Mango Tree Café (已結業)

想試左mango tree 好奈，但身邊好多人都話好貴～終於去左食啦，原來價錢都冇想像中咁貴兩杯野飲都好飲，外觀又靚～可惜啲珍珠太大粒，成日啜住向飲管，飲幾啖就塞住左，要諗方法整番佢出黎～而且珍珠太軟啦，咬得好唔爽菠蘿炒飯都好味道，撈埋一齊啲味道好夾生菜包我就覺得一般般啦，冇咩特別～反而個冬蔭公，我同朋友都好中意，呢個真係要推介

今日一行二人去yoho搵食，揀左呢間唔常見既mango tree。入面座位寬敞，柔和燈光，配埋牆上泰式風情既壁畫，好舒服。因為坐位充裕，冇人係出面等位，可以慢慢嘆首先黎左杯野飲先，有塊oreo係到但就冇曲奇碎襯托，欠缺誠意，飲落都冇曲奇味。但成個杯底都有朱古力醬，非常濃郁。稍微遮蓋奶茶味，少朱古力就做到平衡！但個名改做朱古力奶茶比較適合雞翼黎啦！好香冬陰公味，唔會炸得太乾身，醃味充足，正！如果想酸少少，可以加埋佢個醬。蝦膏炒飯份量不少，擺碟非常認真精美，仲有兩塊蝦片同肥而不膩既豬肉添！將所有配料拌勻就可以食！咸香既蝦膏加埋微酸芒果肉（淡黃色一絲絲既），食落更醒胃！ 個燒魚比想像中細但更惹味！肉質嫩滑juicy仲好有冬陰公味！美中不足既係糯米飯偏硬，中意有口感既我都覺得太硬太乾身。

元朗實在太多餐廳、街頭小吃，夏天天氣太熱，要到商場內走走逛逛。 新鴻基王國既yoho三期，有間mango tree，座位很多的，其實想試很久，但圓方太不就腳。原本是打算散叫，但最後見到有二人餐$380 加一，便改變主意，散叫的食物差不多、相同價錢又多了甜品及飲品。 夏日炎炎，前菜當然是沙律。西瓜帶點芫茜的味道，不喜歡的人會覺得奇怪。令人不禁想一下這是泰菜還是其他東南亞國家的菜式。燒春雞售罄，改善主意要豬肋骨。選擇很正確啊，豬肋骨的醬汁很惹味，蕃茄超多汁，薯條一般，如果是粗身薯條便好。焗豬扒飯，飯是黃飯，茄味不太足，沒什麼特別。下次選泰式大蝦粉絲會比較好吧。甜品是Thai tea tiramisu，但雪糕只得朱古力或荔枝味選，沒有泰菜味，只好要朱古力味。

一路都好想試MangoTree但係Elements 太唔就腳嘅關係想試好耐都試唔到咁就試左cafe先啦咁當然係正評啦我地都係叫啲最standard食泰國菜會叫嘅野啦有蝦多士同米紙卷做前菜然後係馬拉盞炒通菜 同泰式大蝦炒粉絲不過就叫左個特別啲嘅泰式鹵水豬手最鍾意嘅係蝦多士同豬手個蝦多士外脆唔洗講啦入面都啖啖肉架最正係個汁好清新夾得好好而豬手個汁好入味啲肉又腍喎不過通菜同粉絲就冇乜特別啦

來到Yoho mall超多食市選擇，這家Mango tree之前在圓方有吃過一次下午茶餐很好吃。這次看到有午市套餐，就來試一下吧！😛😛點了冬蔭公湯底的魚蛋魚片配河粉，$68，份量很多，湯底沒有很多香料，也沒有特別酸和辣，比較淡淡的。魚蛋和魚片蠻彈牙。飲料是加$20的特飲，名字是Choco chacha ，這杯飲料反而有驚喜，上面是cream、朱古力醬、oreo餅乾，下面是奶茶和最底下的朱古力醬，整杯就是一杯很heavy的忌廉碎冰朱古力醬溝奶茶😝😝味道很有趣.... 又邪惡又好喝的！哈哈😋😋

元朗近年來變咗好多，除咗有各種唔同特色嘅小店之外，YOHO都有好多好嘢食，不過就係連鎖，其他地方可能都會有。好多年都冇食過Mango tree, 記得以前第一次係喺圓方嘅分店食，嗰時已經覺得好好味！今日晚飯時段黎等位，都唔會話等好耐， 15分鐘就入得！我叫左一杯椰汁三色冰，呢個咁炎熱嘅天氣最啱就係飲一杯清涼嘅飲品！上面有大樹菠蘿果肉，清甜得黎同椰汁能好match! 之後叫咗一下沙嗲串燒，牛肉同雞肉之間，我會比較prefer雞肉, 會juice d d, 點埋甜甜地嘅沙嗲醬，真係唔錯。之後嚟咗一客大蝦米紙卷，但竟遭有我最唔鍾意食嘅芫荽， 份量仲要好多添，夾都夾唔到出嚟，所以我係唔會鍾意食呢道菜最後我地點左紅咖喱雞，紅咖喱又唔算太辣，椰汁味十分香濃，但雞肉就唔太滑。不過用個咖喱汁點蒜蓉包真係好好食！最後仲見到有泰式鴛鴦，下次真係要試一試，睇落已經覺得好吸引！

