Mamma Mia 意粉屋

营业中

休息中

最近的效率超低！叫個外賣最少要等40分鐘。打電話落單時，明明話大概30分鐘，ok！點知由落單到攞得外賣，足足42分鐘得到人都癲結果...根本沒有心機去品嘗食物了

龍門居食街後面嘅意粉專門店💛之前堂食過一次，覺得幾好今次就嗌food panda2個意粉，仲有2個南瓜湯(以下為food panda價)卡邦尼意粉 $58好濃郁又唔會太膩 (對我嚟講⛑)煙肉啊蘑菇啊都好足料雖然唔係話好特別，但質素都ok lah黑松露燴意粉 $62好大pat黑松露一開盒就已經聞到好香黑松露味又係好多配料個味道相當唔錯，但係唔知點解，就好似油咗少少另外仲有南瓜湯🎃雖然我就唔飲嘅但聽聞好濃郁好好飲

友人介紹有間隱世小型意粉屋, 由年輕廚師主理, 頗有活力。我和囝囝選了 "蟹肉蕃茄忌廉意粉" 和 "煙三文魚牛油果意粉"。即叫即整份外新鮮😋 蟹肉都幾多, 酸酸地香濃番茄汁配以香滑嘅忌廉汁, 意粉煙韌及鮮味搭配剛好。鹹鹹地煙熏三文魚配以鮮香牛油果很夾, 意粉又唔腍身有咬勁。跟餐可加南瓜忌廉湯 (要額外加費), 濃郁南瓜配忌廉香甜好飲。 另外免費跟餐飲料熱洋甘菊 ,寧神可口及叫了凍自製洛神花茶, 酸甜醒神。真係可以媲美有國際水準專門店, 有質素。

秋高氣爽，一個人挑戰青山，行左3小時，腳仔都軟埋，餓到有個點，就去左附近嘅人氣小食街，出名多小食之外，又多特式小店，所以就去龍門居食好西中午小食比較少開，行到街尾，發現有間小店外面比較多人排隊，所以就去望吓🧐店內位置不多過10個位，而且又有限聚令，所以等位比較耐，外賣自助比較多人。而且即叫即炒，用心製作，時間要多一點小店來說，意粉十分多選擇，而且各有特式，有千層面，軟殼蟹，波菜及墨汁，唸左10分鐘都決定唔到🤣🤣,餐飲都好有特式，洛神花，洋甘菊，全部都好少女🤭🤭而且又唔需要加錢👍🏿海鮮墨魚汁🦑扁意粉～見到就好想即刻食，賣相吸引，海鮮勁多，雖然整碟都係墨汁黑，但海鮮同意粉比例差不多1：1，勁誇張，好開心💕，有蝦🦐，尤魚，帶子，墨魚仔🦑，青口，而扁意粉略粗，好似河粉咁上下，非常有口感，不過加點辣味就完美🤭🤭洛神花茶～十分開胃，酸酸甜甜

今日同朋友行完青山經過龍門居，見到呢間意粉小店終於有開就決定入去食。香蒜蜆肉意粉 $45 + $5 (加底)因為行完山實在太肚餓的關係，今次就加左加底，但其實加完的價錢都仲平過平時係出面食的一個茶餐，所以真係幾抵食下。首先，未食之前已經聞到成個意粉的香蒜味好香，食落每啖都夾著非常濃的蒜味，而且唔會話好重味精，係食完唔會太過口渴個種。同埋蜆肉份量亦十分之多，唔會話得幾粒咁，岩曬我呢D大食之人。肉醬千層麵 $68好耐之前食過係$58，但可能物價上漲的關係，已經就加左十蚊，但係食完呢個千層麵之後比我的感覺係幾值，因此個千層麵用左大量肉醬，而且面頭的芝士仲要係水牛芝士 ! 唔怪得唯獨是呢個餐特別貴，原來係貴在個用料。同埋，佢個麵底仲有D薯蓉做配襯，而薯蓉同肉醬呢個配搭真係無得輸，所以成個麵比我地的感覺係幾足料，絕對係對得住個價錢。南瓜湯 $10雖然一個湯要十蚊有點貴，但飲落先發現佢個南瓜味係勁重，應該用左大量南瓜製作而成，所以都對得住佢呢個價錢。

