜到入唔到口...上面仲要再加糖霜..你話點頂..件brownie又好濕,濕得滯好難食....而且入面d合桃有少少"益"味....細細件,仲要賣得貴過pacific coffee0個件大大件,佢地都算失敗!

>.<，我之前睇阿暖暖的食評睇得唔夠留心佢話在機場的McCafe有cake+coffee=$20的set但我就睇漏o左機場2字今日跟食評去了星光行諗住食一個超出抵的tea啦點知去到先知冇set的，心諗莫非俾人昆了？咁算啦，諗住冇set都照買點知就發現多人到不得了堂食唔等就冇位坐於是最後都係走o左見最近都有唔止一個人讚哩度的cheesecake我下次一定要試試先得

我覺得mc cafe 的cheese cake 都好好, 真係拍得住starbucks 同double rainbow , 又唔貴, 又夠大件, 又好味, 我而家都唔中意食其他cafe 我cake lu. 仲有就係環境都唔錯呀嘛.

我係0係機場麥記入面的mccafe食呢個餐的,20蚊有件cake加杯coffee,真係抵到不能再抵!!我要普通cheese cake同mocha.cheese cake好大件,好夠凍,而且有d凍得濟,食時有少少冰...但唔緊要,佢呢件cake 絕對唔會遜色過starbucks,芝士味好濃,口感好,芝士都好香滑,愛cake 人士絕對不能不試~杯mocha都好好飲,但我略嫌朱古力味重0左少少~但20蚊有2樣0野實在太超值了!

泡沫奶入口非常o既rich, 加上朱古力粉, 好正好正. 可以話係好耐冇飲過咁好味o既espresso drink, 朱古力味同咖啡balance得o既好, 不過我覺得朱古力味少番d好d, 而家太甜(雖然我忍唔住飲晒!!). 仲有就係杯野晤夠熱, lee個一定要改善. $16/Small size. Good Value!

今晚出左去尖沙咀,因為時間緊迫的關係,我只有十分鐘時間完成我的晚餐,因此選擇了近期好少去既爆炸頭叔叔快餐店,此店劃有mc cafe,既然銀兩在月頭較鬆動,而我又只是想買個包既情況下,選擇了貴d既呢邊,因為勁唔想再惆悵要一至九號餐,那些食左咁多年既包了,包款選擇唔多,約五款吧,最後我選了小龍蝦蛋沙律卷,相信不用多說,都知係晨早整定啦,外面個包,係類似彼得包,裡面除了主角外,仲有生菜,食左一兩啖,都食到小龍蝦,當然唔好期望有蝦味,十成都係雪藏貨色啦,至於蛋沙律,不過不失啦,不過想不到的是,生菜還保持著一點爽脆,或多或少,是因此而加分的配角啊!!在紅炸頭快餐店,高熱量兼無營養可言既快餐食物中,呢款包都算係比較健康既,當然,24蚊,買個一早整定既包,係唔值既,但俗語有云:一分錢,一分貨,如要顧及健康問題,而又趕時間兼無選擇下,付出多一點金錢,也是值得吧?!

一心諗著入去McCafe 八下有Ｄ咩野食，結果比佢地既食物買相同環境吸引著．　好！我即管就試下．叫咗個　Chicken and Avocado Wrap 同　Latte. 味道唔可以話係好好味．中等啦！但員工們好比心機去做杯coffee 同招待客人，真係好值得讚．其實快餐店食物健康Ｄ又有多咗選擇．係一件好事．McCafe 總算係平凡既快餐店裹加多不少色彩．

有一排冇黎, 發覺個MENU o既選擇豐富左, 咖啡除左有mochacchino同macchiato之外仲有long black, flat white 同vienna, 揀左long black, 好鬼strong, 另揀左"tea" = Twinnings o既English Breakfast . 其他o既選擇仲有frappe.野食o既sandwich 比Pacific Coffee 平, 味道係眯差d就唔知. 仲有panini 同wrap, 揀左crayfish xx wrap, 都唔錯. 其他仲有puff 同cake, d cake 廿蚊件, 賣相唔係太靚, 件頭就幾大MENU o既轉變意味住McCafe 有意同starbucks lee 類upmarket 既chain stores "fight". waitresses o既presentation 唔錯, 年輕, 又化晒妝, 但係英文麻麻地, train 下好d 堝(even if lee 度係藍田唔係CBD)~

見到無咩人係mc cafe咪上去try try, 嘩!真係好唔掂, 無choice啊,coffee係得cuppaccino同一般coffee,我都無話要咩特別要求,連mocha,latte個d都無, 食野個d cake又好似好唔新鮮, 做cafe又無梳化坐.唔怪之得無人去, 最後我都係去番樓下老麥食麥樂雞.唔該檢討下啦! 咁搞法遲早close.