Mango Tree

营业中

休息中

Mango tree同朋友去完M+博物館之後就係圓方搵食醫吓肚。嚟到位於圓方金區嘅Mango tree。今次叫咗一個兩位用嘅泰式tea set。哩份tea set 有鹹點同甜點再包咗2杯指定特飲。食到一半有啲唔夠喉，我哋就加多$88 試埋龍蝦鮮果沙律。-------------------------泰。嚐味之旅下午茶 $398 🍴鹹點- 珍珠鮑魚青芒果沙律: 鮑魚size不大，但加埋青芒果沙律都幾清新開胃- 椒鹽蝦: 惹味之選，好脆好香口，好食👍- 燒鴨米紙卷: 一般- 冬陰炸雞翼: 幾香冬陰公味，但肉質有啲乾- 炭燒豬肉沙嗲: 攤凍左少少，肉質有少少鞋，但點埋好香花生味嘅沙嗲醬都好食嘅!- 迷你黃咖哩海鮮農夫包: 咖哩香濃，海鮮有青口魷魚等，不過不失。- 龍蝦鮮果沙律 $+88賣相係幾靚，都可以打吓卡，但哩個唔係太推薦，龍蝦冇乜味，肉質又彈性欠奉。鮮果沙律正常。🍭甜點甜點方面有:香芒糯米飯，泰式斑蘭千層糕，翡翠西米丸子，椰汁西米糕。芒果香甜，糯米飯軟綿。其他甜點味道都差唔多，係經典嘅泰式甜味，食完有少少濟。🍹飲品我揀咗 Coconut Treasure。椰汁沙冰加芒果蓉，但椰汁唔夠

🌍Mango Tree (尖沙咀)今日去M+前食個lunch先。去左Mango tree 同簡左tea set ，點知送餐黎少左一樣菜😮‍💨，職員又急住收枱，食物質素一般。飲品：🍹Thai Sangria: 夏日風情熱帶水果風味，飲落去甘香，而且有少少伏特加酒的香味。🍹V. Strawberry Mojito : 淡淡既紅色，有種少女魅力的感覺，飲落香甜清爽，好適合女仔飲 🍽Thai Sangria Tea set :咸點：1.鹽燒椒鹽蝦：香脆而且連蝦殼都鬆脆食埋，好好味2.咖喱農夫包：咖喱香濃味道，配合農夫包一齊食好惹味3.珍珠鮑魚青瓜沙律：味道清新開胃，而且鮑魚有爽彈感好味，但青瓜沙律唔夠爽口😢4.烤豬肉串燒：放涼不夠熱😥，但味道都可以，可以配搭沙嗲汁食就不錯甜點：全部都係泰式突出甜品，包括有芒果糯米飯，芒果鮮甜，而其他甜品一般般、好膩胃😩💵消費：$438✨環境：7/10 🙋🏻‍♀️推介：6/10📍尖沙咀柯士甸道西1號ELEMENTS圓方金區2樓2032號舖

Mango Tree有三間分店，我去嗰間喺Elements，提供嘅菜式同一般泰國餐廳差唔多，都係咖喱🥘、串燒、泰式炒飯等等，味道中規中矩，不過不失啦。Elements分店最大嘅特色係佢個落地大玻璃，坐喺窗邊食飯，個景都幾靚，可以叫杯沙冰或者Cocktail打下卡🍸🍹如果去慶祝生日，可以考慮叫佢哋個甜品拼盤，唔同款嘅甜品都有啲，仲插住個生日牌同埋蠟燭，特別過食生日蛋糕😋💰: HK$300-400 (Dinner)💝: 7/10

Mango tree 呢個名一啲都唔陌生😂今次終於有機會試到！呢間仲要係有落地玻璃，環境非常一流😚下就黎個tea, 可試曬甘多款野食🥳兩個女仔傾下chill下，環境又正！不得不讚下餐廳姐姐佢地嘅服務，主動又有禮貌！舉手即應👍🏻👍🏻👍🏻值得一試🫶🏻

第一次試，食物味道質素都唔錯😋真心推薦環境好，服務好店員都好nice好有禮貌~~問咗好幾個問題都唔會話唔耐煩同hea答👍🏻食物選擇都唔少，建議一班friend一齊去試下可以食多幾款唔同嘢食，一齊share一齊傾下計。

我諗Mango Tree都算香港食泰國菜之中比較靚餐廳，相比起九龍城嗰啲餐廳，Mango Tree都算係我最鍾意嘅泰國餐廳嚟。首先佢嘅裝修絕對係華麗同埋高級圓方呢一間直頭有落地玻璃大景今次我哋一家四口食咗晚飯時段不過期間上菜比較慢，可能因為假期嘅晚飯時段但係仍然冇失水準，小食同埋主菜都好好食。最期待嘅就係甜品甜品拼盤分別有芒果糯米飯同埋一啲椰汁糕佢個芒果糯米飯絕對出色，大家有機會一定要試吓另外佢有一個用南瓜做嘅甜品，都幾特別㗎好少餐廳食到。

