Luna Bar & Restaurant

营业中

休息中

放工諗住去Chill吓，搵咗呢間係尖沙咀嘅餐廳，有得食泰菜之餘，又有得玩飛鏢、唱k 添啊🫶🏻 泰式生蝦6隻🦐 （$138）賣相好靚，仲有兩款唔同嘅泰式海鮮醬汁，每隻生蝦都跟咗蒜頭、辣椒、苦瓜同薄荷葉，食落夠新鮮👍🏻泰式串燒 6串🍢 （$108）牛、豬、雞每樣兩串，仲跟咗沙嗲醬，豬肉食落好軟熟😍海南雞半隻🐥（$108）半隻雞份量都算幾多，入口好滑身，仲跟咗薑蓉同埋泰式海南雞辣汁🥰炒椰菜苗🥬 （$98）蒜蓉加上辣椒絲去炒，食落辣辣地好惹味❤️鮮椰肉沙冰（$68）泰式椰汁冰（$42）鮮椰肉沙冰入面真係有粒粒椰肉，夏天飲超正🫶🏻

好耐冇食泰國菜，睇呢到的食評好似唔錯，今晚就黎左呢度試吓佢先。一入到餐廳就覺得空間感好闊落，我哋被安排坐係圓sofa位，幾舒服。泰式炸蝦餅$108有六件，炸到熱辣辣，入面的蝦膠爽口彈牙，點埋個甜酸辣醬，好夾。泰式串燒$20串叫左一串豬，同一串牛黎試吓，個串燒牛好有驚喜，牛味重得黎，仲好有肉汁。泰式青咖喱雞配蒜蓉包$118個青咖哩汁香料同椰奶味重，唔食得辣嘅都ok，雞肉好多，配料亦都好足，個蒜蓉包有三大塊，好香口，外脆內軟，點個青咖哩汁黎食，好正。香芒蟹肉炒飯$118好大碟同好足料，大大塊芒果係炒飯上面，應該有半個芒果，蟹肉都好多，炒得好有鑊氣🥰🥰香芒沙冰$68呢杯沙冰奶味重過芒果味，如果中意奶味重嘅應該幾啱口味。我見餐廳另一邊仲有得掉飛鏢，仲有播住好多我中意聽嘅歌，今晚食得好開心。🥳🥳

呢間泰國餐廳真係好有水準，今日我試咗幾款招牌菜，真係食到停唔到口！首先講講個蒜香牛油雞中翼，一上枱已經香氣撲鼻，蒜香混合牛油嘅濃郁味道，完全將雞中翼嘅鮮嫩口感帶出嚟。每一啖都係外脆內嫩，唔會太油膩，食到啖啖滋味，啲雞翼調味非常到位！🍗之後試咗個泰式紅咖哩鴨腿配蒜蓉包，呢道菜真係充滿濃郁嘅泰國風情。咖哩汁濃稠香滑，辣度適中，配合鴨腿嘅香嫩，入口即化，仲有陣陣椰香，真係一試難忘。鴨腿皮脆肉嫩，浸滿紅咖哩汁後更加入味。配埋個蒜蓉包，輕輕咬落去，蒜蓉同牛油嘅香味四溢，再沾滿啲咖哩汁，味道真係一流！🍛跟住就試咗個泰式香茅鹽燒鯽魚。鯽魚係用香茅同鹽燒製，外皮烤到脆卜卜，入面魚肉保持鮮嫩多汁。香茅嘅清香滲透到魚肉入面，每一啖都係清新嘅香氣，同時鹽焗嘅味道又令魚肉更加惹味，高質素嘅鹽燒魚！🐟最後嚟一個泰式龍眼冰作為飲品收尾，清爽解渴。龍眼冰細細粒，但味道清甜，配合冰凍嘅口感，真係一個炎熱嘅下午嚟講係最好不過嘅選擇。每一粒龍眼都好新鮮甜美，飲落真係透心涼。呢個飲品可以幫你解暑降溫，真係perfect嘅選擇。🍧

今日去左位於尖沙咀既泰國菜酒吧。位置好大，氣氛好好，好岩一大班朋友去!食物選擇都好多，選擇困難症既我簡左好耐先諗好食咩。泰式椒鹽鮮魷第一下見到感覺係份量好多! 魷魚炸至酥香，炸粉唔會太厚。面上仲有好多蒜頭、乾蔥、指天椒，食落好香口 。加埋泰式既酸辣味道，感覺好開胃。泰式乾炒河可以簡雞/牛/豬，今次我地叫左牛肉。牛肉片好大塊又易咬。河粉完美吸收醬汁，就連D蛋絲都係充滿醬汁，同港式最大分別可能就係泰式食落有陣甜甜地既味，而且 食落好有鑊氣。蒜香牛油雞中翼雞中翼好大隻，每次都炸得好香脆，咬落去仲有肉汁咇出黎，好juicy。泰式奶茶冰凍又好飲，去親泰國餐廳都係必叫。整體價錢合理，份量好多，所以食完一定會勁飽。

