Little Tipsy Restaurant & Bar (已結業)

同老公提前一日慶祝情人節，老公揀左呢間西餐廳，環境浪漫又有情調。地方闊落清靜又坐得舒服！去到邊都要點老公最愛食既雞翼「水牛城雞翼」$78熱騰騰食最好食，雞翼香味撲鼻，我最鐘意加埋辣椒仔一齊食酸酸辣辣好開胃！「菠菜忌廉」$58菠菜夠嫩無渣，條條菠菜都俾忌廉包住，好有口感！「黑松露意粉伴靈芝菇及溫泉蛋」$168意粉軟硬度剛剛好，伴埋個溫泉蛋食令到意粉口感更加嫩滑，靈芝菇更是爽口入味！「西班牙烤雞配烤薯仔」半隻$188烤雞肉質嫩滑香口，雞肉超juicy，配上廚師秘製的醬汁，十分美味

呢間係我極推薦嘅心水飯堂。餐廳位於觀塘APM附近王子大廈，由APM出發步行至王子大廈只需5分鐘，地點非常方便！一個餐唔使$100已包湯、主菜、同埋咖啡或茶！今日推介嘅係大蝦意粉同埋漢堡餐。漢堡餐有薯條，薯條好特別，因為唔係用薯仔煮嘅，係用番薯煮嘅！賣相一流，薯條香脆和甘甜，感覺又唔肥膩，正！另外我試咗個大蝦意粉，d蝦好彈牙，意粉嘅portion唔算太多,但對女士來說都夠飽！值得一提是餐廳店員好親切。

觀塘午市人較多，找了家距離地鐵站較近的西餐廳，環境舒服燈光光猛，不像很多西餐廳出入也摸黑入座。午市餐廳款式較多，飯、意粉、沙律、牛羊雞魚均有選擇，價錢約一百元，包餐湯、餐飽及飲品，可額外加20享用精選甜品。烤羊架配香烤薯仔及時令蔬菜 (7成熟）羊架份量不多但勝在整支肉質肥瘦均稱，入口柔軟，咬下香口肉汁溢出，沒有羊顫味。粒粒烤薯仔口感較爽口，味道油潤帶香。慢煮雞胸配松露白菌醬及薯蓉健身朋友大多喜歡吃雞胸，慢煮雞胸除了補充蛋白質外，還增加口感，使雞胸肉保持水份，嫩口彈牙。香煎海鱸魚配薯蓉及泰國蘆筍鱸魚富豐富蛋白質，魚皮咬下香脆，肉質爽口柔軟，紋理清晰，滲出濃厚魚油香，配上翠嫩蘆筍，女仕們輕盈健康之選。整體來說，食物質素不錯，午市便宜，唯獨份量不算很大，大吃的朋友可能吃不飽。

年初八的觀塘依舊人頭湧湧，午餐時間各餐廳外仍見人龍，今天來到Little tipsy，幸運地在沒有訂座情況下，稍候數分鐘便能入座。餐廳環境舒適寬敞，以灰色及淺粉紅色為主調，配合柔和燈光，簡約舒服。Lunch set 的餐湯是甘筍湯，漂亮的橙色碗內傳來陣陣清香，味道香甜清新，是新鮮甘筍的甜味，十分討好。主菜慢煮肉眼扒配香烤薯仔及田園沙律 $158暫時不能吃生肉，所以麻煩廚房把牛肉煮熟一點。 肉眼扒不算厚身，但仍有肉汁，薯角香脆可口，很快被清碟呢。原本打算再點甜品也吃不下了。最欣賞店員勤快有善的服務，客人的問題會解答得很清楚、有耐性👍🏻👍🏻

今次黎到位於觀塘Little Tipsy Restaurant and Bar ，由Apm 鱷魚恤中心一落電梯轉右行一分鐘左右就到。一坐低，侍應就即刻擺低menu同斟水，環境整潔舒服。今次叫咗個凍海鮮拼盤，安格斯肉眼扒配蕃薯條，仲有份美國牛柳配澳洲龍蝦。海鮮拼盤有海蜆、海蝦、北海道蟹腳、翡翠螺、法國青口、以及龍蝦。整體都十分鮮甜美味，個人最鍾意北海道蟹腳同青口！兩個Main dishes 都好正，肉眼扒同牛柳肉質都不錯。Main dish最特別嘅係個肉眼扒跟炸蕃薯條，而唔係一般嘅薯條。可以問店片拎醬料點。因為單食會有啲啲乾，點埋個醬就好好味！兩個主菜都份量十足，基本上食完已經飽曬，不過都係叫咗個甜品tiramisu。甜品有驚喜，甜度適中唔會膩，醬汁配埋乾莓好啱口味。整體黎講位置就腳，環境又舒服，係觀塘食西餐嘅好選擇。