第一次試食泰式下午茶, 平時都係陪人食下啲港女tea, 陪佢影下相. 本身想去西九野餐, 但真係太熱, 好彩佢肯回心轉意入返窒內……….餐廳環境都好大好舒服, 門口姐姐好友善, 仲比左窗口位我地, 不過有時都好曬, 因為係落地大玻璃, 係室內曬太陽, 都係一個情趣黎既.成個餐有齊鹹點同甜品, 同平時有啲唔同係呢到既下午茶係鹹點大份同多過甜品, 鹹點好似係大約6樣, 甜品係4樣, 二人份量, 包兩飲品. 飲品可以揀cocktail, mocktail 或者果汁, 茶, 都係一般有既野.食物味道就不過不失, 其實都係$400 兩位, 比起平時食開既港女tea, 呢個餐就低好多, 最小都唔係得個睇字, 同埋會飽, 不過味道係可以更加好. 如果呢個餐可以外賣會考慮下等冇咁熱買去西九直接野餐, 唔洗搞咁多野….

平時係港島比較多, 今日去到圓方附近做完野就同同事搵下食地點都方便, 係九龍地鐵站上面, 係個商場有啲難行, 中途行錯都要打去餐廳問下點行.. 好彩餐廳員工講得清楚, 如果唔係有排兜一去到就比前台發現我地就係岩岩唔識路個個, 好關心咁問我地行左幾耐 哈哈兩個人叫左沙律, 蝦餅, 同一個金邊粉. 就兩個人黎講都夠食, 最後再加多個甜品芒果糯米飯.味道不過不失, 唔差都幾好, 但又唔係真係好地道. 最後成餐個印象係服務好好, 會主動介紹, 唔識係咁舉手搵人, 望一望都會主動過黎睇下我地價錢中上, 如果就咁食物就出邊都食到, 不過服務地段加埋就會覺得合理.如果係見客或其他特別原因都會再考慮入黎食

6月份的閨蜜日，一於化身「偽文青」再次重遊西九文化區，沿途經圓方商場，由早玩到晚，午餐在M+場內用膳，傍晚時分，回程時一於到圓方搵食，圓方名店臨立，人數相對較少，但食肆的價錢一般也較昂貴，想找些性價比高的餐廳，真有點難度，千挑萬選，最後竟然找到Mango Tree，剛巧有職員在接待處，細問可否wall in即時入座，她禮貌地表示晚餐要6點後才供應！當日預約已滿，但仍有少量walk in位，可於6點，再來碰碰運氣準6點，再來排隊，職員很快便安排入座，仨人行來個輕食吧！餐廳位置十分大，職員竟安排我們坐近窗邊位置，在落地玻璃外，看到日落，真有驚喜！由於下午食得太飽，所以只叫了芒果蟹肉炒飯丶海鮮炒河，侍應生很勤快把食物上枱，兩款食物的賣相和味道也不錯，但份量較少，而且餐廳的冷氣也較大，很快把食物吹凍，整體而言，在整個圓方商場，能有日落環境，食物質素不錯，侍應的服務態度有禮丶價錢尚算合理！仨人行的「偽文青」之旅，完滿結束！

餐廳裝修得幾靚 樓底好高空間感好足 座位都好闊落坐得好舒服☺食物質素唔錯 價錢都比我預期中平😳 炭燒牛扒好高質 值得一試 佢燒得啱啱好香得嚟又唔會太鞋口牛味都好重😋 芒果蟹肉炒飯相對普通🙈 蟹肉唔算好多 食落亦都唔覺得有咩特別佢入面有啲提子乾粒 好似係正宗泰國菜就會有 但我勁唔鍾意😑覺得佢哋好唔夾btw..佢個擺盤有啲似米妮🐁呢間餐廳好適合情侶嚟拍拖舒舒服服咁食泰國菜💑每人百幾二百蚊有呢個質數 性價比確實係算好高

餐廳環境好靚，仲有落地玻璃，可惜我哋坐唔到窗邊，不過都feel到好充足嘅陽光🌞下午茶時間，我哋叫咗Thai-Lobster Fiesta Afternoon Tea Set， $398 for 2ppl，之後發現枱枱都係叫依個set🤣Savoury 鹹點：珍珠鮑魚青芒果沙律、椒鹽蝦、燒鴨米紙卷、冬蔭炸雞翼、炭燒豬肉沙爹、迷你黃咖喱海鮮農夫包鹹點比較推薦迷你黃咖喱海鮮農夫包，個包夠脆，點多啲黃咖哩仲好食，燒鴨米紙卷都唔錯其他就普普通通～ 沙律偏淡，雞翼、沙爹都比較乾Sweet 甜點：香芒糯米飯、泰式斑蘭千層糕、翡翠西米丸子、椰汁西米糕反而甜品水準較高，啲糕唔會太甜，香芒糯米飯個芒果就好甜！Drink 飲品：Thai Sangria（飲落似凍嘅冬蔭公湯）Butterfly Pea Tea（上層係蝶豆花，下層係檸檬/菠蘿汁，撈埋飲就酸酸甜甜咁）食物味道就一般，不過喺依個環境加埋個set嘅擺盤就好加分❣️兩個人價錢都算合理嘅，一試無妨