今日一早去行山～臨出發前去左龍門居搵食🤣個度之前介紹過宵夜街！非常多嘢食！原來日頭都好多小店嫁！！今日lee間就係其中之一！舖頭細細但意粉非常出色！！🤩🤩🤩入面位好窄同少所以如果聚餐有d難！但非常多人叫外賣嫁！！佢勁多款式！首先我地叫左碗湯！係甘筍忌廉湯（$10）配麵包粒賣相好得😂😂勁足料！千萬5好以為佢係金寶湯溝出黎！勁濃甘筍味十足好似BB嗰啲粥仔咁！麵包粒反而得2粒其實5需要寫係menu啊～😂搞到我以為好多呢！煙三文魚紅菜頭意粉（$68）我見到即叫啊！紅菜頭出面勁少有！但當日冇帶子所以轉左三文魚俾我！先講意粉！好有咬感！佢係有埋紅菜頭汁一齊整所以每條都紅色！但放心完全冇個種草青味！佢仲加左d紅菜頭條落去好似雲耳咁！好特別啊！！☺️☺️份量又好夠！抵食！包一杯熱飲品呢！熱朱古力上面有忌廉！我個人覺得有d甜！🌟卡邦尼意粉（$50）要試一間pasta店lee款意粉一定係考牌之作！好味！每條意粉都有汁！5太水！d汁剛剛好！煙肉又香！！高質！！美祿恐龍🦖wwow非常吸引可惜我個人都係覺得有d太甜😂😂😂🌟🌟🌟🌟🌟🌟🌟🌟🌟🌟🌟🌟🌟🌟🌟值得支持的高質小店！而發現外賣絡繹不絕！好令ge畫板牆身裝飾！❤️

之前經過呢間Mamma Mia幾次都無食到，今次終於得償所願可以試到個千層麵👧🏻✌🏻店鋪的面積不大，一進門已經見到曬，大約有四、五張二人枱同個開放式廚房這反而令到廚房的香氣更易傳到我地嘅嗅覺中，好期待～.千層麵上面經過烤焗的水牛芝士食落煙煙韌韌外層的微焦更增口感的豐富再配埋以蕃茄薯蓉做的底汁，兩者十分搭配😋而上面夾住肉醬的千層麵亦焗到恰到好處，麵條不會好乾身肉醬的味道也不會蓋過芝士蕃茄的原味道每樣食材都互相發揮作用，一個字形容「正呀」🥳.蜆肉意粉係即叫即炒，一送上黎個時已經聞到好大陣蒜味食落蒜味略為重口味，但正正岩曬我地呢D「蒜魔」🤣意粉炒到軟硬適中，而且唔會好乾身每啖都好似被蒜粒同蜆肉包圍住咁🥰

一間位於龍門居，前身叫熱辣辣嘅西餐！食物質素非常高味道出色！店舖由店主親自處理…真係酒店嘅質素，屋邨價錢嘅美食！店舖與本人住的地方，有點距離，每次都專程到店品嚐美食！由於座位有限，堂食要耐心等候！

為於屯門龍門居小店, 意大利特式風味, 意粉採用天使麵, 爽彈煙韌, 係點嘅靈魂。焗脆皮雞扒意粉: 雞件大塊焗至外脆內軟, 意大利粉煙韌吾淋身, 絕配。辣和風海鮮意粉: 有帶子,青口,魷魚,蜆肉; 帶子肥美嫩滑, 青口鮮甜飽滿, 魷魚爽滑彈牙, 蜆肉鮮味, 意粉爽口, 配照燒汁+辣椒粒, 非常惹味。煙三文魚牛油果炒意粉: 煙三文魚配點香草+新鮮牛油果炒意粉,絕配。意粉配有餐飲, 自家製洛神花茶, 檸蜜, 薑母茶… 加錢十幾塊錢有餐湯+法包。支持特色小店, 廚師用心出色, 自家製不同配搭意粉, 值得讚賞!