第二次光顧呢間餐廳啦🥰d野仲係咁好食！侍廳哥仔好nice而且好好記性😂👍🏻前菜叫左🐖24個月巴馬火腿配無花果醬多士，香脆微熱既多士配上甜甜既無花果醬超開胃！巴馬火腿好鹹香🥰食到停唔到口，兩個人份量岩岩好！前菜🇯🇵焗北海道帶子，帶子大大粒，好鮮甜😋主食🦆法式油封鴨腿。鴨腿整到好鹹香，而且一d都唔會油膩，配埋軟滑既薯蓉食，好，正！上次黎食左烤羊扒配中東米，食過番尋味😋所以今次再叫！一樣係皮脆肉嫩！🐑太好食啦😱甜品叫左意大利芝士蛋糕同朱古力心太軟作結🥰唔太識形容，但食得出用既係靚朱古力😂👍🏻完滿了～總括而言，一定會再黎！

今日隻佬話兩個人溫馨一下，收工係官塘等我過黎 !!! 原來係樓上鋪既 CAFE ~~ 店面都幾靚 !! 侍應哥哥帶我地兩個去左張圓形既梳化坐，唔通我隻佬有安排咩驚喜俾我 ?! 哈哈 ~~睇餐牌後都好多野想食 ... 但眼闊肚窄既我 ... 最後梗係俾人 REJECT 左啦 !! 哈哈 ~~ 首先黎左頭盤先：CAESAR SALAD WITH SHRIMP凱撒沙律配海蝦蝦既份量唔少，每人有兩隻，仲要唔細隻 !! 呢個價錢都抵食 ~~ 呢沙律菜好正 !! 但我地諗極都唔明，點解唔碎上 ?! 入面既芝士好香好濃 ~~ 又係大大塊 !! 呢個值得推介 ~~頭盤既仲有：HOKKAIDO SCALLOP GRATIN WITH CRAB MEAT 焗北海道帶子配蟹肉入面隻帶子大粒到呢，煎左大概3成熟，配菠菜同蟹肉，帶子好鮮甜，唔捨得食哂佢，菠菜入面好多蟹肉，蟹肉都好甜 !! 呢個大愛呀 ~~到主菜：SLOW COOKED IBERICO PORK CHOP WITH LEEK AND CREAMY POTATO 慢煮西班牙黑毛豬電配大蒜伴薯蓉 呢個豬好好味呀！入面粉紅色好靚！又入味，應該用左唔少香

農曆新年想搵間餐廳靜靜地同朋友傾下計，朋友中意食西餐，揀左地點方便我同佢既官塘既呢間“工廈”西餐😀呢度樓下大堂裝修好新淨同幾靚，似高級商廈多啲～一入到餐廳覺得成個氣氛環境好舒服，人流唔太多，啲櫈都係好柔和嘅顏色，開放式既bar，好靚好優雅👍個餐牌寫明邊啲係有穀物，邊啲係高蛋白質等等， 啱曬keep fit人士🙊我叫咗香煎鱸魚配泰國露筍，朋友叫咗慢煮肉眼配香烤薯仔😁跟餐有個洋蔥湯同迷你法式包，佢唔似其他西餐有西湯中湯揀，呢個洋蔥湯幾特別，好深色，味道有啲啲似葛菜水😂 無左忌廉湯嗰種濟，餐前飲係唔錯👍個麵包外面硬身裏面軟熟，配牛油同橄欖油同醋幾夾時間岩岩好，飲完湯同食完餐包主食就到😁個魚皮外皮好香脆，平時我唔鍾意食魚皮今次都會食😂 鱸魚肉質滑得黎幾硬身，露荀同四季豆新鮮無渣，薯蓉幾滑幾creamy， 啲車厘茄一啲都唔酸好好食😋 朋友嘅扒叫咗七成熟，佢話好多肉汁，唔韌，啲薯仔焗得好淋，幾香口食物質素高，環境舒適，推薦👏

