Maker (已結業)

有次误打误撞经过呢间小店，好唔起眼，以为佢又系一般嘅台式饮品店，再望真啲，虽然都有黑糖同牛乳，但佢mix and match左唔同嘅材料，变岀一啲比较特别嘅野饮。店面分左两part，一边系卖野饮，另一边有部夹公仔机。有几个学生哥都围住部公仔机，所以无影到。望下menu，主要分左“迷你冰团”，meiji4.3牛乳系列，梳打，同无糖茶/花茶。今次试左两杯野饮，两杯都有惊喜，好高质素，饮得岀用靓料去做而且价钱好亲民，所以都见到有唔少学生哥帮衬。不过老板自己一脚踢，冲野饮，写语录，收钱都系自己搞掂，所以买野饮可能就要等一阵啦。下次想试埋佢个“迷你冰团”系列好似好多配料好吸引有heart做 有质素嘅小店系值得支持嘅…查看更多

老细属于家庭式作业，成家人都好好人，超nice,有时唔赶时间买杯野饮都会同佢地吹十分钟先走，买既除左野饮外，仲有人情味至于野饮方面，个人偏好黑糖仙草鲜奶，饮得出系用靓黑糖, 唔系用其他糖搅果d, 一杯都系廿蚊，超值…查看更多

基本上依家好多时都会经过葵广买下野食做晚餐，今次心血来潮想买野饮下，但系依个葵广里面既手摇饮品店真系五花八门，最后俾依间小店既装饰所吸引......好大个姜Daniel...老板话系D学生帮佢布置-_-"明显依间小店系家庭式经营，老板兼师傅系一个后生仔，全部饮料都系佢负责晒，其他人负责画杯。无错，间舖会好有心思喺D饮品杯画D公仔让佢地变得与别不同，好有heart！而我同太太就叫左两杯饮品试下~太太饮左冲绳黑糖3.6牛乳，因为系用左牌子货，奶味很重，黑糖也很到位，只卖廿蚊鸡，CP值高~我就叫左杯热日本焙茶牛乳加仙草冻，净系个样都加晒分，拉埋花，焙茶味道很浓郁，依D天气好岩饮~讲真D饮品系世界级一定唔系 但CP值超高 老板喺饮品里面既心思位已经值得支持...香港人 请支持一下本地小店 唔系下下XX堂既~…查看更多

众所周知，荃湾葵涌广场系"隐世揾食天堂"，当然有好多好西亦有唔少伏嘢。由于我住得远，隔三四个月先会去葵涌广场一次；而每次去都会捐窿捐罅揾好西! 今次揾到依个逃离美食战区嘅 Maker. 店舖位于较偏远位置，如果唔系去买护肤品都唔会发觉有间新开甜品店。一望落去，舖舖好colorful，一边仲有打咭位，影相一流；而且Menu一目了然~ 嘢饮方使好多选择.. 咖啡.. 自家制花茶.. 而老板就建议我哋饮个新产品 - 巨峰提子乳酸梳打! 本身想要咖啡 因为见到舖舖有部即磨咖啡机传出阵阵香味.. 但由于天气太热结果都系要冻饮同埋要咗杯女神刨冰先讲乳酸梳打: 味道★★★★1/2 性价比★★★★★就咁睇超靓!! 有蓝x紫渐变色.. 好eye catching! 老板话因为加咗少少碟豆花所以做到渐变效果 饮落口味道好正.. 乳酸份量刚刚好 ! 真系提子有提子味. 最紧要性价比高$20大大杯. 行完一圈都未饮哂!另外友人买咗杯女神刨冰 : 味道★★★★★ 性价比★★★★★为食嘅我哋一杯饮味又点会满足. 经老板介绍吓试咗依款女神刨冰 (btw老板好吹得, 有问必答! 好friendly)WaWaWa 大杯到我地2个share都够食~仲要有成4-5种topping! 出边边到会食到~老板仲话为咗整刨冰买咗个冰柜, 确保客人食嘅饮嘅都干净! (超有客人心~)唔觉唔觉都吹咗成个钟  下次一定会再去!!…查看更多