尖沙咀麼地道有神秘泰國餐廳😱佢哋嘅裝修好新淨坐得好舒服，入面有飛鏢，仲有得唱K，仲有VIP房，一大班人聚會就正啦。泰式椒鹽鮮魷 $138朋友仔話好想食魷魚😁魷魚炒得夠鑊氣、非常香口，係今日最好食嘅菜式。魷魚加咗少少炸粉落去，令每一件都非常之脆，上面加咗一大堆頭炸蒜，超好食！半隻海南雞 $108低碳人士最愛，半隻雞大大件，朋友好鍾意食啖啖肉，份量多價錢好合理！佢哋嘅雞肉好嫩滑，大大件雞肉配埋酸酸辣辣醬汁，好好味。咖喱炒大蝦 $198咖喱真係炒得好香，而且熱辣辣，大蝦最緊要夠大隻，佢哋就做到啦，啲肉夠爽口。咖喱入面仲有啲雜菜令到成個餸更加香，配埋薄餅係完美配搭。薄餅 $38食泰國嘢叫咖喱就預咗加埋薄餅😍

聽🐧 朋友推薦，特登試下依間風味十足嘅泰式料理bar😋 裡面裝修以經典嘅酒吧模式作基底，再融入泰國風情十足嘅點綴，氣氛極佳❤️ Bar 內設有卡啦OK, 飛鏢機等娛樂設施，啱曬大班朋友來歡聚🫶 今次㨂咗一客菠蘿海鮮炒飯😋 原個炒飯連菠蘿殼送上，炒飯堆得比山更高，超級壯觀好抵食🤤 裡面包含多款海鮮配料，有大蝦、帶子、魷魚等等，全部都好爽滑又鮮甜✅ 加上酸酸甜甜嘅菠蘿，整體好香口好惹味😘 另外㨂咗一個極豐富嘅小食拼盤😋 裡面有生菜包、炸蝦餅、炸雞翼、豬頸肉同埋串燒😍❤️ 份量極多可以3-4 人分享都勁滿足😘 最鐘意佢哋嘅炸蝦餅😋 炸得外層好酥好脆，內裡蝦肉彈牙有嚼感👍 加上泰式酸辣醬，真係超級惹味😋 飲品㨂咗杯泰國地道珍多冰🫶 椰奶味道醇香出眾，飲落甜美滿分✅ 必飲推薦😚

呢間喺尖沙咀嘅泰菜酒吧，超級熱鬧，主打正宗泰國菜，仲有唔同娛樂設施，唱K🎤、飛鏢都有！餐廳主理人有超過20年泰國菜經驗，融合泰國人嘅熱情同新派嘅美食，令每位顧客都好似身處泰國咁，味道感覺夠晒正宗！-——————————————🐚◖生醃螄蛤◗ $168第一次食泰式風味嘅螄蛤，鋪咗啲泰式酸辣醬喺面，食落唔算腥仲幾鮮，酸酸甜甜幾開胃！不過因為係生醃，個汁底會偏鹹鹹，餐廳仲會提供埋夾同濕紙巾，好貼心！👍🏻🥘◖冬陰功湯◗ $138個湯好濃郁同好重椰香味，味道偏酸唔會好辣！裏面都幾多配菜，兩個人嗌一份細嘅都可以分到四碗！🦐◖海鮮炒粉絲◗ $118粉絲好大份而且好足料，加入咗魷魚、蝦、蘿蔔絲、芽菜同青椒去炒，炒得夠乾身爽口，但略嫌唔夠鑊氣～🐟◖明爐烏頭◗ $198烏頭都幾大條，2-3人都夠食，肉質都幾滑但係味道唔算好突出，下面有個爐一路加熱，可以慢慢食～湯底酸酸地真係越食越開胃！🥥◖鮮椰肉沙冰◗ $68沙冰質感好滑好綿，每一啖都食到有椰肉，味道唔算好甜，岩哂唔食甜嘅朋友！🥥◖椰汁冰◗ $42好香濃嘅椰奶香，俾椰肉沙冰甜少少，夏天消暑啱晒～🌟 Encore指數：8.7/10

