Mado 雪糕咖啡店 (已結業)

剛說megabox的正餐不太吸引，可是甜品卻有不少好選擇，有芝士餅(2008-03-12食評)，雪糕也有幾檔選擇。可又會有誰專誠坐車來吃個冰點，再溜冰乎?這個炒加手拉土耳其雪糕，香港首見，當然在日本和高雄都已開到荼靡，港人的片也拍不少了。這裡表演的成份還稍有不足。(轉貼:http://hk.video.yahoo.com/video/video.html?id=216642)不過說吃的還是很不錯，原味雪糕用低溫，與蜜桃曲奇和棉花糖兜過後，果真可用煙韌來形容，質感有點像芝士，可以拉出一條條絲來，可能是因為加了棉花糖吧?炒過後綿上加綿。裝修很高貴，看來是有得攪的一盤生意，不過要炒熱、開分店的話看來要快了，上了電視，抄橋者還會遠嗎?

在家品店滿載而歸時間尚早,走到接駁巴士站坐巴士去巨盒吃土耳其雪糕。跟著她們轉轉轉很快到了雪糕店,店裡最漂亮的其中一張貴妃椅虛位以待,連椅子數量也剛好,好像專門為我們而設!姑姐跟靚hon當了貴妃 環繞店內一週,還看到那個應是水煙壺的裝飾和拉雪糕用的鐵桶。繼而看看有什麼味道可選,試吃了香橙味道,加入蘭莖粉那黏黏滑滑的質感真的頗為有趣呢! 最後點了四款雪糕扒+3球雪糕分享。3球分別選了香蕉、杏仁和香橙;質感跟試食的一樣,三款都是黏黏的樣子,拉著來吃都有點糾纏不清的樣子! 香蕉有著濃濃的香蕉味,吃進口裡真像吃了一口全熟香蕉一樣,只欠沒有香蕉皮包著;杏仁味道較甜,但也有著香香果仁味和杏仁粒粒;香橙的橙味同樣激似,試食時令我想起兒時爺爺在大陸百貨公司買的國產橙味雪糕!!當然味道是這裡的較自然優勝。吃著吃著,這個雪糕組合變了當日首選爛gag,最後由姑姐綜合為:杏加橙,蕉......... 四款雪糕扒分別是朱古力、咖啡、杏仁和原味,從雪糕上的朱古力針、咖啡豆、杏仁片可以分辨出來。雪糕扒同樣是黏黏的,不過還加上雪得硬硬的質感,難怪要用刀叉來享用了。杏仁跟剛才所吃的相似,咖啡有著濃香的咖啡香味,喜歡咖啡如

終於有雪糕扒鋸啦～今天是星期一，得我地一枱客，即刻霸左張貴妃椅坐，好爽呀～揀左原味同杏仁，刀叉侍候，卡，感覺好得意（其實有「貪」的成份在內）雪糕扒同雪糕的味道差不多，但味道都好好～杏仁味甜左Ｄ，原味的奶味很重，我吃得津津有味，老友卻有點受不了原味的重奶味道。雖然有Ｄ貴，等荷包有錢的時候，一定再幫襯。

星期日同朋友去MegaBox睇奧運閉幕，經過一樓呢間土耳其雪糕店，即刻俾嗰個土耳其佬吸引住，喺個木桶度又拉又玩舊雪糕，玩到出神入化，原來雪糕都可以玩到咁激！最後買咗佢拉嗰隻原味雪糕，口感真係好鬼煙韌，味道亦很香滑。我朋友就買咗個炒雪糕，叫做百利鑽石，因為加咗百利酒做配料，我試一啖，真係無得頂！另外亦有十多款炒雪糕選擇，下次再試吧！價錢雖然唔係太平，但都物有所值嘅！最後間店員先知個土耳其佬真係師傅嚟，專程黎香港作兩個星期表演，真犀利！

前幾天我吃了原味單球杯裝雪糕吃, $28, 我覺得有點貴,因為吃落真的不好吃, 太黏了, 之前有人寫過..真的好像在吃牙膏一樣..而且雪糕本身都不太好味..我想我之前應該會少很多機會會再吃...或是可以吃吃其他味道的雪糕..而且那裏的stuff好像在發夢的周圍看, 我叫了幾聲他才聽到, 真是有點無奈..-_-.

之前也看過不少雜誌報導，今天溜了冰有機會試試了！去到不是太多人，在店外看的人反而不少，主要也是看看鐵板雪糕吧？好，那我就試一試，單球$33加$5有巢型脆筒。要了原味雪糕，配料要了綿花糖、蛋糕和桃！等了一會兒，眼見師傅即場整這個鐵板雪糕，未食先來個視覺享受。雖不至於技術很誇張很出神入法，但始終是第一次看，哦，原來這就是鐵板雪糕的做法，主要是先將雪糕球壓平，然後放上配料，之後就把雪糕翻幾翻，可以有機會自己看看啦！放在巢型脆筒上，賣相一般。原味雪糕的奶味頗重，幾有驚喜，口感不是走很滑的路線，反而是煙煙靭靭，不過始終是雪糕就是了，都是會很快熔的。配上綿花糖其實是不錯的，因綿花糖也是煙靭的，增添了不少口感！反之其他配料味道不太突出。路過可以一試的！

