@LUNCH (已結業)

話說喺度行過左個幾個月，今日終於入去一試，睇得好清楚個餐牌寫明凍飲加$3，我嗌左個蒜片橄欖油蟹肉意粉+熱柚子茶！跟住見佢收咗我加$3，我問服務員點解？佢話個Menu錯嘅、未更新，而收銀機的電腦就更新咗！吓，敢都得？大門口個餐牌係舊價，比我枱面嘅餐牌都係舊價，作為一個消費者，我點會估到你俾個餐牌嘅價錢吾正確，只係會更新你個收銀機！其實真係唔係$3嘅問題，如果我冇睇清楚，用八達通俾錢就會比多了！奉勸大家⋯你呢間餐廳食嘢，一定、一定、一定要對單！

新蒲崗大有街果頭，一直唔覺有咩特別好食食來食去，都係啲普普通通嘅茶記見到呢間@LUNCH新開，門面望落唔錯，見價錢合理同老婆同朋友一齊入去試下新野一人一杯野飲，點左兩個小食，一份羊架，一意粉一齊SHARE，然後特登留肚叫左兩個甜品水牛雞翼幾好，炸薯角好正，估唔到個羊架咁好食甜品有驚喜，樣樣都好好食。最重要價錢唔貴，大約比一般油尖旺區平3至4成好滿意，食到超飽，又抵最重要環境舒服，賣相靚，又可以打卡。好味，正，推介。

新蒲崗萬迪地下呢個舖位又轉左手，今次變左呢間食西餐既@lunch經典牛肉漢堡配薯菜 $88個包好脆，塊漢堡扒差少少，唔係好濃牛味，唔夠Juicy...不過不失啦！幾好嘅係又有沙律又有薯條，薯條炸得好香脆👍🏻👍🏻烤雞雜菜沙律$58雞嘅份量都幾多，可以揀凱撒醬或者芝麻醬⋯主要係羅馬生菜、紅葉生菜，勝在麵包粒同芝士粉都好多整體來講都唔錯👌🏻呢個價錢包左餐湯同埋嘢飲，不過嘢飲似茶餐廳，凍熱檸茶檸水，阿華田好立克😂😂😂有啲唔係好夾咁岩喺呢區出現，都可以試吓

喺新蒲崗做嘢咁耐 ，今日行過五芳街角落頭 發現到一呢間嘢，之前好似係食台灣嘢而家改咗 cafe咁嘅樣 。晏晝嗰陣勁多人排隊跟住冇食到，之後下午茶返去再食，間餐廳都算整齊，雖然個餐牌係有啲大包圍，但叫咗個甜品下午茶，味道都唔錯幾好食。 同埋價錢又唔係話太貴上算合理。 感覺唔錯可以覆桌 加分位係啲侍應好有禮貌。 但係冇咩特飲之類嘅嘢 特咖啡，聽講話之後仲會有啤酒飲到時可以happy hour， 成個新蒲崗好似真係冇乜地方可以坐低飲杯嘢 到時再去試多次

見萬迪又有新餐廳仲幾靚咁，就襯lunch 去試吓🥳 一點接近full house ，好好彩窗邊仲有張高枱🙂 深木色餐枱配金屬餐具有種平靜美感，不過其實都幾繁忙少少嘈😅洋蔥雞柳豬骨湯烏冬($55) 睇落有啲頹，不過味道同份量算OK 😆餐湯揀咗雜菜湯，個人口味覺得太淡，而且有啲菜係燶咗😅即磨咖啡相對上好，香滑易入口☕️總括嚟講食物質素同環境一般般，不過lunch set 包湯同嘢飲都抵食嘅，如果晚餐就未必會嚟食喇🥴