我原本6月25日經openrice訂枱於7月3日到餐廳與家人慶祝生日。但今早7月2日早上收到e mail因餐廳滿座而取消了我的訂枱。我訂座當日如果滿座就應該通知我。但一路都收不到通知，還已經通知家人餐廳地址時間。我今早還以為餐廳只是可能按錯，所以我亦向餐廳查詢，餐廳回覆：因當日有包場而取消我訂座😮‍💨真心有點嬲我6月中因與朋友食過味道不錯所以再推介家人，而家有d失望

喜歡食泰菜的yo發現 Luna 這間正宗泰菜餐廳除了有抵食的午市套餐，餐牌上還有不少好選擇，店內更設有不同娛樂設施，想約朋友一齊去聚聚玩玩ヽ(♡‿♡)ノ✩咖喱炒大蝦 $198以宮殿造型的食物盒呈上特顯菜式心思咖喱香濃. 微辣惹味大蝦5-6隻均掛滿濃郁咖喱汁非常誘人✩泰式青咖喱什菜（配蒜蓉包1客） $108✩烤薄餅 +$38青咖喱是本yo最愛的咖喱每次都心思思想食這道青咖喱相當香濃. 帶淡淡椰香配菜/肉都好好食！雜菜吸滿青咖喱\(^ヮ^)/ 香脆的蒜蓉包配青咖喱一樣好食♡ 不夠喉再加烤薄餅香酥薄餅配上青咖喱，一樣好味到停唔到口✩炭燒安格斯牛扒 $268炭燒安格斯牛扒以木盒盛載別有風格. 牛扒約8成熟仍見牛扒中間肉質略帶炒嫩配搭3款惹味醬汁. 酸甜香辣各有特色✩泰式鮮椰肉沙冰 $68✩鹹檸檬七喜 $48飲品少不了，亦正常發揮

餐廳環境頗舒適✨咖喱軟殼蟹 $268 一見到這款就想點來食😂 賣相很不錯唷。想不到原來已自帶麵包，麵包中是滿滿的咖嘛，咖喱香氣四溢。軟殼蟹稍為偏腍身，不夠酥脆。濃郁的咖喱汁帶點甜味，不會過辣，不錯！麵包相對失色，特別是我們點了下面的炒薄餅，那薄餅的口感和味道都在這麵包之上，配咖喱一流！ ✨炒薄餅 baked roti $38 原本order這個想配着咖喱吃，誰料到咖喱原來已配上滿滿的麵包😂 這餐全都是包😂 但這炒薄餅不得了，好好食！外皮金黃酥脆，內餡鬆軟可口。薄身，帶香甜味，口感鬆軟柔韌，非常適合搭配咖喱一起食！比原本咖喱軟殼蟹配的麵包更搭！大推介！✨泰式串燒（雞肉、豬肉） $20 each 點了兩串串燒過過口癮。肉質味道都不錯，談不上鮮嫩多汁，但作為小食，串燒入味且分量適中，ok的。✨泰式椰汁冰 $42 泰式椰汁冰清涼解渴，偏甜，濃郁的椰汁味。

尖沙嘴 | Luna Bar & Restaurant ▪️▪️▪️ ▪️▪️▪️ ▪️▪️▪️ 餐廳 : Luna Bar & Restaurant 地址 :尖沙咀漆咸道南23-25號地舖▪️▪️▪️ ▪️▪️▪️ ▪️▪️▪️ 尖沙嘴隱世泰國菜‼️ 位於漆咸道南的泰國菜，入口往麼地道海景大廈那邊，走進小巷內是別有洞天的美食世界，這裡我來過, 所以不難找😎 Luna Bar & Restaurant，由泰國五星級酒店餐廳主廚主理，質素絕對可以跟泰國比美，裝潢走悠閑優雅風，置身其中感覺輕鬆 💫 這裡有菜泰式酸辣大鮮魷，冬蔭功湯, 炸蝦餅等地道泰菜，餐單亦會不時更新，隨時來都充滿新鮮感💫 更設有VIP卡拉OK房和現場音樂表演，桌球、擲飛鏢🎯 等，氣氛非常熱鬧💫 ❣️泰式串燒 $108 半打串燒，雞、牛、豬每款兩串，以BBQ方法處理，香起來已有陣陣燒烤香味，入口外層微微焦香，肉質保持細嫩，再最上醬汁，沒有不吃的理由💫❣️泰式海南雞半隻 $108就算是半隻，份量頗為大份，雞皮薄滑，雞肉熟度剛好，入口嫩滑，再配上最精彩的泰式醬汁，這就是泰式海南雞最吸引之處，香草醬把雞味提升💫❣️泰式咖哩麵包軟殼蟹 $268這裡招牌菜之一，特調的咖