身為元天屯人 搬咗出九龍之後真係好少係元朗食野難得中同飯聚 點忙都好都要返一返元朗返黎先發覺yoho mall原來咁大 咁多野食 好似間間都幾高質咁｛蝦膏炒飯｝唔錯 飯炒得夠乾身特別提一提飯粒身旁既腩肉好冧好好味啊｛冬陰公｝唔好見佢唔係好大碗咁 原來好足料入面滿滿都係料 大大隻蝦 隻蝦仲好爽口tim｛豬頸肉｝佢係炭燒既 所以燒得好香口火候剛剛好啊 點埋個汁真係呢 本人偷偷地食咗半碟｛馬拉盞炒通菜｝正常｛泰式奶茶｝係人都知泰式既奶茶係好甜既 所以本人就嗌咗少甜都係好甜 所以都係唔係好識欣賞總括而言 地方坐得好舒服 同老朋友傾下計食下飯都幾好如果問本人會唔會encore 本人就唔會啦

元朗好大，有好多唔同既野食，之前已經黎過mango tree 食幾次，但原來媽媽還沒試過，所以決定帶她來試一試吧黎過呢度幾次都覺得服務好好，環境舒服乾淨，野又好食。媽媽最愛芒果味既凍飲，所以佢嗌左杯mango cha cha..老實講，我就未試飲過，不過媽媽說入面太多雜果，不太滿意呢今次我地仲嗌左個新推既米紙卷，入面太多芫荽浸味令到我有d接受唔到...係自己衰，無睇清楚入面有咩就叫左。不過例牌黎到會叫個女婿蛋，佢係一個炸左既蛋，上面淋左d特色既醬汁，再加d脆脆係上面，好特別另外我地仲叫左冬陰炸雞翼我呢個肥妹最愛愛雞翼，加埋冬陰公嘅味道，酸酸辣辣好開胃最後我哋仲嗌左個炒粉絲，又係一貫既好食其實黎mango tree都好少會失望，不過今次係比個充滿住芫荽味既米紙卷令到有少少扣左分

早幾日前去試叫咗個牛粉第一啖試湯底⋯⋯Errr再比多次機會再嚟多啖⋯⋯Err「湯底唔得」唔係有好重味精要隊水嗰隻但又唔係好特別出味嗰種點知牛肉片加送兩嚿牛腩， 但係⋯⋯

yoho開左甘耐都冇咩行過嚟食嘢媽媽就話有泰國菜問我想唔想試甘就去左試因為係假日所以早左去食餐廳原來有落場休息時間17:30先開始晚市未到時間除左我地頌有d人已係度排度等入座有趣的是夠鐘之後員工係先派飛而非直接入客還要我地再等等先開始入座感覺有點手忙腳亂由於假日既關係，只提供假日餐單沒有4人set，但價錢很貴這個蝦多士炸得尚算香口但有點太油膩了而且蝦的味道不夠出油味比蝦味重但加上芝麻後比較香椰汁紅咖哩軟殼蟹份量較少，只有4舊但咖哩味道很香蒜蓉包只有2塊不足以讓一家人分享大蝦炒粉絲這個粉絲很爽口不會太濕而且味道很討好不過個人不太喜歡加了很多生的芽菜而且蝦只有兩隻，味道很淡，不像有一起炒點了杯bp ice tea好像綜合水果茶，不過不失還算解膩的【生菜包】令我在意的是生菜包只給了很少的生菜生菜不夠問店員卻說要另外加錢才有味道延開胃的服務看到店家應該有安排員工在不同固定位置工作但感覺不太專心，想找個員工問問都要稍等更令人哭笑不得的是我們吃了軟殼蟹後留了碟希望用咖哩汁點其他食物有位員卻不停問不可以收走但又不收走枱上已推到一邊不要的碟子們更有趣的是有另一位員工來收碟卻收一點不收走一點（重點係另一

今晚黎到元朗yoho mall搵食，發現原來mango tree呢度有分店，就黎試一試啦。我地一行四人叫左個四人餐，性價比都幾高呀，口味又好大路，感覺唔錯、同大家分享一下啦。先講前菜，叫左炸海鮮雜菜餅同生菜包。雜菜餅炸得好鬆化，主要係雜菜啦，海鮮都唔算多，不過新鮮炸起就好好食；而個甜酸醬入面加左花生，更成個餸更惹味，不過就好邪惡。而生菜包就好刺激啦，肉碎好辣，就算包住生菜食完都要飲返兩啖水，不過味道都係好既，如果多兩塊生菜就更好了。主菜方面，黃咖哩蝦都唔錯，是偏甜而唔辣既口味，好適合一家大細，蝦既份量都唔少，不過跟既蒜蓉包得兩塊，略嫌太少。而個Phad Thai pizza係細型而厚底既，食落去真係phad thai既味，甜甜地，好唔好食就一般啦。飯/麵類我地叫左焗豬扒飯同炒粉絲，焗豬飯都係泰式既，醬汁有一陣香茅味，而豬扒其實係厚切豬頸肉，份量特多，飯是炒底的。而炒粉絲就無咩特別，味道無咩驚喜。最後係甜品，個crepe真係唔好提了，反而個泰茶拉米蘇真係幾得，其實係tiramisu加泰式奶茶雪糕，雪糕好好食，真係好似飲緊泰式奶茶咁，食多一杯都仲得。總括黎講，呢個四人餐都唔錯，味道幾好，價