今日同友人去開觀塘apm所以就起附近覓食 經友人介紹之下初嘗呢間位於apm附近既工廈餐廳🍽焗北海道帶子配蟹肉賣相好精美 保留左原有既帶子殼再放上原粒北海道帶子 帶子非常厚身 即使經過烤焗但帶子身仍保持嫩滑 帶子外層包住菠菜蟹肉忌廉醬汁 入口食到一絲絲既蟹肉絲 好惹味而且口感好豐富！海膽意大利飯配忌廉芝士意大利飯面有半板海膽好驚喜！加埋濃郁海膽醬汁既意大利飯 可以更加提升成個飯既味道 海膽甘香鮮甜入口即溶 而且令成個飯係真正食到海鮮既鮮甜味道 意大利飯做法正宗飯粒有咬口 煮得岩岩好😍美國牛柳配澳洲龍蝦牛柳用上咗慢煮嘅方法 所以令牛肉肉質好鮮嫩 只需輕輕一切已經可以切開 牛味香濃 經過香煎後散發左好重既牛香味 開邊龍蝦只需簡單用黑椒同埋鹽調味已經帶出到鮮味 肉質都超級爽口彈牙

媽子教落凡事唔好靜係睇表面，正所謂金玉其外敗絮其中，外表平凡可以好有內涵。睇男人如是，睇餐廳亦如是。呢間坐落於王子工廠大廈嘅餐廳表面上係一間工廠，實質係一間浪漫嘅西餐廳。你睇燈光幾咁和諧幾咁有情調，最啱同心儀嘅男士例如灣子啊紳士啊咁喺度撐枱腳啦。呢度最好嘅地方就係可以book位，晨早book定位就唔使同其他人爭食晏啦，可以他他條條咁享受一頓午餐。鮮茄大蝦意粉大蝦用上泰國虎蝦，已經幫你去埋殼，啖啖肉又唔洗整污糟對纖纖玉手，最啱係我哋呢啲既高貴有獨立嘅OL，方便我哋食用唔使人哋剝蝦。我最喜歡嘅事佢用左西班牙番茄乾嗰種酸酸地嘅味道位令到人嘅食慾大增。西冷牛扒呢度嘅牛扒質素唔錯西冷有跟但可接受冇鬆肉粉嘅味到原汁原味，同埋少少黑椒汁非常惹味令人食到停唔到口。

—聽朋友講餐廳環境唔錯同坐得舒服可以傾計敍舊炸椰菜花火腿薯仔條($88)幾特別嘅前菜 薯仔條外脆內軟烤安格斯肉眼扒配蕃薯條及田園沙律($268)就算係七成熟 肉質依然優質呢排真係幾鍾意食甜甜嘅蕃薯條香煎法國海鱸魚配茴香伴藏紅花醬($188)魚皮香脆 魚肉都嫩滑藏紅花醬汁 有幫手提升魚嘅鮮味———————————————————Little Tipsy Restaurant & Bar觀塘開源道71號王子大廈9樓A舖

啱啱出咗糧 打算同朋友食餐好既朋友揀咗呢一間 呢間嚟觀塘地鐵站好近 大約3分鐘路程 非常方便一入到去 門口已經好靚 令人心情大好Menu主要有兩頁 一頁飲品 一頁主菜侍應推介我哋試龍王(Dragon King , $68) 係本地手工啤酒 啤酒好快到~ 個杯好有特色 好靚 飲落去係甜甜地帶一啲柚子味 係一杯好易入口嘅飲品 女仔如我都覺得好好飲至於主菜 我哋揀咗海膽意大利飯伴忌廉芝士 ($208) 同埋安格斯肉眼扒拌蕃薯條及田園沙律($268)海膽意大利飯非常好食 係好creamy 好多芝士，食得出好新鮮 加埋有紫菜襯底 撈埋佢每一啖都食到海膽嘅精華真係好想食多碟另一個主菜 安格斯肉眼扒拌蕃薯條及田園沙律 $268, 我哋牛肉叫咗七成 食落去係好juicy 冇根 好易切 牛肉味係好濃番薯條食得出好足料 淡淡都係番薯味 亦都炸得好脆 最啱鍾意食番薯嘅我田園沙律有火箭菜 再加小小酸酸地嘅沙律醬 食完牛肉再食返沙律有返啲清新嘅感覺最後雖然已經好飽 但係都想試吓個甜品叫咗心太軟伴雪糕 （$68） 雪糕係薄荷雪糕 心太軟就啱啱好 一熱一凍 喺個嘴裏面超級滿足最後埋單$670, 係一個好舒服嘅環境