之前食brunch 送咗兩張$100 coupon六月底到期，book咗今晚再去，$300就可以用一張$600就可以用晒兩張，我哋叫咗炸蝦餅，香辣海鮮炒河粉，紅咖喱荔枝炆鴨，再加個法飽，最後嚟個甜品拼盤。晚餐好食好多，幾樣餸淨係蝦餅覺得就唔對路啦，好似食緊炸肉餅，紅咖喱荔枝炆鴨好好味，可惜啲鴨肉好少好少，今晚最驚喜係個法飽，個皮脆仆仆入面好鬆軟，仲熱辣辣，上次午市時間個包係冇溫度，軟晒，另外甜品佢真係好出色今次個芒果糯米飯好正啊，糯米暖笠笠煙煙韌韌，原來晚餐嘅質素好更多。

我又回來囉😌這次是紅色暴雨中泰式的下午茶$398 for 2 person 擺盤有模有樣的可惜吃下去食物質素一般🫣最值得一提已經是那個迷你海鮮黃咖喱農夫包了但是裏面的海鮮也太少了吧😅嗯還有那個單骨雞翼也不錯而甜點就⋯只有芒果糯米飯是可以吃下去的其他都味道有點奇怪😅如果不是有窗邊位置的話我想你們還是不用去了😂記得餐飲不要點茶（只能選English tea)喝了一口差點噴出來另外朋友叫的士多啤梨特飲味道有點像咳藥水⋯是否這個價錢不能強求？

成日都話好想去mango tree食嘢，終於試到啦環境真係好靚，坐喺窗邊望住西九咁樣食嘢一定加晒分，我哋叫咗Brunch set，$298一位，原本$398，經網上途徑訂位就可以，我哋開始食前菜，頭盤各方面都好好，點知去到上主菜就停咗，唔知發生咩事、咁我哋諗住等多陣，但等咗好耐都唔見，我哋嚟先嘅，但係側邊嗰幾張枱啲主菜都上晒，但我哋個咖喱海鮮同慢煮牛肉點解咁耐都無，哦原來應該係甩咗單，左問右問，等下又等，終於上到個慢煮牛肉，但個咖喱海鮮都係上唔到，隔咗好幾個字之後終於上到，仲一上上兩碟俾我，但係個麵包又唔知去咗邊，有個職員放低麵包落我哋張枱跟住突然間又攞咗去咗隔離張枱，隔離張枱話佢哋已經有，個職員又唔俾返我哋，跟住隔咗一輪我話個麵包仲未有，又要再等，又話焗緊，總之嗰刻我覺得好煩，到埋單埋咗三次先啱數，係咁比咗其他枱啲單我哋，所以我先知道可能我哋張單唔知發生咩事甩咗，食嘢真係好怕遇到呢啲咁嘅情況甩單催單，話晒你哋係mango tree唔應該發生呢啲問題。講返食先；前菜，頭盤各方面都好食，仲有驚喜，個沙律好正，咖喱海鮮就預期差，好失色，唔係因為佢上唔到比我，入口係好甜汁好杰，青口都好大隻，

前排得閒食咗佢個398 兩人嘅下午茶，質素一般。前菜個鮑魚沙律就幾好食嘅，酸酸甜甜咁，仲有啲魚露味，但嗰兩隻鮑魚就真係好細隻，略顯寒酸，情願佢用其他嘢取代。個椒鹽蝦就generally ok 嘅，但賣相就一般，個頭有啲發黑，同埋食落都唔太新鮮，但個味係好食嘅。下面啲生菜都爽脆。而個咖哩麵包都係ok 嘅，好似其他泰國餐廳咁，但個包就略嫌硬，青口正常，上面啲疑似蟹肉嘅嘢都正常。鴨包卷又係正常普普通通。香茅雞翼同串燒豬肉個味道都ok ，一般泰國餐廳質素。啲甜品都正正常常，唯獨個丸子好似變變地，聞落係有陣乳酪味，不過食完都冇肚痛嘅另外個環境望落就幾靚，但張枱黐立立，幾次郁個杯都差啲搞到好反，呢啲咁簡單嘅應該做好啲。冷氣機又滴水，搞到個感覺好差。啲staff 又成日喺度收野一食完一點就即刻過嚟收，明明張枱仲有好多位今晚好干擾食嗰陣時嘅感覺。總體而言就好食物環境都一般，可能一開始睇到個環境期望太高，但實際上同一般九龍城嗰啲泰國餐廳差唔多，唯獨係杯嘢飲比較特別，情願去返嗰啲食仲平啲。