樂意點心

每次行過尖沙咀漢口道，都見到✨樂意點心門口排晒長龍，成日都好奇，究竟有咩咁好食，會咁多人排隊等？🤪今次終於食咗佢哋嘅 絕配套餐，仲加咗啲點心同飲品，真係食到停唔低口！環境舒適，服務親切，喺尖沙咀呢個地段黎講，性價比真係好唔錯！✨荔枝玫瑰茶話說佢哋嘅茶選擇好多，除咗傳統嘅香片、普洱、菊花，仲有啲特別嘅選擇，例如白桃烏龍同荔枝玫瑰茶。我揀咗荔枝玫瑰茶，飲落真係好舒服！有淡淡嘅荔枝甜味，仲有玫瑰嘅花香，解膩又令人心情愉悅。✨籠仔金針雲耳蒸雞飯 + 臘腸（另加 $10）金針同雲耳吸晒雞汁嘅鮮甜，配上軟糯嘅米飯，每啖都好有層次感。特別加咗 $10 嘅臘腸真係神來之筆，油香滿溢，同豉汁嘅鹹香好夾，撈勻一齊食，簡直係停唔下來！✨雲腿雞腳燉鮑魚湯呢個湯真係套餐嘅靈魂！一上枱就聞到濃濃嘅火腿同雞湯香氣，湯頭好醇厚但完全唔膩。湯料好有誠意，有隻迷你鮑魚彈嫩，雞腳燉到軟糯入味，飲落暖胃又滋潤，真係身心都滿足！以套餐湯品黎講，質素遠超預期！✨白灼菜心菜心爽脆又多汁，簡單嘅白灼做法突顯咗食材嘅新鮮，作為配菜幫忙平衡其他濃味嘅菜式。✨豉椒蒸排骨 ($25)排骨蒸得軟嫩入味，豉椒嘅香氣好濃，仲有少少辣味提鮮，食到胃口大開！份量適中，適合同其他點心一齊share，熱辣辣食係最好味。✨蟹籽燒賣 ($19)皮薄餡靚，蟹籽點綴加分，入口鮮甜多汁，熱騰騰食風味最佳。✨鮮蝦腐皮卷腐皮炸得香脆，內裡嘅鮮蝦彈牙多汁，口感對比好強烈。調味唔會太重，保留咗蝦嘅鮮甜，係一款經典嘅點心。✨越式米網炸兩腸 ($35)呢道越式炸腸外皮酥脆，內裡軟糯，米網嘅口感特別，為整道菜加分。✨樂意水果茶 ($16)水果茶真係一個驚喜！新鮮生果份量多，飲落清爽又解解膩✨蛋散 ($22)蛋散香脆可口，蛋香好濃，係一款簡單但好正嘅甜點。下次再黎，會想試吓其他點心拼盤，期待有更多驚喜！樂意點心📍尖沙咀漢口道19-21號地舖…查看更多

平時lunchtime 時間真的等不了這家店，總是太多人排隊，除了旅客喜歡外，也有不少本地街坊支持，這裡的點心好多選擇，連茶都有一大壺不同味道的茶，優惠時段再有88折，真的太吸引！🟣絕配套餐如果和同事或朋友一起來的話，點一份絕配套餐加點心超幸福！這次我們吃的飯是原隻！原隻！花鷼蛋白臘腸蒸紅花蟹飯配椰子燉烏雞湯，椰子燉雞湯底清甜滋潤，湯頭雞肉依然嫩嫩的，兩個人剛好一人一大碗～等飯的時候雖然等了好一段時間，但上桌一刻真的是‘咩都抵返曬！’原來這個蒸蟹是即叫即做，把大大隻紅花蟹蒸熟確實需要一點時間，而且裡面還有大大條很有鹹香的臘腸和滑溜的蛋白，蟹肉非～～常鮮甜，我們一邊吃一邊說，這真的太划算，而且好滿足呀！！！！！🟣芝麻蝦多士蝦多士每一件都好大件，上面鋪滿芝麻增加風味，咬一口特別香脆完全不掛油，沾一下酸酸甜甜的醬汁更滋味🥰🟣蟹籽燒賣必須要熱吃！因為它放涼了入口依然很輕甜多汁，不會很難咬，能夠一口吃掉味道更豐富呢。🟣荔枝蝦球賣相好精緻的這道點心外層香脆帶濃郁荔枝味，這份天然的果甜和裡面超足料的蝦肉組合在一起很有獨特性。🟣三色小籠包這個大小絕對要叫大籠包😂三款味道都很鮮明，黑松露鹹香突出，紅色的帶辣很開胃，裡面很多湯汁～🟣薄荷青檸梳打天氣熱想冰涼一點，這裡也有多款特飲，這杯特別冰爽解熱，整體不會太甜，配點心也很合適。…查看更多