收左工之後諗住同媽媽起觀塘食餐好既，於是見到呢間little tipsy咁多like就一於試試佢🤤果然好好食前菜點左海鮮拼盤🦞🦐🦀樣樣食材都好新鮮！青口同蜆好鮮甜爽口；北海道長腳蟹腳啖啖肉🥰；龍蝦隻蟹鉗肉仲有海水味！超級鮮甜！海蝦好細心咁剪哂d腳主食叫左香煎羊架配中東米🐏應該係我食過最好食既羊架🤤外面煎到好脆，而入面肉好嫩，食得出食材好之餘廚師仲好有心機！最後甜品叫左心太軟配薄荷雪糕👍🏻👍🏻冰火交融既感覺實在太正🤤🤤心太軟一篤d朱古力流哂出黎🥰🥰完美

今日同媽咪去咗觀塘食飯，上網搵到哩間喺工業區嘅隱世西餐😳😳餐廳設計好優雅，用咗灰色同粉紅色😍播住柔和嘅音樂，成個感覺好舒服 💓💓我哋嗌咗個二個小食，兩個main course🍛🍝凱撒沙律配海蝦 蝦有四隻海蝦大大隻，啲肉好紮實🦐🦐清清地唔會太鹹， 配埋生菜，芝士，同埋脆脆麵包片好開胃😋美國牛柳拼澳洲龍蝦龍蝦超巨型😍😍😍!!!!牛柳勁厚五成熟切開超多肉汁，口感鮮嫩，煮得啱啱好 🖒🖒🖒香煎法國海鱸魚配茴香伴藏紅花醬🐟🐟🐟藏紅花味甘好獨特， 屬於貴價食材💰💰💰鱸魚肉質鮮嫩好滑溜，煮得好啱火喉🔥🔥🔥焗北海道帶子配蟹肉🦀🦀巨型帶子上面放左菠菜同蟹肉，食落好creamy好好食。平時啲帶子一粒啪落口但呢隻要切㗎😆😆😆成件事好premium呀😍😍😍帶子嘅鮮味又唔會被蓋住超級夾 💗💗💗仲要讚一讚員工服務態度一流，一個人睇全場但佢超級快手同埋勁有禮貌 !!! 非常愉快嘅一餐😊😊😊

今日約左位好耐無見既朋友，所以都想簡間靜靜地既餐廳，慢慢傾下計，所以就決定簡呢間樓上餐廳啦。一入到去已經覺得間餐廳幾靚，而且燈光都幾舒服☺️☺️而我地都叫左3樣野食share🥰🥰焗北海道帶子配蟹肉 $108呢一個頭盤係有兩粒大大既帶子，而帶子上面鋪有芝士、菠菜、蟹肉，芝士汁雖然配上蟹肉，但都仲好creamy,配上帶子好夾好鮮甜，好食到覺得一人一粒真係有啲唔夠喉😭😭。香煎法國海鱸魚茴香伴藏紅花醬$188呢份鱸魚香煎完係放喺啲類似洋蔥薯仔湯嘅上面，所以呢款菜其實可以當多一個湯飲。而塊魚係煎到好香，而且都無咩魚腥味，最好既係佢無骨，岩曬啲怕魚有骨既朋友仔👍🏻👍🏻。美國牛柳配澳洲龍蝦🦞 $298呢碟菜一上枱已經覺得好正幾高級咁，牛叫左7成熟，但依然都好軟淋，咬幾下就呑得，牛肉味都幾濃，而龍蝦真係做到好鮮甜，蝦肉都好爽口，食得出好新鮮🥰🥰如果龍蝦既份量再多啲就好🤤🤤又係食到唔夠喉😭😭