今日落雨，所以同同事叫外賣送遞，我地今次係經OPENRICE - FOOD PANDA叫既餐廳係龍門，送黎建生都只係30分鐘，讚！叫左四個意粉，有三款，因為好肚餓，相影得唔太靚！請見諒！1卡邦尼意粉 網上外賣平台價$49.5賣相幾好，食落好creamy，唔會太膩我放左成十幾分鐘先食都無乾晒！對得起依個價錢2牛油果煙三文魚意粉 網上外賣平台價$52.2同事話牛油果就爭左啲，唔係幾靚，所以食落唔香無乜味，其他正常，整體都好味！都係讚既3墨汁海鮮意粉 網上外賣平台價$70.2賣相都幾好架，排哂啲海鮮係面，墨汁同海鮮都無腥味同事話值得依個價總括黎講都係讚既，尤其外送質素都損食物質素，重好貼心每客意粉跟左盒芝士粉！其實堂食或自取應該會平啲既，每客都加左少少價之餘，再要比運費不過我地就買左個方便，係office 附近又食到厭，落雨更加唔想出去，都辛苦外送哥哥落雨送貨

本身鍾意食意粉又鍾意食芝士o既。屋苑開o左間意粉屋，前幾星期先去試， 真o係不得了， 之後差唔多每次放工都走去， 放工返到o黎3點，有幾次都"closed"。食過芝士肉醬意粉，芝士味好濃；卡邦尼意粉，忌廉味濃。今次食辣和風海鮮意粉，海鮮豐富，野味！

這幾天大多吃中菜為主，今天想稍稍轉換口味吃別的，環繞龍門居一周，發現Mamma Mia意粉屋挺多學生外賣的，學生熱捧的小店，大多質素也不賴的，讓我試試這裡的意粉值不值得吃。酸的，辣的意粉我也想吃，夏天總想吃點刺激胃口的美食，思前想後，都是吃辣和風海鮮意粉。原想多加12元配餐湯，店員說湯還未煮好，所以沒有機會喝。店員說可免費加配餐牌上的熱飲，我便選了熱洛神花茶，洛神花茶酸微微的，非常提神。辣和風海鮮意粉用料豐富，有青口，帶子，魷魚和蜆肉，青口飽滿鮮甜，帶子肥美柔嫩，魷魚彈牙無比，無可挑剔。意粉爽口極致，再以照燒汁，辣椒粒熱炒，醬汁和辣味全滲透麵條之中，好不惹味。

今日在龍門居「掃街」，聽過這間店的千層面和意粉都好吃，便買一個來試試，想不到有驚喜！千層麵的份量是剛剛好，加上一杯薑母茶或洛神花茶剛好解膩！每吃一口千層麵都有豐富的醬汁和肉碎，但不會很油膩。雖然芝士味比較淡，但整體口感不錯。如果有更多芝士鋪在面層，相信味道會更加突出！

地方雖小但五臟六全，服務食品質素高。 推介番茄肉醬千層麵, 香噴噴番茄味+芝士, 每層麵都煙韌Juicy, 豐富了我的味蕾。海鮮墨汁意大利粉，鮮味海鮮墨汁配意粉既爽身有咬勁。焗脆皮雞扒意粉，大大塊雞扒外脆內軟+ 意粉煙韌唔淋身。哈哈哈意粉用蝦乾,櫻花蝦乾同蝦仔三種蝦香味配蒜蓉, 又香又有特色。卡邦尼意粉,有忌廉香味, 煙肉味又滑又煙韌。跟餐有飲料送, 還可3揀1; 1)蒜茸包+餐湯，2) 田園沙律, 3)北海道3.6奶凍。 還有些特色飲料美祿恐龍，牛奶朱古力, 抹茶等等...。支持小店, 值得推介。

这店我幫襯了很多次，由小小店(在现址旁)已开始幫襯。这店的出品非常好，尤其是肉酱千层麵，肉碎嫩滑可口，蕃茄酱味道浓郁，一层一层夾在面皮间，很有层次感，面皮很弹牙，相当美味，但只售58元，自己買料自己做也要这个价钱。另外煎焗雞扒意粉也是一絕，雞扒很大塊，煎焗得很香，而且皮是脆的，仍保持肉汁，相当好味，而意粉炒得很弹牙，軟硬度拿捏得恰到好处。另外他们会提供洛神花茶，有冷有熱，味道酸甜，可口解渴，在其他歺厅很难喝到。