六記正宗潮州打冷 (已結業)

我地去到差唔多七点，已经好多客食紧，上左二楼坐低，一直都好多搭枱，都几好生意，两个人叫左四样野，细蚝仔粥38，生蛳蚶75，姜葱蟹70，卤水什锦80，埋单263。首推既系生蛳蚶，其实我以前未食过，叫之前好怕自己食唔到会浪费左，黎到见到佢擦洗得好干净，个卖相好靓，味道好鲜甜，好似赤贝刺身咁既味，仲有啲酒香味，成碟都好多食极都仲有，同埋最后得两只坏左，一打开有啲臭泥味，正所谓一百个人入面都有一两个系傻既，所以有一两粒坏都正常合理。一路食一路开，一开好多好似血既汁流出黎，成手都系，我地食到手腥晒，走左去元朗广场洗手，大家记得带定纸巾黎食。再黎蚝仔粥，系每枱都会叫，我地走左芫茜，汤底十分香口，有啲肉碎，又多蚝仔，又鲜味，又平同大碗，好值得试下。卤水什锦，都好多款野系入面，全部味道都好好食，唔知可唔可以走猪头肉，我地食净晒有好多毛又得肥膏。睇到fb朋友啲相先走黎试，主要吸引我系70蚊有两只炒蟹，朋友影到又靓又大只，无谂到系冻既，食落口啲肉好粉，无甜味，亦无我想像咁大只同咁好食，不过蟹盖劲多蟹膏同好香，虽然系咁但个价钱好合理，平平地送下酒都好开心。…查看更多

深夜十一点几，相约朋友饮返杯🍺，食吓野，唔一定去酒吧既！打冷都系一个好好既选择，蚝饼即叫即炸，好脆口，好多蚝仔，加上潮州鱼露，提升鲜味，👍🏻👍🏻！豉汁炒蚬，最紧要无沙😊，好味😋！卤水什锦，配料爽口，㸃上辣油，食唔停口，饮啤🍺酒必叫！…查看更多

最近呢间系网上好多人介绍, 由于工作关系,好多时都唔能够坐低慢慢食, 所以唯有买外卖返屋企,第一次去系大约六点半, 非常惊讶竟然已经卖晒所有既姜葱蟹,可能因为呢排大家都推荐吧, 引致早早已经卖完, 问店主几时来先有呢 ?佢话呢几日都大约五点几已经卖晒了, 于是隔两日衬手上工作完成, 偷偷地五点钟就闪出去再试试运气,好彩终于都买到一份, 再加份椒盐虾返屋企加𩠌两样野, 又虾又蟹都只系 $120, 而且又好食又抵食, 真系性价比很高, 下次再试埋其他潮州野先…查看更多

一大班人食饭 又想倾到计 又想坐耐啲 大排档系唔错嘅选择 今次就拣咗呢间食潮州打冷嘢嘅餐厅 虽然装修就真系好大排档感觉 屋村嘅感觉 但系嘢食真系出乎意料咁好食 同埋有传统嘅味道 呢度主攻打冷连普通嘅小炒都冇 净系得蚝饼呀 卤水嘢呀之类蚝饼炸得好脆而且好足料之余仲有大大份 十个人都够食 卤水鹅片同卤水拼盘都好足料 鹅片卤得好入味 又松化 拼盘就乜都有 而当中嘅深海墨鱼就系爽口弹牙 蚝仔粥上面嘅蚝仔好多 而且粥底够晒滑 一大兜好味 埋单都系每人70蚊左右 又大碟又抵食味道仲好好味 下次都会继续嚟帮衬…查看更多

地理位置问题,之前都是经住元朗朋友介绍先认识这间打冷食肆,食过一试难忘!今次再黎帮衬~店舖不算大, 但食物质素高,应属家族经营,店员一家尤其是老板老板娘亲切有礼, 价钱大众化。鹅肠拼猪大肠($55)卥水单拼$50, 双拼只需额外加$5, 超值!鹅肠必食,坚系正宗鹅肠, 唔会沟/甚至用鸡肠代替, 好爽口, 猪大肠亦很入味蚝仔粥- 细($33)蚝仔粥, 其实唔应该叫蚝仔粥, 因蚝超大只,分量又多,差唔多多过d粥咁滞,好足料, 赞!九菜蚬肉 ($25)另外叫左个九菜蚬肉, 因为未试过谂住试下,呢个就冇乜特别,但又系分量超多,蚬肉仲多过九菜由于得两丁人, 试唔到其他野, 但单从卥水及蚝仔粥的质素、服务已觉得这间潮州打冷很赞, 值得推介~…查看更多