難得星期一放假，做完嘢後就去咗樂意點心食個lunch，本身早一日就諗睇下食啲乜，最後揀咗呢間人氣唔錯嘅點心餐廳。店嘅面積唔大，一般只適合2-4人左右，座位嘅數目亦唔係多。雖然舖仔細細，但都好衛生企理；食物方面，點咗6樣嘢，其中《籠仔鳳爪排骨飯》同個湯係一個set嚟，各樣菜式均各有驚喜。首先係嚟個湯，我哋點咗《鮮無花果雪耳沙參玉竹燉排骨》，個名就好長，到底係咪真係咁巴閉呢？佢個湯飲落係有無花果嘅清甜味，淡淡沙參玉竹嘅輕藥材味，好有下火嘅感覺，而且真材實料，呢個湯出面飲至少都$4-50蚊，而且唔係清一色嘅例湯味，呢個湯真係絕讚。第二樣上菜嘅係呢個set嘅主角《籠仔鳳爪排骨飯》，見到呢個排骨飯忍唔住哇咗一聲，會唔會太大啊！一個人食我覺得會食唔哂。呢個蒸飯，有荷葉放响底，令到個飯蒸出嚟有荷葉嘅香氣，而且响上面加上蔥、蒜、莞茜同洋蔥，將佢地撈埋個飯一齊食，連同排骨同鳳爪嘅精華夾雜响一齊，各種嘅香氣一同爆發，一滴豉油都唔使落，味道亦十分足夠，$68蚊(連湯)就食到呢個我食過最好食嘅排骨飯，呢個係真正嘅平！靚！正！有人會覺得排骨飯上嘅青色東東好恐怖，但我不但可以接受，而且非常喜歡。個飯食到一半左右，第三樣《蘆筍蝦餃》登場！唔好睇佢只係得兩粒，但佢係大大粒，外表非常飽滿，而且皮亦夠薄，完全透視到皮入面嘅蝦肉；最緊要係，蝦唔係細細粒，再加一堆筍扮蝦；呢度嘅蝦餃絕對係真材實料。目測有兩粒蝦仁，咬落去係十分爽脆，而且有蝦嘅鮮香味，雖然點都唔會用新鮮蝦整，但至少冇食到果種雪藏嘅味道。嚟到第四樣係《帶子菜苗餃》，外表十分吸引，帶子雖然係開半，亦唔會覺得寒酸。佢個皮冇完全包住啲餡料，可以清楚見到入面嘅餡料，除咗個主角之一嘅菜外，仲有爽脆嘅蝦仁，入口係軟綿綿，同一般嘅菜苗餃嘅質感完全唔同，佢呢個菜苗餃，有種好新鮮嘅感覺，食落好清新。跟住第五樣係《懷舊馬拉糕》，我一向麻麻地食馬拉糕，但點咗嘅我點都會試下。入口係好鬆軟，亦帶出好香嘅焦糖味，而且唔會太甜，味道剛好，佢跟排骨飯個餐只係加$10蚊，鍾意食馬拉糕嘅foodie ，我都覺得值得去試下。到第六樣係我覺得去到邊間點心店或茶樓都要點嘅燒賣~《蟹籽燒賣》。佢呢度嘅燒賣有樣得意嘅係，佢有一陣花鵰酒味，我諗我唔會食錯掛，呢個味道同燒賣放响一齊又係另一個境界，能夠將成粒燒賣嘅鮮味提升，加上佢肉質鮮嫩有口感。佢同蝦餃一樣只係得兩粒，同樣地都係大大粒，食落令人非常滿足。最後一樣係我平時甚少會叫嘅《蟹柳棉花雞》，呢個棉花雞同一般嘅外表都係差不多，只係多咗件蟹柳仔。我好鍾意佢啲雞肉夠嫩滑，連埋個汁一齊食個味道好鮮，冇雪藏味，處理得好好，加上我最愛嘅魚肚，啲汁完全滲哂入魚肚，非常juicy同入味。佢個汁好鮮甜，唔係一般好咸果種，最後連啲汁都飲埋。埋單兩個人食連茶錢都係$187蚊，我覺得算好抵食，唯一缺點係地方比較細，好似我11點到已經要等幾枱。但即使要等一陣，食到咁正嘅點心，我覺得都係值得。…查看更多

