MAMA Burger & Lobster (已結業)

登門三次，很不幸，仍沒有機會品嚐此店佳餚。今次第三次，實在無法接受店主的傲慢態度，雖覺浪費時間，還是不吐不快。此店聲稱營業時間為 5時至凌晨12時。5時10分，推門而進。年輕店長迎來，說廚房還未準備好，或要多等半小時。「那好。我半小時後回來。」「其實今天的龍蝦已售罄，廚房正忙著準備，大概今天也沒辦法安排座位給你們。」「你們不是開5時嗎？」「是的，但是你看廚房都沒準備好。你即使用槍指著廚師也沒辦法吧？」「第一次來，你們說九月中會有酒牌。九月中來，你們又說月尾才有酒牌。今次準時來了，你們又還未準備好嗎？」「哈哈，可能還欠點緣份呢。下次你們先打電話來訂座吧。」以上只是節錄。整段對話並未感受到店家拒人於門外的一絲歉意。我不知道，這是不是新店開張應有的態度。或者你們生意已經太好了吧。恭喜。恭喜。

長沙灣我看到有這樣hip的餐廳，真的很驚喜，這裡主打龍蝦和漢堡，這種餐廳我知道倫敦有，但在香港第一次見，英國的我未去過，所以無很比較。我哋叫左龍蝦湯，全隻龍蝦和lobster roll, 龍蝦湯:他們賣的是南瓜龍蝦湯，好味，原來南瓜和龍蝦味很夾，第一次飲，讚👍全隻龍蝦：這裡賣的是波士頓龍蝦，我印象裡的波士頓龍蝦都唔好食，無味，但在這裡一吃之後才發覺很彈牙很鮮甜，原全對波士頓龍蝦改觀，老闆解釋他們只賣新鮮會郁的龍蝦，平時大部分人吃的波士頓龍蝦都是Frozen的，所以無鮮味可言。Lobster roll:知道日本和美國都好興，但我第一次吃，望落去不是太大，但拎起先知份量十足，真係有一隻龍蝦的肉，絶無欺場，這款肉是凍食，麵包是熱，都幾得意，啖啖肉，唔使拆，好爽。跟著我們每人飲了杯cocktail,不錯，看到隔離有杯綠茶紅豆加雪榚的飲品，下次一定要試。我們兩人埋單八百元，不平也不貴，話曬食龍蝦。食到十點左右，餐廳把燈調暗，我想是飲嘢時間開始，整體氣氛不錯，裝修有型，是長沙灣新景點，我會再去。

一間主菜只有龍蝦, 龍蝦飽, 漢堡飽的餐廳....選擇不多, 但每様食物的味道都恰到好處, (食落口感覺應該冇味精). 龍蝦湯好正, 烤龍蝦原汁原味, 老細話用新鮮龍蝦, 食落真是好鮮味和彈牙.  我致愛的漢堡飽, 估吾到塊漢堡牛肉幾厚, 肉汁剛剛好, 不太多, 吾會一邊食一邊漏D汁.  其實三個人食兩隻龍蝦, 一份漢堡飽 share 已好飽. 不過見到 menu 有個朱古力波波的甜品好得意, 就試下. 原來好大個甜品, 3-4個人一齊食都得, 仲好有特式, 又吾喺太甜, 這個甜品真是有驚喜.  😍😍.  總括來講,  雖然價格不算大眾化, 但食物質素是超值, 再加上店內裝修幾有 SoHo Feel, 牆上掛畫好搞笑, 樓底夠高, 整晚Dinner有一種好 Relax 的感覺. 而waiter & waitress  都好親切, 招呼吾錯!  亦從食物味道和罷設上也感受到廚師和甜品師父的心機和心思. 👏👏👏因為店內不是太大, 及老闆話龍蝦是新鮮生猛及每天返貨, 故數量有限, 大家想去試最好先訂位. 😛.

