影片
以上资料只供参考，请与餐厅确认详情
招牌菜
相关文章
曲奇一直有唔少有心嘅食友送赠，令小弟作为下午茶轻食，让我更可以晌度以「好友狂尝曲」系列跟大家分享唔同店家曲奇嘅味道。但估唔到，朱古力小礼物收吓收吓亦收唔少，又让小弟都可以写吓，令「公朱同好」系列有幸挨到今次第10篇，而今次分享嘅喺马莎产品。依一款排装「西西里海盐牛奶朱古力」，以波浪海纹为包装纸，甚具意思，虽然未去过依个意大利南部大岛屿，但亦知道佢嘅存在。如果有留意，包装纸左上角有个「公平贸易」（FAIRTRADE）标志，表示厂家晌制造朱古力时，对所有原材料均支付合理嘅价格予农民，唔会为利润而克扣、压榨佢哋，值得支持。虽然马莎喺英国品牌，其实排朱古力嚟自意大利，每排净重100g，亦唔含化学色素之类，保质期都唔长，约2个月左右，感觉健康啲。打开包装，朱古力外观无咩特色可言，平实3格3格一排排，但味道及口感实在唔错，牛奶朱古力放入口中，慢慢溶化，柔滑无比；最有趣喺，慢慢嗒落，海盐嘅咸味渐渐散发，有种既甜又咸嘅味道感。以往都品尝过海盐所做嘅甜品，咸 + 甜的确喺个几有趣嘅体验。而今次马莎出品，值得公诸同好！
继续阅读