每次經過漢口道都見到勁多人排隊.我好好奇, 究竟有幾好食先可以令到有咁多人排隊呢？今次我叫咗個絕配套餐再加咗個點心.依度嘅茶都幾多選擇.有傳統嘅香片、普洱、菊花.排咗咁耐就梗係試吓啲特別嘢啦.我揀咗荔枝玫瑰茶.另外嘅白桃烏龍都幾多人揀.荔枝玫瑰茶飲落幾舒服, 有淡淡嘅荔枝味.啲點心好快就上枱.碧綠叉燒腸粉 (HK$28)個皮唔會好厚, 味道正常.都幾多叉燒.絕配套餐 （HK$68): 鮮蝦花甲粉絲湯 (+HK$10)都幾多材料㗎.不過我就覺得個湯味道偏淡, 同埋啲蜆好似洗得唔係好乾淨.籠仔土魷肉餅飯呢個肉餅飯份量都幾多.味道都OK嘅.係個肉餅有啲散.奶皇包 （+HK10)個奶皇包係有流心㗎, 好好食.蟹籽燒賣 (HK$19)味道正正常常, 同普通燒賣差唔多.依度嘅點心係幾抵食嘅.除咗個湯, 其他點心味道都係唔錯.依間餐廳都幾多韓國人幫襯, 有冇人話到俾我點解呢？…查看更多

人均$110食到飽到上心口💕這家樂意點心真的讓我驚艷到✨藏在漢口道小巷裡的寶藏店鋪兩個人點了超值的絕配套餐才$68/位CP值高到爆炸💥最愛他們的籠仔蒜蓉龍蝦伊麵🦞雖然龍蝦size不算大但肉質超級鮮甜彈牙😋滿滿的蒜蓉香氣撲鼻而來搭配吸飽湯汁的伊麵簡直絕配！套餐還附椰子燉烏雞湯🥥湯頭清甜滋補喝得出是真材實料熬煮翡翠叉燒腸粉皮薄餡多鹹水角外脆內軟帶子菜苗餃鮮味十足🥟特別要誇他們家的茶🍵茶香濃郁回甘配點心剛剛好環境乾淨舒適服務也很親切💖整體來說超出預期！下次要再來試試其他點心推薦給喜歡港式點心的朋友們…查看更多

尖沙咀在行去海港城前的小巷, 地點都方便~ 絕配套餐 ($68)這個套餐價錢實惠，加$18可以選擇籠仔蒜蓉蒸海蝦飯，原隻海蝦鋪滿整個蒸籠，蒜蓉香氣撲鼻而來。米飯吸收晒海蝦的精華，每一啖都鮮味爆棚升級選項加$10可以升級為雲腿雞腳燉鮑魚，湯頭清甜滋潤，鮑魚彈牙，雞腳煮到軟糯入味，飲完讓人感到暖笠笠點心追加優惠 香茜炸粉果 ($10)：外脆內軟，芫茜香氣突出，係全餐的亮點！其他點心: 芝麻蝦多士 ($30)：零油膩感，蝦膠彈牙到犯規，值得一試！蟹子燒賣 ($19)：豬肉爆汁，蟹籽口感爆破，味道非常驚喜！帶子菜苗餃 ($30)：皮薄透光，帶子鮮甜，好食~ …查看更多