一直想試mango tree好耐，咁啱收咗工屋企又冇煮飯，就決定去試下啦。唔洗等好耐，等咗十分鐘就有得入座啦。Mango tree個環境好好，坐得好舒服。兩個人叫咗串燒，炒菜苗，綠咖哩雞同牛仔骨。食物味道okay，但偏咸！串燒燒得幾好味，個sauce好正同啲肉好夾，酸酸甜甜。炒菜苗同牛仔骨就係有啲咸😂真係要叫碗白飯咁就啱啱好啦！綠咖哩雞，啲咖喱比想像中浠，好似水咁。不過咖哩味唔太差，雞有少少雪味，最好食係裏面嘅茄子🍆！總括嚟講，食就一半半，但勝在服務好，坐得舒服！

今日去形點睇完戲，就是但係入邊搵一間餐廳食晚飯！朋友話想食泰國野，所以我們就去試下mango tree.我地等左差不多一小時先可以入座，但入到去發現餐廳都唔算細我地兩個女仔叫左咖哩蝦蟹，冬蔭功同泰國滷水乳鴿！先講咖哩蝦蟹，分量大概有一隻蟹同一隻大蝦,蝦同蟹嘅size唔算細，不過個人覺得海鮮唔算太新鮮至於冬陰公，味道係唔錯嘅，不過size就太細了，每人大概只有一小碗而泰國嘅滷水乳鴿，反而出奇地好味！滷水味完全滲入乳鴿肉內呢！

復活節, 長假期, 小朋友當然高興. 家長們就是每天也要找節目, 頭痛嗎? 今天就介紹一個好節目給大家, 就是Mango Tree Cafe的復活節特別節目. 這個活動, 只在Yoho Mall分店舉行. 在復活節四天假期, 來Mango Tree Cafe吃午餐, 除了有一系列節日美食之外, 還有繽紛攤位遊戲供小朋友玩樂. 這天, 小晴晴就來到Mango Tree Cafe大玩特玩了. 每檯客人皆能得到遊戲卡一張, 供小朋友到攤位遊戲區參與其中一項遊戲.最有節日氣氛的是波波池尋蛋樂, 這個池, 除了有例牌的波波外, 還隱藏了不少復活蛋. 小晴晴的任務, 就是要在池中尋找五種不同顏色的復活蛋, 對她來說, 似乎不太有問題, 很快就成功了. 接下來的, 是驚險刺激拋圈圈, 對, 就是那種在荔園玩到的玩意. 每個小朋友能得到十個圈圈, 要起碼拋中三個水樽才能得獎. 這次就考起小晴晴了, 她就算移向前, 也很難把圈圈拋中. 繽紛復活蛋DIY的任務, 是要在復活蛋上填色, 如果好像小晴晴般年紀比較少的話, 就在畫紙上填色吧, 容易一點, 她的投入度也大些呢. 在餐廳舉行的活動, 當然有吃的元素

月底就是復活節了, 您會有甚麼節目呢? Mango Tree Cafe的Yoho Mall分店, 在復活節期間, 推出節日美食, 以及繽紛攤位遊戲, 實在是一家大小共同過節的好地方.Pineapple Earl Grey $48: 8.5分, 先來杯喝的, Pineapple Earl Grey, 當中的內容包括菠蘿, 大樹菠蘿, 海底椰, 伯爵茶, 菠蘿汁, 以及梳打, 清甜中帶茶香, 那陣伯爵茶的味道, 很動人.Orange Juice $38: 小晴晴喝的就是橙汁.五味脆皮雞 $148: 8.5分, 節日美食中, 最適合小晴晴的就是五味脆皮雞. 雞肉相當入味, 帶香茅, 芫荽籽, 蒜頭, 檸檬葉, 以及泰國芫荽等五種味道. 雞皮炸得脆卜卜, 雞肉很嫩滑, 點上泰式酸甜醬同吃, 很開胃.復活版心太軟 $58: 8分, 至於復活版心太軟, 特別之處在於面層加入了復活蛋, 而心太軟的朱古力味道亦很濃烈.可可石板街 $58: 8.5分, 另外一款甜品是可可石板街, 結合了朱古力雪糕, 脆朱古力, Oreo, 麥提莎, 以及朱古力布朗尼, 當然是朱古力迷的心頭好, 層次分明, 一款甜品包括