朋友生日最頭痛當然是選擇食飯地點@__@ 星期五到處都人山人海 , 搵間舒舒服服 ，慢慢坐慢慢食都幾難見到屋企附近有間餐廳新開 ， 係一間西餐廳就入去試下 。新開張無耐 , 見到入面人客唔多, 一定可以舒舒服服食餐飯 XD ...鋪頭裝修個感覺幾英倫 ，又掛左好多油畫 , 環境幾舒服同有特色由於第一次黎 ，食D咩當然要交比侍應介紹喇 ，咁佢真係逐樣介紹下有咩好食 , 好有耐性 ，抵讚 XD 我覺得個湯好濃 ，濃濃的橙紅色配上香草，個色好吸引 ，同龍蝦好襯 , 而且個湯煲到糊狀，入口好細滑 ，而且仲有龍蝦肉係入面 ，龍蝦肉咬落好有口感 @W@其中一個主菜 ，龍蝦卷 ，外面果層面包麵呈金黃色 , 中間夾住龍蝦肉沙律 ，上面仲有D香草，個包睇落吾錯 ，食落D肉質好多汁 , 起碼D沙律醬吾會搶曬D 龍蝦味....而且佢應該仲落左其他醬料一齊調 ，因為D味吾係咁簡單 ......而且個包好鬆軟 ，夾住食口感層次非常豐富 ，不過龍蝦肉我覺得實左D , 軟返d應該好食D 。套餐仲配堆沙律同薯條（其中薯條原來仲可以轉粗薯條)....見佢個菜單推介個巨無霸 , 就試下 。賣相好有份量 , 包身烘至微燶

早2日lunch 發現昌華街有一間新餐廳開張, 於是約埋幾個同事夜晚收工去happy hour間餐廳都幾寬敞, 但最吸晴都係佢 d 佈置, 真係好有"玩味" 除左佈置, 佢 d drink 都幾特別 , 即刻叫返杯 Minions 打卡呃下 like 同事唔飲酒, 就叫左杯唔知咩 garden, 又幾好飲喎 當然亦都順便試埋佢 d 龍蝦  都幾大隻 好味 最後我地仲叫多個甜品試下 , 淨係個賣相都夠呃 like 其實個餐牌都仲有好多 drink 花多眼亂, 下次黎到再試下其他先 昌華街多左呢個新蒲點實左太好

話說住左十幾年長沙灣，依區食開都係小食，大排檔，頂到盡都係酒樓。但竟然比我同幾個朋友發現長沙灣有間新野開張，一開始遠睇我搵唔到個招牌我心諗咁串名都冇！？之後行近門面睇內裝都幾型有別於其他餐廳所以決定上前搵個人了解下，原來間餐廳叫MAMA,食Lobster,burger,之後條友不停一輪咀講介紹啲龍蝦每日新鮮送貨，burger個牛又唔知邊三個位撈埋點點……，同啲朋友交流左一下，反正又肚餓，又講到咁把炮，就決定去睇下你咩料子，一入見到有bar枱位擺明有酒飲，但個老細話未有酒飲住遲下先有，再入到裏面裝修都唔錯，樓底高(以前經過依間餐廳前身都唔知咁高)空間還算可以，重點係場身啲油畫，同天花都有油畫既燈飾設計得都幾得意，開放式廚房可以睇到廚師煮野，起碼長沙灣少有先。但裝橫得幾靚都冇用餐廳野食最緊要，咁就睇下佢咩料(Menu)先,打開menu野食種類唔算多，所以最後叫左三個set,一個全隻龍蝦，一個龍蝦卷，一個雙層漢堡，幾個小食有蝦春卷，魚柳，一個ham併盤，龍蝦湯，辣肉醬芝士粗薯條，野食大約十分至十五分鍾開始上枱，因本人對ham一般所以味道比唔到評價，但賣相唔錯，龍蝦湯味道非常濃大讚，到蝦春……