喺尖沙咀行到攰，想搵個地方醫肚嘆下茶？呢間樂意點心就係唔錯嘅選擇，唔單止本地人鍾意，連好多遊客都專程嚟食，就知道佢有返咁上下水準啦！😎呢度嘅點心選擇超多，由傳統到新派都有，真係花多眼亂！樣樣都想試下！🥢🍽️ 龍蝦餃 & 三色小籠包：呢啲特色點心真係必點！龍蝦餃啖啖肉，鮮味十足；三色小籠包唔止賣相靚，入面仲有滿滿嘅湯汁，食嗰陣要小心啲呀！🍽️ 珍寶帶子腸粉：腸粉皮薄餡靚，入面隻帶子好足料，配埋甜豉油真係冇得輸！🍽️ 樂意水果茶 & 楊枝甘露：食完咁多嘢，一定要試埋佢哋嘅飲品同甜品！水果茶清甜解膩，楊枝甘露就夠晒足料，絕對係完美嘅收尾！呢度嘅點心全部即叫即蒸，夠晒新鮮熱辣。雖然人流多，但上菜速度都幾快，絕對係「快靚正」嘅代表。💯樂意點心 無論係食物質素定係創意都令人滿意，價錢喺尖沙咀嚟講都算合理👍…查看更多

雲腿雞腳燉鮑魚湯真係滋補又足料！湯底清甜鮮美，雲腿嘅鹹香同雞腳嘅膠質完美融合，啖啖都係精華，仲有大大隻鮑魚，令人回味無窮。呢碗湯唔單止滋味，仲好暖胃，係冬天或者疲勞時嘅最佳補品！🥢🍲鹹蛋肉餅配紅花蟹真係好正！肉餅香嫩多汁，鹹蛋味道濃郁又唔搶戲，襯上鮮甜嘅紅花蟹，味道層次豐富。蟹肉鮮美鮮甜，搭配鹹蛋肉餅嘅鹹香，整體口感非常和諧，令人回味無窮。…查看更多

蝦餃燒賣$19就食到，仲要質素唔錯👍🏻多款點心一籠兩件，兩個人嚟飲茶都冇問題😍蘆筍蝦餃🍤蝦肉彈牙，蘆筍爽脆，兩者搭配，口感豐富，好清新💖百醬蒸鳳爪軟糯入味，醬汁鹹香，一食就脫骨😆碧綠叉燒腸粉！腸粉薄滑，叉燒鹹甜，醬汁調得剛好，不會太膩😋籠仔蒜蓉龍蝦配帶子飯配埋湯都係$68！仲可以轉粉絲或者伊麵，伊麵索盡晒鮮味，份量仲好足，食落每一啖都好入味，食完好有飽足感😎龍蝦同帶子好新鮮，龍蝦鮮嫩有膏😍帶子飽滿✨無花果雪耳沙參玉燉排骨，湯飲落清甜有膠質，材料夠曬足料😝楊枝甘露嘅芒果香濃，西柚帶點微酸，西米Q彈，冰冰涼涼，好解膩🥳整體嚟講，出品穩陣，價錢又合理，幾值得試下～…查看更多

麻辣牛柏葉 牛柏葉爽脆口感好. 調味有花椒、辣椒油及蒜香，少少辣度, 惹味 !荔枝蝦球創意港式點心， 結合蝦仁的鮮甜與荔枝的清甜果香， 蝦球外層香脆，口感外脆內嫩。 籠仔蒜蓉龍蝦配帶子粉絲底龍蝦以蒜蓉蒸煮，保留海鮮的鮮甜，搭配吸滿湯汁的粉絲及鮮嫩的帶子，蒜香濃郁且口感豐富配粉絲食一流。 椰子燉烏雞椰香濃郁但不掩蓋烏雞的鮮味，椰子水的清甜與烏雞的濃郁，燉煮後湯汁清潤且營養豐富 適合養生愛好者香茜炸粉果外皮炸得金黃酥脆，內餡飽滿且香茜分量適中，令人驚喜的小點。香茜牛肉腸滑溜腸粉， 嫩滑牛肉好食。 薄荷青檸梳打清新飲品，以薄荷葉的清涼、青檸的酸爽與蘇打水，適合解膩或搭配重口味菜品。…查看更多

