Lockeroom Zoom Football Restaurant (山頂廣場) (已結業)

好友話去山頂逛逛，Lockeroom餐廳設有露台可晚餐兼䏲靚夜景，餐廳掛有球衣、架上有波鞋和大獎杯🏆，連桌上的杯都是足球⚽️形狀、放餐具的架造型都很特別。我們點左台灣鳳梨冰島蝦堡$139，厚厚的蝦肉餅煎得香脆配清甜美味的🍍，包質鬆軟，很好吃😋😋😋。岩鹽烤極黑和牛螺絲粉沙律$148，和牛肉味香濃又腍，肉汁豐富，極美味可口，螺絲粉較硬身，配醬汁、蕃茄仔味道不錯👍👍👍。澳洲南蟹肉龍蝦包$188，薄脆的包夾著啖啖蟹肉、🦞鉗肉、醬汁，配薯條，無得彈。

一直都好想去好耐冇去過既山頂，今日涼涼地又好好天氣，就一早去到中環再轉15號巴士上去，行下睇下野已經夠鐘食晏，我地就去左山頂廣場二樓呢間足球主題餐廳，餐廳環境非常舒適，裝修落足心機，仲有足球擺設俾你打卡。員工仲介紹佢地個outdoor area 可以遠眺香港景色！呢度係用電話scan QR code點菜，非常方便，我地叫左個沙律，雞翼，包同意大利麵。蟹肉芒果木瓜牛油果沙律-淨個睇個獎杯🏆器皿已經好俾心機，佢用左芒果木瓜粒墊底，再鋪上牛油果同蟹肉，蟹肉撈左紫洋蔥粒，面頭係沙律菜，非常清新開胃，好好味！卡邦尼蟹膏溫泉蛋意大利扁麵 - 卡邦尼意大利麵就食得多，今次係加左蟹膏既，creamy得黎多左份鮮味，意大利扁面都做得軟硬適中。澳洲藍蟹肉龍蝦包 - 包夠脆，龍蝦🦞爽甜，再加埋藍蟹肉，成個包海鮮味十足！鹹蛋黃雞中翼（5件）- 香口惹味，食完炸雞翼仲有黑醋沙律菜中和返。