朋友近期愛上咗泰菜，今次仲揀咗間新開嘅《Luna》約埋我一齊食😋餐廳主打正宗泰國菜，環境闊落，仲有個韆鞦打卡位，更設有掟飛鏢🎯同唱K🎤可以上台一展歌喉🙂‍↔️ღ泰式大蝦柚子沙律 $118柚子清甜多汁配搭爽口彈牙嘅大蝦🍤加上醬汁鹹香惹味，清新又開胃ღ咖喱炒軟殼蟹 $268用咗一個大大嘅法包裝住，賣相好吸睛，法包香脆美味😋咖喱味道濃郁甘甜🤤，軟殼蟹肉質鮮甜之餘完完全全保留咗軟殼蟹嘅鮮美ღ泰式生蝦 $138 /6 $248/12兩個人人少少叫咗六隻有啲唔夠喉🤭生蝦大隻啖啖肉而且新鮮爽口ღ燒茄子 $68茄子🍆口感軟嫩入味，食落唔油膩ღ鮮菠蘿沙冰 $58ღ泰式香芒沙冰 $68兩杯沙冰入口冰爽透心涼，炎炎夏日啱晒

約左朋友食飯，搵左間尖東隱世泰菜，環境舒適，燈光暗暗地，好岩傾計飲野！餐廳主打泰國菜，亦都係一間酒吧，食泰國野飲下酒都好夾架🤩餐廳仲有唔少娛樂嘅地方，可以玩飛機鏢，唱k,最岩就係gathering時邊食邊玩🤩一黎就叫左泰式肉碎生菜包，係有水準之作👍🏻👍🏻肉碎香辣惹味，用生菜包住食又唔會好油膩😍泰式串燒$20一串，點左雞肉同牛肉，串燒好大串，雞肉同牛肉都醃過，蘸上沙嗲汁食有超香濃嘅花生味😋牛肉一點都唔會韌，幾有驚喜😚泰式大蝦金邊粉都係每次必叫嘅泰國菜😙蝦肉非常大隻，食落啖啖肉☺️仲鮮味十足🤩酸酸甜甜嘅金邊粉仲好足料。呢到嘅金邊粉真係大碟夾抵食，一班人share食就最合適，兩個人真係會食唔晒🙈友人想食海鮮，點左咖喱炒軟殼蟹，又係一上菜就比佢個份量嚇親🙉大大個嘅農夫包包住香脆嘅軟殼蟹，咖喱帶微辣，本身仲以為到叫蒜蓉包或者薄餅蘸咖喱汁一齊食，但有農夫包好彩無要叫到

見到新開張，就嚟試吓地方好大而且食夠$3000仲可以包房，不錯當日嘅侍應（定係老闆）非常細心，服務態度好好員工都係態度好好香港嚟講真係好難得食物不錯，個冬陰功湯好好飲

經過這小巷子，無意瞥見入面竟有間餐廳，給老細的熱情招待進了餐廳，點了幾個菜試試•蝦膠炸皮蛋 $118 原本想食炸蝦餅，不過銷情太好早已賣光光。侍應姐姐推介這蝦膠炸皮蛋，說味道新鮮又好食，一於試試。第一次試這蝦膠炸皮蛋，金黃色嘅蝦膠包裹住黑漆漆嘅皮蛋，十分有創意。金黃色澤的皮蛋外層酥脆可口，口感頗彈牙鮮甜，與皮蛋的口感形成奇妙的反差，值得一試。•泰式肉碎煎蛋飯 $98點了typical的泰國家常便菜 — 泰式肉碎蛋飯，煎蛋煎得少少燶邊十分惹味，肉碎鮮嫩多汁，濃味中帶辣味，調味恰到好處，層次多，與煎蛋完美融合！配上香噴噴的白飯，加上辣味，讓人胃口大開。不錯~ •馬拉盞炒通菜 $88點咗另一款泰國嘅家常便菜 — 馬拉盞炒通菜。通菜清新爽口，不會過油不會過鹹，幾好。•見到有cocktails，酒鬼心癮起怎能不點兩杯來試試？😂 whiskey sour $108 賣相不錯，略嫌酒味不夠，不適合酒鬼😂🙈•old fashioned $108 第一次見到old fashioned是這個樣子😂完全看不出是Cocktails😂是創意嗎？🙈•餐廳環境不錯，價錢份量合理，cocktails酒味不夠😂 下次會