今日同朋友去咗「樂竟點心」試吓佢哋個招牌絕配套餐，$68一位（另加一）可以自選一款主食、一款燉湯、加10元追加一款小食同飲品，認真抵食！即刻同大家分享下食後感。頭盤：雲腿雞腳燉鮑魚湯一上枱已經聞到好香濃嘅火腿同雞湯味！湯料十足，真係有隻迷你鮑魚喺裡面，仲有軟糯嘅雞腳，飲落好醇厚，冇味精感，暖胃又滋潤，絕對係誠意之作。以套餐湯品來講，質素超乎預期！主食：龍仔豉汁帶子飯 + 臘腸(另加10元）用傳統缽仔蒸飯，豉汁香濃完全滲入飯粒之中。帶子雖然唔算巨型，但係份量都算多，口感軟嫩，鮮味十足。加分位在於追加嘅臘腸，油香滿溢，同豉汁帶子飯係絕配！撈勻一齊食，真係忍唔住一口接一口。香茜炸粉果外皮炸得金黃香脆，入面餡料豐富，芫茜味突出，鍾意香口野嘅朋友必點！點心拼盤（自選加配）今次豁出去試咗幾款點心，款款都有驚喜！蘆筍蝦餃蝦餃皮薄透亮，蝦肉爽彈鮮甜，加入蘆筍更加添一份清新口感，減低膩感，好有心思！三色小籠包分別係原味、蟹粉同黑松露口味。皮薄湯汁豐盈，最驚喜係黑松露味，香而不搶，高級感即刻出晒嚟。荔枝蝦球造型滿分！真係做成荔枝咁樣，外層脆米口感有趣，蝦膠彈牙，點埋醬汁酸酸甜甜，好開胃。香茜牛肉腸腸粉滑溜，牛肉嫩滑，芫茜份量慷慨，味道清新，豉油唔會過鹹，水準之上。青瓜蜆仔撈汁作為前菜超級 refreshing！蜆仔肉鮮甜，青瓜爽脆，撈汁酸辣醒胃，好適合作為開始。荔枝玫瑰茶 荔枝玫瑰茶花香同解膩樂意水果茶水果茶生果份量多，甜度適中，飲完個口好舒服。樂意點心 地址: 尖沙咀漢口道19-21號地舖…查看更多

朋友難得過嚟搵我食飯，見早早地11點幾就去試吓樂意點心，結果都要等第三張枱😂鳳爪排骨飯$68-呢個排骨飯唔使落豉油都已經好夠味，佢好香蒜蓉同埋芫荽蔥嘅味，排骨都幾瘦，完全好啱我食，鳳爪味道都好夠，值得食！鮮無花果雪耳沙參玉敦排骨湯-飯套餐既湯好飲！夠濃味 又夠熱 好正！飯套餐加$10有個點心 我地揀左馬拉糕 不過不失 份量都正常 幾好蟹柳棉花雞$28- 蟹柳得半舊太少 魚肚份量比想像中多 都好味 雞都幾滑 唔錯帶子菜苗餃$30- 味道正常 略嚴少貴 可以試一次燒賣$19-味道一般 入面既肉比較硬 可以不食蝦餃$19- 好食！ 蝦份量多 味道正 必食！…查看更多