今天, 和朋友特地到紅盒子吃Mado 煙靭雪糕師傅在我和朋友面前表演拉雪糕, 而且讓我試食了一口拉雪糕的師傅向我和朋友介紹,我亦跟朋友選了一種 cookies surprise而且加了$ 5 轉格仔餅底 , 盛惠 $ 40這個價錢差不多可以吃伯伯加奴的心太軟呢 !不一會, 樣貌精美的cookies surprise 呈現在我眼前其實一點也不算surprised , 因為跟餐牌上的一樣我跟朋友每人拿起膠匙, 拉出雪糕,果然煙靭, 但是格仔餅底很不穩定, 不是乖乖的站在不碟上要我用手輕輕按著餅底cookies 跟雪糕是這次的主角, 但還有我不太喜歡的提子乾雪糕很甜, 加上雪糕面上的焦糖 , 喜歡甜的必定會喜歡下次我會試試雪糕扒, 看怎用刀叉吃雪糕** 鐵板雪糕即是指在冰板上將雪糕壓成形狀吧**

點了三個雪糕扒, 一杯三球的雪糕 , 兩個人吃....雪糕扒有原味, 杏仁和朱古力 ; 雪糕球是椰子, 奇異果跟合桃最好味是杏仁, 奇異果也不錯, 酸酸的, 正好中和一下五球都是甜的雪糕....口感是比一向的雪糕有咬口!值得一試~

食完CPK後,一行人嚟左MADO食雪糕!我已經想試好耐!!!試左原味,杏仁同綠茶味後,最後決定要綠茶單球杯裝!綠茶味清清地,又未至於冇左綠茶既味道,加埋黏黏地既口感,正!!原味係類似奶味,唔揀佢係因為我驚漏杏仁味,中間有D杏仁粒粒,但因為我唔鐘意又硬(杏仁粒)又軟(雪糕)既感覺加埋一齊,所以冇揀佢朋友A 要左薄荷味,佢話似黑人牙膏味,試左啖...咦??又真係有D似WOR朋友B要左焦糖味,對我來講甜左少少朋友C要左朱古力味,深啡色幾濃既朱古力味,但當你見到佢開始溶既時候,個樣就真係幾....朋友D要左同我一樣既味,唔多講兩位導師怕肥,話食完唔知要跑幾多個圈,所以冇食到~服務方面都幾好我試完又試,個哥哥都冇唔耐煩,唔錯

睇完X檔案,黎Mado ice-cream試下佢既雪糕揀左caramel.盛惠$28d雪糕又真係幾un.texture幾特別.但奶味唔濃.caramel味亦如是..如果是純粹想試下新野的話係可以的..要味覺上的fulfillment我就覺得不太有..(而且$28/scoop是幾貴的啦)不過服務員既態度好好!一直都保持笑容!

Turkey的mado 確係好味道佢d 登好靚....梳化好有貴族feel叫左三球.....d 雪糕好"痴"見佢d 片佢係可以用尼玩的....好利害....佢同果d gelato 唔同....gelato 的優勢在於滑的程度呢個的優勢在於 那種 黏的感覺各有各好~~~~食完呢個都算做試過土耳奇菜丫...所以值得一試順便提提....幾個月前尼的時候見到果個又型仔又大隻的員工佢係外國人....就係片入面果個師傅....我身為男仔都要讚佢型仔靚仔呀!!!

難得去Megabox，當然要去食Turkey ice cream叫左杏仁&巧克力味~~要港仔$45~~貴貴地~~雪糕口感好似日本年糕咁~~勁煙韌~~不過味道唔夠香唔夠CREAMY~~OK啦~~

食完wako, 行街行到4:00, 係時候食tea. Mado 係我一定要試的地方.我覺得自己order得好"論盡", 都唔知睇menu 先定揀雪糕先. 終於走黎走去都未order完最後叫左一個鐵板炒雪糕加waffle - $38, 雪糕揀左焦糖味, 加marsh mellow 同杏仁碎. 原先諗住焦糖會好甜, 但又唔係. 好正. waffle好脆好味另外叫個combo. 包括一塊mini strawberry crepe, 一球雪糕(要左合桃味), 碎雜果同一杯飲品 (apple tea) - $60兩個人食得好滿足, 但又唔會好漏. 一定會再黎補充 : 雪糕choices 唔係好多, 好似得4-5款. 同埋堂食坐位幾唔夠. 其餘都好好

人人站在雪糕櫃前不肯走，哪款雪糕最好賣？我右腦認為，剩得最少的雪糕最好賣，但左腦認為，可能是幾天來也賣不完的。理性敵不過味覺，我和同事各自試了原鮮滋味、甜心合桃味和奇異果味，原鮮滋味羊奶味重；甜心合桃是大甜甜；奇異果是激酸。我鎖定夢中情人餐，配甜心合桃味雪糕；同事鎖定藍莓鮮忌廉薄烤卷，配原鮮滋味雪糕，付款後坐在龍椅等人服侍。我坐在龍椅上擁著「夢中情人」，同事擁著「莓莓」，潮流興做土皇帝。

難得去MEgabox行街，當然要去食Turkey ice cream 啦。去到MADO時，只有一個店員，而且舖頭好像好混亂的，唔多"骨子"，也欠缺一種""貴氣"。要了雙球 ($45), caramel + coconut~味道只得4隻，少得可憐。雪糕是預早pack 入大盒內，店員再從盒中畢出。一點也不正宗耶，無土耳其靚仔即場拉雪糕，風味頓減！講番雪糕，質地就好正宗，煙煙韌韌，黏度極高。caramel 味道不太出，但好在不會太甜。coconut 味道很濃，也不膩。