今日下午茶同朋友係尖沙咀Lee間飲茶食點心嘅小店,三點都咁多人，入去睇睇先，等左15分鐘先有位，果然冇入錯，先整個菊花茶好甘香又清甜，嘢食全部都滿意！1.Lee樽楊枝甘露超正！芒果香濃，柚子粒勁清新，西米QQ彈，甜得岩岩好，凍凍地飲完成個人都醒神～2.麻辣牛柏葉夠晒入味，口感爽脆彈牙，麻辣勁道十足，越食越上癮，正到冇朋友！3.龍仔蒜蓉海蝦飯，蝦肉彈牙鮮甜，蒜蓉香到痹，加埋臘腸趁飯絕配，一啖落去超滿足！4.椰子燉烏雞湯，椰香清甜夠潤，烏雞肉嫩，一啖落去暖心又舒服！5.越式迷惘炸兩腸，外皮煙韌，內裡香脆，帶點酸辣，新奇又好味，食完仲想再來！5.奶黃包鬆軟，餡料流心香甜，一啖滿足！6.蘿蔔絲酥外皮鬆脆，內餡鮮甜帶微辣，鹹甜平衡，一啖一個停唔到！…查看更多

⭐️籠仔蒜蓉龍蝦飯 （$153）好大籠呀！超級熱辣辣，仲要好香蒜蓉味，原隻龍蝦🦞上，有用蒜蓉簡單調味，但係已經好足夠！肉質都OK既，唔會好霉，個飯本身就冇其他調味，要我哋自己落啲豉油落去撈勻食，本身以為會好單調，但點知簡簡單單嘅配搭又出奇地好食😂⭐️三色小籠包 （$35）賣相就好吸睛，因為有三隻色，佢哋分別係原味、川辣同埋黑松露，雖然都多汁嘅，但係三款口味嘅味道唔係好突出，普普通通🥹⭐️芝麻蝦多士 （$30）呢款有驚喜🤩炸得金黃香脆，表面鋪滿芝麻粒粒，就算放咗一陣咬落去都係卡卡聲！多士上面嘅蝦肉都幾多，鍾意可以點埋酸甜醬食，口感好豐富😍⭐️碧綠叉燒腸粉 （$28）Ummmm, 原來碧綠嘅意思係翠玉瓜（本人唔係好鍾意食翠玉瓜🤣）但撇除呢樣嘢佢個腸粉都算滑嘅，然後入面都多叉燒肉😛⭐️蟹籽燒賣 （$19）正常發揮🫶🏻⭐️奶黃流沙包 （$18）覺得呢個流沙包唔夠流心🥺少失望～⭐️蘆筍蝦餃 （$19）蝦餃算ok~ 蝦肉多既，如果蝦餃皮可以薄身少少就好啦～茶位 $10 / 位📍樂意點心 (尖沙咀)尖沙咀漢口道19-21號漢宜大廈地下C號舖#點心 #九龍美食 #尖沙咀美食 #尖東美食 #alwaysgugu #gugu #hungry #茶樓 #美食 #香港美食 #food #hkfood #foodhk #foodie #foodiehk #hkfoodie #飲早茶 #打卡美食 #打卡餐廳 #打卡好去處 #香港打卡 #香港好去處 #飲茶 #假期好去處 #情侶好去處 #打卡美食 # #dimsum #食好西 #早餐…查看更多

昨日跟朋友出了尖沙咀，路經這點心店，見不少食客入內，我們也進去試試。這店除了點心，也有不少其他款式的食物。見有一個「絕配套餐」竟有紅花蟹，而且價錢也很實惠。我們二人叫了這套餐，再加多三個小點，那就差不多了。絕配套餐（$68）- 花鵰蛋白臘腸蒸紅花蟹飯這紅花蟹原隻上，很大隻也很鮮味。加上花鵰蛋白臘腸一齊蒸，咸香與鮮味混合，十分美味。白飯是另上的。- 椰子燉烏雞湯這湯很滋潤，椰子與烏雞，再加上杞子等配料，味道香純。- 懷舊馬拉糕這套餐還有馬拉糕作為甜點，又飽肚又美味。荔枝蝦球 （$20）這個蝦球炸得外層香脆，蝦肉彈牙，內裏還有荔枝肉，真是色香味俱。青瓜蜆仔撈汁 （$23）這青瓜冷盤也有驚喜，蜆仔很鮮味，加上特製醬汁，令味道更加豐富有層次。蟹柳棉花雞（$28）這棉花雞很香滑，而且很入味。…查看更多